Beqir Sina – Page 13 – Dielli

Shoqatat e Bashkuara Shqiptare nga Mali i Zi Organizuan Piknikun Pranveror

May 30, 2016 by dgreca

Në Parkun Shtetëror dëfryes “FDR”, në veri të Nju Jorkut, shqiptarët luajtën futboll, volejboll, shah, domino, vrapime dhe kënduan e vallëzuan së bashku

Nga Beqir Sina/

Në mjediset piktoreske të parkut natyror “Franklin D. Roosevelt State Park”, me një natyrë shumë të ngjashme me bjeshkët e krahinës së Palvë e Gucisë – Alpeve shqiptare, u organizua dje, më 29 mja, Pikniku Pranveror, i cili është një ndër më të mëdhenjtë në komunitetin shqiptar.
Pikniku i Shoqatave Shqiptare të Bashkuara është i hapur për të gjithë komunitetin shqiptar dhe shihet si një ditë e veçantë e bashkimit shqiptar në Amerikë. Edhe, këtë diel ashtu si vitet e kalauara në parkun dëfryes u mblodhën së bashku me familjet e tyre, që nga orët e para të mëngjesit, me dëshirën e madhe për t’u takuar që nga me njëri tjetrin, prej nga të vegjlit (fëmijët e shkollës) të rinjtë e të rejat deri tek më të moshuarit. Kudo vërehej një gëzim i papërshkruar.
Ky aktivitet i madh të kulturës shqiptare, në Shtetet e Bashkuar përfshinë edhe veshje tradicionale shqiptare, instrumente muzikore unike shqiptare dhe një mundësi e rrallë për të dëgjuar dhe të parë një shumëllojshmëri të muzikës shqiptare dhe valleve, si dhe që pjesëmarrësit të shijojnë ushqimin tradicional shqiptar. Për anën sportive, kulturëore dhe artistike, në këtë piknik kujdesen, ish-sportistë të njohur, këngëtarët popullor shqiptar dhe kërcimtarë të komunitetit, grupe të ndryshme artistike.
Përveç kësaj, këto pikniqe Shqiptare, janë edhe një kënaqësi e veçantë e mbushur me ngjarje të tjera familjare, duke kombinuar sportet dhe aktivitetet për fëmijë me një atmosferë pikniku shumë e ngjashme ajo me pikniqet masive që mbajnë shqiptarët në natyrën e mrekullueshme të Kosovës, Shqipërisë, viseve shqiptare në Mal të Zi, Maqedoni, dhe Luginën e Preshevës, çdo sesion pranvero dhe veror.
Vitet e fundit, shkruan ish kryetari i këtij fondi – veprimtari Esad Gjonbalaj, është bërë tradicionale, që Shoqata e cila, ai, e drejtojë, për disa vjet, Fondacioni Plavë Guci, që nga viti 2010 organizon, 2 pikniqe në vit, atë të quajtur Pikniku Pranveror i cili përkon edhe “Memorial Day” dhe Pikniku Vjeshtor i cili përkon me “Labor Day”.
Ndërsa, sqaron, ai, se ky është pikniku i 2-të i përbashkët i Shoqatave nga vendorigjina – Shqiptarët në Mal të Zi, dhe, është një moment rrallë, që rinia e jonë në mërgim, të takohen dhe njihen në mes vetit, por edhe të shijojnë natyrën e bukur dhe të ngjashme me atë të Alpeve shqiptare, të gjithë së bashku.
Gjonbalaj, nga eksperienca e tij, tregonë në një mesazh në profilin e tij në Facebook, se :”Është mirë, të kontribosh në ruajtjen e lidhjeve me rrënjët e orgjinës, mbasi është mision hyjnor, që këto dy data të vendosen në kalendarët e familjeve të këtyre shqiptarëve, në mënyrë që manifestime të tilla, të jen sa ma të suksesshme. Suksese shoqatave dhe diasporës në organizime të kësaj natyre” shkruan ai.
Pjesëmarrës në këtë piknik, kan qenë edhe edhe asamblesiti shqiptar në Asamblenë e Shtetit të New Yorkut, zoti Mark Gjonaj, lider të komunitetit dhe organizatat Rrënjët Shqiptare.
Shoqatat organizatore të Piknikut ishin:

– Fondacioni Plavë Guci

– Shoqata Malësi e Madhe

– Shoqata Ana e Malit

– Fondacioni Dom Simon Filipaj

– Shoqata Atdhetare “Kraja”

Ish-të burgosurit protestojnë

May 28, 2016 by dgreca

Ish-të burgosurit tentojnë të lidhen me zinxhirë: S’kemi marrë asnjë këst/

TIRANE: Një grup ish-të burgosurish politikë kanë tentuar të lidhen me zinxhirë para Parlamentit në shenjë indinjate ndaj Qeverisë për mosmbajtjen e premtimeve për marrjen në shqyrtim të dosjeve të vonuara që i lë ata jashtë skemës së dëmshpërblimit. Veprimi është nda- lur nga policia pa incidente, ndërsa ish-të përndjekurit paralajmëruan përshkallëzim të protestave. Ish-të burgosurit kanë tentuar të lidhen me zinxhirë para Parlamentit në shenjë indinjate për mos marrjen e asnjë kësti financiar për vitet e qëndrimit në burgjet e diktaturës.

Ata njihen si grupi i grevës së urisë 2012 të ish-të burgosurit politikë, dhe protestojnë që qeveria t’u njohë vitet e burgut të bërë gjatë diktaturës, të arkivuara në afër 150 dosje që mbahen të bllokuara që prej vitit 2007 për mos dorëzimin në kohë pranë Ministrisë së Drejtë- sisë. Zyrtarisht janë 1343 dosje të vonuara që presin ndryshimet ligjore që të merren në shqyrtim nga Ministria e Mirëqenies Sociale përmes institutit të riintegrimit

të ish-të dënuarve politikë gjatë regjimit komunist. Krahas 150 ish-të burgosurve politikë në listën e gjatë të atyre që nuk kanë përfituar asnjë këst dëmshpërblimi janë edhe të dënuarit në kampe,si dhe trashëgimtarë të viktimave të diktaturës.

Qeveria nga ana saj ka iniciuar hartimin e një drafti ligjor që procesi të rihapet për dosjet e vonuara, draft i cili i është dërguar për marrje mendimi disa ministrive. Protestuesit kërcënuan se do të përshkallëzojnë protestat e tyre nëse Qeveria nuk miraton me urgjencë ndryshimet ligjore, duke nënkuptuar forma ekstreme të protestës si ajo e Lirak Bejkos dhe Gjergj Ndrecës që u vetëdogjën me benzinë në mënyrë demonstrative, ndërsa ndodheshin prej javësh në grevën e urisë të vitit 2012. /b.s/

NE SHTATOR, FORUMI I PARE EKONOMIK MBARESHQIPTAR NE NJU JORK

May 18, 2016 by dgreca

*Rrjeti Bizneseve të Diasporës Shqiptare, përgatitet për Forumin e I-rë Ekonomik, mbarë shqiptarë në New York/

*Forumi I – rë Ekonomik, do të mbahet nga data 23 deri më 27 shtator, në Metropolin e botës qytetin e New Yorkut./

*Shkohet drejt fuqizimit të Rrjetit të Bizneseve Shqiptare në Botë, dhe investimet shqiptare në Kosovë, Shqipëri dhe trojet shqiptare, me kontributin e biznesmeneve shqiptarë, investimet e tyre në vendlindje, nëpërmjet lidhjeve të mira me të gjitha bizneset shqiptare në Diasporë/

Nga Beqir SINA, New York City/

NEW YORK CITY : Rrjeti Bizneseve të Diasporës Shqiptare për SHBA , po përgatitet seriozisht për mbajtjen e Forumit të I-rë Ekonomik, mbarë shqiptarë, dhe takimet e ashtuquajtura B2B në mes të përfaqësuesve të bizneseve të Kosovës, Shqipërisë, dhe të bizneseve të tjera të shqiptare, në 4 kontinenetet, vendet e Europës, Australi, Azi, SHBA e Kanada, ku janë ngritur edhe 25 degët e këtij, rrjeti biznesesh shqiptare. Forumi I – rë Ekonomik, do të mbahet nga data 23 deri më 27 shtator, në Metropolin e botës qytetin e New Yorkut.Unioni Global i Biznesmenëve Shqiptar në Botë, kishte vendosur, që në tubimin e fundit vitin e kaluar në Prishtinë, që Forumin e Parë Ekonomiko Financiar, këtë shtator, t’a mbajë kësaj radhe, në qytetin më të madh dhe më të zhvilluar në botë, New York, ku jetojnë e ushtrojnë bizneset e tyre, biznesmen dhe afaristë mjaft të suksesshëm shqiptarë e të huaj.Presidenti i këtij unioni, afaristi i njohur nga Dallasi, Nazar Mehmeti, shpejegon edhe arsyet se përse zgjodhën New Yorkun dhe shtatorin për mbajtjen e forumit ekonomik mbarë shqiptar.

Ai tha se :”Një nga arsyet, është se në muajin shtator, dhe se ato ditë, ky qytet merr një vemendje e rëndësi të jashtëzakonshme, nga fakti se çdo vit në muajin shtator, këtu mbajnë punimet prej dy javësh, Asambleja e Përgjithëshme e Organizatës së Kombeve të Bashkuara (OKB), në kryeqëndrën e kësaj organizate në Nju Jork, çka mendojë, unë, tha ai, se ia rritë sado pak edhe rëndësinë e vemendjen edhe forumit tonë”.

Ashtu , si e dimë ne shtoi presidenti i këtij rrjeti, në çdo sesionin të kësaj Asambleje, marrin pjesë mbi 140 udhëheqës shtetesh dhe qeverishë si dhe përfaqësues të biznesit, të financave dhe të shoqërisë civile, si dhe personalitete me influencë botërore nga mbarë bota, nga Shqipëria, Kosova, dhe mbarë trojet shqiptare.

“Pra, thotë ai do të jenë në New York, edhe udhëheqsit tanë — të cilët vijnë nga Shqipëria e Kosova, Presidenti i Republikës së Shqipërisë, Bujar Nishani, Presidenti i Kosovës zoti Hashim Thaqi, por, edhe personalitet e tjera, që do t’i shoqërojnë ata, përfshirë, edhe nga Ministria e Disaporës, zotin Valon Murati, personalitetet të tjera shqiptare nga Mali i Zi , Maqedonia e trojet shqiptare, të cilët vijnë së bashku me delegacionet shqiptare, në punimet vjetore të OKB-së në Nju Jork”.

Në këtë forum, ne mendojmë se kemi për të ftuar, ata, por edhe miq tanë kongresmen e senatorë, afaristët amerikan e të huaj, mbasi të njihemi edhe me pjesmarrjen e tyre, tha Presidenti i këtij unioni zoti Nazar Mehmeti.

Drejtori për investime kapitale në ministrin e diasporës Dr. Naim Dedushaj, ideatori dhe themeluesi i Rrjetit të Bizneseve Shqiptare në Diasporë, i cili ndodhet këto ditë në New York, në përgatitjet, që po zhvillohen, për këto takime, duke folur posaçërisht për gazetën tonë, tha se :” Këtë shtator për herë të parë në historinë e Diasporës shqiptare, ne do të mbajmë një forum të cilin e kemi quajtur “Forumi i Parë Ekonomik i Diasporës Shqiptare në Botë”, i cili parashihet të mbahet nga data 23 deri më 27 Shtator 2016, në qytetin e New Yorkut.

Në këtë forum, tha ai pritet të marrin pjesë , përfaqësues nga dy qeveritë e shteteve tona, por edhe përfaqësues shqiptarë, nga Mali i Zi, Maqedonia, dhe Lugina e Preshevës, disa nga afraistët më te suksesshëm shqiptarë, nga vendilindja dhe 25 vende të botës, duke përfshirë, Australinë, SHBA dhe Kanadanë, si dhe do të ftojmë edhe miq tanë kongresmen e senatorë, afaristë e biznesmen nga SHBA.

Dedushaj thotë, se simbas tij :” Qëllimi i këtij takimi, është , për të biseduar me përfaqësuesit e të dy shteteve tona, Shqipërisë e Kosovës, duke shfytëzuar me këtë rast edhe pjesëmarrjen e tyre në Asamblenë e Përgjithshme të Kombeve të Bashkuara, për investimet e diasporës në Shqipëri e Kosovë, dhe viset shqiptare,. Në këtë forum në New York, në ditën e dytë , shtoi ai, do të mbahet një takim, i llojit jë bashkëbisedimit B2B, për të kërkuar nga dy qeveiritë tona, për t’i hapur dyert këtyre biznesve, krijuar lehtësira ligjore, dhe njëkohësisht do të kërkohet heqja e atyre barrierave , “artificiale” të krijuara deri më tani. Gjithashtu, të diskutohen projekte të ndryshme, dhe të shihet mirë, edhe vizioni i Rrjetit të Bizneseve Shqiptare në Diasporë”

Në takimet e New Yorkut, në shtator, sqarojë më tej Dedushaj, pritet të diskutohet edhe hapja e Zyrës Kordinuese të Rrjeteve të Bizneseve Shqiptare në Diasporë, fillimisht në Prishtinë dhe më pasë në New York, dhe Europë.

Ndërsa, vlen të përmendet, tha Dedushaj, se ky Forum pritet të kthehet shumë shpejt, në një forum tradicional, i cili do të mbahet po në çdo fund shtatori këtu në New York, pikërisht, kohën kur mbahet edhe Asambleja e Përgjithshme të Kombeve të Bashkuara.

Kurse, kryetari i Rrjeti Bizneseve të Diasporës Shqiptare për SHBA, i cili është mikëpritësi i këtij forumi në New York, Elmi Berisha, tha se : “Qëllimi i këtij forumi është krijimi i urave të bashkëpunimit mes bizneseve të ashtuquajtura vendore, në Shqipëri e Kosovë, viset shqiptare në Ballkan, dhe atyre të diasporës, pra kësaj rradhe duke shfrytezuar kete rast, të nikoqirit të këtij forumi ekonomiko financiar , pra Rrjetit të Bizneseve Shqiptare në SHBA, dhe Kanada”.

Ndërkohë, gjatë këtyre ditëve, ata bëjnë me dije se janë mbajtur disa takime mbi përgatitjet e këtij Forumi, në New York, dhe në Summit – New Jersey, lokalin e njohur të biznesmenti shqiptar Zabit Bytyqi, i është i zgjedhur si vendi mikpritës, për të mbajt një takime pune, mbi përgatitjet e Forumit të I-rë, Ekonomik e Finaciar, mbarë shqiptarë, që do të mbahet në 23 – 27 Shtator në New York .

Në këtë takim pune në Fiorino restaurant, me kolegët e Rrjetit të Bizneseve Shqiptare në Diasporë, por edhe ato të tjera kan marrë pjesë nga Dallasi, Sekretari i Përgjithshëm i këtij Unioni, zoti Ismet Smajli, dhe Kryetari i UBSHB, zotit Nazar Mehmeti, Drejtori për investime kapitale në ministrin e diasporës Dr. Naim Dedushaj, zoti Elmi Berisha, kryetar për Kanada e SHBA, si dhe nën kryetari Besim Malota dhe, zoti Gani Fejza.

Në darkën në Summit New Jersey, të cilën ata e kan quajtur takim pune përgatotitore, morën pjesë, duke diskutuar edhe veprimtarë e biznesmen të dalluar të komunitetit, si z. Harry Bajraktari, i cili është një ndër figurat më të rëndësishme të komunitetit shqiptar në Amerikë, biznesmeni e promovuesi i çështjes së Kosovës dhe çështjes shqiptare në përgjithësi, në Kongresin amerikan e në Shtëpinë e Bardhë, i cili ka investuar në Kosovë, si dhe veprimtari e biznesmeni i njohur Anton Raja.

Kurse, tem diskutimi po sipas tyre ishte fuqizimi i rrjetit të bizneseve shqiptare në Amerikë e Kanada, dhe investimet shqiptare në Kosovë, Shqipëri dhe trojet shqiptare, kontributi i biznesmeneve shqiptarë nga SHBA në vendlindje nëpërmjet lidhjeve të mira me Unionin Global të bizneseve shqiptare në Diasporë, i cili mbahet këtë shtator në New York.

Rrjeti Bizneseve të Diasporës Shqiptare, përgatitet për Forumin II Ekonomik, në New York

Inbox

beqirs@aol.com

7:47 AM (11 hours ago)

to aalibali, AGIMKOSOVA, ahmetajb, akil.koci, asllanbushati, Berisham, bucpapaj, collakukreshnik, dajci_mimoza, me, dblloshmi, drgjlb2000, dritan_mishto, fgshkreli, franz72003, gazeta.shkodra, hsejdi, IlirSpata, kikumena, lumihadri, majlindamyrto, meritabmccorma., moisiur212, musli100, PjeterJ

Rrjeti Bizneseve të Diasporës Shqiptare, përgatitet për Forumin II Ekonomik, në New York

Beqir SINA, New York City

Shkohet drejt fuqizimit të Rrjetit të Bizneseve Shqiptare në Botë, dhe investimet shqiptare në Kosovë, Shqipëri dhe trojet shqiptare, me kontributin e biznesmeneve shqiptarë, investimet e tyre në vendlindje, nëpërmjet lidhjeve të mira me të gjitha bizneset shqiptare në Diasporë

NEW YORK CITY : Rrjeti Bizneseve të Diasporës Shqiptare për SHBA , po përgatitet seriozisht për mbajtjen e Forumit të II-të Ekonomik, dhe takimet e ashtuquajtura B2B në mes të përfaqësuesve të bizneseve të Kosovës, Shqipërisë, dhe bizneseve të tjera të shqiptarëve, në vendet e Europës, ku janë edhe degët e këtij, rrjeti, forum, ky i cili do të mbahet në shtator, në Metropolin e botës qytetin e New Yorkut.

Unioni Global i Biznesmenëve Shqiptar në Botë, kishte vendosur në tubimin e fundit vitin e kaluar në Prishtinë, që Forumin e II Ekonomiko Financiar, i cili zgjatë 5 ditë, që nisi në Vjenë, dhe rrugëtojë në Prishtin -Tiranë, këtë shtator t’a mbajë, kësaj radhe në qytetin më të madh dhe më të zhvilluar në botë, New York, ku jetojnë e ushtrojnë bizneset e tyre, biznesmen dhe afaristë mjaft të suksesshëm shqiptarë.

Presidenti i këtij unioni, afaristi i njohur nga Dallasi, Nazar Mehmeti, na tha dje se :”Një nga arsyet që zgjodhëm është se në muajin shtator, dhe se ato ditë ky qytet merr një vemendje e rëndësi të jashtëzakonshme, dhe nga fakti se çdo vit në muajin shtator, këtu mbajnë punimet prej dy javësh, Asambleja e Përgjithëshme e Organizatës së Kombeve të Bashkuara (OKB), në kryeqëndrën e kësaj organizate në Nju Jork, çka mendojë se ia rritë rëndësinë e vemendjen edhe forumit tonë”, tha ai.

Ashtu , si e dimë shtoi presidenti i rrjetit : “Në çdo sesionin të kësaj Asambleje, marrin pjesë mbi 140 udhëheqës shtetesh dhe qeverishë si dhe përfaqësues të biznesit, të financave dhe të shoqërisë civile, si dhe personalitete me influencë botërore nga mbarë bota, nga Shqipëria, Kosova, dhe mbarë trojet shqiptare”.

Pra, do të jenë në New York, tregojë Mehmeti, edhe udhëheqsit tanë — të cilët vijnë nga Shqipëria e Kosova, Presidenti i Republikës së Shqipërisë, Bujar Nishani, Presidenti i Kosovës zoti Hashim Thaqi, dhe personalitet e tejra që do t’i shoqërojnë ata përfshirë edhe nga Ministria e Disaporës, personalitete shqiptare nga Mali i Zi , Maqedonia e trojet shqiptare, të cilët vijnë së bashku me delegacionet shqiptare në punimet vjetore të OKB-së në Nju Jork.

Në këtë forum, ata do të jenë të ftuar, por, ne ende nuk kemi marrë konfirmimet për pjesmarrjen e tyre, tha Presidenti i këtij unioni zoti Nazar Mehmeti.

Kryetari i Rrjeti Bizneseve të Diasporës Shqiptare për SHBA, i cili është mikëpritësi dhe organizatori i këtij forumi në New York, Elmi Berisha, tha se “qëllimi i këtij forumi është krijimi i urave të bashkëpunimit mes bizneseve të ashtuquajtura vendore, në Shqipëri e Kosovë, viset shqiptare në Ballkan, dhe atyre të diasporës, pra nikoqirit të këtij forumi ekonomiko financiar , pra Rrjeti i Bizneseve Shqiptare në SHBA, dhe Kanada”.

Ata sqaruan se Forumi i New Yorkut, do të presë për 5 ditë, përfaqësuesit e kompanive shqiptare në, Europë, së bashkë me ministrin e Diasporës, Valon Muratin, drejtorin e departamentit për investime të diasporës Naim Dedushajn, i cili është edhe një ndër themeluesit e Unionit Global i Biznesmenëve Shqiptar në Botë, dhe dodhet këtu, aktualisht në përgatitjet e këtij forumi në shtator,

Ndërkohë, me këtë rast mbrëmë, në Summit – New Jersey, lokalin e njohur të biznesmenti shqiptar Zabit Bytyqi, i zgjedhur si vendi mikpritës, u mbajt një takim pune mbi përgatitjet e Forumit të II Ekonomik e Finaciar të Unionit Global të Biznesmenëve të Diasporës shqiptare, që do të mbahet në shtator në New York .

Në këtë takim pune në Fiorino restaurant, me kolegët e Rrjetit të Bizneseve Shqiptare në Diasporë, nga Dallasi, Ismet Smajli, Gani Fejza, të udhëhequr nga Kryetari i këtij unioni zoti Nazar Mehmeti, dhe drejtori për investime kapitale në ministrin e diasporës Dr. Naim Dedushaj, ishte edhe zoti Elmi Berisha, kryetar për Kanada e SHBA, si dhe nën kryetari Besim Malota.

Ata, ka mbajtur këtë takim filimisht në Nju Jork, dhe dje në mbrëmje, në New Jersey, duke e quajtur atë takim pune – kështu të paktën thanë ata simbas një njoftimi të postuar prej tyre në rrjetin social facebook , të në/kryetarit zotit Elmi Berisha – kryetar për SHBA e Kanada.

Në këtë darkë pune përgatotitore morën pjesë, duke diskutuar edhe veprimtarë e biznesmen të dalluar të komunitetit, z. Harry Bajraktari, një ndër figurat më të rëndësishme të komunitetit shqiptar në Amerikë, biznesmeni e promovuesi i çështjes së Kosovës dhe çështjes shqiptare në përgjithësi në Kongresin amerikan e në Shtëpinë e Bardhë, i cili ka investuar në Kosovë, si dhe veprimtari e biznesmeni Anton Raja.

Një natë e bukur mes dibranëve në ishullin Staten Island në New York

May 16, 2016 by dgreca

Shoqata Atdhetare Dibra në Staten Island – New York, ka marrë faleminderime dhe përgëzime për këto aktivitete, në rrjetet sociale, Facebook, Tweeter, Instagram e tjerë, nga mijëra dibranë, jo vetëm në SHBA, por edhe nga qyteti i tyre Dibra e Madhe, dhe Europa, ku jetojnë më së shumti dibranët/

Nga Beqir SINA/

STATEN ISLAND NYC : Shoqata Atdhetare Dibra, në ishullin Staten Island New York, e ka nisur punën e saj, mbas zgjedhjeve të reja, me një serë aktivitetesh – Për katër muaj ajo ka pasur një “bum” aktivitetsh, të cilat tregojnë jo vetëm se kryesia e re, dhe kryetari i saj, po bëjnë një punë të shkëlqyer në komunitet, por se edhe është rritur isnteresimi dhe besimi tek shoqata dibrane , nga komuniteti dibran, sidomos, ajo që i ka munguar gjithë komunitetit, rinia dibrane në Amerikë, të rinjët e të rejat, edhe nga ato të lindura e të rritura në SHBA.Kryetari i ri Dashnor Mifatri, i cili e mori drejtimin e kësaj shoqate, në javën e fundit të janarit të këtij, viti, (22 Janar 2016), Shoqatës, nga më të parat në komunitet dhe më të dalluarat për komunitetin shqiptarë, në SHBA, me ekipin e zgjedhur prej tij, po e çon përpara shoqatën, dhe tregohet mjaft optimist për të ardhem e kësaj shoqate.

Ai së bashku me një grup të rinjësh e të reja dibrane, të cilët duket se janë mjaft entusiastë, dhe të përkushtuar, me nivel të lart shkollimi, marrë në disa nga universitetet prestigjoze këtu në Amerikë,e kanë ndryshuar pothuajse krejtësisht, edhe mënyrën e funksionimit të SHAD-it, pra, mbarëvatjen dhe pamjen e saj, duke i dhënë SHAD-it, një pamje të re, e cila fillon prej nga zyrat e saj, logon, paisjen me teknologji moderne, dhe ajo që të tërheq vëmendjen janë shtimi i aktiviteteve që po bashkojnë komunitetin dibran në këtë zonë.

E cila, ka qenë traditë dhe kulutrë në komunitetin dibranë. SHAD, sot duke u nisur nga përvoja e kaluar e drejtuar me mjaft sukses nga kryetarët paraardhës, po punojnë, që ti kthejnë atë bukurinë kësaj shoqate, e cila qe për dy dekada një Shoqatë shembullore në komunitetin shqiptarë me aktivitetet e saj madhështore, dhe me vlera dhe rëndësi të mëdha edhe në çështjen kombëtare.

Shoqata Atdhetare Dibra, në ishullin e “Dibranëve” Saten Island – New York, ku mendohet se jetojnë, aktualisht rreth 15 mijë dibranë, mbas zgjedhjeve të reja, dhe kryetarit e kryesisë, të gjithë të rinjë e të reja, përfshirë dhe përvojën e atyre, që e krijuan dhe e udhëhoqën këtë shoqat për dy dekada, me dinjitet, dhe sukeses, të plotë, po sjellin tani gjëra të reja jo vetëm në këtë shoqat, por dhe komunitetin dibranë në Amerikë.

Kjo, shoqatë, duke kërkuar për një mënyrë të veçantë, për të organizuar e mbajtur aktivitete në komunitetin dibran, organizojë fillimisht një aktivitet mbresalënës, me ato që ne krenohemi të gjithë, pra Nënat, tona, vetëm 3 muaj pas zgjdhjeve, duke vendosur në jetë, një ide të tyre lakmiqare, e cila, kishte të bëntë me njërën prej mënyrave, që ata kan zgjedhur për të gëzuar Nënat e gratë e tyre.

Pra, të kalojnin një ditë të këndëshme dhe argëtuese, pa lodhje, pa punët e shtëpisë, pa shoqërimin dhe mbajtjen e fëmijve nipërve e mbesave, ose si thanë ata me shakat e bukura dibrane, ”Vjerrat pa nuset e tyre, sepse, shkaja dibrane nuk mungonë, sipas tyre, dhe ndoshta nuset ishin më të gëzuarat një ditë pa vjerrat”, me një eskursion në Uashington, DC, Kopshtin e “Qershive Japoneze”, Shtëpinë e Bardhë,Memoralin Linkoln dhe ndërtesën e faëshme Kongresin, Capitol Hill.

Mirëpo, Shoqata Atdhetare Dibra, dy javë më parë në zyrat e reja të saj në Saten Island, në bashkëpunim me avokatin dibran Fatos Koleci, ua mundësojë të gjithë dibraneve, një ditë shërbimi falas( consulting) për çështjet të imigracionit, në komunitetin dibran.

Takimin e ashtuquajtur Prezantim : “Ask an Immigration Lawyer” – “Pyete Avokatin e Emigracionit ” me avokatin e njohur dibran në SHBA, Fatos Koleci, i cili është me experiencën e tij 20 vjeçare, u mbajtë më 7 maj, ku ai i dha disa këshilla, për hallet e problemet mbi çështjet e immigracionit.

Në faqen e internetit të SHAD, thuhet se Avokati Fatos Koleci, është angazhuar për edukimin e komunitetit tonë, të interesuar për të mësuar në lidhje me ligjet e emigracionit te SHBA-ve. Ai mbajti një prezantim gratis-falas, të titulluar “Pyete Avokatin e Emigracionit” si një shërbim për të ndarë njohurinë e tij të emigracionit dhe ekspertizën me publikun e gjerë.

Dibranët, në Nju Jork, e për rreth tij, duke marrë pjesë në këtë prezantim, u tha se ishin në gjendje të merrnin një konsultim ligjor, më të informuar për gjendjen( case) e tyre të veçantë të emigracionit.

Prezantimi si e cekem ishte i lirë(falas- free) dhe përfshinte, thonë ata, zhvillimet e fundit legjislative të emigracionit, informatat më të fundit nga USCIS (Shërbimi i Emigracionit dhe Nenshtetësisë i Shteteve të Bashkuara) dhe tendencat më të fundit në ligjin e imigracionit, sidomos mbas dekleeratave “bombastike” të kandidatit republikan Donald Trump.

Gjithashtu, shoqata Dibra, njoftoi se ata kan diskutuar edhe llojet e ndryshme të peticioneve (lutjeve) jo-emigruese dhe emigruese qe ekzistojnë në dispozicion, elementet pro dhe kundra të tyre, si dhe hapat e nevojshme që kërkohen për çdo procedurë.

Simbas tyre, ky i ashtuquajtur Prezantim : “Ask an Immigration Lawyer” – “Pyete Avokatin e Emigracionit ” me avokatin e njohur dibran në SHBA, Fatos Koleci ka qenë i përshtatur që të përfshijë çështjet e rëndësishme te emigracionit që janë me interes te veçante për të pranishmit.

Ata thonë se në projektimin e prezantimeve të tyre ishin disa çështje informuese dhe që ju ofrojnë metoda unike për zgjidhjen e problemeve, atyre dibranëve që kan me imigracionin. Prezantimi është i përbërë nga dy pjesë: një prezantim dhe një Pyetje dhe Përgjigje seancë.

Prezantimi i avokat Kolecit, ka mbuluar me këtë rast, një shumëllojshmëri të gjerë të çështjeve të rëndësishme të emigracionit, e cila u tha se ka për të vijuar nga nga një seancë me Pyetje dhe Përgjigje për çështje që i prokupojnë më së shumti në lidhje komunitetin dibran në SHBA.

Kurse, veprimtarinë më të fundit, ata e kan quajtur :”Një natë e bukur mes dibranëve në ishullin Staten Island në New York,” kështu të paktën na tha kryetari i kësaj shoqate Dashnor Danny Mifatri, e quajtë një mbrëmje rinore me rinjët e të rejat dibrane, mbajtur mesjavën e kaluar, tha ai , duke faleminderuar në mënyrë të veçantë, me ketë rast, edhe Adhurim Kajën, që na solli këtë foto – album, i cli fletë “më shumë se 1000 fjalë”, se sa bukur e kan kaluar këtë mbrëmje rinia dibrane në Amerikë.

Ai shkruan në statsuin e tij në medien sociale Face Book, se :” Shoqata Atdhetare Dibrane organizojë këtë eveniment,( aktivitet ) mbrëmje rionore, për komunitetin Dibran në Amerikë, sidomos, për të bërë së bashku, qoftë edhe me një natë si kjo, rininë Dibrane, e cila është shpresa dhe e ardhmja e jonë në këtë komunitet”.

Ideja e kesaj mbrëmje, shtoi kreu i dibranëve, është, që të takohemi të gjith se bashku në një ambient shumë shoqëror, ku të kishim mundësine të diskutojmë për shoqatën, aktivitete dhe mbarvajtjen e saj, si dhe për jetën tonë të përditëshme, të lidhemi dhe të jemi sa më afër me njëri tjetrin “ të japim ide, sugjerime për aktivitetet e ardhshme të shoqatës” tha zoti Miftari..

Andaj, kujtojë ai kemi thenë se Shoqata Atdhetare Dibra në Staten Island New York, është e hapur për të gjithë Ju! që jeni të gatshëm të punojmë bashkarisht për komunitetin tonë në Amerikë.

Kësaj mbrëmje të bukur me rininë Dibrane, në New York, njoftohet se iu bashkëngjittë edhe me një donacion të mirë edhe Klubi i Futbollit Korabi, nga New Yorku, anëtarët e tij, si dhe disa veprimtar e biznesmen të suksesshëm të tjerë dibranë në Nju Jork.

Siç tregojnë dhe fotgrafitë e Adhurim Kajës, mbrëmja rionore, për komunitetin Dibran në Amerikë, ka qenë një natë e bukur mes 150 dibranëve të pranishëm në eventin të parë të tyre, të kësaj natyre, këtu në Staten Island, New York.

Në fjalën përshëndetëse, kryetari i shoqatës, Dashi Mifatri, ka thënë se prezenca kaq e madhe e femrës – pra vajzave dibrane, ne këtë mbrëmje, natyrisht, që tregoi edhe atë nivelin e lart të kulturës dibrane, që sot po e bartin familjet dibrane në SHBA, duke e bër Shoqatën tonë, që të na shërbej të gjithëve, dhe sa më mirë, edhe fëmijëve tanë.

Ai ndau edhe faleminderim të perzemërt edhe për donatorët fillestar që siç thotë ai, “na dhanë shpresë se gjërat do të shkojnë në rrugën e duhur, dhe se s’jemi të vetëm në këtë sakrificë”.

Kreu i dibranëve, premtojë se ai dhe grupi(kryesia) e shoqatës, do t‘ju garantojë, që cdo dollar do të shkon në vendin e duhur! Mbasi: “Transparenca, tha ai është e domosdoshme këtu në Shoqatë, por mbi të gjitha ështe “Besa” që ne kryesia ju kemi dhënë që tju shërbejmë me krenarin më të madhe’”.

Të pranishmit nga ana e tyre e faleminderuan në vecanti kryetarin z. Dashnor Miftari, i cili me plot fjalën ka punuar më shumë se krejt ne kryesia, që këto aktivitete të jenë kaq e bukur! por edhe Bordi drejtues: Arbër Kuka, Nderim Marke, Bekim Pacuku, Besar Dika, Gazmend Kërkuti, Zarife Kolari, Ardita Torozi, Bekim Kosovrasti, Ibrahim Rexha dhe Bekim Papraniku.

Në fund është, për tu permendur edhe një fakt i veçantë se Shoqata Atdhetare Dibra në Staten Island – New York, ka marrë shumë faleminderime dhe përgëzime, nga dibranët, për këto aktivitete, në rrjetet sociale, Facebook, Tweeter, Instagram e tjerë, nga mijëra dibranë, jo vetëm në SHBA, por edhe nga qyteti i tyre Dibra e Madhe, dhe Europa, ku jetojnë më së shumti dibranët.

Me Nazmi Salihun nga Kosova, stilistin shqiptarë në Rocky Hill- Connecticut

May 15, 2016 by dgreca

Nazmi Salihu, floktari nga Kosova, me personazhet e Amerikës, Jennifer Aniston, Owen Wilson (dhe vëllai i tij Luka), Kenny Rogers dhe anëtarët e ekipit të basketbollit Minnesota Timberwolves/

Intervistojë Beqir SINA/

ROCKY HILL, CT – Një shqiptar nga Kosova, i cili u largua nga vendi i tij, për t’i shpëtuar shërbimit ushtarak serb në vitet e luftës dhe shpërbërjes së saj, iu dha një jetë të re në Shtetet e Bashkuara dhe me mjaft sukses duke sjell edhe përvojën e tij nga Lipjani – Kosovës, në SHBA.
Nazim Saliu, i njohur gjithashtu si “Noli,” është një Berber – Floktarë, i cili është duke jetuar një ëndërr në sallonin e tij Rocky Hill – Noli Hair Studio.
Kjo është një ëndërr që nuk dukej të jetë e mundur, kur ai ishte në Kosovë në fund të viteve 1990, por ja që u bë një realitet.
Lufta në Kosovë, vrau me mijëra dhe pati larguar nga shtëpitë e tyre afro 1 milion shqiptarë – shumë prej tyre e gjetën veten atë kohë në kampet e refugjatëve, duke përfshirë edhe familjen Saliu.
Saliu erdhi në Shtetet e Bashkuara, dhe ai u vendos në Mineapolis, ku ai ka prerë flokët edhe disa personazheve të shtetit deri në Kapitol dhe u nderua edhe për shërbimin e tij në Minesota.
Pasi që jetojë me familjen e tij në Minnesota për rreth nëntë vjet, Saliu tha se ai e dinte se ishte koha për të bërë një lloj të ndryshimit dhe kjo është ajo që në fund të fundit e çuan në Rocky Hill – Connecticut, ku ai jeton tani me familjen e tij dhe është bërë mjaft i njohur dhe i kerkuar në këtë qytet, nga prerja e flokëve tani për gati nji dekad.
“Të jem i sinqertë, në qoftë se ajo nuk ishte që Shtetet e Bashkuara, për të dërguar trupa në Kosovë,dhe sulmi i Natos me ne krye SHBA, duke i dalë në krah UÇK-së, unë jam 100 për qind, I sigurt se askush nga Shqipëria, Kosova, nuk do të ishte nga ne në Kosovë, sot,” ka deklaruar Saliu.
Kjo është edhe arsyeja pse Saliu, ka ofruar një rast të veçantë dhe të pikasur nga shtypi lokal ngaqë ai ka berë nji haircuts prerje flokësh, falas , Ditën e Veteranëve – në SHBA, çdo, oficeri i policisë, veterani të ushtrisë Amerikane, apo zjarrfikësi, në Rocky Hills, gjatë gjithë ditës Veteran Day – në salon të tij Noli Hair Salon.
Për afër tre dekada, në Amerikë, Nazim “Noli” Saliu, ka qenë krijuesi i dy stileve klasike dhe “cutting-edge” për burrat dhe gratë.
Trajnuar në Maqedoni, Noli, si i thërrasin, atij, ka punuar ndërkombëtarisht para se të vijnë në Shtetet e Bashkuara, duke punuar për nëntë vjet në Minesota, në salone të njohura në kryeqytetin e shtetit në Mineapolis, si në aeroportin St. Paul International Airport, dhe tani në Rocky Hills CT.
Në biografinë e tij mësojmë se ndërsa ai ishte duke punuar në aeroport, ai kishte mundësi për të prerë flokët për njerëz të famshëm, që u ndalën në pritje për fluturime. Të tillë si Jennifer Aniston, Owen Wilson (dhe vëllai i tij Luka), Kenny Rogers dhe anëtarët e ekipit të basketbollit Minnesota Timberwolves, të gjithë ata i a “kanë besuar” aftësisë së stilisit shqiptarë në Amerikë, Nolit.
Noli, që nga viti 2008, është duke ushtruar profesionin e tij, në shtetin federal Connecticut, qytetin Rocky Hill, ku jetonë edhe një komunitet i ri, dhe organizuar mirë i shqiptarëve të Amerikës.
Ndërsa, ai mund të trajtojë çdo te prerë flokesh nga ato tradicionale tek moderne, Noli, është i specializuar në teknikat e reja, ato që i japin klientët e tij, “njëqindë” e ca lloj stile. Ai ka qenë i angazhuar duke stilizuar fillimisht, dhe punuar në salone nga më prestigjoze në Europë, pikërishtë, më parë se të vinte në SHBA, duke fituar edhe çmime në qytete, të tilla si Budapest, Stamboll dhe Berlin.
Vitin e kaluar, ai konkuroi në Zvicër dhe në Milano, me të famshëmen floktore Cuzzucoli Gianni Il Figaro. Pa marrë parasysh atë stilin tuaj, Noli Hair Studio, benë me dije klienteve të tij, se ai “ka një qëllim: për të bërë të sigurt atë që ju doni me flokët tuaj!” t’ju bëj sa më të kënaqur dhe të dukeni më të bukur me stilin e flokëve, që ju keni zgjedhur.
Nazim “Noli” Saliu, ka dy vajzat binjake, edhe ato stiliste Alma dhe Nora, të cilat kanë qenë me biznesin e tij, për dy vjet. Alma dhe Nora, janë dy të diplomuarat e akademisë së këtij arti, Brio Academy, dhe tani ndajnë përkushtimin e provojën e studios Noli Hair Studio, për të dhënë, edhe ato çdo klienti një look të përshtatur dhe një përvojë e mrekullueshme. Të dyja janë të specializuar në shërbime të tilla si ngjyra, depilim, make-up dhe perms.
“Interesi i tyre në flokët dhe make-up filloi si fëmijë, kur ato së pari kan praktikuar aftësitë e tyre në çdo klient dhe me shoqe e shokët e tyre. Nora dhe Alma, besojnë vetëm tek shkolla , andaj ato kan zgjedhur për vazhduar shkollimin e tyre, dhe janë quajtur IT & Ambassador LY Law”, na tregonë Nazim “Noli” Saliu, për dy vajzat e tij, Nora dhe Alma, duke folur në këtë intervistë, të cilën ia kemi kushtuar me shumë profesionit të tij, talentit, dhe suksesit.
Nazim- Noli, si i thërrasin atij këtu në Amerikë, është një ndër floktarët më të kërkuar në SHBA, si në punën e tij të përditshme por edhe për studiot kinematografike, dhe televizive, i cili nëpërmjet punës së tij prezanton kreativitetin e floktarit. Në një intervistë të posaçme për Bota sot, ai ka treguar për rrugëtimin e tij në këtë profesion, duke shpjeguar edhe për disa nga rruget e suksesit të tij, si i ka arritur ato.
Me prejardhje nga qyteti i Lipjanit, Nazim Salihu që më shumë se dy dekada jeton dhe punon në SHBA, këtu ai ka sallonin e tij personal si dhe akademinë e stilizimit të flokëve në mënyra të ndryshme e për stinë të ndryshme, Noli Hair Studio.
Me Nazim “Noli” Salihu, flokëtorin shqiptarë nga Kosova, i cila tani ushtron profesionin në lagjen Rocky Hill – të Connecticut , foli gazetari ynë në New York, Beqir SINA. I cili ishte duke përgatitur flokët e aktorëve për komedinë e producentes dhe aktores së njohur shqiptare në SHBA, Elza Zagreda, filmin Growing Up Fat & Albanian……
Noli, kur lindi dëshira juaj për të stiluar, dhe si ju ka motivuar ajo, si ju i hytë krijimeve stilistike?
Unë kisha një dashuri të madhe ndaj artit, që nga fëmijëria. Pasioni për të stilizuar – pra flokëtore, nisi në një moshë shumë të herët, pasi ky profesion i përkiste gjithashtu edhe dajës simë, i cila ka ndikuar shumë në profesionin timë sot.
Kur e hapet studion Noli’s Hair Salon? Pra, kur lindi linja e parë e stilit Noli’s Hair Salon?
Biznesi a po salloni imi i parë, që kam hapur ka qenë në vitin 1980 në Lipjan, Kosovë.
Përse zgjodhët këtë emër ?
Noli është pseudonimi im i fëmijërisë, andaj dhe pagëzova biznesin tim.
Po a i kishit idetë e qarta? qysh në fillim dhe a mendoni se funksionoi ideja? Pra po filloheshin të qartësoheshin edhe idetë?
Sigurisht, Po! Ishte hapi im i parë i suksesshëm. Hapja sallonit Noli, në Lipjan Kosovë, vitin 1980. Ideja funksionoj më mirë se sa e prisja, dhe kjo më inkurajojë që ta vazhdojë punën time dhe të mos ndalem.
Pra a ishte Noli’s Hair Salon e para shkallë e karierës tënde?
Noli’s Hair Salon! Po , siç e përmenda më parë, hapi i parë ishte hapja sallonit Noli në Kosovë vitin 1980 , pastaj hapja e biznesit timë të dytë në Rocky Hill, Connecticut SHBA në vitin 2008 ku unë punojë sot.
Si ka marr formë prej atëhere profesioni i stilistit ? prej jush
Nazim Salihu, gjithmonë ka qenë i apasionuar dhe krijojë stile qoftë nga tradicionalisht deri në ato të quajtura modernistic. Më pëlqen të eksperimentoj me flokët, duke qëndruar brenda stilit tim. Është kjo, mendoj, që e bën të veçantë një person në identifikimin e stilit.
Cili ka qene sekreti që të ka bërë me të lumtur në stilin që ti krijon?
Sekreti i vetëm është të kesh ide të qarta dhe mbi të gjitha shumë pasion dhe vullnet për punën që bën, të jetosh për një çast sa i kushton prerëjes së flokëve me kënaqësin qe i kroijon klintetit , kur ai mbetet më së i kënaqur me ty.
Kush është ikona juaj e stilimit që ju frymëzon në krijimet që realizoni?
Ikonat të mirë janë të shumta, për mua çdo kilentë – pra punë që karakterizon atë e cila është klasike dhe elegancë, e cila me frymëzon.
Industria e modës dhe Hair Stilist është një biznes i vështirë, ju si ja keni dalë? Cili është sekreti juaj?
Shumë e vërtet! Fillimet janë të vështira, dhe është një hap shumë i rëndësishëm që duhet ta ndërmarrësh. Përballja me klientin është sfida e parë, pasi je ti ai që duhet të mbash mbi supe përgjegjësit. Pastaj një tjetër vështirësi është gjetja e vendit, analiza e tregut dhe mbështetja financiare, janë disa faktorë që tregojnë ecurinë e karrierës që në fillim. Sekretin e përshkruaj me një fjal – Dëshirë- po dëshirove çdo gjë është e mundur .
Çfarë ju ka influencuar më tepër në biznesin tuaj? Hair Stilist
Përvoja shumë vjeçare në Maqedoni,Kosovë, e sidomos , kjo në SHBA- ku niveli i Saloneve të Flokëve është shumë i lartë, pra fillimet e mija në eksperiencën time në Minneapolis /Saint Paul dhe tani Rocky Hill Connecticut , padyshim që ka patur një ndikim të fortë në formimin tim profesional.
A keni pasur rast të stilizoni , aktor, artistë me emër, apo VIP ? Dhe a jeni marr me ta në mënyrë të veçantë?
Po, kam pasur nderin dhe kënaqësin të stiloj vipat -persona VIP, me famë botërore. Siç jan, Jennifer Aniston, Owen Wilson (dhe vëllai tij Luke Owen), Kenny Rogers dhe anëtarët e ekipit të basketbollit Minnesota Timberwolves, të gjithë kanë qenë besuar në aftësi e mija . Kur një punë bëhet me pasion, vështirësia kalohet pa u kuptuar. Klienti nuk gjen diferencim në atë linjë timen.
Unë jam duke bashkëpunuar me një djalë, nga Kosova, i cili është Arian Bajraktari, dhe është një grimer i talentur për filma. Me Bajraktarin, së bashku dotë kemi nji Projekt me Mirsad Abazi, actorin e filmave auction.
Gjithashtu, unë regulloj disa moderatore të njohura në 2 kanale Tv dhe nji radio shtetrore, në qytetin tonë, Televizionin Eyewitness Channel 3 ABC 7, në Connecticut, dhe në radion shterore WRCH 100.5.
Po me filma dhe Fashion Show? “Tephiun e Kuq”
Po, më 27 Mars, isha pjesë e javës së modës Shqiptare në Manhattan New York, më 3 Prill, mund tju kujtojë eventin e madh Albanian Week Fashion në New York dhe në Hartford, me atristen Mrika Krasniqin dhe të talentuarën Bora Balaj, ose më të fundit me aktoren e njohur dhe produecenten shqiptaro amerikane, në filmin e ri ,të Elza Zagreda, apo edhe me actorët të tillë si Xhevat Limani, Marko Caka dhe Julian Gjaci, apo të tjerë.
Nga ndryshon puna me, aktorët, artistët, dhe vipat dhe ajo me njerëzit e thjeshtë? Cila është më e vështirë?
Klientët që kam jan kategoritë të ndryshme , qoftë nga vipat(personat VIP) deri më i thjeshti. E kam më të lehtë të punoj me klientët e rregullt, sepse në koncept ato tashmë më njohin dhe e kanë krijuar atë lloj konfidencialiteti e pranueshmërie ndaj ideve të mia, prandaj janë më komodë.
Cilët janë disa nga stilet në mënyrë të vazhdueshme le të themi?
Varësisht prej personave. Ka prej atyre që preferojnë diçka të thjesht,mirëmbajtje të lehtë. Ke po dhe nga ata që dëshirojn diçka unike apo edhe që është speciale, enkas e personalizuar për ta, dhe këtë e ofron vetëm një artist.
Si e shihni karrierën tuaj në të ardhmen? Projektet që keni?
Kërkesat për Projektet të reja janë gjithmonë të shumta ,me keq ardhje jo përherë mundemi t’ju përgjigjem ftesave, sepse unë vëç kam një biznes të shëndoshë dhe të suksesshëm, që i përqëndrohem shumë.
Cila është sfida më e bukur që keni pasur teksa stiloni një personi?
Gjithmonë, puna jonë është më sfiduese të cilët janë klientët e ri . Është momenti ku shihen të gjitha mangësitë. Por, me kalimin e kohës dhe me përvojën që kam fituar, tani më sfiduese është leximi i mendjes së klientit.
Së fundmi ju si stilist i njohur dhe me pervojë e suksese, me sa shikohet edhe nga kjo intervistë, çfarë do t’i këshillonit atyre që do donin të fillonin biznesin e tyre në modë dhe stilist?
Do t’u thoja se :”Natyra e suksesit kërkon ambicie , një etikë të vështirë pune, frymëzim dhe motivim . Suksesi nuk është çelësi i lumturisë . Lumturia është çelësi i suksesit . Nëse e doni atë që bëni , do të jeni të suksesshëm .