Patrioti Dorand Vojka iu bashkua sot më 30 Mars 2022 Federatës Vatra. Ai kreu studimet e mesme në Gjermani dhe të lartat në Amerikë. Zotëron 2 bachelor, një në Farmakologji dhe një nga Southern New Hampshire University në Politika Shkencore dhe Studime Humane. Punon në një kompani farmaceutike si drejtues i zonës Veri-Lindore të divizionit të saj në Amerikë. Babai i tij Gëzim Vojka u burgos në burgun e Spaçit për agjitacion dhe propagandë kur nëna e tij ishte 6 muajshe shtatzënë me Dorandin. Babai Gëzimi kreu një dënim prej 5 vitesh në Spaç. Është larguar nga Shqipëria me anijet e Marsit 1991 dhe jeton në Amerikë që nga viti 1996. Ai e përshkroi në bashkëbisedim me Editorin e Diellit Sokol Paja bashkimin e tij me Vatrën në këtë mënyrë: “Rrugëtimi im për t’iu bashkuar kësaj Federate ku kanë bërë pjesë figura të ndritura të kombit tonë si Faik Koniça, Lambi Chikozi, Fan S. Noli, Kristo Floqi, Elia Tromara, Naum Cere, etj. fillon në 1993 kur në Gjermani ku jetoja atëherë u njoha për herë të parë me disa atdhetare që kishin lënë Shqipërinë përpara pushtimit të saj nga regjimi komunist enverist. Më bëri shumë përshtypje atdhedashuria e tyre. Pasioni që ata kishin kur flisnin për atdheun. Edhe pse atëherë isha i vogël dhe nuk e kuptoja nga buronte ky pasion i paparë, mbresat e atyre takimeve lanë gjurmë në memorien e një djaloshi 17 vjeçar. Pasioni i atyre atdhetareve për atdheun akoma tingëllon i freskët në memorien time me një ndryshim të madh nga atëherë. Tani unë ata i kuptoj. E kuptoj atdhedashurinë e tyre. E kuptoj pasionin e tyre. U desh ta vuaja vetë largimin nga vendi për një kohë të gjatë që ta kuptoj dashurinë për Kombin. Kjo dashuri më sjell tek Vatra. Ndjehem mirë që jam në shoqëri njerëzish të mirë dhe që rrugën na e kanë hapur gjigandë si Konica, Noli etj. Vatra më bën të ndihem se zëri im do të dëgjohet. Se unë nuk jam vetëm një emigrant i cili ka humbur identitetin në këtë “det” kombësie që jetojnë në Amerikë. Vatra më bën të ndihem se jam pjesë e një komuniteti njerëzish të shquar, të ndershëm, të një komuniteti Shqiptar. Nqs edhe ti kërkon që zëri yt të dëgjohet, kërkon që të ndihesh pjesë e komunitetit tend, pjesë e një bashkimi ku rrugëtarë kanë qenë Konica, Noli, Cere dhe shumë mendje të ndritura shqiptare, mirësevjen në familjen tënde” deklaroi në përfundim të fjalës së tij vatrani më i ri Dorand Vojka.

Gazetarja Eneida Jaçaj iu bashkua sot më 30 mars 2022 Federatës Vatra dhe gazetës Dielli. Ajo u shpreh shumë e lumtur dhe e emocionuar që do të japë kontributin e saj në grupimin patriotik më të rëndësishëm në diasporën shqiptare në Amerikë dhe në të gjitha kontinentet dhe në gazetën më të vjetër të të gjitha diasporave shqiptare në botë. Eneida Jaçaj ka përfunduar studimet për bachelor në Fakultetin Histori-Filologji, në degën e Gazetarisë në Tiranë. Me pas ka përfunduar Masterin Shkencor për Shkenca Komunikimi në Univeristetin e Tiranës. Ka punuar në disa media të shkruara dhe vizive në Shqipëri si: Vizion Plus, NTV, Tirana Observer, Integrimi, “Sot” etj. Pasioni për gazetarinë nuk është shuar për asnjë moment dhe ka vazhduar  kontributin e saj të rëndësishëm pranë gazetës “Dielli”, me tema studimore historike-kulturore. Aktualisht, punon si kryeredaktore e revistës Life School Master Class Magazine, New York.

Të nderuar Vatranë, kam besim të plotë se nga ky Kuvend do të dalim faqebardhë dhe Kuvendi do ti përmbushë të gjitha objektivat e tij. Mbas këtij Kuvendi do të kemi një Kushtetutë të re, një Kryesi dhe Këshill të ri. Une dua të trajtoj shkurtimisht edhe një pikë e cila mund të shërbejë si udhërrëfyese për jëten e Vatrës deri në Kuvendin e ardhshëm dhe pa të cilën suksesi i Vatrës është i pamundur:Është paqa në VatërRritja e numrit të anëtarësisë dhe të Degëve, sigurisht që sjell mendësi të reja, ambicje, pakënaqësi e të tjera si këto. Nganjëherë edhe mosmarrëveshjet e vogla rriten nga mungesa e mirëkuptimit apo moskomunikimit me njëri-tjetrin. Po ashtu teknologjia dhe interneti i hiperbolizojnë së shumti edhe çështjet më të vogla. Këto ndodhin zakonisht nga uni, egoja dhe ambicja jonë, por më se shumti sepse në harrojmë përse jemi në Vatër, harrojmë misionin tonë si shërbëtorë të kombit. Jemi këtu që gjithsecili të shohë mundësitë se sa mund t’i japë Vatrës dhe jo mundësitë për të marrë prej saj. Sigurisht që ne të gjithë marrim pak më shumë vlerë nga vlera e Vatrës së Nolit dhe Konicës, por në të njëjën kohë duhët që t’ia shpërblejmë më punë dhe përkushtim.Metodat arkaike dhe anarkiste të drejtimit dhe të punës tonë dhe mos zbatimi rigoroz i nyjeve të Kanunores, për mendimin tim janë arsyet kryesore të çoroditjes dhe nganjëherë të marrjes së rrugës pa krye të ndonjë vatrani apo grupi vatranësh.Përtej të qënit miq dhe dashamirë me njëri-tjetrin, për të siguruar paqen në mes nesh, pikësëpari duhet që të jemi zbatues rigoroz të Kanunores dhe frymës së saj. Vllazën dhe motra, le të jetë Kanunorja, Bibla dhe Kurani ynë, ku ne mund të gjejmë përgjigje problemeve tona. Faleminderit.Roftë Vatra, rroftë kombi shqiptar”.New York, 26 Shkurt 2022
*Pjesa përmbyllëse e fjalës së z. Valentin Lumaj në Kuvendin e fundit të Vatrës.

E nderuar familja Rugova,

Në emër të Federatës Pan-Shqiptare të Amerikës VATRA, në emër të të gjithë vatranëve e të familjes sime ju përcjell ngushëllimet tona më të sinqerta e më të dhimbshme për humbjen e njeriut tuaj të shtrenjtë Haki Rugovës. Unë do ta kujtoj gjithmonë si një mik, shok, bashkëpunëtor, patriot dhe besnik të veçantë Haki Rugovën. Jo vetëm Istogu për të gjithë ne humbëm me ikjen e parakohshme të Haki Rugovës, kryetarit model të Istogut për tri mandate radhazi, nga viti 2010 deri në vitin 2021. Jemi pranë familjes Rugova, familjarëve e miqve në këto momente trishtimi, lamtumire e humbjeje.

Lusim Zotin për shpirtin e tij.

Pushoftë në paqe e përjetësi.

Pranë jush dhe me nderime

Kryetari i VATRËS

Elmi BERISHA

I nderuar z.Kryetar Elmi Berisha
Duke mirëpritur zgjedhjen tuaj në postin e Kryetarit të Federatës Pan Shqiptare Vatra, më lejoni që në emrin tim personal si dhe në emër të Shoqërisë Atdhetare Besa Besën , t’ju shpreh urimet më të përzemërta dhe t’ju uroj suksese në përmbushjen e misionit që po ndërmerrni. Ne njihemi gjatë, n’daj jam i bindur që ju,me maturinë, urtësinë dhe eksperiencën tuaj, do të arrini të përmbushni me sukses objektivat për të patur një Vatër më të fortë e më të konsoliduar.
Ju siguroj për dëshirën dhe vullnetin tim për të bashkëpunuar ngushtë me ju,si në funksion të intensifikimit të mëtejshëm për ta çuar akoma dhe më lartë kauzën tonë të përbashkët çështjen e madhe kombëtare,për një Shqipëri më të begatë dhe të bashkuar.
Duke shprehur edhe një herë urimet e mia, Ju lutem pranoni shprehjen e konsideratës sime më të lartë.
Shoqëria Atdhetare Besa Besën Presidenti Petrit Alibeaj