Rikthehet në Tiranë Ish-ambasadori i Shteteve të Bashkuara, /
Në kuadër të detyrës së re, si ndihmes i Sekretarit të Shtetit për Çështjet e Trafikut Ndërkombëtar të Narkotikëve dhe Sundimit të Ligjit, sot, zoti Arvizu,  i shoqëruar nga pasardhësi i tij, Donald Lu, u prit nga kreu i Kuvendit Ilir Meta. Në njoftim e shpërndarë për mediat nga zyra e Kuvendit, thuhet se Meta dhe Arvizu biseduan mbi ecurinë e reformës në drejtësi, mbi bashkëpunimin në drejtim të sundimit të ligjit dhe për luftën kundër trafiqeve të drogës, krimit të organizuar dhe korrupsionit. “Alexander Arvizu vlerësoi miratimin me konsensus të ndryshimeve kushtetuese për reformimin e sistemit të drejtësisë në Shqipëri dhe në veçanti shprehu mirënjohjen e SHBA për rolin lehtësues që Kryetari i Kuvendit Meta luajti në fazat përmbyllëse të votimit në parlament të kësaj reforme”, thuhet në njoftim. Meta dhe Ambasadori Arvizu diskutuan edhe mbi forcimin e bashkëpunimit mes Shqipërisë dhe SHBA në luftën kundër kultivimit dhe trafikimit të lëndëve narkotike, kundër krimit të organizuar dhe kundër të gjithë elementëve të tjerë kriminalë që shkojnë ndesh me axhendën Euro-atlantike të Shqipërisë. {Sh.K}.