Hamdi Salihi rikthehet ne shtepi!

January 30, 2015 by Administrator

Nga Albano Kolonjari

Hamdi Salihi do te rikthehet ne Shqiperi. Klubi i tij Hapoel Akre ne Izrael eshte ne borxhe dhe ka vendosur te largoje sulmuesin e Kombetares Shqiptare. Eshte klubi i Flamurtarit te cilet kane derguar oferten te paret ne drejtim te klubit Hapoel. Shuma e ofruar eshte rreth 100 mije euro, por kjo nuk eshte e konfirmuar. Sipas gazetareve te gazetes Sport Ekspres, detajet te reja rreth ketij te transferimi te mundshem do te mesohen kete fundjave. Vete Salihi u shpreh pek dite me pare se:”Kam folur me trajnerin e skuadrës dhe kemi rënë dakord parimisht se në rast se në klub do të vijë një ofertë në drejtimin tim, atëherë do të më lënë të largohem. Kështu, klubi do mund të përfitojë financiarisht nga shitja e kartonit tim dhe do jem një peshë më pak në aspektin e pagesës së rrogave”.Salihi ka luajtur edhe me pare ne Super Ligen Shqiptare ne Vllaznine dhe Tiranen. Kjo eshte hera e pare qe Salihi do te veshe bluzen e Flamurtarit. Zgjidhja e tij per te luajtur me Flamurtarin ka suprizuar jo pak fansat e Vllaznise dhe sidomos at ate Tiranes qe luftojne per titullin kampion. Një afrim i Salihit te kuqezinjtë që drejtohen nga trajneri Italian Ramela do të shtonte radhët e futbollistëve në ofensivë, duke marrë parasysh se në skuadër janë aktualisht Buval, Abilaliaj, Shehaj dhe Gelashvili.

Merkato Dimerore:”Kuqezinjte nderrojne shtepi”! Memushaj tek Empoli, Abrashi tek Weder Breme.

January 8, 2015 by Administrator

Janar suprizash. Pas transferimit te sulmuesit Bekim Balaj tek klubi kroat Rijeka dhe mbrojtesit Andi Lila tek Parma ne Itali, merkato dimerore ka perfshire edhe dy futbolliste te tjere kuqezinj. Behet fjale per mesfushorin Amir Abrashi, dhe fantazistim Ledion Memushaj. Revista me e madhe sportive Gjermane Kicker, konfirmon lajmin se klubi i njohur gjerman Veder Breme eshte shume prane firmosjes me mesfushorin Amir Abrashi qe aktualisht luan ne kampionatin zvicerian me Grasshopper-Club. Sipas revistes gjermane tek Veder Breme, Abrashi do te zevendesoje Zlatko Junuzovic. Mesohet se Abrashi ka edhe gjashte muaj kontrate me Grasshopper. Ende nuk dihet nese transferimi do te behet keto dite apo ne merkaton e veres me parametra zero. Nderkohe mesfushori Ledion Memushaj eshte prane kalimit tek klubi i Empolit. Mesfushori kuqezi qe aktualisht luan ne Seria B, me Pescaren, eshte ne fokusin e Empolit, ku luan edhe mbrojtesi kuqezi Elseid Hysaj. Kartoni i fantazistit shqiptar eshte ne pronesi te Lecce, qe nga ana e saj e ka huazuar tek Pescara. Loja ne rritje dhe paraqitja e tij shume e mire ne ndeshjet nderkombetare perballe Frances dhe Italise, kane bere qe vemendja ndaj tij te jete me e madhe. Memushaj ka qene pjese e Chievos ne Seria A, por lojtari kuqezi nuk gjeti hapsira aktivizimi. Do te ishte tekniku aktual ii Kombetares Shqiptare De Biasi, qe I dha Memushajt shume besim me Kombetaren e Shqiperise, dhe nga ana tjeter Memushaj e ka justifikuar kete besim.

24 skuadra shqiptare zhvilluan Turneun e Futbollit të Vogël në Nju Xhersi

December 29, 2014 by dgreca

Futbollistët e Plav Gucisë së Nju Xhersit, fituan Kupën e Turneut të 6-të të Futbollit të Vogël – 2014 “Albanian Soccer Tournement” në vend të dytë Unitated Albania
Nga Beqir SINA – Nju Xhersi/
WAYNE NEW JERSEY : Kampionati shqiptar i Mini-Futbollit – në zonën e Tri-Shtetshit, për të gjashtin vit me rradhë, u zhvillua përsëri në ditën e pushimit të Krishtlindjeve – të ejten më 25 dhjetor 2014 – në fushat sportive të kompleksit “Turf City”, në Nju Xhersi
Turneu i Futbollit të Vogël – i cili luhet në salla të mbyllyra mes ekipeve vetëm shqiptare të komunitetit tonë, për Tri-Shtetshin, ka nisur me një ceremoni të thjeshtë dhe të bukur, ku nuk munguan dhe simbolet tona kombëtare –
Ky turne futbolli, mbahet nën kujdesin e mikëpritësit të saj : Fondi i Përbashkët Shqiptar i Patersonit dhe Klubi Futbollistik Vllaznimi nga Struga në Amerikë.
Skuadrat e 24 ekipeve të komunitetit shqiptar, nga zona e Tri-Shteshit luajtën për 10 orë të ndara në 6 grupe, të cilat përfaqësonin vendlindjen e tyre – pra vendorigjinën e këtyre futbollistëve, prej nga Shqipëria, Kosova, Mali i Zi, Maqedonia -Çamëria dhe Lugina e Preshevës, duke nxjerr në pah edhe skuadrën më të mirë të turneut, golashënuesin dhe lojtarin më të mirë, madje edhe trajnerin më të mirë.
Turneu – është përshëndetur ngrohtësisht nga sportdashësit e shumtë shqiptarë, të cilët ndoqën me vëmendje këtë veprimtari, e cila është ngjarjam më e mëdhe sportive e vitit në komunitetin shqiptar.
Udhëheqësit e këtij turneu, pra stafi organizator : Pajazit Mena- kryetar ,Ajri Hoxha,Edip Ramadani,Kalosh Sela Izmir Alla, janë të mendimit se të tilla aktivitete po i shërbejnë më shumë zhvillimit të jetës sportive të komuniteti shqiptar, dhe si gjithmon ky turne do të mbetet mjaft i rëndësishme për vet jetën komunitare.
Mirëpo, për tu përshëndetur realizmin e këtij turneu – janë edhe ata që e kan mbështetur – çdo vit turneun – me ekipet e tyre pjesëmarrëse, të cilat mundësojn përzgjedhjen dhe organizimin e ndeshjeve si dhe dhe autoritetet e kompleksit sportiv “Turf City” – të cilat, vënë në dispozicion mjediset e tyre dhe fushat e futbollit për mbarvajtjen e kampionatit.
Në këtë turne, kësaj rradhe për tu veçuar janë dy futbollist nga skuadra e Mariborit në Slloveni – skuadër kjo që luan edhe në Kupën e Kampioneve të Europës, si edhe katër ish – futbollist të Klubit të Futbollit të Prishtinës – “Prishtina FC”.
Tuneu i Futbollit të Vogël – simbas kalendarit, u zhvillua i ndarë në katër grupe me nga gjashtë skuadra, secila, të cilat luajtën nga 15 minuta në mes tyre në të njëjtin kompleks sportiv – në dy fusha futbolli, përkatësisht në fushën A- dhe fusha B –
Turneu – u çel me intonimin e hymneve kombëtare të – të dy vendeve Shteteve të Bashkuara të Amerikës dhe Shqipërisë.
Kurse, duke e hapur zyrtarshit kampionatin e 6të të Mini-Futbollit, nën/kryetari i Fonditit të Përbashkët Shqiptar të Patersonit, zoti Nebi Kaba, u ka uruar të gjitha skuadrave pjesmarrëse suksesë dhe një “Fair Play” si u shpreh ai. “Në emër të Fondit të Përbashkët Shqiptar të Patersonit, tha zëvendes kryetari i saj zoti Kaba, më lejoni t’ju faleminderojë të gjithë ju ekipeve për pjesmarjjen tuaj dhe të u dëshirojë suksesë se cilit prej ekipeve në këtë turnir kaq të bukur që mbahet për të gjashtin vit me rradhë”.
Më pasë nisën takimet në grupe: ku 24 skuadra të ndara në 4 grupe me nga gjashtë skuadra secila luajtën në mes tyre me sistem eleminimi me nga 15 minuta për çdo ndeshje. Në grupe u zhvillaun gjithësejt 36 ndeshje. Ndërsa 4 takime u zhvilluan në Gjysmë-finale dhe dy në Çerek-finale, dhe në fund takimi Final zgjati 25 minuta. Për shkak të një incidenti që ndodhi gjatë një loje – në grupin B, të dy skuadrat u përjashtuan nga turneu – mbasi ato thyen rregulloren.
Grupet dhe 24 skuadrat:
Grupi A : Vllaznimi FPSH-Rexha Brothers-Plisat-Vllaznimi NY-Flamurtari CT-KosovaNJ –
Grupi B : PrimeTimePizza-Dardania-FlamuratriCT 1- Kosova NJ- Plav Gucia NJ-Ulqini –
Grupi C:FC Gucia-Dologozhda-Kraja-Korabi NJ-Brooklyn Albanians-
Grupi D: Vllazenimi u16/U17-Cemi-Muriqi-Korabi NY-United Albania- Koha
1/16 finalistet e tuneut:
Vllaznia FPSH – Vllaznia N Y – Rexha Brothers – FlamirtariCT -Gologozhda- Korabi NJ -Broklyn Albania-Kraja-Plava GuciaNJ -Ulqini-KosovaNY- Dradania – Cemi- United Albania-Koha dhe Korabi NY.
Në të 1/ 8-at e finaleve;
VlazniaFPSH – VllazniaNY – Gologozhda- Korabi NJ – -Plava GuciaNJ -Ulqini–United Albania-Brooklyn Albania.
Në Gjysmë-finale kaluan 8 ekipe, të cilat u ndeshën në mes tyre me eleminim në bazë rendtijes, Korabi i New Jerseyit, luajti kundra Gologozhdës, ndërsa Plavë Gucia kundra Ulqinit, Vllazënimi FPSH kundra Vllaznimit NY dhe Brooklyn Albania kundra United Albania.
Në 1/4 finale ;
Gologozhda – United Albania dhe Vllazënimi Plavë – Gucia NJ
Në Çerekfinale u ballafaquan ekipet e Gologozhda me United Albania, kurse Vllazënimi i struganëve luajti kundra skuadrës Plavë Gucisë së Nju Xhersit, ku si United Albania dhe Plavë Gucia nga Nju Xhersi u kualifikuan me penallti të dyja për në finale.
Në finale : Plavë Gucia e Nju Xhersit, “Shqiptarët e Bashkuar – United Albania”,
Në finale luajtën Plavë Gucia e Nju Xhersit, e cila kishte në përbërjen e saj dy futbollist të Mariborit-Slloveni me skuadrën “Shqiptarët e Bashkuar – United Albania”, e cila mbante në fanelat e tyre edhe shënimin “Autokton”, një skuadër kjo e përbër me futbollist nga Kosova të cilët kan luajtur në superligën e Kosovës.

Mbas 25 minutave lojë fitorja u buzëqeshi lojtarëve të skuadrës së Palvë Gucisë Nju Xhersi me një gol shënuar në fund të takimit.
Plavë Gucia e Nju Xhersit, fituese e Kupës së këtij turneri u dallua si skuadra më cilësore e cila në përbërje të saj shquhej me disa futbollista të talentuar. Ajo luajti të gjitha ndeshjet e saj me këtë formacion : Idro Dejanin,Amir Dervishevic,Edi Cirikovic,Alen Krcio,Adhak Gustirovic, Salih Sadikovic, Esmir Vucetovic, Saimir Frasheri, Emir Ramadanovic, Alek Doshevic, dhe trainer Denis Djurkovic.
Skuadra “Shqiptarët e Bashkuar – United Albania”, e cila mbante në fanelat e tyre edhe shënimin “Autokton”, një skuadër kjo e përbër me futbollist nga Kosova, disa ish futbollista nga Prishtina, Mitrovica dhe Gilani – u dallua për shpirtin e garës dhe ekipi që shënoi më shumë gola: formacioni i saj : Fatos Selimi(kapiten) Drilon Berisha, Ilirijan Gjata(14 vjeçar), Shpendi Meta, Shpat Hashani, Kremtim Koliqi, Sead Hoxha,Senad Nikocevic,Shaqir Hoti .
Takimi final mes dy skuadrave më të mira të këtij turneu Plav – Gucia NJ dhe skuadrës kosovare United Albanians shënoi edhe mbylljen e këtij turneu dalluar për rivalitetin dhe cilësinë.
Ndryshe i gjithë turneu u zhvillua para rreth dhjetra tifozëve të futbollit në sallë, ndërsa me prezencën e tyre këtë turne dhanë një kontribut shembullor në mbarëvajtjen e tij – oficeri i policisë Lirim Kaba dhe dy kolegët e tij
Në mes një entusiami – u bë edhe ndarja trofeve të cilat ekipeve përkatëse dhe lojtarëve respektivë , ua dorzojë , Pajazit Mena, Edip Ramadani dhe Kalosh Sela duke folur në emër të mikëpritësit të këtij turneu tradicional me skuadra shqiptare.
Futbollistët e Plav Gucisë së Nju Xhersit, u nderuan me Kupën e turnirit,
Futbollisti më i mirë i këtij turneu u zgjodh golashënuesi më i mirë i turneut me 8 gola – futbollisiti i Plavë -Gucia i Nju Xhersit – i cili aktualisht luan me Mariborin e Sllovenisë në kupën e Kapmioneve të Europës, Elmir Ramadanovic ( i cili është vizitorë në SHBA). Epiteti i portierit më të mirë :”Portieri më i mirë i Turneut të 6-të të Futbollit të Vogël – 2014″ i takoi portjeri i Unitated Albania – Kremtim Koliqi, kurse, trajneri më i mirë i turneut – trajneri i Korabit NY – Razhid Prapaniku.
Përveç këtyre çmimeve, organizatorët e këtij turneu ndanë disa mirënjohje të veçanta për sponsorizuesit e këtij turneu. Gjithashtu, ata nuk harruan me këtë rast të faleminderojnë edhe mediat elektronike, të shtypit dhe atyre online, në mesin e të cilëve ishte edhe gazeta jonë.

Andi Lila behet Italian

December 27, 2014 by Administrator

Nga Albano Kolonjari
Mbrojtesi i Kombetares Shqiptare Andi Lila do te luaje me ekipin Italian te Parmes. Lajmin e konfirmon gazeta me e madhe sportive italiane :”La Gazetta dello Sport”. “Parma ben goditjen e pare. Vjen mbrojtesi i qenders nga PS Janina Andi Lila”. Ndeshja e pare per Lilen do te jete ajo perballe Fiorentines me 6 janar 2015, ben te ditur gazeta italiane. Drejtuesit e Parmes kane kerkuar ne merkaton dimerore, nje qendermbrojtes. Lila ka plotesuar kerkesat e tyre duke patur parasysh qe ai mund te luaje edhe mbrojtes i majte rol qe e luan edhe ne Kombetaren Shqiptare. Ende nuk dihet se sa ka ndikuar ne kete transferim tekniku kuqezi Gianni De Biazi, por kuptohet qe drejtuesit e Parmes kane marre edhe mendimin e tij. Behet fjale per nje kontrate 3 vjecare, ndersa shuma e transferimit nuk eshte bere akoma publike. 28 vjecari Andi Lila, ka lindur ne qytetin e Kavajes, dhe ka luajtur me disa klube, si Besen dhe Tiranen ne Shqiperi, Iraklis dhe PS Janina ne Greqi. Ky eshte nje hap shume i madh edhe per vete Lilen. Parma luan ne Seria A, dhe eshte ne krize rezultatesh duke u renditur ne vendet e fundit. Drejtuesit e Parmes luftojne qe skuadra te mos bjerre ne Seria B.

Të jesh “mister” në Shqipëri

December 20, 2014 by Administrator

nga Saimir Demi/
U deshën fitoret e fundit të Vllaznisë, për të na sjellë në qendër të vëmendjes trajnerin e klubit shkodran Baldo Rainerit, të cilin e kemi konsideruar si të hyrë nga dritarja e futbollit shqiptar, një arsye më shumë që na bëri ta shihnim me përbuzje prej ditës së mbërritjes. Ndoshta filluan të na pëlqenin edhe humbjet e njëpasnjëshme të skuadrës që drejtonte, pasi në një farë mënyre i jepte jetë parashikimit tonë, sipas të cilit ky njeri nuk ia vlen. Ndoshta kjo vjen edhe nga fakti, që të bësh ksenofobin kur në përgjithësi je ksenoman do të thotë të jesh i kohës. Teknikun zviceran e trajtuam si një Baldo të zakonshëm dhe më shumë na ra në sy modeli i tij i flokëve, i pëlqyeshëm në një periudhë vitesh të hershme, kur njerëzit lëviznin nëpër rrugë me nallane. Por edhe veshja fare e zakonshme që mbulonte një bark ekstravagant për nga madhësia, duke të dhënë përshtypjen që poseduesi nuk ishte as sportiv dhe jo më trajner i kualifikuar. Pra nuk mund të flitej për “mister”. Dhe mbi të gjithë gjashtë humbje rresht, ndërsa Vllaznia precipiton në fund të tabelës së klasifikimit, duke të servirur sërish imazhin e frikshëm të një sezoni më parë. E mallkuam që nuk po dorëzohej dhe u treguam edhe më të padrejtë duke e identifikuar si përgjegjësin e vetëm të gjendjes së kësaj Vllaznie, megjithëse e dinim mjaft mirë që mëkatarët janë diku tjetër. Ne kemi qenë dhe jemi çdo ditë këtu dhe nuk ka se si të na ketë shpëtuar më kryesorja, që me Baldon ose jo, për nga mënyra se si menaxhohet, kjo skuadër është e pashpresë të shkojë më lart, pavarësisht se përfaqëson një emër emblemë të futbollit të vendit. Ndërsa tekniku i duroi të gjitha, duke arritur ta mbajë të karrikuar skuadrën edhe kur klubi nuk kishte para për t’i hedhur naftë autobuzit dhe futbollistët merrnin bukë me vete. U tregua korrekt edhe në momentet më të vështira, qoftë edhe duke e nxjerrë dorën nga xhepi për t’ia zgjatur kolegëve dhe ndeshje pas ndeshje na bindi, se është i aftë edhe për ta rreshtuar ekipin në fushë sipas karakteristikave të kundërshtarëve që do të kishte përballë. Grumbulloi me të tijët aq pikë në një kohë rekord, saqë edhe nëse Vllaznia largohet që tani nga kampionati është e shpëtuar nga rënia një kategori më poshtë. Pra nga ana profesionale Rainieri nuk është aspak për t’u përbuzur, madje është vërtetë një mister.
Tashmë për skeptikët ka mbetur si armë vetëm analiza e kurrikulumit të tij, që pavarësisht paraqitjeve të fundit mbetet gjithsesi i varfër. Por edhe në këtë rast ka vend për të diskutuar, mafton të pyesësh veten se cila është në Shqipëri njësia krahasuese. Këtu të gjithë trainerët kanë drejtuar pas viteve ’90, ku në të shumtën e kohës futbolli ynë ka qenë mediokër dhe në rastin më të mirë fare i zakonshëm. Janë shumë të rrallë ata që e përfundojnë një edicion në të njëjtën pankinë, për të mos përmendur më pas një mori ndeshjesh me rezultate të dyshimta, ku me dashje ose jo kanë qenë prezentë edhe një pjesë e personazheve të tanishme. Pikërisht për këtë, Baldo mund të cilësohet edhe një herë mister, duke e luajtur së bashku me skuadrën e tij ndeshjen e së mërkurës sikur të ishte e jetës, megjithëse ato pikë nuk i bënin asnjë punë. Dhe pasi qau, tani na ironizon duke bërë në pistë si aeroplan, ndërsa ne nuk na duket më i shëmtuar, madje edhe duke iu referuar paraqitjes së jashtme.