Ekrem Bardha, veprimtari i shquar i çështjes kombëtare, patrioti dhe aktivisti i madh i komunitetit shqiptar në Shtetet e Bashkuara të Amerikës,

Konsulli i Nderit të Republikës së Shqipërisë në Michigan dhuroi 1 mijë dollarë për gazetën Dielli. Një akt bujarie e fisnikërie si kontribut në jetëgjatësinë e Diellit si gazeta më e vjetër e botës shqiptare, si histori, si trashëgimi shpirtërore e materiale, si identitet si krenari dhe lavdi e shqiptarëve të Amerikës. Kontributi për Diellin e Vatrën është kontribut për kombin shqiptar dhe komunitetin.

Familja Bardha mbështet VATRËN që prej vitit 1917 ku babai i tij Sulo Bardha ishte anëtar i Vatrës në Boston, mik e bashkëpunëtor i ngushtë i Faik Konicës.

Në çdo kohë kur kombi dhe komuniteti ka pasur nevojë, familja Bardha ka qenë një mbështetje e jashtëzakonshme, e kudondodhur dhe e pakursyer.

Federata Pan-Shqiptare e Amerikës VATRA, gazeta Dielli dhe mbarë komuniteti i vatranëve i shpreh mirënjohje të thellë dhe falenderim të përzemërt z.Ekrem Bardha për dhurimin dhe mbështetjen e pakursyer që i ka dhënë Vatrës në çdo nisëm e fushatë. Sa herë që Dielli ka pasur nevojë, Ekrem Bardha ka qenë në listën e përkrahësve duke ndihmuar në jetëgjatësinë e regjistrit mediatik më të vjetër në të gjitha diasporat shqiptare në botë.

Në frymën e vëllazërisë dhe bashkëpunimit, sot në Boston u prit një delegacion i kryesisë së VATRES, dega Queens, nga New York-u. Vizita kishte për qëllim forcimin e lidhjeve mes dy degëve të VATRES dhe diskutimin e projekteve të përbashkëta për të ardhmen.

Delegacioni nga Queens, i kryesuar nga Dr. Skënder Myrtezani dhe anëtarë Akri Çipa, Rezart Naska, Viktor Xamo, Ndre Deda dhe Sami Kurdina, të cilët u pritën ngrohtësisht nga kryetari i VATRES në Boston, z. Mentor Maksutaj, së bashku me anëtarët e kryesisë: z. Petrit Alibeaj, z. Ervis Dhima dhe z. Subi Çako.

Vizita filloi me homazhe në varrin e Fan Nolit dhe memorialin e publicistit Faik Konica, të dy figura të shquara të historisë dhe kulturës shqiptare, ku tashmë vetëm Noli prehet në varrezat e Bostonit.

Pas homazheve, palët u takuan në një kafe pune, ku diskutuan për zgjerimin e bashkëpunimit mes dy degëve, vizitat e ndërsjella dhe planet e përbashkëta për komunitetin shqiptar në SHBA. Një nga temat kryesore të diskutimit ishte mundësia për kthimin e eshtrave të Fan Nolit në Shqipëri. Delegacioni nga Queens shprehu interesin për të komunikuar me drejtuesit e Kishës së Nolit për të sqaruar dëshirën e tij për vendin e fundit të prehjes.

Të dy palët premtuan të vazhdojnë komunikimin dhe bashkëpunimin në ditët dhe muajt e ardhshëm, me qëllim forcimin e lidhjeve mes komuniteteve shqiptare në SHBA dhe promovimin e interesave kombëtare shqiptare.

VATRA vazhdon të mbetet një urë e rëndësishme për bashkimin dhe mbështetjen e shqiptarëve kudo që janë.

(Vatra Boston)

Senatori John Thune, mik i Federatës Vatra do të drejtojë Senatin Amerikan për 4 vitet e ardhshme, detyrë që e merr në janar 2025. John Randolph Thune ka lindur më 7 janar 1961. Është senator republikan nga Dakota e Jugut i mandatuar që prej vitit 2005.

Një lajm fantastik për të gjithë shqiptarët. Vatra si institucion kombëtar do të bashkëpunojë ngushtë me institucionet amerikane në dobi të çështjes kombëtare dhe komunitetit shqiptar në Shtetet e Bashkuara të Amerikës. Çështja shqiptare në Senatin Amerikan do të ketë një zë të fortë falë Federatës Pan-Shqiptare të Amerikës Vatra.

Foto nga takimi i kryetari të Vatrës Dr. Elmi Berisha me senatorin John Thune në Korrik, 2024.

Shkrimtarja e shquar e letërsisë për fëmijë, sekretare e degës së Vatrës Ridgewood Monda Hamitaj është vatranja e parë e cila dhuroi 2 mijë dollarë për shtëpinë e re të Vatrës. Krahas shtëpisë së vjetër të Vatrës që do qëndrojë si Muze, Arkiv e Bibliotekë Shkencore e Vatrës, Shtëpia e re e Vatrës do të shërbejë për të zhvilluar të gjitha aktivitetet patriotike, atdhetare e komunitare të Federatës Vatra e gazetësDielli. Kjo shtëpi do të jetë qendër kombëtare që do ta bashkojë të gjithë shqiptarët e Amerikës. Federata Vatra fton të gjithë vatranët, shoqata e organizata, biznesmenë shqiptarë anembanë botës që të kontribuojnë për qendrën më të madhe kombëtare shqiptare në Amerikë.

Gazetarja nga Kosova zonja Hyrë Tejeci vizitoi Federatën Pan-Shqiptare të Amerikës Vatra. Ajo u prit nga z.Ilir Cubi anëtar i kryesisë, editori i Diellit Sokol Paja dhe editorja e gjuhës angleze në gazetën Dielli Rafaela Prifti. Gazetarja Hyrë Tejeci i kushtoi një telereportazh historik veprimtarisë së Vatrës dhe Diellit mbi kontributin e jashtëzakonshëm për komb, atdhe dhe komunitet shqiptar në Shtetet e Bashkuara të Amerikës.

Hyrë Tejeci është gazetare në RTK radio. Ajo ka kryer studimet master në Shkencat e Komunikimt Masiv dhe Gazetari. Prej 2001 punon në media. Ka qenë e angazhuar në Kolegjin AAB, si ligjeruese në lëndë të Radio gazetarisë. Ka punuar edhe në Radio Evropa e Lirë në Pragë (2003).

Vazhdon të punojë në Radio Kosovë. Vëmendje të veçantë ajo i ka kushtuar edhe mërgatës shqiptare dhe përpjekjeve të shqiptarëve për Kosovën. Ka përgatitur disa emisione, reportazhe, dokumentarë dhe disa projekte, me të cilat ka marrë dhe çmime. Ndër çmimet më të mëdha është: Çmimin Special për radio në nivel botër, “Lorenzo Natali”, të Komisionit Evropian në Strasburg (2008). Ka publikuar disa shkrime në media online dhe në gazetat e vendit. Ka marrë pjesë me punime në Konferenca Ndërkombëtare që kanë pasur të bëjnë me hulumtimet në fushën e medias. Disa nga punimet shkencore : “Mediat lokale në Kosovë, gjendja dhe sfidat”, “Ushtrimi i ndikimit ndaj gazetarëve në Kosovë”, “Më kupto më ndihmo”, “Pozita e gruas në shoqërinë kosovare”, etj.

Është e angazhuar si trajnere për gazetarë në disa projekte që janë organizuar nga Instituti i Medias së Kosovës dhe nga OSBE-ja. Ka marrë pjesë me projekte hulumtuese në qendra të ndryshme të vendeve të ndryshme të botës: Nju Jork, Paris, Strasburg, Berlin, Bern, Luzan, Sofje, Shkup, Tiranë.

Ka botuar tre libra deri tani: “Raportimi televiziv, si teori dhe praktikë”, Përmbledhja “MONUMENT – i dëshirës së përflakur për atdhe” dhe “Dielli i jetës”. Ka në

dorëshkrim edhe dy libra të tjerë. Është e martuar dhe ka një vajzë. Jeton në Prishtinë.