Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

BRITANI – BE-ja dhe SHBA-ja kërcënojnë Rusinë me sanksione të reja

by

Amerikanët dhe Evropianët kërcënuan sot se do të ndërmarrin sanksione të reja kundër Rusisë nëse ajo do të përpiqet të pengojë mbajtjen e zgjedhjeve presidenciale në Ukrainë më 25 maj, që janë kryesore për të ardhmen e vendit.
“Nëse Rusia ose ata që veprojnë në llogari të saj do të turbullojnë zgjedhjet, SHBA-ja dhe BE-ja do të vendosin sanksione ekonomike që do të prekin disa sektorë”, deklaroi sekretari amerikan i Shtetit, John Kerry, pas një takimi me homologët e tij francezë, gjermanë, britanikë dhe italianë.
“Mesazhi ynë është shumë i thjeshtë: Lejoni Ukrainën të votojë. Lejoni popullin ukrainas të zgjedhë të ardhmen”, tha Kerry.
Kërcënimi me sanksione të reja vjen atëherë kur në lindje të Ukrainës, përleshjet mes ushtrisë ukrainase dhe separatistëve të armatosur po shtohen një muaj para fillimit të një operacioni antiterrorist që synonte të vendoste kontrollin e Kievit në rajonet separatiste.

USAID do të vazhdojë mbështetjen e projekteve zhvillimore në Kosovë

by

Nga Behlul Jashari/Drejtori i Zyrës për Rritje Ekonomike në Byronë e USAID-it, për Evropë dhe Euroazi, Thomas Rhodes, deklaroi sot gjatë një takimi me ministrin e Zhvillimit Ekonomik në qeverinë e Kosovës, Fadil Ismajli, se “USAID do të vazhdojë mbështetjen e projekteve zhvillimore në Kosovë”. Sipas zyrës së shtypit të ministrisë së Zhvillimit Ekonomik, në takim u vlerësua bashkëpunimi që kjo ministri ka me USAID-in, respektivisht në fushën e zhvillimit ekonomik siç janë projektet e efiçiencës së energjisë dhe termocentraleve. Ministri Ismajli prezantoi arritjet e deritanishme të MZHE-së dhe masat që janë ndërmarrë, që të ecet përpara me projektet energjetike si parakusht për zhvillim të qëndrueshëm, ndërsa falënderoi USAID-in për mbështetjen që ka ofruar. Në takim u diskutua vazhdimi i bashkëpunimit mes MZHE –së dhe USAID-it duke financuar kështu projekte, të cilat ndikojnë në ekonominë e vendit, përmirësimin e shërbimeve dhe mirëqenien e qytetarëve.

Lideri i “ Demokratëve suedez” pengohet të mbaj tubime

by

Nga XHAVIT ÇITAKU/
Geteborg, 14 maj- Mediat suedeze bëjnë me dije se grupi i “ Demokratëve suedez” që kishin ardhur në sheshin e qytetit të Karlstadit për të mbajtur një takim në kuadër të zgjedhjeve parlamentare evropiane është penguar ta bëj një gjë të tillë nga kundërdemonstruesit dhe kësisoj lideri i saj Jimmie Okesson kishte mundur të flasë vetëm herë pas here. Ishte një çrregullim i ndjeshëm në sheshin e këtij qyteti dhe shi për këtë janë arrestuar 15 persona, njofton policia.
Ishte planifikuar që lideri i kësaj partie të flasë deri kah ora 22, mirëpo protestues të shumtë që kishin dalë në sheshin e këtij qyteti e kishin ndërpre me fishkëllima e britma të zëshme dhe ishte e pamundur që ai të vazhdoi fjalimin e tij.
“ Deri në ora 22 kishim leje që të vazhdojmë aktivitetin tonë, mirëpo ne u dashtë ta braktisim Karlstadin pa pasur sukses të përfundojmë tubimin e planifikuar. Këtë e bëmë pa dëshirën ton” ,tha lideri Jimmie Okesson. Sipas policisë në këtë shesh kishin dalë 300- 400 protestues qëllimi i të cilëve ishte që ta shqetësojnë liderin e “ Demokratëve suedez” për të mos mbajt takim në Karlstad.
Kjo është dita e dytë radhazi që Jimmie Okesson pengohet të mbaj takim me anëtarët dhe simpatizuesit e partisë së tij. Pardje ai u pengua të mbaj takim në qytetin e Geteborgut. Partia e “ Demokratëve suedez” iu përket krahut të partive ekstremiste, ndaj sa herë që ajo tenton të mbaj tubime has në pengesa të tilla. Nganjëherë ndodh që të këtë edhe konfrontime mes dy grupeve kundërshtare, ku përdorën gurë e gjëra të tjera të forta, por edhe mjete të tjera që shkaktojnë plagosje serioze.

Kosova vendos marrëdhënie diplomatike me Libinë

by

Nga Behlul Jashari/Konsulli i Përgjithshëm i Republikës së Kosovës në Nju Jork, ambasadori Bekim Sejdiu dhe përfaqësuesi i përhershëm i Libisë në Kombet e Bashkuara, ambasadori Ibrahim Debbashi, kanë nënshkruar marrëveshjen për vendosjen e marrëdhënieve diplomatike ndërmjet dy vendeve.
Ceremonia e vendosjes së marrëdhënieve diplomatike u zhvillua në Misionin e Përhershëm të Libisë në Kombet e Bashkuara, bën të ditur sot MPJ e Kosovës, në njoftimin dërguar nga Nju Jorku.
Konsulli i Përgjithshëm i Kosovës në Nju Jork, ambasadori Bekim Sejdiu dhe përfaqësuesi i përhershëm i Libisë në Kombet e Bashkuara ambasadori Ibrahim Debbashi, kanë nënshkruar marrëveshjen për vendosjen e marrëdhënieve
Komunikata e Përbashkët për nënshkrimin e marrëdhënieve diplomatike, e nënshkruar ndërmjet dy ambasadorëve, thekson vullnetin e Qeverisë së Republikës së Kosovës dhe Qeverisë së Libisë për të promovuar miqësinë dhe bashkëpunimin ndërmjet dy vendeve, në frymën e parimeve të OKB-së dhe të drejtës ndërkombëtare.
Libia e ka njohur Kosovën, shtet sovran dhe të pavarur në 25 shtator 2013.(Sipas ATSH)

“Shtegëtarët e Lirë “ drejt Brukselit

by

Katër Anëtarët e grupit që rrugëtojn Gjilan – Bruksel, arrijnë në orërt e mbrëmjes në Tivat kurse kryeshtegtari Ekrem Avdija ndalon në Podgoricë për shkaqe shëndetësore (Kardiovaskulare) detyrohet të ndërpresë rrugëtimin dhe për tu kthyer në Kosovë.
Nazim Ajdini, Jahi Mustafa, Xhevdet Shabani dhe Liridon Basha vazhdojnë misionin dhe po bëjnë të pamundurën për të arritur në Bruksel duke kaluar edhe mbi 50 km në ditë edhe pse të lodhur po ia dalim.
“Jemi shumë të fort si moralisht ashtu edhe fizikishtë. Pas kthimit të Ekrem Avdijës tani Grupi ka vendosur që Grupin ta udhëheq Nazim Ajdini, kurse për informata rreth mediave caktohet Jahi Mustafa ku do të informojë për cdo pike arritje dhe rrethë Grupit. Grupi është në gjendje të mire psiko-fizike ku jemi zotuar që do arrijmë në selin e BE-së me ndihmën e Zoti, dhe falendojmë gjithë popullin shqiptar që na dalin në mbështetëje dhe na japin më shumë kurajo për kauzën tonë”, kanë shkruar në një kumunikat për media grupi i “Shtegëtarëve të Lirië”.(Kortezi Zeri)