Të dashur bashkombas të besimit Islam

Më lejoni që në emër të Federatës Pan-Shqiptare të Amerikës “Vatra”, të gazetës “Dielli” të familjes sime dhe në emrin tim t’ju uroj përzemërsisht: Gëzuar Kurban Bajramin.

Kjo festë e shenjtë qoftë për të gjithë ju, familjet e miqtë tuaj një moment lumturie, bashkimi, gëzimi, harmonie, suksesi, paqeje e dashurie me bekimin e Zotit tonë.

Kjo festë e bujarisë që lartëson zemrat e shpirtrat tanë në respekt, dëgjesë e dashuri ndaj Zotit e njëri-tjetrit, le të na gëzojë vatrat tona familjare e kombëtare, le të afrojë sa më shumë me Krijuesin e gjithësisë.

Me fat Kurban Bajrami e me zemër plot përherë.

Bujaria e sakrificat në emër të Zotit, familjes e kombit qofshin përherë të bekuara e të shenjtëruara.

Urimet më të përzemërta vëllezër e motra të dashur.

Me respekt e gëzim

Kryetari i VATRËS

Dr.Elmi BERISHA

Emrije Krosi/

Me datë 8 qershor 2024, tek “Vatra” në Bronx të Nju Jorkut, u promovua libri studimor “Letërsia e pranguar e Sami Repishtit” në bashkëpunim me shtëpinë botuese “Adriatic Press”. Programin e moderoi shkrimtari Mëhill Velaj dhe përshëndetën: Dr. Pashko Camaj, sekretar i Vatrës, shkrimtari Sami Mulaj, shkrimtari Gjeto Turmalaj, gazetari Sinan Kamberaj, shkrimtarja Merita Prenga, vatrani Marjan Cubi, aktivisti i njohur, Ramadan Gashi, rapsodi Hysni Kelmendi etj. Më pas, në një diskutim të lirë, nga miqtë dhe shokët e prof. Samiut, sollën kujtime mbi punën dhe aktivitetin e tij atdhetaro-kulturor, si dhe takimet e tij me kongresmenë Amerikanë të njohur. Më pas u fol, për letërsinë moderne shqipe, veçmas për poezinë dhe kohën e vështirë të saj dhe sigurisht për mungesën e kritikës, si një operacion emergjent kirurgjikal i munguar në letërsinë dhe kulturologjinë mbarëshqiptare. Një vend i veçantë pati dhe dhurata e Iliriana Sulkuqit, një penë indentike ku kanë shkruar Rilindasit tanë, por dhe Amedamenti i Kushtetutës së Amerikës nga Gerorge Uashington. Nuk mund të mos falenderoj edhe kontributin e veçantë dhe të paçmuar të Mëhill Velaj, për organizimin, moderimin si ish-kryetar i Lidhjes së Shoqatës Shqiptare-Amerikane dhe njohës i thellë i poezisë dhe letërsisë mbarëshqiptare.

Sëfundmi, një falenderim të përzemërt dhe shumë profesional, për punën titanike të Adi Mehmetit, për kohën dhe pozitivitetin e tij, për të organizuar brenda kohës së qëndrimti tim në Nju Jork, të këtij eventi letrar. Adnan Mehmeti, tashmë një emër i njohur i botës kulturore dhe letrare mes Diasporës së re dhe të vjetër të Amerikës, si drejtues dhe botues. Një falendim të përzemërt për “Vatrën” dhe vatranët poetët, shkrimtarët dhe studiuesit pjemarrës, në këtë takim të ngrohtë që më përcollët. Mirënjohje!

Mos harroni, këtë të dielë mblidhuni tek VATRA Boston për të kujtuar 80-vjetorin e gjenocidit grek ndaj shqiptarëve në Çamëri.

Më 9 qershor 2024 nga ora 1:00pm deri në 3:00pm, në bibliotekën e Quincy, MA, VATRA në bashkëpunim me Shoqatën “Çamëria” do të kujtojnë masakrat e grekëve ndaj shqiptarëve.

Në foto keni programin e detajuar dhe të ftuarit që na kanë nderuar për të diskutuar dhe kujtuar një nga ngjarjet më të rënda ndaj kombit shqiptar.

Adresa: 40 Washington St., Quincy, MA 02169, ose ndryshe “Thomas Crane Public Library”. Parkingu falas!

Dhuroni, pasi donacionet tuaja janë të rëndësishme për VATREN, që të vazhdojmë aktivitetin dhe organizimin e ngjarjeve të rëndësishme si kjo dhe të tjera në vazhdim për komunitetin shqiptar, ju lutemi dhuroni në këtë link:

Disa momente të bukura nga Turneu i Futbollit për fëmijë që u zhvillua sot në ambientet e Albanian Cultural Center organizuar nga Vatra Chicago. Ky aktivitet sportiv u realizua me ndihmën e sponsorizueses, shumë të nderuarës Zj. Manuela Papazisi e cila është tashmë e njohur në komunitetin shqiptar. Vlen për tu përmendur këtu dhe kontributi shumë i çmuar i z. Naser Hoxha për mbështetjen e tij të vazhdueshme në aktivitetet tona. Pjesëmarrja ishte e gjërë, me fëmijë nga të gjitha trevat shqiptare të cilët u brohoritën nga prindërit dhe familjarët që ishin të pranishëm. Një e dielë ndryshe do ta quanim dhe ishte kënaqësi të shihje fëmijë të entuziazmuar me proekupimin për të shënuar sa më shumë gola. Në fund të ndeshjes u ndanë kupa për fituesit dhe golshënuesit më të mirë, u ndanë medalje, topa futbolli dhe gjithashtu fëmijëve ju dhuruan kostume sportive. Ky aktivitet mbetet ndër më të pëlqyerit këtë vit dhe shpresojmë të kemi sa më shumë të këtij lloji në vazhdim. Një falenderim i veçantë për Z.Ardian Ruci për kordinimin e gjithë aktivitetit dhe Z.Shkëlzen Cakeri për bashkëpunimin e palodhur si dhe sponsorizimin e të gjitha të pijeve, ujë, lëngje frutash, patatina etj për të gjithë lojtarët.

Ju mirëpresim në aktivitetet e ardhshme

Patriotë, vatranë e veprimtarë të çështjes kombëtare në mërgatën shqiptare të Floridës zhvilluan një vizitë në Federatën Pan-Shqiptare të Amerikës Vatra. Marjan Cubi me kontribut 42 vite në Vatër dhe komunitetin shqiptar në Amerikë, Tasim Ruko e Endri Filipi me kontribute mbi 10 vjeçare në Vatër bashkë me patriotin Gazmend Gega shprehën vlerësime e nderim për rolin dhe kontributin e Federatës Vatra me rastin e 112 vjetorit të njohjes së Vatrës prej shtetit të Massachusetts. Vatra është mbajtur prej shqiptarëve patriotë që kanë sakrifikuar çdo gjë për ti dhënë zë të fuqishëm çështjes shqiptare dhe interesit kombëtar në institucionet e shtetit amerikan. Mirënjohje çdo shqiptari që kontribuon për Vatrën, kombin e komunitetin tonë.