Kancelarja gjermane ka thënë se do të ishte “naive” nga ana e BE që ta konsiderojë gjithmonë të sigurtë mbështetjen e SHBA. Ajo bëri thirrje për më shumë solidaritet brenda BE pas Brexit dhe fitores së Donald Trumpit.
Kancelarja gjermane Angela Merkel kërkoi në një fjalim të mbajtur të enjten në Bruksel që Bashkimi Evropian “të marrë më tepër përgjegjësi” në politikën botërore. Kjo thirrje bëhet në një kohë, kur në Evropë janë shtuar shqetësimet për angazhimin ndaj bashkëpunimit transatlantik të Presidentit të zgjedhur të SHBA, Donald Trump.
“Nga këndvështrimi i disa prej partnerëve tanë tradicionalë- dhe me këtë kam parasysh edhe marrëdhëniet transatlantike – nuk ka garanci të përjetshme për një bashkëpunim të ngushtë me ne, evropianët”. Kështu u shpreh Kancelarja Merkel para të pranishmëve në Bruksel, pasi kishte pranuar më parë tituj si doktore nderi nga universitetet prestigjoze belge, Leuven dhe Ghent.
Kancelarja nuk e përmendi me emër Donald Trumpin. Por fjalët e saj duket se u referoheshin vërejtjeve të liderit të ardhshëm amerikan, se ai do të shqyrtojë kontributet financiare të një vendi në aleancën e NATO-s përpara se të nisej ta ndihmonte atë vend. “Evropa po përballet me sfidat më të mëdha në dekada”, tha Merkeli duke përmendur konfliktet në kufijtë e Evropës si atë në Ukrainë.
Ne Foto: Merkel merr titullin doktor nderi në Belgjikë/
Ajo shtoi se do të ishte një qëndrim “naiv ta konsiderosh të sigurtë se të tjerët do të zgjidhin problemet në fqinjësinë tonë.”Merkeli tha se vota shokuese e Britanisë së Madhe për t’u larguar nga Bashkimi Evropian e ka rritur rëndësinë e solidaritetit brenda pjesës tjetër të bllokut. Kjo ka dalë në pah edhe në diskutimet që janë bërë për të intensifikuar bashkëpunimin në fushën e mbrojtjes dhe në çështje të tjera.”Këtë vendim ne duhet ta shohim si një shtysë për të bashkëpunuar (për synimin) e mbajtjes së Evropës të bashkuar, për ta përmirësuar atë dhe për ta sjellë atë sërish më pranë qytetarëve”, tha ajo. Në takimin e nivelit të lartë në dhjetor, Bashkimi Evropian ra dakord që të ndërmarrë hapat e parë drejt zgjerimit të bashkëpunimit në fushën e sigurisë dhe të mbrojtjes.Kancelarja Merkel, e cila kërkon të rizgjidhet në post këtë vit është kritikuar në Evropë për politikën e saj ndaj refugjatëve sirianë. Të enjten ajo tha edhe se Evropa duhet ta përshpejtojë punën e saj për miratimin e një regjistri të hyrjeve dhe të daljeve në BE, për t’i kontrolluar në këtë mënyrë më mirë kufijtë e Bashkimit Evropian.
Z.Merkel harron se ajo pa SHBA eshte nje zero e madhe dhe njekohesisht neglizhon faktin se 75% e buxhetit te Nato financoheti qe pertej Oqeanit .Ajo hedhe shume helm ne keto mardhenie duke krijuar dyshime ne mbeshtetjen amerikane .Duke marr rolin e flamurtares ne Europe ajo kerkon te forcoje pozitat e saja te lekundura per zgjedhjet e ardheshme ne Gjermani .Ajo ishte shkaktarja e prishjes se ekuilibrit Afrike -Europe duke e qelbur kontinentin meme dhe duke shkaktuat paqendrueshmeri ekonomike ne rajon .Ajo nuk vlen me si kancelare e emertuar gruaja e hekurt –Sot ajo eshte nje baker i kallaisur keq dhe ky vit do ta largoje ate nga skena politike pavaresisht dekoratave te mara lart e posht –Le tua var maceve te saja ne qafe ato dhe ti coj ne Bundestag .Mbase atje do te kene me shume vlere se sa ne shtepine e saje .Na rrofsh per dimer zonja Merkel se behari nuk do te te zeri me aty .