Arrestohen “bashkëpunëtorët” e grupit të armatosur në Kumanovë/
Ministria e Punëve të Brendshme e Maqedonisë, mëngjesin e së enjtes ka ndërmarrë një aksion të madh policor në Kumanovë për të arrestuar bashkëpunëtorët e grupit të armatosur me të cilin u përlesh policia maqedonase më 9 maj, në “Lagjen e Trimave”.
Sipas MPB-së, kontrollet po bëhen në Shkup dhe Kumanovë dhe janë arrestuar disa persona të cilët do të dalin para gjykatësit kompetent.
Mediat raportojnë se policia maqedonase mban të rrethuar fshatin Brezë, që ndodhet në afërsi të Shkupit. Ministria e Punëve të Brendshme ka paralajmëruar se do të japë më tepër detaje më vonë gjatë ditës.
Në aksionin e majit të këtij viti në “Lagjen e Trimave” në Kumanovë humbën jetën 8 policë, ndërsa 30 të tjerë mbetën të plagosur.
Gjatë këtij aksioni policor u vranë 10 anëtarë të grupit të armatosur, ndërsa 30 u dorëzuan dhe kundër tyre është ngritur procedurë gjyqësore.
Arrestime masive të shqiptarëve në Plavë e Guci
Në emailin e redaksisë sonë, dhe një postim të bërë në rrjetin Facebook (faqja “Fondacioni Plavë dhe Guci”), thuhet se sot rreth orës 11:00 kanë ndodhur arrestime të dhjetëra shqiptarëve nga ana e policisë malazeze. Arrestimet kanë ndodhur pasi shqiptarët kanë kundërshtuar ndërtimin e Kishës ortodokse serbe. Këtë të dhënë e kanë konfirmuar për Reporteri.net edhe banorë të asaj treve. “Sot rreth orës 11 na Martinaj, arritën numër i madh i forcave special malazeze, te cilat kishin ardhur për t’i mbrojtur ultranacionalistët ortodoksë serbë të cilët me ndihmën e aparatit shtetëror malazez në vazhdimësi po provokojnë popullatën shqiptare të Plavë-Gucisë, e në veçanti fshatin etnik e të pastër Martinaj”, thuhet në email.
“Sot policia special arrestoi në Martinaj këta bashkëkombas.
1. Isuf Balia Balidemaj (80)
2. Selim Kameri Hasangjekaj (74)
3. Sherif Lani Hasangjekaj (70)
4. Bujar Hasangjekaj
5. Naim Prelvukaj
6. Lis Naimi Prelvukaj
7. Shaban Syla Balidemaj
8. Skender Hasangjekaj
9. Flamurdon Hasangjekaj
10. Hasan Prelvukaj
11. Valon Prelvukaj
12. Fatos Prelvukaj
13. Shaban Prelvukaj
14. Sadri Smajli Balidemaj
15. Ibish Balidemaj
16. Rexhe Balidemaj
17. Bali Rama Hasangjekaj
18. Sadik Rama Hasngjekaj
19. Luan Bajram Balidemaj
20. Martin Hasangjekaj
21. Ali Zeqiri Prelvukaj
22. Bekim Hasangjekaj
Te gjithë emrat e cekur janë ende në qendrën e ndalimit në stacionin policor në Plavë”, thuhet në fund të postimit. (Gazeta-Lajm- Maqedoni)