Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shpallen në Durrës Miss & Mister Children Albania 2016

by

Nga Ahmet ZANI/

Ka mbyllur siparin edicioni i dytë i eventit mbarëkombëtar për fëmijë Miss & Mister Children Albania 2016. 80 fëmijë fitues që ishin shpallur të tillë në qytetet e tyre respektive kanë qenë konkurentët e këtij spektakli mbreselënës që u organizua nga 16-18 Qershor në Durrës. Fëmijët nga 6-13 vjeç kanë garuar të gjithë së bashku duke sjellë bashkë me alegrinë dhe natyrshmërinë e tyre, pjesë të ëndrrave dhe botës së tyre fëminore. Konkurentët ushin nga qytete të ndryshme të Shqipërisë, Maqedonisë, Mali i Zi dhe nga Kosova gjithashtu. Organizatore e këtij eventi special ka qënë si gjithmonë agjensia e spektakleve Albania Event Productions me organizatore gazetaren e njohur Albana Çakshiri nën produksionin e producentes Irena Vreto. Organizatorët kishin zgjedhur qytetin bregdetar të Durrësit si një nga qytetet më elitare të turizmit dhe kulturës në Shqipëri. 80 pjesmarrësit e kësaj gare kanë konkuruar për çmime të ndryshme, ku natyrisht çmimet kryesore janë ato të Miss Children Albania dhe Mister Children Albania. E veçanta e këtij edicioni ka qënë juria e cila ka patur pjesë të saj vetëm tre antare emra të njohur në fushat përkatese dhe njëherësh personazhe shumë elitare. Natyrisht që emri më special i jurisë ka qënë ai i tenorit me famë botërore z. Agim Hushi. Gjithashtu pjesë e jurisë ka qënë piktori i suksesshëm nga Maqedonia njëhereësh drejtori i Qëndrës për Kulturë në Gostivar z. Luan Zenki. Produksioni kishte vendosur si kryetar të jurisë botuesin e suksesshëm të gazetës më të mirë në tregun shqiptar Telegraf z. Ëngjëll Musai. Juria ka votuar për çmimin e madh Mister Children Albania 10 vjeçarin nga Fushë Kruja Orges Daci. Ndërkaq vajza që është kurrorëzuar si fëmijë më i bukur i trojeve shqiptare për vitin 2016 është 9 vjeçarja nga Bulqiza Gerdana Viçishta. Gjithashtu 10 fëmijë të kësaj gare do përfaqësojne Shqipërinë, Kosovën, Maqedoninë dhe Malin e Zi në garën e madhe botërore në kategorinë fëmijë Miss&Mr. Grand Sea Universe në Sofie Bullgari. Vlen te përmendet ndër te tjera Eleni Cereni 10 vjeçarja durrsake që përveçse është vleresuar me tre çmime të rendësishme mes të cilëve dhe atë te përfaqësimit të Shqipërisë në eventin boteror të lartpërmendur. Gjatë performancave të konkurentëve vëmendja është fokusuar dhe tek evidentimi i talenteve artistike. Nadia Meta Miss Children Peshkopia ka performuar si këngëtare duke sjellë emocione të bukura ndërsa është vlerësuar me tre çmime të rëndësishme. Përgjatë këtij viti të gjithë fëmijët fitues do të jenë pjesë e një botimi special në një revistë të rëndësishme, ndërkohë qe do jenë imazh dhe i disa kompanive me produkte për fëmijë. Dy fituesit e vitit të kaluar Medina Shijaku nga Kavaja dhe Reald Gishta kanë qënë prezent në skenë duke dorëzuar trofetë tek fëmijët pasardhes. Spektakli u drejtua nga Albana Çakshiri njëherësh organizatore e eventit

21 vjecarja greke fiton ne Durres “Miss Summer World 2016”

by

Nga Ahmet ZANI/*

“Miss Summer World 2016” kompeticioni nderkombetar i bukurise ka shpallur ne fundjavë ne teatrin e Durresit me te bukuren e botes per veren e vitit 2016. Artemi Moustaki 21 vjecarja greke ka rrembyer kurroren e triumfueses ne spektaklin e organizuar nga agjensia e spektakleve “Albania Event Productions” nen produksionin e producentes se njohur Irena Vreto. 20 vajza nga vende te ndryshme te botes jane vleresuar nga juria nderkombetare ne te cilen pervec emrave te njohur te producenteve nga vende te ndryshme te botes ne fushen e bukurise, ka patur dhe perfaqesues shqiptare. Kryetar i jurise nderkombetare ishte Engjell Musai botues i gazetes Telegraf. Duhet theksuar se pjese e jurise nderkombetare ishte edhe producenti i Miss&Mrs. Grand Sea Universe Chavdar Arsov nga Bullgaria, Lili Kovàcs perfaqesuese e KSID Model Hungary nga Hungaria, Sidrita Sadikaj Kosova, Kosta Pelikani Shqiperi, Dashnor Asllani Kosove. Vendin e pare e ka mare perfaqesuesja e Greqise Artemi Moustaki, shoqeruese e pare eshte shpallur Kristina Vukovic nga Montenegro, teksa shoqeruese e dyte Kaltrina Berisha nga Kosova. Cmimin e publikut e ka fituar durrsakja qe perfaqesonte Shqiperine Seva Cereni si dhe cmimin Miss Europe. Spektakli Miss Summer World ka patur koreografe te tij Ledia&Jonel Asabellen, ndersa eshte prezantuar ne gjuhen shqipe nga Albana Cakshiri dhe ne gjuhen angleze nga gazetari i Vizion Plus Klevis Saliu.Albana Cakshiri organizatore e ketij eventi ka theksuar rendesine e kesaj gare per promovimin e vlerave te Shqiperise turistike ne bote, por dhe njohjen e vendit te shqiponjave nga konkurentet pjesmarrese. Agjensia e spektakleve “Albania Event Productions” eshte bere e njohur per spektaklet e saj ne fushen e bukurise, ku mund te permendim disa patenta te rendesishme si Bukuroshja e Shekullit, Miss Summer Albania, Miss&Mister Children Albania etj,.

Natyrisht qe Miss Summer World ishte njw event mbreselens ku mes morise te te ftuarve, emrave te njohur te jurise etj., kryefjala ishte hiri dhe bukuria e konkurenteve.

* Bashkepunetor i Diellit nga Shqiperia

MESUESI SHKODRAN PROF. DR.DAVID LUKA, “NDERI I MAMURRASIT”

by

Nga Ahmet ZANI/

Si rrallëherë qyteti i Mamurrasit dhe një pjesë e banorëve të saj kanë festuar një aktivitet kulturor për nder të mësuesit David Luka. Mësuesi i nderuar David Luka do të kalonte një pjesë nga mosha e rinisë së tij në zonën e Mamurrasit si mësues, ndaj për të vlerësuar punën dhe aktivitetin e tij kanë menduar kolegët mësues për t’i propozuar titull nderi. Këshilltarët e Bashkisë së këtij qyteti do të konsideronte obligim plotësimin e kërkesës duke miratuar që një vit më parë dhe këshilltarët në unanimitet të plotë propozimin e Shoqatës Kulturore  Patriotike Kurbin.

Vladimir Korriku anëtar i Kryësisë së  Shoqërisë Patriotike të Kurbinit njëkohësisht ish- nxënës dhe tashme drejtori Shkollë në qytetin e Mamurrasit do të organizonte aktivitetin për nder të mësuesit të shquar David Luka, ndersa aktivitetit nuk do të mungonin një mori kolegësh dhe nxënësish nga zonat e Kurbinit të cilët kanë pritur me mjaft dashamirësi ardhjen nga qyteti i Shkodrës mësuesin e ndëruar David Luka.

Për t’i dhënë titullin e Nderit këtij personaliteti me mjaft vlera ish- kryetarja e këshillit bashkiak të Mamurrasit mësuesja Arjeta Sula do të ftonte legjendën e dijes së Kurbinit z. David Luka për të marrë dekoratën: Prof. Dr. z. David Luka Nderohet nga Këshilli i Bashkisë së Mamurrasit me motivacion: Qytetar Nderi i Mamurrasit: Intelektuali, mësuesi i nderuar, studiuesi i trevave të Kurbinit

Mjaft emocionuese për tërë të pranishmit teksa qytetari i Nderit të Mamurrasit pasi ka marrë dekoratën do të sillte mjaft kujtime nga aktiviteti i tij. Me mjaft dashamirësi ai do të kujtonte thuajse tërë kolegët në vitet e punës si mësues, i nderuar me mjat intelegjencë dhe pasion për Kurbinin. Miqtë ish- kolegët dhe të ftuarit e tjerë do të vlerësonin punën e këtij njeriu të vecantë i cili ka lënë gjurmë të çmuara në fushën e mësuesisë qytetari i Nderit të Mamurrasit Prof. Dr. David Luka.

Mbyllet muzeu “Martirët E Lirisë” ne Kurbin

by

Nga Ahmet ZANI/
IGFM-Apel: Mbi te Drejtën komunitetit të Kurbinit – igfm-apel: Mbi të Drejtën komunitetit te Kurbinit për të patur një muze Një ndër të Drejtat themelore në Deklaratën e Përgjithshme të të Drejtave të Njeriut, është:- E Drejta mbi Trashëgimisë Kulturore. Përse komunitetit të Kurbinit i mohohet e Drejta e Trashëgimise Kulturore ? Përse u duhet një vendim politik për të patur muze në Kurbin ? Apo se muzeu na qenka i politizuar.• Që kur Qeveria Shqiptare kërkon të ç’politizoje historinë? Që kur pushteti vendor në Kurbin ka filluar të merret me ç’politizimin ? A e besoni ju qytetarë të Kurbinit këtë fakt ? sepse muzeu :”Martirët E Lirisë” duhej mbyllur për të hapur atë “Ekologjik” ? A kanë të Drejtë qytetarët e Kurbinit të memorizojnë historinë e prindërve të tyre ? A dëshironi ju vendorë të pushtetit të përdorni fshesën e harresës tek historia e prindërve tuaj ?
IGFM Apelon! Mos u bëni bashkëautorë të padrejtësië kulturore.
Mark Palaj kreu i Shoqërisë Internacionale për të Drejtat e Njeriut apelon për deskriminimin nga autoritetet vendore të bashkisë Kurbin në mbylljen e muzeut, aty ku pasqyrohet rezistenca  e martirëve antikomusitë. Muzeu historik i këtyre martirëve nuk ndodhet më në Pallatin e Kulturë së Laçit, ndërsa janë dëmtuar të gjitha objektet madje janë zhdukur tërësisht.
 Në vitin 2015 është hapur muzeu në përkujtim të martirëve nën kujdesin e disa personave nga shoqata e Përndjekurve Politikë, ku dhe ka patur mjaft interes nga banorët kurbinas. Kontributi më i çmuar në ndëtimin e muzeut, padiskutim është i Mark Palajt i cili tashmë sjell dhe apelimin në emër të organizatës IGFM  e cila mbështet të Drejtat e Njeriut.

ARRESTOHET NJË “RILINDAS” NË KURBIN, KREU I OSHEE

by

Kreu i Departamentit për Rendin dhe Sigurinë në PD, Enkeled Alibeaj denoncoi emërimin në krye të OSHEE-së në Kurbin. Lekë Tuna sipas tij, është kreu i një grupi kriminal që trafikonte makina./

Nga Ahmet ZANI/

Drejtori i OSHEE Kurbin është arrestuar në mesnatën e dy ditëve më parë në banesën e tij në Lac. Arrestimi në kuadër të operacionit të koduar Luxi ku bashkë me disa persona të tjera akuzohet pëe trafik të mjeteve luksoze, Lek Tuna 27 vjecari nga qyteti i Lacit është vendosur në krye të OSHEE Kurbin disa muaj me parë, ndërsa është prangosur për vjedhje të atoveturave ne disda shtete si Zvicer Itali etj,. Mjetet kanë kaluar nga dogana e Hanit te Hotit ndersa i personi ne fjale eshte derguar ne ambjentet e drejtorise se policise se shkodres i dyshuar per vepren penale te vjedhjes se automjeteve lusoze, ndersa pritet vendosja e mases se sigurise pasi te shqyrtohet nga policia vepra ndaj drejtorit te OSHEE ne Kurbin.

Kreu i Departamentit për Rendin dhe Sigurinë në PD, Enkeled Alibeaj denoncoi emërimin në krye të OSHEE-së në Kurbin. Lekë Tuna sipas tij, është kreu i një grupi kriminal që trafikonte makina.

“Lekë Tuna është kreu i një grupi kriminal që vidhte dhe trafikonte makina, e pikërisht me Edi Ramën u shpërblye duke u bërë drejtori i OSHEE për Kurbinin”,- tha Alibeaj, i cili ka zbuluar edhe arrestimin e këtij personi, por që është mbajtur i fshehtë.

“Pas një hetimi të gjatë të prokurorisë së Shkodrës ky person u arrestua natën e 5 prillit, nën akuzën e trafikimit të mjeteve motorrike. Por lajmi po mbahet i fshehtë, dhe megjithëse nën arrest për këtë vepër të rëndë penale, Tuna vazhdon të jetë zyrtarisht kreu i OSHEE për Kurbinin”, tha Alibeaj.

“Në gjithë Kurbinin, mes qindra të rinjve e të rejave, burrave e grave me integritet e të arsimuar, Edi Rama i vuri gishtin pikërisht këtij vjedhësi dhe trafikanti makinash, kreut të një grupi të strukturuar kriminal, me lidhje dhe me mafian rajonale, për ti besuar drejtimin e OSHEE. Prandaj dhe pikërisht për këta trafikantë me të cilët ndan pushtetin, me të cilët sundon qytetet dhe i ka sjellë deri në parlament, Edi Rama nuk e donte dekriminalizimin dhe bëri çdo përpjekje për ta ndalur atë”, theksoi ai në një deklaratë për mediat.