Vatra – Page 74 – Dielli

Ambasadori Walker, takime me miqt e tij, shqiptarë në Bronx – New York

April 27, 2016 by dgreca

Nga Beqir SINA- New York/

NEW YORK : Ish shefi i Misionit vëzhgues të OSBE-së, miku i dëshmuar i shqiptarëve, Ambasadori William Walker, i njohur ndryshe nga shqiptarët si Heroi i Reçakut, ku më pas u vendos edhe fati i Kosovës, e një prej ngjarjeve të përgjakshme në fshatin Reçak të Shtimes, masakrës kur forcat serbe, vranë 45 civile shqiptarë qytetarë të Kosovës, i cili , këtë ngjarje, me të parë atë në cilësinë e vezhguesit ndërkombëtar, e pati cilësuar pamëdyshje si një “krim kundër njerëzimit”, u gjend, dje në një ditë takimesh të “ngjeshura” me miqt e tij, në komunitetin shqiptar në zonën e Tri-Shteshit, Bronx -New York.

Ai është takuar fillimisht në një takim privat, me veprimtarin e dalluar Jim Xhema, Biznesmen i suksesshëm shqiptaro-amerikan, dhe aktivist i shquar i komunitetit i njohur eshe si filantropist shqiptar në SHBA .

Kurse, mbasdite, Ambasadori Walker, zhvilloi disa takime në Bronx, New York. Ku ndalesën e parë e pati në zyrën e zotit Mark Gjonaj,

Takimin e tij shumë të përzemërt,me asamblesistin e parë shqiptarë në Asamblenë e Shtetit të New Yorkut, zotin Mark Gjonaj.

Në këtë takim, i cili zgjati 45 minuta, u diskutua gjerësisht mbi zhvillimet më të fundit në, Kosovë, Maqedoni dhe Lugininën e Preshevës, e Mal të Zi, ndërsa, u folë, nga dy bashkëbiseduesit, edhe në vështrimet e tyre, për rolin dhe kontributin e shqiptarëve të Amerikës, aktivitetin dhe veprimtarinë e komunitetit shqiptarë, në këto momente, për Kosovën, Shqipërinë, dhe trojet shqiptare.

Në këtë takim mori pjesë edhe kryetari i Këshillit Shqiptaro Amerikan, zoti Haxhi Dauti, dhe verpimtari i komunitetit Ilir Fundo.

Kurse, në vazhdim të takimeve të tij, në këtë komunitet, një takim të veçantë, Ambasadori Walker, pati në Bronx – New York, aty ku jeton dhe vepron komuniteti shqiptarë më i madh në SHBA, në zyrat e biznesit të pasurive të patundshme, “Bajraktari Management Corp.” me mikun e tij të mëpareshëm, zotin Harry Bajraktari, i cili është veprimtar i njohur i komunitetit shqiptaro-amerikan dhe themelues i gazetës Illyria në New York.

Masakra e Reçakut – që më pas do të njihet si një nga ngjarjet kryesore, që ka shënuar një kthesë të madhe qysh në atë kohë, në diplomacinë ndërkombëtare në raport me Serbinë e asaj kohe dhe Kosovën, duke i paraprirë të gjitha tyre çfarë ndodhën – që çuan deri tek fushata e 78 ditore e bombardimeve ajërore të NATO-s, ishte në qendër të bisedeva, dhe takimeve të Ambasadorit Walker, edhe në selinë e Vatrës në New York.

Ku ai u takua me një grup vatranësh, kryetarin dy nën kryatrët , arkatarin, dhe anëtarët e kryesisë, dhe grupin e të rinjëve vatranë.

Bashkëbiseduesit, kryetari i Vatrës Dr Gjon Buçaj, dhe Ambasadori William Walker, ndanë, pjesë, gjatë bisedës mjaft të ngrohtë, nga kujtimet e tyre, nga ajo ngjarje, e cila ndryshoi historikisht, edhe rrjedhën e zhvillimeve të më pasme në Kosovë, Masakrën e Reçakut, e cila e bëri mjaft të njohur Ambasadorin William Walker tek shqiptarët e Amerikës.

“Kosova, e lirë dhe e pavarur sot , tha kreu i vatranëve, Dr. Buçaj, mbasi i urojë mirëseardhjen në Shtëpinë e Vatrës, së kolosve të Kombit, Federatës PanShqiptare të Amerikës, Vatra, e cila ka një kontribut historik, në pavarësinë e Shtetit shqiptarë, siç e quajti ai, duke shtuar më pas se, “me ngjarjen e Reçakut, dhe dekleratën tuaj, disa javë më parë, se të nisnin bombadimet, shënoi edhe atë kthesën e madhe historike për Kosovën, duke “vulosur” kështu, edhe bindjen e bashkë-sisë ndërkombëtare, SHBA, e Natos, që ndërhyrja, ndaj Serbisë, dhe Millosheviqit, ishte e domosdoshme, në atë kohë”, tha kryetari Buçaj.

Po ashtu kryetari i Vatrës, në emër të tij dhe kryesisë, së Vatrës, duke përshëndetur ish-ambasadorin e OSBE-së në Kosovë William Walker, dhe falemideruar atë për kontributin e tij dhe lidhjet mjaft të mira me shqiptarët, tha se Reçaku, po ashtu është një rrëfim i pandarë i një miqësie të përjetshme, edhe sot me SHBA-të, dhe një lidhje e fuqishme, e cila vazhdon edhe sot me komunitetin shqiptarë në Shtetet e Bashkuara të Amerikës.

“Kisha dëgjuar shumë për Vatrën, dhe kontributin e saj në pavarësinë e Shqipërisë, figurat, që e udhëhoqën atë, në periudha të ndryshme, kam ndjekur dhe kam pasur miqësi me shumë vatranë, gjatë këtyre dy dekadave, të fundit, ( ai kujtojë lidhjet e tij për Kosovën gjatë luftës, me ish kryetarin Agim Karagjozi) falë atyre lidhjeve të mija me çêshtjen shqiptare Kosovën, dhe më vjen shumë mirë, që sot po takohem, me të gjithë ju vatranët( një pjes i njoh mirë më parë), këtu në Shtëpinë e Vatrës”, u shpreh në fillim të fjalës së tij miku i madh i shqiptarëve Ambasadori William Walker.

Në fillim të fjalës së tij ish-ambasadori i OSBE-së në Kosovë dhe humanisti i madh, William Walker, do të kujtonte, se pas Masakrës së Reçakut, ai do të bëhej edhe Kumbara i Kosovës, ku simbas zakoneve tradicionale shqiptare, ai ka marrë flokët e 5 fëmijëve shqiptarë, dhe ruan me t’a lidhje duke u familjarizuar me ato familje.

Ai gjithashtu si në takimin me Jim Xhemën, Mark Gjonaj, dhe Harry Bajratarin, dhe tek Vatra, ndau me të gjithë dhe një pjesë të dhimjes së tij, teksa i njohu ata me lajmin e kobshëm, humbjen e madhe – të gruas së tij Lucena “ Lucy “ Martin, dy javë më parë.

“Është, një humbje e madhe për mua, tha ai, ndaj vendosa, t’a ndaj sot në këto takime, me ju miqt e mi, këtë vdekje, e cila më ka sjell një pikëllim të madh. E ndaj këtë dhimbje me një zemër të “varë”, që unë jam duke ju njoftuar, edhe ju miqve të mi shqiptarë, me ndarjen nga jeta , të partnerit tim dhe dashurisë, mikeshës së jetës sime, gruas time, Lucena Martin”, tha Walker i përlotur.

“Lucena – Lucy, tha ai, për ata që e njihnin atë – na la të mërkurën 6 prill 2016, edhe pse kalimi i saj ishte i papritur, dhe në paqe, unë mendojë se duke ndarë me ju këtë humbje dhe dhimbje të madhe për mua, e familjen time, e ndjej këtë moment, edhe si një ngushëllim të vogël, duke e ditur se ajo ndërroi jetë në mënyrë paqësore dhe pa vuajtje, duke shkuar në jetën e amnueshme”.

Më pas Walker, ka diskutar gjerësisht, gjithmonë në shikimin e tij, situatën dhe zhvillimet më të fundit në Kosovë, dhe ka kërkuar me bindje që shqiptarët e Amerikës, të japin kontributin e tyre, për të ndihmuar Kosovën, nën ombrellën e një organizimi të ri, edhe më dinamik, siç e quajti ai, larg atyre ndikimeve partiake, dhe politike në Kosovë.

Ish shefi i Misionit vëzhgues të OSBE-së, miku i dëshmuar i shqiptarëve, Ambasadori William Walker, i njohur ndryshe nga shqiptarët si Heroi i Reçakut, është shprehur mjaft i kënaqur nga pritjet, dhe takimet, si dhe bisedat e zhvilluara në Bronx, me, Bajrakatarin , Gjonaj dhe Vatranët, ndërsa, në fund në shenjë respekti, ai u përshëndet me të gjithë, duke bërë edhe fotografi të përbashkëta.

Shqiptarët e Amerikës, sidomos ish luftëtarët e Batalionit Atlantiku, me luftëtar djemt e vajzat shqiptare nga nga Shtetet e Bashkuara, e kan nderuar dhe ruajnë miqësinë me Heroin e Reçakut – Ndërsa, kan pasur lidhje të forta me mikun e tyre të dëshmuar ish-Ambasadorin Uilliam Uokër (William Walker), ish- kryetar i OSBE-së në Misionin e Verfikimit të Kosovës në vitet 1998-1999, vazhdimisht.

“SHEKULLI I RI I POLITIKES SHQIPTARE” U PREZANTUA NE “VATER”

April 20, 2016 by dgreca

New York- Me 15 prill në Selinë e Vatrës ishte për vizitë Prof. Dr. Veton Latifi, profesor i Marrdhënieve ndërkombëtare dhe Shkencave Politike në Universitetin e Evropës Juglindore në Maqedoni. Ai shoqërohej nga artisti Haxhi Dauti, Bekim Asani, Klara Buda, Arta Qyqalla dhe Zaim Asani.

Mysafirët u pritën nga Kryetari i Vatrës, dr. Gjon Buçaj, dy nënkryetarët Agim Rexhaj dhe Asllan Bushati, anëtari i kryesisë dhe kryetar i degës së Vatrës në Queens Dr. Skënder Murtezani, anëtarët e Këshillit Idriz Lamaj, gazetar e studiues, Uk Gjonbalaj, vatrani i vjetër dhe anëtar i Advisory Board, Zef Përndocaj si dhe editori i Diellit Dalip Greca.Ndodhej edhe studiuesi Engjell Zerdelia, i sapo ardhur në SHBA.Mysafirëve ua ka uruar mirëseardhjen dr. Gjon Buçaj, Kryetar i Vatrës.Ai u foli mysafirëve shkurtazi për lidhjet e Vatrës me shqiptarët e Maqedonisë si me të gjitha trevat e tjera kudo ku jetojnë shqiptarët. Dr. Buçaj u ndal edhe në kontributin e diasporës shqiptare, veçanërisht Ligës dhe Vatrës në mbështetje të Universitetit të Tetovës, për vizitën atje të delegacionit të Vatrës, për takimet e një delgeacion të Vatrës në kuadër të 100 vjetorit të themelimit të Vatrës, i cili vizitoi shkupin dhe u taku me politikanë shqiptaë, deputete dhe nje përfaqësi të Universitetit të Tetovës me në krye Rektorin Agron Reka, ashtu siç vizitoi edhe kryeqendrat e tjera shqiptare, Tirana e Prishtina, Shkodra, Gjirokastra, Saranda, etj. Editori i Diellit i njohu mysafirët me Historinë 104 vjecare të Vatrës.

Prof. Dr. Veton Latifi prezantoi librin e tij”SHEKULLI I RI I POLITIKES SHQIPTARE”. Ai tha se ndjehej i nderuar që libri po promovohej pikërisht në Vatër, e cila ka kontribut të veçantë në Historinë e Kombit Shqiptar.Kombi ynë, tha ai, i ngjanë një mozaiku, që ka problem për t’i bërë bashkë pjesëzat, copëzat që e formojnë. Kemi probleme me kulturën politike dhe identitetin. Nisur nga ideja që të identifikohen dhe pasqyrohen sa më objektivisht vlerat, parimet, filozofia dhe kultura politike shqiptare, ky libër ka synuar që të përpunojë vlerat dhe parimet e politikës së shqiptarëve gjatë njëqind viteve të kaluara, njëkohësisht, kam hulumtuar parametrat e duhura të modernizimit të politikave publike të shqiptarëve në të ardhmen, tha ai.

Si autor i librit, shtoi autori, kam synuar që të merrem me karakteristikat e vlerat konkrete të politikës shqiptare në mënyrë të përgjithësuar brenda dhe jashtë Shqipërisë, duke u përqendruar në identifikimin dhe zbërthimin e tipareve kryesore të përgjithshme të kulturës dhe filozofisë politike shqiptare, me një objektiv që të sublimohen ato vlera e parime që e dimensionojnë procesin e politikës shqiptare në përgjithësi që nga pavarësia e Shqipërisë e deri në periudhën pas pavarësisë së Kosovës.

***

Libri i prof. dr. Veton Latifit rekomandon rrugët që shqiptarët duhet të ndjekin si komb për krijimin në vazhdimësi të strategjive për zhvillimin e kombit dhe shoqërisë, bazuar në parimet dhe vlerat origjinale të procesit të politikës shqiptare dhe procesit të akomodimit ndërkombetar e rrugës së partneritetit strategjik. “Është e vërtet, se shqiptarët kanë një folklor të begatshëm,mirëpo nuk duhet të harrojmë se procesi politik modern i asnjë kombi demokratik,progresiv e paqësor nuk udhëhiqet nga parimet dhe frazat e folklorit në epoken e revolucionit teknologjik dhe të informacionit.”

Autori i librit “SHEKULLI I RI I POLITIKES SHQIPTARE” ka paralajmëruar nevojën emergjente të fillimit të procesit të modernizimit të politikave të shqiptarëve në frymen e politikave të reja…(Fotografite i gjene ne facebook dalip greca. Per me shume lexo ne Diellin e printuar)

KRYEBASHKIAKU I TROPOJËS VIZITOI VATRËN

April 18, 2016 by dgreca

Të Hënën, 18 Prill 2016, kryebashkiaku i Tropojës, z. Besnik Dushaj, vizitoi selinë e Federatës Panshqiptare të Amerikës”VATRA”. Ai shoqërohej nga bashkavëndas të tij që jetojnë në SHBA. Z. Dushaj dhe shoqëruesit e tij u priitën nga Kryetari i Vatrës dr. Gjon Buçaj, zv/Kryetari Asllan Bushati, anëtari i këshillit të Vatrës Lek Mirakaj dhe Editori i Diellit, Dalip Greca.

Mirëseardhjen mysafirit ia uroi dr. Gjon Buçaj, i cili i bëri një ekspoze të shkurtër rreth Vatrës dhe veprimtarive të saj, e njohu mysafirin me qëndrimet aktuale të Vatrës dhe me frymën e saj Kombëtare, me shtrirjen e degëve në SHBA dhe Kanada si dhe veprimtarinë e tyre. Çështja Kombtare për Vatrën është mbi gjithçka, tha kryetari i Vatres .

Editori i Diellit e njohu mysafirin me historinë 104 vjeçare të Vatrës( e cila me 28 Prill 2016 feston ditëlindjen e 104) dhe historinë e Gazetës Dielli, që me 15 Shkurt 2016 festoi 107 vjetorin e numrit të parë.

Kryebashkiaku i Tropojës falenderoi për mikpritjen e Vatrës dhe shprehu kënaqësinë që për të parën herë shkelte në këtë tempull të Historisë Kombëtare, që ka bërë aq shumë punë për kombin. Më pas ai tregoi qëllimin e vizitës së tij në SHBA dhe takimet e frytshme që ka pasë më bashkatdhetarët.

Zv/Kryetari i Vatrës, z. Asllan Bushati, duke e falenderuar për vizitën, i uroi Kryebashkiakut detyrën e tij si qytetar i parë i Tropojës dhe i kërkoi, që të luftojë shumë për Tropojën, ta mbajë larg adminiitratën nga korrupsioni, si dhe të mos bëhet palë me ata që duan ta shkatërrojnë atë ç’ka natyra i ka dhënë, Valbonën.

Në fund Kryetari i bashkisë shkroi në librin e vizitorëve: Me shumë kënaqësi sot vizitova Vatrën dhe u takova me vatranët. Ndjehem krenar që preka këtë tempull të Historisë kombëtare, veprimtaria dhe puna shekullore e Vatrës janë të lidhura pazgjidhshmërisht me egzistencën e Shtetit Shqiptar. Nderim dhe respekt për Vatrën dhe Vatranët!

Besnik Dushaj

Kryetar i bashkisë së Tropojës.

Nju Jork, 18 Prill 2016

“MOSDENIMI I KRIMIT ESHTE KRIM I RI”

April 17, 2016 by dgreca

Si vatran dua te ve ne dijeni Federaten Panshqiptare te Amerikes”Vatra” dhe dashamiresit e saj se kam gati per shtyp nje veper te re me shkrime te ndryshme. Titulli i saj eshte “MOSDENIMI I KRIMIT ESHTE KRIM I RI”. Deri sot kam botuar shume prej ketyre shkrimeve, tani po botoj hyrjen e kesaj vepre./

Nga Thanas L. Gjika/

H Y R J E/

Territoret e banuara prej shqiptarëve janë një vend me pasuri të mëdha natyrore dhe njerëzore. Mirëpo për shkak të sundimeve të huaja në të kaluarën e largët, pastaj për shkak të coptimit në disa shtete dhe tani së fundi për shkak të qeverisjes së keqe, këto territore dhe kjo popullsi nuk kanë arritur nivel zhvillimi që meritojnë. Deri më 1912 territoret shqiptare ishin kthyer në një minierë prej nga merreshin jenicerë dhe ushtarë, aty nuk investohej asgjë. Mirëpo edhe gjatë qeverisjes së keqe të këtyre dhjetëvjeçarëve të fundit territoret tona po ashtu shërbejnë si minierë prej ku eksportohen emigrantë dhe nuk bëhen investime serioze për të shfrytëzuar pasuritë e vendit e për të punësuar shqiptarët. Territoret tona po zbrazen e dobësohen deri në shkretim për shkak të klasës politike të korruptuar.

Për fatin tonë të mirë gjeopolitika e disa shteteve të fuqishme si SHBA-të, Gjermania dhe Italia përputhet me interesat e popullit tonë dhe të territoreve tona. Kjo përputhje interesash ka bërë që këto shtete na kanë ndihmuar për çlirimin dhe përparim tonë, por kjo nuk duhet të na bëjë të mendojmë se këto shtete do ta zhvillojnë Shqipërinë, Kosovën e Maqedoninë ashtu si duam ne. Faktori kryesor dhe vendimtar për zhvillimin tonë jemi e duhet të jemi ne shqiptarët dhe kur themi faktori kryesor për zhvillimin tonë duhet të jemi ne, duhet të kuptojmë se këtë rol ne do ta luajmë jo thjesht duke punuar, por duke punuar rëndë me atdhedashuri e cila shpesh herë kërkon dhe sakrifica…

Sot, pasi Kosova ka fituar pavarësinë kombëtare dhe shqiptarët e Maqedonisë e kanë forcuar luftën e tyre për më shumë të drejta politike, ndërsa Shqipëria është anëtarësuar në NATO; mundësitë për zhvillim të popullit tonë janë rritur. Përmirësimi dhe zhvillimi i shpejtë është i lidhur me ndërgjegjësimin e popullin për vlerën dhe forcën e votës. Sa më i ndërgjegjshëm të jetë populli që votën duhet t’ua japë vetëm njerëzve të ndershëm, aq më shpejt do të pastrohet klasa jonë politike nga njerëzit e korruptuar që po e qeverisin keq këtë popull. Vetëm deputetët dhe zyrtarët e ndershëm do të regullojnë legjislacionin demokratik dhe do të luftojnë korrupsionin dhe kriminalitetin në çdo hallkë e qelizë të shoqërisë.

Dihet se nga viti 1991 deri më 2015 në Shqipëri janë futur 140 miliaed dollarë në formë ndihmash e investimesh prej Komuniteti Europian, SHBA-ve, emigrantëve, etj. Me një kapital të tillë duhej që Shqipëria të kishte ndërtuar jo vetëm ato pallate e rrugë që ka ndërtuar, por ajo duhej të kishte krijuar një zhvillim të tillë industrial e bujqësor që të thithte fuqi punëtore prej jashtë dhe jo të vijonte emigracioni si rruga kryesore për përmirësimin e jetesës.

Pengesa themelore për mosecjen me sukses të Shqipërisë pas shkërmoqjes së diktaturës komuniste, ka qenë zbatimi në fshehtësi i planit Katovica. Ky plan, i hartuar prej Mikhail Gorbachev (Mihal Gorbaçovit), u zbatua dhe po vijon të zbatohet tek ne prej njerëzve të vënë prej Ramiz Alisë. Ky plan kishte dhe ka për qëllim mosdënimin e së keqes komuniste dhe trashëgimin e pasurive të vendit dhe të pushtetit ekonomiko-politik prej bijve të ish-pushtetarëve komunistë dhe shërbëtorëve të tyre. Pikërisht për të trashëguar pasuritë, të cilat ata i rrëmbyen me forcë në vitet 1945-1991 duke zbatuar politikën çnjerëzore të luftës së klasave dhe mbas vitit 1991 duke kultivuar korrupsionin dhe një luftë fiktive politike, u ndoq një politikë mashtruese për të thënë sikur në Shqipëri u krijua pluralizmi i vërtetë politik dhe ekonomia e tregut. Në partitë e majta si PS, PSD, LSI militojnë ish-deputetë të PPSH-së, ish-pushtetarë komunistë e shërbëtorët e tyre, të cilët pas dështimit të politikës së PKSH / PPSH-së nuk kanë të drejtë morale të qeverisin Shqipërinë. Kurse në partitë e quajtura opozitare si PD, PR, etj, militojnë shumë elementë të ish Sigurimit dhe ish-komunistë, të cilët duke luajtur rolin e antikomunistit, ndihmuan e ndihmojnë maskimin e korrupsionit dhe mbajtjen e pushtetit ekonomiko-politik prej bijve të kupolës së vjetër komuniste dhe shërbëtorëve të saj. Forcat e vërteta opozitare, si Shoqata e të Përndjekurve, Balli Kombëtare Legaliteti janë përçarë duke futur në to elementë të ish Sigurimit. Këtyre forcave pas vitit 1991 asnjëherë nuk iu dha hapësirë jetike në lojën politike shqiptare. Pronarët e vërtetë janë sjellë vërdallë dhe po sorollaten nëpër gjykata duke marrë vetëm letra e shumë pak nga pasuritë e tyre të grabitura.

Kasta e sotme sunduese e Shqipërisë, pra klasa politike, përbëhet kryesisht prej Partisë Socialiste, Partisë Demokratike, Partisë Lëvizja Socialiste për Integrim, Partisë Socila Demokrate dhe Partisë Republikane.

Plani Katovica duke mos i dënuar krimet e komunizmit është një krim i ri, i cili duhet dënuar rëndë dhe sa më shpejt. Duhet të dënohet rëndë, sepse shoqëria e inkriminuar nuk siguron zhvillim ekonomiko-politik e moral, por vetëm pasurimin e pakicës sunduese. Kjo pakicë për fitimeve të veta dhe ruajtjen e pushtetit bën aleanca me forca të brendshme e të jashtme antishqiptare turke, greke, sërbe, italiane, etj.

Mbas hapjes së Shqipërisë, populli shqiptar pa nga afër popujt e Europës së Bashkuar, të SHBA-ve, Kanadasë, etj të cilët në sistemin pluralist me ekonomi të tregut të lirë, gëzojnë mundësi reale për të ecur përpara drejt mirëqenies. Prandaj populli ynë, të cilit nuk i mungon zgjuarësia, do të ndërgjegjësohet dhe do të krijojë një parti të re politike vërtet të djathtë të përbërë prej bijve të ndershëm. Këtë parti populli mund ta sjellë në qeverisje përmes mekanizmit të votës duke e mënjanuar kështu kastën e sotme sunduese, e cila po pengon rigjenerimin moral e shpirteror tëpopullit tonë.

Në përpjekjet për ndërgjegjësimin e popullit, për të mënjanuar këtë kastë nga pushteti deri sot po luajnë rol vetëm bijtë e shtresës së të përndjekurve dhe disa të rinj të formuar në botën Perëndimore. Mirëpo kasta politike është shumë e fortë, prandaj përmbysja e saj kërkon që të mobilizohen edhe intelektualë e krijues të ndershëm të së majtës. Ish-kuadrot e kohës së diktaturës duhet të pranojnë dhe dënojnë gabimet e krimet e asaj kohe, kurse shkrimtarët dhe artistët të dënojnë veprat e tyre të realizmit socialist, të cilat duke zbukuruar realitetin dhe duke lëvduar politikën e partisë, ishin gjithashtu krime sepse ndikuan drejtpërdrejt në shkatërrimin moral të popullit tonë.

Sot, kur hiqen si të ndershëm e të përndjekur të gjithë, madje dhe ish-pushtetarë komunistë e ish-sigurimsa, lind pyetja: si mund t’i njohë populli ata që janë vërtet të ndershëm që mund të krijojnë partinë e re politike, së cilës duhet t’i japë votën për të marrë frenat e qeverisjes?

Mbas 25 vjet tranzicioni, populli mund t’i dallojë kollaj bijtë e tij të ndershëm nga të pandershmit. Bij të ndershëm janë ata që kanë dënuar krimet e komunizmit, ata që u janë futur shkollave dhe punëve dhe kanë arritur rezultate të lavdërueshme, të cilët kur janë pasuruar, janë pasuruar jo me mashtrime, po me rrugë të ndershme. Të tillë janë të përndjekurit dhe të lënët mënjanë gjatë kohës së diktaturës dhe gjatë tranzicionit. Midis tyre ka dhe bij të ish-komunistëve të ndershëm të cilët nuk bënë karierë po punuan kokulur gjatë kohës së diktaturës e më pas. Te këta shqiptarë shkërmoqja e diktaturës dha rezultate pozitive. Ata ecën përpara pa paterica baballarësh dhe larg korrupsionit. Të tillë bij ndjejnë dhimbje kur shikojnë se shpërngulja e popullit tonë vijon ende. Ata përbëjnë shumicën, ose pak më shumë se gjysmën e shoqërisë sonë dhe mund ta marrin pushtetin po të organizohen si duhet në një parti vërtet të djathtë.

Bijtë e pandershëm të popullit tonë dallohen nga fakti se ata janë bij të ish-pushtetarvekomunistë, të ish-sigurimsave të cilët nuk i dënojnë krimet e kohës së komunizmit, madje mburren me të tilla bëma të turpshme të tyre ose tëprindërve të tyre. Të tillë njerëz janë pasuruar me rrugë jo të ndershme, duke trashëguar prona të grabitura prej pushtetit diktatorial ose tranzicionit mashtrues. Ata nuk ndjejnë dhimbje për shpërnguljen masive të shqiptarëve.

Kthjellimi i popullit për rrugën e shpëtimit nga kasta që ka sunduar deri sot dhe për zëvendësimin e saj me njerëz të ndershëm është zgjidhja e problemit jetik të pushtetit. Vetëm njerëzit e ndershëm e kuptojnë se mosdënimi i krimit është një krim i ri që e mban shoqërinë shqiptare në krahun e të humburve, në krahun e shoqërive dhe shteteve pa të ardhme.

Për të ndikuar në njohjen dhe dënimim e krimeve të kohës së diktaturës komuniste dhe të atyre që i fshehin e nuk i dënojnë ato, si dhe të atyre që i kanë vuajtur dhe i dënojnë ato krime, i mblodha në këtë vëllim disa shkrime që u përkasin disa fushave, si kritika letrare, artikuj studimorë, ese, kujtime, biseda, etj.

Scholarship Opportunity for Future Math and Science Teachers

April 14, 2016 by dgreca

Scholarship Opportunity for Future Math and Science Teachers/

Prepared for “Dielli” by Mithat Gashi, Chair, Vatra’s Educational Foundation. /

The Annette Urso Rickel Foundation, Inc. is offering full or partial tuition scholarships for one academic year to future Math and Science teachers. The Foundation’s mission is to enhance the quality of primary and secondary teachers by supporting their education and providing opportunities for individuals to realize their potential as Math and Science teachers.

Eligibility Requirements:	Commitment to becoming a teacher with priority given to math or science majors Entering the first or second year of college A good academic record Financially needs based Must be a resident of New York State
Criteria for Winners:	Attributes that demonstrate a well rounded individual Recommendations from teachers Involvement in extracurricular school activities such as sports, clubs, and the performing arts volunteer service in the community Work experience
Amount of Award:	To be determined based on student needs for the academic year and consideration for future funding if student sustains an academic record in good standing and is committed to becoming a teacher.

To apply for a scholarship, download and print the Scholarship Application Form. www.theannetteursorickelfoundation.org.

Fill out the form and mail it to the address provided, along with all required documentation by June 15, 2016.

Note that in addition to the application form, you must also provide:

A copy of your college acceptance letter
A copy of the prior year’s federal tax return
A 250 word essay titled: “Why I Want to Become a Math or Science Teacher”
Two letters of recommendation from teachers (mailed separately by them)