Dr. Paulin Marku/
I nderuar Kryetar i Federatës Pan-shqiptare të Amerikës “Vatra” z. Elmi Berisha
Anëtarë të Kryesisë së “Vatres”
Me lejoni që nëpërmjet kësaj letre publike, t’ju falënderoj dhe të shpreh mirënjohjen time të thellë për besueshmërinë tuaj që dëshmuat për të kryesuar organizimin e Konferencës Shkencore Ndërkombëtare me temë:
“Vatra ” 110-vjet në shërbim të atdheut dhe kombit shqiptar”
Një përgjegjësi dhe peshë e madhe por falë bashkëpunimit me grupin organizativ të konferencës dhe kontributit të çmuar të profesionistëve të fushës arritëm të finalizojmë me sukses këtë aktivitet shkencor.
Në këtë konferencë shkencore morën pjesë me ligjëratat e tyre:
akademik, studiues, profesorë dhe gazetarë profesionist të fushës, të cilët u bënë pjesë e rëndësishme e aktivitetit për të trajtuar historinë e lavdishme të Vatrës sonë shekullore.
Gjej rastin të falënderoj të gjithë ligjëruesit për gadishmërinë e tyre profesionale e shkencore. Pjesëmarrja e tyre, fizikisht apo online me kumtesa mjaft interesante e cilësore, i dhanë konferencës dimensione shkencore duke sjellë në vëmendje të opinionit public e shkencor historinë e lavdishme të Vatrës, e lidhur ngusht me historinë tonë kombëtare.
Trajtimi i çështjeve thelbësore nga profesionistë që janë marrë me Vatrën apo me periudhën historike dhe falë njohurive që ata kanë me dokumente arkivore, vendase dhe të huaja, monografi, revista studimore shkencore, gazeta kombëtare e ndërkombëtare, bëri të mundur që të kemi kumtesa cilësore për të zbardhur të shkuarën e lavdishme të veprimtarisë së Vatrës dhe vatranëve.
Ju jam thellësisht mirënjohës për bashkëpunimin dhe finalizimin me sukses të këtij aktiviteti shkencorë. Ndiej detyrim moral e profesional, të falënderoj 20 ligjeruesit që shprehen gadishmërinë e pakursyer dhe pa kushte për të marrë pjesë me ligjëratat e tyre shkencore.
Falënderoj grupin organizativ të Konferences Shkencore Ndërkombëtare për bashkëpunimin e tyre,
Falënderoj, të gjithë ata që ishin pjesë e këtij aktiviteti prezent në sallë dhe on-line.
Po ashtu, dëshiroj të falënderoj, z. Mark Gjonaj për mundësimin e sallës gratis në dispozicion të aktivitetit,
Mirënjohje të thellë për Profesor Nikolla Pano, Idriz Lamaj, Frank Shkreli e Beqir Meta për këshillat dhe sugjerimet e vyera shkencore.
Gazetën “Dielli” me editor Sokol Paja që bashkëpunuan për të pasqyruar në mënyrë profesionale mbarëvajtjen e aktivitetit,
Dr. Elton Mara për të krijuar lidhjet me platformën webinar online,
Falënderoj mediat që morën pjesë,
Falënderoj, fotografin Dritan Haxhia,
Falënderoj çdo person që bashkëpunoi për realizimin me sukses të Konferencës Shkencore Ndërkombëtare, të cilët shprehen gadishmërinë e tyre për të mbështetur dhe për të bashkëpunuar duke më këshilluar e sugjeruar sa herë që pata nevojë.
Së fundmi, falënderoj edhe familjen time që më mirëkuptuan angazhimin tim disa mujor dhe mos prezencën time.