Kosova në Lojërt Olimpike Dimërore, Edhe Thaci ne hapje

February 9, 2018 by dgreca

1 Kosova Olimpiade

-Në Lojërt Olimpike Dimërore në Pyeongchang, në hapjen edhe Presidenti i Republikës së Kosovës, Hashim Thaçi/

1 Thaci Olimpiade

-Pas pjesëmarrjes në Lutjet e Mëngjesit në Uashington, presidenti kosovar ka udhëtuar për në Pyeongchang të Koresë së Jugut/

1 ok Kosova-Olimpiade-1

PRISHTINË, 9 Shkurt 2018-Gazeta DIELLI-B.Jashari/

Presidenti i Republikës së Kosovës, Hashim Thaçi, mori pjesë në hapjen e Lojërave Olimpike Dimërore në Pyeongchang.“Parakalim madhështor i ekipit olimpik me Flamurin e Kosovës në Pyeongchang të Koresë së Jugut, para miliona teleshikuesve nga mbarë bota. Kjo është hera e parë në historinë e shtetit tonë, që përfaqësohemi në Lojërat Olimpike Dimërore. Është dhurata më e mirë për dhjetëvjetorin e pavarësisë së Kosovës, bashkë me medaljen e artë të Majlinda Kelmendit, dy vjet më parë në Olimpiadën e Rios”, shprehet presidenti Thaçi nga Pyeongchang.Pas pjesëmarrjes në Lutjet e Mëngjesit në Uashington, presidenti kosovar ka udhëtuar për në Pyeongchang të Koresë së Jugut.Me ftesë të Presidentit të Komitetit Olimpik Ndërkombëtar, Thomas Bach, presidenti Thaçi do të marrë pjesë në hapjen zyrtare të Lojërave Olimpike Dimërore në Kore të Jugut”, theksonte njoftimi dërguar sot nga Presidenca.

Bëhet e ditur se, gjatë pjesëmarrjes në Lojërat Olimpike, presidenti Thaçi do të vizitojë fshatin olimpik, ku është i vendosur ekipi olimpik i Kosovës, duke i dhënë mbështetje Albin Tahirit, i cili përfaqëson shtetin e Kosovës në këtë olimpiadë.“Pjesëmarrja e Albin Tahirit në Lojërat Olimpike Dimërore në Pyeongchang 2018 të Koresë së Jugut është një tjetër fitore për Kosovën në dhjetëvjetorin e pavarësisë”, është shprehur presidenti Thaçi, duke ia dorëzuar solemnisht flamurin e Kosovës, të cilin do e përfaqësojë në mesin e shumë shteteve.“Pjesëmarrja e Kosovës në Pyeongchang 2018 është një jetësim i ëndrrës së shumë gjeneratave të sportistëve tanë”, është shprehur presidenti Kosovar.Presidenti Thaçi do të zhvillojë takime edhe me përfaqësues të lartë të shteteve pjesëmarrëse në këtë olimpiadë.Në Lojërat Olimpike në Pyeongchang të Koresë së Jugut janë duke marrë pjesë mbi 20 burrështetas, si dhe shumë liderë dhe përfaqësues shtetërorë nga mbarë bota.

Flamuri i Kosoves ne lojrat Olimpike

February 8, 2018 by dgreca

Flamuri i Kosovës ngrihet për Lojërat Olimpike Dimërore/

1 Lojrat Olimpike

Flamuri i Kosovës për herë të parë në histori të saj të Lojërave Olimpike Dimërore është ngritur në PyeongChang të Koresë Jugore.

Kosova për herë të parë do të paraqitet në këto lojëra që startojnë më 9 shkurt, kurse Albin Tahiri do të jetë sportisti i vetëm kosovar, i cili njëherësh edhe do të bartë flamurin në ceremoninë hapëse.

Gjatë ceremonisë së ngritjes së flamurit është intonuar edhe himni i Kosovës.

MELBOURNE ME ROGER FEDERER…

January 29, 2018 by dgreca

….MA I BUKUR SE KURR !
MELBOURNE JANAR 2018/

Nga Fritz RADOVANI/

28 JANAR 2018: Edhe pse temperatura në qytetin Melbourne ishte mbi 38 gradë celcius, rrugët e bukura ishin të mbushuna me tifozat e tenisit…Zhvillohej një finale e pritshme, per të cilen Australia asht e njohun.

Ajo si gjithnjë hapë Kampionatin Botnor të Çmimit të Madh të Tenisit. Nuk mungojnë tenistët e vjeter dhe të njohun nder fushat botnore, po edhe të rinjtë konkurrent lane mbresat e veta me talentin e pergatitjen.

Kampionati i tenisit në Melbourne i jep qytetit pamje festive. Askush nuk pyet se sa kushton bileta, po “a ka bileta per ndeshjet e randsishme ?”

Nga pamja e mbrendshme unë nuk dij me kuptue se asht dita e parë, a po finalja e kampionatit… Gjithshka në vendin e vet e vendosun me kujdes.

Loja e tenisit asht shumë e perafert me lojen e shahut! Një gabim shpesh e percakton fitoren e lojtarit kundershtar.

Kujtoj pak vite perpara një lojtar të moshuem spanjol, i cili kur perfundoi ndeshja e Federer me një lojtar shumë të njohun Gjokoviq, në favor të Federer, Ai tha: “Ka shumë vite që ndjeku me kujdes lojen e Federer, po ende nuk kam pa një tjeter tenist që perdorë raketen e tenisit si Federer!” E Ai ishte vetë një mjeshter i perdorimit raketës.

Federer në Australi asht lojtari ma i njohun jo vetem per qendrimin e Tij qytetar, por edhe si talent i papersëritshem në lojen e dashtun të tenisit.

Ardhja e Tij asht e pritshme dhe e dishrueshme per Australianët.

Switzerland's Roger Federer kisses the winner's trophy after beating Croatia's Marin Cilic in their men's singles final match on day 14 of the Australian Open tennis tournament in Melbourne on January 28, 2018. / AFP PHOTO / SAEED KHAN / -- IMAGE RESTRICTED TO EDITORIAL USE - STRICTLY NO COMMERCIAL USE -- (Photo credit should read SAEED KHAN/AFP/Getty Images) — Switzerland’s Roger Federer kisses the winner’s trophy after beating Croatia’s Marin Cilic in their men’s singles final match on day 14 of the Australian Open tennis tournament in Melbourne on January 28, 2018. / AFP PHOTO

Roger Federer sivjet mori Kupen e XX të Çmimit të Madh të Tenisit Botnor! Askush nuk mund të percaktojnë perpara fitoren e Kupës, kur dihet se në Melbourne vijnë tenistët ma të mirë nga gjithë Bota!

Jo ma larg se mbramë kur perfundoi seti i pestë me fitoren e zvicerrianit të Madh Roger Federer kunder lojtarit kroat Marin Ciliq, edhe qyteti i madh i Melbourne mori pamje festive dhe dukej se edhe temperatura ra..

Një fllad fresku filloi me frye! Nga 38 gradë temperatura zbriti në 36 gadë.

Fëtyrat e qeshuna plot gzim per fitoren e Federer i dhane një pamje tjeter stadiumit, tue kthye mbarë qytetin në Festë… Falemnderës Federer!

Flamujt Australian, Zvicerrian dhe Kroat valviteshin vllaznisht!

Edhe Melbourne me fitoren e tenistit botnor Roger Federer, nder orët e vona të mesnatës dukej ma i bukur se kurr!

Zoti premtoftë me trashigue talentin e vet Federer tek trashigimtarët!

Melbourne 29 Janar 2018.

Shqipëria rezistoi vetëm 16 minuta përballë Spanjës

October 6, 2017 by dgreca

Shqipëria rezistoi vetëm 16 minuta në Alicante të Spanjës, kur vendasit kanë shënuar golin e parë nga Rodrigo, pas një kthese të bukur në zonë. Në fakt, në minutat e para kuqezinjtë tanë po luanin më mirë, madje me iniciativë për të shënuar. Me kalimin e minutave spanjollët dalin në lojën e vet dhe, pasi shënojnë të parin, Isco shënon golin e dytë në 24’ me një aksion perfekt.

Kuqezinjtë bëhen nervozë në fushë dhe ndëshkohen shumë shpejt me tre kartonë të verdhë, Kaçe dhe Llullaku për goditje më bërryl, ndërsa Xhaka faull me qëllim. Ishin minuta ku Spanja mbyll totalisht ekipin shqiptar dhe për pasojë vjen edhe goli i tretë. Thiago Alcantara kërcen fuqishëm në zonë dhe shënon në 27’. Shqipëria pati një rast të mirë me Llullakun, por topi i goditur prej tij u ndal nga traversa.

Minutat e para të fraksionin të dytë janë të qetë, por më pas formacioni iberik nis sërish sulmet dhe kishte të paktën 2 raste të pastra për të shënuar golin e katërt. Edhe Grezda ndëshkohet me karton të verdhë, ndërsa pak minuta më pas edhe Pique, që nga vërshëllimat, merr duartrokitjet në momentin që zëvendësohet. Menjëherë pas daljes së Pique, Ajeti mund të kishte shënuar me kokë.Në lojë për tanët hyn Latifi në vend të Grezdës. Një minutë më pas, Sadiku gjuan me kokë, por vetëm shtylla e ndal. Liridon Latifi krijon një tjetër rast të mirë, pret portieri, më pas gjuan edhe Sadiku, por topi përfundon për pak jashtë. Ishin minuta të mira për tanët, ndërsa menjëherë më pas Spanja humbet një rast për golin e katërt. Mbyllet 3-0 dhe Spanja kualifikohet në Botëror.

Trajneri i kombëtares shqiptare, Kristian Panuçi, ka folur pas humbjes së ndeshjes me Spanjën, me rezultatin e thellë 3-0.Panuçi në një intervistë për TVSH-në, tha se jo të gjitha skuadrat mund të krijojnë kaq shumë përballë një ekipi si Spanja.“Morëm golin e parë, një supergol dhe golat e tjerë ia dhuruam ne. Nuk kishte të bënte kjo me sistemin e lojës. Në pjesën e dytë patëm pesë raste për të shënuar.Ndryshova sistemin e 4-3-3 për t’i dhënë më shumë shtysë skuadrës. Doja të bëja një ndryshim më shumë.Jemi jashtë Botërorit dhe është e drejtë për t’i dhënë shansin lojtarëve të tillë. I dhashë mundësinë një lojtari të ri. Nuk u ndodh të gjithëve të krijojnë pesë raste përballë Spanjës.”, – tha Panuҫi.I çuditshem ka ene veprimi i trainer qe la ne stol 45 minutat e para Sadikun.

Lojtari i kombëtares shqiptare të Futbollit Armando Sadiku ka komentuar humbjen në Spanjë dhe vendimin e Panҫit që ai ta niste ndeshjen nga stoli.“Kjo është zgjedhja e trajnerit, unë isha i gatshëm dhe në 100%, por trajneri vendosi ta nisja nga stoli. Unë jam profesionist dhe i pranoj vendimet. Kisha dëshirë të luaja. Mu dha mundësia në pjesën e dytë por kisha pak se çfarë të bëja.”,-ka thënë ai.

Kapiten Lorik Cana ceremoni lamtumire më 9 tetor

September 22, 2017 by dgreca

Nga Shefqet Kërcelli/Kapiteni i lavdishëm i kombëtares sonë do të nderohet nga Federata Shqiptare e Futbollit me një ceremoni zyrtare lamtumire, përpara ndeshjes Shqipëri-Itali, më 9 tetor.

Ka kaluar më shumë se një vit që nga momenti kur Lorik Cana i dha lamtumirën Kombëtares shqiptare të futbollit dhe më në fund, ish-kapiteni i përfaqësueses shqiptare do të nderohet me ceremoninë që meriton para tifozëve.
Ndonëse ish-mbrojtësi i kombëtares ka qenë i pranishëm në stadium thuajse në çdo ndeshje që ka luajtur ekipi ynë kombëtar gjatë këtyre eliminatoreve, ai dhe FSHF nuk kishin arritur që të organizonin ceremoninë e lamtumirës, kështu që kjo ceremoni do zhvillohet në stadiumin “Loro Borici”, Shkodër më 9 tetor 2017.

Ndërkohë në një prononcim për Radio Romën këto ditë, Lorik Cana refuzoi ofertën e Lazios, duke shprehur ambicjen dhe dëshirën e tij për të drejtuar kombëtaren. Lazio është në një situatë emergjente në repartin e mbrojtjes, pas dëmtimit të disa futbollistëve dhe drejtuesit po mendojnë të ndërhyjnë sa më shpejt për t’i lehtësuar punën trajnerit Inzaghi.
Futbollistët pa kontratë janë mundësia e vetme, me të cilët mund të nënshkruash menjëherë, pa pritur janarin dhe emri i Lorik Canës filloi të qarkullojë gjatë ditës. Mediat italiane e paraqitën si një mundësi reale, rikthimin e ish kapitenit të kombëtares shqiptare, tek Lazio, ekip ku luajti për katër sezone, në vitet 2011-2015. Por vetë Cana, duke folur për Radio Romën, mohoi çdo mundësi të rikthimit në futbollin e luajtur dhe tregoi planet e tij për të ardhmen.
“Nuk rikthehem të luaj më. E kam lënë futbollin që pas përfundimit të europianit dhe tani kam projekte të tjera. Aktualisht po drejtoj një organizatë për promovimin e sportit në Shqipëri dhe njëkohësisht po ndjek kualifikimet për trajner. Do të më pëlqente të drejtoja kombëtaren, por nuk është në planet e mia afatshkurtra”, u shpreh legjenda e kombëtares kuqezi.

Theksojmë se Lorik Cana mbetet jo vetëm një legjendë e kombëtares sonë si futbollist profesionist, por ai është dhe një njeri, familjar e qytetar i devotshëm, studjues i historisë së popullit shqiptar dhe dashamirës i detit. Madje, Ai ka disa vite që ka në pronësi një skaf të vetin me të cilin viziton portet dhe bregdetin shqiptar, duke provuar se është jo vetëm një kapiten i mirë në fushën e blertë por dhe kapiten në det.