Behlul Jashari – Page 106 – Dielli

KOSOVA ZGJEDHJE LOKALE NË 22 TETOR, NIS FUSHATA…

September 21, 2017 by dgreca

-Që nga mesnata nisi fushata e zgjedhjeve lokale të 22 tetorit, të cilat do zhvillohen në 38 komuna/

1 Behlul Zgjedhjet

NGA BEHLUL JASHARI-KORRESPONDENT I DIELLIT NE KOSOVE/

-Deklaratë nga ambasadat e Francës, Gjermanisë, Italisë,

Mbretërisë së Bashkuar dhe Shteteve të Bashkuara të Amerikës: Për fushatë të lirë, me respekt dhe të qetë/

PRISHTINË, 21 Shtator 2017-Gazeta DIELLI / Ka nisur sot në Kosovë, që nga mesnata, fushata e zgjedhjeve lokale që do mbahen pas një muaji, në 22 tetor, në 38 komuna për kryetarët dhe kuvendet e tyre. Garojnë gjithësej 91 subjekte politike, prej tyre 35 parti, 30 iniciativa qytetare, 25 kandidatë të pavarur dhe 1 koalicion.Gjatë ditës së sotme, Lëvizja Vetëvendosje zhvilloi aktivitete në Prishtinë, Gjakovë, Gjilan, Mitrovicë e Ferizaj, ku morën pjesë kandidatët nga të gjitha komunat.Pasditen e sotme, Lidhja Demokratike e Kosovës në Sallën “1 Tetori” në Prishtinë hapi fushatën me prezantim të kandidatëve për kryetarë komunash. Në të njëjtën orë Aleanca për Ardhmerine e Kosoves në Sheshin 21, në Prishtine, bëri hapjen e fushtës për zgjedhjet lokale 2017. Partia Demokratike e Kosovës në Prishtinë bëri hapjen solemne të fushatës së zgjedhjeve lokale pikërisht në minutën e parë pas mesnatës së kaluar, për të vazhduar gjatë ditës në Mitrovicë…

1 Stema

AMBASADAT E QUINT: QYTETARËT MERITOJNË NJË PROCES ZGJEDHOR TË HAPUR DHE TRANSPARENT

Në fillimin e fushatës për zgjedhjet komunale sot në Kosovë ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës ftojnë të gjitha partitë politike dhe kandidatët e tyre që të angazhohen për fushatë të lirë, me respekt, dhe të qetë.“Qytetarët meritojnë një proces zgjedhor të hapur dhe transparent ku të gjithë kandidatët kanë të drejtën që të dëgjohen nga votuesit, ku pjesëtarët e mediumeve kanë të drejtën që – pa kërcënim ose dhunë – të shpërndajnë informata për zgjedhjet, dhe ku të gjithë votuesit kanë të drejtën që të marrin vetë vendimet e tyre pa presion”, thekson deklarata e përbashkët dërguar nga ambasada e SHBA.Ne, shprehen ambasadat e Quint-it, ritheksojmë se liria për përkatësi politike dhe liria e fjalës janë të drejta të garantuara në një shoqëri demokratike, dhe ne fuqimisht dënojmë çdokend që tenton të ndikojë procesin zgjedhor, apo që përmes frikësimit, kërcënimit dhe presionit tenton të ndikojë në zgjedhjet e bëra nga votuesit.“Ne presim nga udhëheqësit e Kosovës dhe nga ata që kanë ambicie për udhëheqësi që të flasin fuqimisht kundër këtij lloji të sjelljes, dhe ne përkrahim përpjekjet e policisë vendore dhe prokurorëve që të hetojnë çdo raport të frikësimit, kërcënimeve, dhe detyrimit, dhe që të ndjekin penalisht këto nëse ka fakte”, theksojnë ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara në Prishtinë.Ambasadat presin nga kandidatët që t’ju përmbahen këtyre standardeve gjatë gjithë fushatës, dhe i nxisin votuesit që të zgjedhin mençurisht ata kandidatë të cilët më së miri do t’i përfaqësojnë interesat e qytetarëve dhe të shtetit gjersa shteti synon vazhdimin e rrugëtimit drejtë integrimeve Euro-Atlantike.

KOSOVA 38 KOMUNA, 27 ME SHUMICË SHQIPTARE

Kosova ka gjithësej 38 komuna, 27 janë me shumicë shqiptare dhe më e madhja është e kryeqytetit, Prishtinës.Ndërsa, 10 komuna, kryesisht nga më te voglat, janë me shumicë serbe, 5 prej tyre të reja – Graçanica, Kllokoti, Ranillugu, Parteshi dhe Mitrovica e Veriut, të formuara sipas Propozimit Gjithpërfshirës për Zgjidhjen e Statusit të Kosovës të kryenegociatorit Martti Ahtisaari – emisarit special të OKB-së.Po sipas Paketës Ahtisaari, katër komunave me shumicë serbe që ekzistonin në Kosovë, Leposaviçit, Zubin-Potokut dhe Zveçanit, që të trija në veri, dhe Shtërpcës në jug, i është shtuar edhe një tjetër – Novobërda, me zgjërimin e saj.Një komunë, Mamusha, është e banuar me shumicë nga komuniteti turk, që është një nga minoritetet tjera në Kosovë. Zgjedhjet lokale të 22 tetorit mbahen në afat të rregullt, katër vjet pas zhvillimit të tyre në 3 nëntorin 2013, ndërsa në këtë vit – 2017-tën në Kosovë kishte edhe zgjedhje të parakohshme parlamentare në 11 qershor, 3 vjet pas atyre të 8 qershorit 2014.Zgjedhjet lokale të 22 tetorit në Kosovë do kenë një numër të madh monitoruesish, 100 prej të cilëve të Misionit të Bashkimit Evropian. Koalicioni Demokracia në Veprim në fillimin e fushatës së zgjedhjeve lokale ka mobilizuar 61 vëzhgues afatgjatë për të përcjellë nga afër aktivitetet në kuadër të fushatës 30 ditëshe, ndërsa për në ditën e zgjedhjeve, 22 tetor, ka rekrutuar mbi 2,500 vëzhgues të cilët do të jenë në të gjitha vendvotimet në Kosovë.Në zgjedhjet lokale 2013, sipas rezultateve të shpallura nga KQZ i Kosovës, që në raundin e parë, në 3 nëntor, janë zgjedhur kryetarët në 13 komuna, ndërsa në 24 komuna kishte balotazh në 1 dhjetor, e në 16 nëntor në Mitrovicën Veriore kishte rivotim në tre qendra, ku incidentet e sulmeve kishin ndërprerë votimet.

21 September 2017

STATEMENT BY EMBASSIES OF FRANCE, GERMANY, ITALY, THE UNITED KINGDOM AND THE UNITED STATES

As the local elections campaign season opens, the Embassies of France, Germany, Italy, the United Kingdom and the United States call all political parties and their candidates to commit to free, respectful, and peaceful campaigning. Citizens deserve an open and transparent election process where all candidates have the right to be heard by the voters, members of the media have the right to share information about the election free from threats or violence, and all voters have the right to make their own decisions free from any pressure.We reiterate that freedom of political affiliation and free speech are guaranteed rights in a democratic society, and we strongly condemn anyone attempting to influence the election process or the voters’ choices through intimidation, threats, and pressure. We expect Kosovo’s leaders, and those aspiring to leadership, to speak out strongly against this type of behavior, and we support the efforts of local police and prosecutors to investigate any reports of intimidation, threats, and coercion and to prosecute if the facts justify it.The Embassies expect the candidates to hold themselves to these standards throughout the campaign season, and encourage the voters to choose wisely those candidates who will best represent the interests of citizens and of the country as it aspires to continue the path of Euro-Atlantic integration.

Kuvendi i Kosovës, 7 grupe parlamentare

September 20, 2017 by dgreca

Kuvendi i Kosovës, 7 grupe parlamentare-14 komisione parlamentare/

1 Kryesia e Kuv Kosove

-Mbledhja e Kryesisë së Kuvendit, ndërprerje në mungesë kuorumi/

PRISHTINË, 20 Shtator 2017-Gazeta DIELLI-B.Jashari/ Kuvendi i Kosovës i zgjedhjeve të parakohshme të 11 qershorit 2017 ka 7 grupe parlamentare. Kjo u bë e ditu sot në mbledhjen e Kryesisë së Kuvendit të Republikës së Kosovës, drejtuar nga kryetari Kadri Veseli.Ai i njoftoi nënkryetarët e Kuvendit me krijimin e grupeve parlamentare, si në vijim: Grupi Parlamentar i Vetëvendosjes, me 32 deputetë, kryetar i grupit Glauk Konjufca, Grupi Parlamentar i LDK-së, me 27 deputetë, kryetar i grupit Avdullah Hoti, Grupi Parlamentar PDK-së, me 24 deputetë, kryetar i grupit Memli Krasniqi, Grupi Parlamentar i AAK-së, me 9 deputetë, kryetar i grupit Ahmet Isufi, Grupi Parlamentar i Listës Serbe, me 10 deputetë, kryetar i grupit Sasha Milosavljeviç, Grupi Parlamentar Nisma, me 6 deputetë, kryetar i grupit Bilall Sherifi, si dhe Grupi Parlamentar 6+ (i komuniteteve pakicë), me 6 deputetë, kryetar i grupit Albert Kinolli. Në vazhdim, u procedua me ndarjen e komisioneve parlamentare. Kryesia vendosi që edhe në këtë legjislaturë, Kuvendi të ketë 14 komisione parlamentare. Përfaqësuesit e grupeve parlamentare bën përzgjedhjen e komisioneve, sipas formulës së praktikuar.Sipas kësaj përzgjedhjeje, GP i Vetëvendosjes do të udhëheq katër komisione: Komisionin për Legjislacion, Komisionin për Arsim, Kulturë, Rini dhe Sport, Komisionin për Shëndetësi, Punë dhe Mirëqenie Sociale dhe atë për Mbikëqyrjen e AKI-së.

GP i LDK-së do të udhëheq tre komisione: Komisionin për Buxhet dhe Financa, Komisionin për Punë të Jashtme dhe Komisionin për Mbikëqyrjen e Financave Publike.Grupi Parlamentar i PDK-së do të drejtojë po ashtu tre komisione: Komisionin për Zhvillim Ekonomik, Infrastrukturë, Tregti dhe Industri, Komisionin për Administratë Publike, Pushtet Lokal dhe Media dhe Komisionin për Integrime Evropiane.Komisionin për Bujqësi, Pylltari dhe Mjedis e Planifikim Hapësinor do ta drejtojë GP i AAK-së, ndërsa atë për Punë të Brendshme, Siguri dhe Mbikëqyrjen e FSK-së, GP i Nisma-s.GP i Listës Serbe do të udhëheq Komisionin për të Drejtat, Interesat e Komuniteteve dhe për Kthim, ndërsa GP 6+, atë për të Drejtat e Njeriut, Barazi Gjinore, për Persona të Pagjetur dhe Peticione.

Në vazhdim, Kryesia, me konsensus vendosi që në komisionet që drejtohen nga grupet parlamentare të pozitës, zëvendëskryetarët e parë t’u takojnë grupeve parlamentare në opozitë, dhe anasjelltas. Zëvendëskryetarët e dytë në secilin komision do të vijnë nga grupet parlamentare që përfaqësojnë komunitetet pakicë. Mbledhja e Kryesisë vijoi me diskutimet për vazhdimin e seancës së jashtëzakonshme, lidhur me “Parimet programore të Qeverisë së Republikës së Kosovës 2017-2021”, të ndërprerë të dielën, në 10 shtator 2017.Në mungesë konsensusi lidhur me datën e vazhdimit të kësaj mbledhjeje, kryetari Veseli hodhi në votim propozimin e grupeve parlamentare në opozitë, që seanca të vazhdojë të hënën, në 25 shtator. Propozimi për vazhdimin e seancës të hënën, në orën 10:00, nuk mori mbështetjen e mjaftueshme të Kryesisë.Përfaqësuesit e grupeve parlamentare në pozitë kërkuan që seanca të vazhdojë të enjten, në 28 shtator, në të njëjtën ditë me shqyrtimin e programit të qeverisë, i cili tashmë u është shpërndarë deputetëve. Në këtë situatë, nënkryetarët e Kuvendit nga opozita lëshuan mbledhjen.Në mungesë kuorumi, mbledhja e Kryesisë u ndërpre.

Botohet monografia “Masakra e Reçakut – krim kundër njerëzimit”

September 15, 2017 by dgreca

-Në 15 janarin e vitit 1999 forcat serbe rrëmbyen nga shtëpitë e tyre dhe ekzekutuan mbi 40 banorë civilë shqiptarë. Në atë kohë, ambasadori amerikan William Walker, derisa ishte shef i Misionit verifikues të OSBE-së në Kosovë, në vizitën në vendin e ngjarjes masakren në Reçak e cilësoi krim kundër njerëzimit/

PRISHTINË, 14 Shtator 2017-Gazeta DIELLI/ Instituti për Hulumtimin e Krimeve të Luftës në Kosovë ka botuar monografinë “Masakra e Reçakut – krim kundër njerëzimit” të shkruar nga grup autorësh.Monografia në gjuhën shqipe dhe atë angleze u promovua sot në mesditë në Bibliotekën Kombëtare “Pjetër Bogdani” në Prishtinë. Në këtë promovim të monografisë mbajtën fjalë rasti Prof. Ismet Salihu, shkrimtari Ahmet Qeriqi, bashkë-autori i librit Ruzhdi Jashari, si dhe përfaqësuesi nga fshati Recak,. Agim Kameri. Në promovim morën pjesë studiues, hulumtues, veprimtarë të çështjes kombëtare dhe një auditorium i gjerë.

Në Reçak, fshat i Kosovës në komunën e Shtimes, në 15 janarin e vitit 1999 forcat serbe rrëmbyen nga shtëpitë e tyre dhe ekzekutuan mbi 40 banorë civilë shqiptarë. Në atë kohë, ambasadori amerikan William Walker, derisa ishte shef i Misionit verifikues të OSBE-së në Kosovë, në vizitën në vendin e ngjarjes masakren në Reçak e cilësoi krim kundër njerëzimit.

Në Kompleksin Përkujtimor Masakra e Reçakut, në Murin e Përkushtimit janë skalitur në mermer fotografitë e 44 martirëve-dëshmorëve.

Masakra e Reçakut është një nga dëshmitë rrënqethëse të krimeve në luftën e fundit në Kosovë, kur forcat serbe vranë, masakruan, por edhe zhdukën, më shumë se 12 mijë shqiptarë, e në fushatën e gjenocidit e spastrimit etnik rreth një milion i dëbuan, shumicën drejt Shqipërisë./b.j/

Një amerikane në Mitrovicë

September 15, 2017 by dgreca

-Studentët e Universitetit “Isa Boletini”mësojnë anglisht nga amerikanja Sara Sajer, e cila do të qëndroj 6 muaj në Mitrovicë/

MITROVICË, 15 Shtator 2017-Gazeta DIELLI/ Studentët e Universitetit “Isa Boletini” në Mitrovicë do ta kenë mundësinë që për 6 muaj të mësojnë gjuhën angleze nga Sara Sajer, e cila ka diplomuar për Letërsi Angleze dhe Komunikim Publik në Universitetin “Delawere” në Shtetet e Bashkuara të Amerikës. Ajo nëpërmjet programit “Fullbright” do të qëndroj në Universitetin “Isa Boletini” prej 2 tetor 2017 deri më 22 qershor 2018.

Gjatë kësaj kohe, ajo do të jetë pranë studentëve 25 orë në javë, ku do të asistoj në orët e gjuhës angleze. “Ideja është që të ketë një komunikim shoqëror me studentët, si një mënyrë praktike për mësimin e gjuhës angleze dhe jo një mësim formal”, tha ajo.

Në anën tjetër, rektori Alush Musaj, i cili e ka pritur në takim mysafiren nga Amerika, e cila do të punoj dhe jetoj në Mitrovicë për gjashtë muaj, i ka ofruar gjithë mbështetjen e nevojshme për aktivitetin e saj në të mirë të studentëve. Ai e ka vlerësuar këtë si një rast jashtëzakonisht të mirë për studentët që duan të rrisin nivelin e gjuhës angleze.

Vitin e kaluar në Universitetin “Isa Boletini”, poashtu nëpërmjet programit “Fullbright”, studenti Kyle Sweeney nga Bostoni, ka qëndruar në Universitetin “Isa Boletini” për disa muaj për të përgatitur një projekt shkencor që ka të bëj me ujërat dhe mjedisin./b.j/

KOSOVA, NË KRAH TË SHBA-së

September 11, 2017 by dgreca

1 qeveria

-Kabineti i ri qeveritar zhvilloi mbledhjen e parë. Kryeministrit Ramush Haradinaj, në mbledhjen e parë të Qeverisë, në shenjë solidarizimi me popullin amerikan për sulmet e 11 shtatorit shprehu bashkëndjenjën me popullin amerikan. “Kosova solidarizohet me popullin amerikan dhe me Amerikën në këtë ditë, dhe do të jetë çdo herë përkrahëse e koalicionit botëror kundër terrorizmit dhe në këtë kontekst do të vazhdojë të jetë në krah të ShBA-së”, tha kryeministri Haradinaj/

1 Qirinj ZKP-12

*Kryeministri Haradinaj dhe zëvendëskryeministri Pacolli ndezën qirinj në përkujtim të 11 Shtatorit/

1 ZKP-15 qirinj2

PRISHTINË, 11 Shtator 2017-Gazeta DIELLI/Nën drejtimin e kryeministrit Ramush Haradinaj, kabineti i ri qeveritar i Republikës së Kosovës, ka zhvilluar sonte mbledhjen e parë të rregullt, në të cilën është bërë konstituimi i Qeverisë së Republikës së Kosovës dhe është shqyrtuar Programi i Qeverisë. Kryeministri Haradinaj ka hapur mbledhjen duke iu drejtuar kabinetit qeveritar me urimin për punë të suksesshme në detyrat dhe përgjegjësitë e pranuara.
Ai ka shprehur bindjen e plotë se angazhimi i të gjithëve do të rezultojë me sukses.
Kryeministri Haradinaj, në mbledhjen e parë të Qeverisë, në shenjë solidarizimi me popullin amerikan për sulmet e 11 shtatorit shprehu bashkëndjenjën me popullin amerikan.
“Kosova solidarizohet me popullin amerikan dhe me Amerikën në këtë ditë, dhe do të jetë çdo herë përkrahëse e koalicionit botëror kundër terrorizmit dhe në këtë kontekst do të vazhdojë të jetë në krah të ShBA-së”, tha kryeministri Haradinaj.
Pika e parë që u diskutua ishte programi qeverisës i Republikës së Kosovës. Kryeministri Haradinaj tha se besimi që i është dhënë për të udhëheq me Qeverinë përbëhet nga shumë parti politike, nga komunitetet etnike dhe detyrë e saj është që ato orientime programore qeverisëse të kthehen në program qeverisës të mirëfilltë.
“Kjo Qeveri nuk do të kthehet mbrapa vetëm për t’u ankuar sa keq ka punuar dikush, por do të shkojë përpara dhe e vetmja që na duhet ne janë informatat nga ministritë se si mund ta bëjmë diferencën për më mirë në këtë vend”, tha kryeministri Haradinaj.
Kryeministri ka kërkuar nga anëtarët e kabinetit që të mos nisen nga logjika për të fajësuar ata që kanë qeverisur përpara, por të nisin punën me logjikën se çka mund të bëhet më mirë nëpër sektorë veç e veç.
Kryeministri Haradinaj tha se do të punohet çdo ditë deri në orët e vona. “Orientimi ynë është që të hënën e ardhshme t’ia dorëzojmë Parlamentit, popullit të Kosovës programin qeverisës”, tha kryeministri Haradinaj.
Kryeministri Haradinaj para kabinetit qeveritar foli edhe për zgjidhjen e preokupimeve për qytetarët, për rritje ekonomike të vazhdueshme, reale dhe të qëndrueshme, për sundimin e ligjit dhe rendit, që arsimi dhe shëndetësia të përmirësohen, kurse bujqit dhe ndërmarrësit të mos mbetën të vetmuar.
“Perspektiva jonë për anëtarësim në mekanizmat ndërkombëtar dhe për njohje, është jo e lehtë, por do të jemi bashkë dhe do të punojmë ngushtë edhe me partnerët tanë”, tha ai.
Kabineti qeveritar, me dy abstenime, mori vendim për shkarkimin e anëtarëve të Komisionit Shtetëror për Shënjimin dhe Mirëmbajtjen e Kufirit Shtetëror.
Kryeministri Haradinaj tha se për këtë hap është konsultuar me partnerët politikë.
“Meqë Komisionit i ka skaduar mandati unë i propozoj Qeverisë shkarkimin e këtij komisioni i cili përbëhet nga pesë anëtarë dhe kam kërkuar që profesor Shpejtim Bulliqi të udhëheq me këtë komision. Ai do të marr përgjegjësitë për të krijuar komisionin e ri dhe t’ia sjellë Qeverisë të gjeturat për punët rreth shënimit të kufirit me Republikën e Malit të Zi dhe ne ta kemi të qartë se si të veprojmë më tutje dhe si ta avancojmë këtë temë”, tha kryeministri Haradinaj.
Kryeministri Haradinaj bëri të ditur se bartësit e institucioneve shtetërore kanë komunikim të mirë me Podgoricën zyrtare./b.j/

Kryeministri Haradinaj dhe zëvendëskryeministri Pacolli ndezën qirinj në përkujtim të 11 Shtatorit/

Kryeministri i Republikës së Kosovës Ramush Haradinaj i shoqëruar nga zëvendëskryeministri Behgjet Pacolli, sonte në Sheshin “Skënderbeu” në kryeqytet kanë ndezur qirinj në përkujtim të viktimave të sulmit të 11 shtatorit 2001, në Qendrën Botërore Tregtare në New York.

“Duke qenë thellësisht falënderues për atë çfarë Qeveria e ShBA-së dhe populli bujarë amerikan ka bërë për lirinë e Kosovës, pavarësinë dhe shtendërtimin, populli i Kosovës dhe Qeveria e tij, do të mbështesë gjithnjë dhe pa hezitim SHBA-në, në luftën kundër terrorizmit global dhe do të qëndrojë paluhatshëm përkrah popullit amerikan në ditë të vështira, por edhe në gëzime e festa”, ka thënë kryeministri Haradinaj me këtë rast.