Beqir Sina – Page 19 – Dielli

Polonia nderon luftëtarët antikomunistë

March 2, 2016 by dgreca

Nga Beqir SINA – New York/

1 Marsi është përkujtuar pasi shënon përvjetorin e masakrës së regjimit komunistë më 1951, ekzekutimit të shtatë udhëheqësive të rezistencës anti-komuniste në burgun e Varshavës, pas një gjykimi para një gjykate ushtarake, që ishte për të mbjellë frikë në popull.

WARSAWE – POLONI : Polonia të martën ka nderuar mijëra luftëtarë anti-komunistë, ish të burgosur politik, të interrnuar në kampet e interrnimit, të persekutuar dhe vrarë gjatë viteve të para të pas luftës kur Polonia, ishte e “imponuar” nga regjimit sovjetik .

Polonia deri në largimin nga kampi socialist, e cila erdhi më rrezimin e komunizmit në vend, këto shtresa ishin injoruar deri në ekzistencën e tyre, në librat e historisë për dekada të tëra.

Polonia, kështu mund të quhet se u bë vendi i parë nga ish vendet komuniste, që cakton një datë përkujtimore, për ata që ajo i quan luftëtarët anti-komunistë, ish të burgosur politik, të interrnuar në kampet e interrnimit, të persekutuar dhe vrarë gjatë viteve të sundimit komunist në vend.

Ritet për të përkujtuar këtë ditë u mbajtën në në mbarë vendin, të udhëhequr nga presidenti Andrzej Duda, dhe anëtarë të parlamentit dhe qeverisë, personalitete të larta polake, dhe përfaqësues të korit diplomatik në Warshavë.

Presidenti Andrzej Duda, tha me rastin e kësaj dite se : “Këto janë pjesë e përpjekjeve të Polonisë demokratik të njohin sakrificën e burrave dhe grave që e kundërshtuan në mënyrë aktive regjimin komunist, i cili mori pushtetin në vitin 1944, e ndihmuar nga Ushtria e Kuqe, ruse, pjesë e së cilës, ishte Polonia, duke mposhtur trupat gjermane në fund të Luftës së Parë dhe Dytë Botërore. Luftëtarët anti- komunistë, ishin një temë tabu nën komunizëm. Një festë kombëtare në kujtesën e tyre është themeluar në vitin 2011, por statusi i saj dhe forma është ngritur këtë vit nga qeveria e re, konservatore që mori pushtetin në nëntor dhe ka për qëllim për të rivendosur kapitujt e harruar ose të ndaluar të historisë së Polonisë” tha ai.

Këta luftëtarë “janë në anën e një Polonie të lirë, demokratike dhe një Polonie perendimore, një Polonie ku ata luftuan deri në fund dhe nuk u dorëzua kurrë,” tha Duda në një ceremoni në Pallatin Presidencial, duke shtuar se dënimet për këto aktivitete në atë kohë përfshinte “burg, tortura, vuajtja dhe dhimbje. “

Polonia ka zgjedhur datën 1 Mars për të përkujtuar këtë ditë, mbasi ajo shënon përvjetorin e masakrës së regjimit komunistë më 1951, ekzekutimit të shtatë udhëheqësive të rezistencës anti-komuniste në burgun e Varshavës, pas një gjykimi para një gjykate ushtarake, që ishte për të mbjellë frikë në popull. Trupat e tyre, si ato të viktimave të tjera të regjimit, janë hedhur në gropa të përbashkëta e të pashënuar në terren. Disa prej këtyre varrezave masive nuk janë gjetur deri më sot. Por kërkimet vazhdojnë në bazë thënjesh nga njërëz që kan qenë dëshmitar të kohës.

Eshtrat e mbi 100 viktimave, në një gropë të pashënuar, u zbuluan në vitin 2012 në një lëndinë në një varrezë të Varshavës. Disa prej tyre janë identifikuar përmes ADN-së, dhe përputhen me të dhënat e afërmeve të tyre të jetesës. Zona, aty tani është kthyer në një vend përkujtimor për të gjithë ata që u vranë nga 1944-56. Zyrtarët e shtetit dhe familjet e viktimave vendosën kurora atje të martën.

Në bazë të dokumenteve të mbetura deri tani gjatë periudhës të krimeve komuniste, historianët vetëm përafërsisht mund të llogarisin numrin e të vrarëve në mes 8,600 deri në 25.000. Kishte mijëra të tjerë që mbijetuan burgjet komuniste. Shumica e tyre ishin anëtarë të mëparshme të rezistencës së luftës që luftuan kundër pushtimit gjerman të Polonisë, dhe rrëzimin e komunizmit.

TE SUKSESSHEM NE AMERIKE

March 1, 2016 by dgreca

Vijnë në Amerikë, si emigrantë – dhe bëhen Sipërmarrës të suksesshëm

Nga Beqir SINA – New York/

Emigrantët shqiptarë janë pjesë e një prirje në rritje të sipërmarrësve të huaj në emigracion, të lindur duke u përpjekur që fatin e tyre, ta gjejnë në pronësinë e biznesit.

BIG APPLE NYC : Shqiptarët në botë nuk janë më vetëm emigrantë të thjeshtë që punojnë për ta mbajtur veten, por tashmë janë edhe sipërmarrës që po çajnë në tregun e punës, madje edhe në fushën e gastronomisë. Një sukses vjen nga përtej Atlantiku, këtu në Amerikë.

Njëri prej tyre, mbasi “ushtria” e shqiptarëve të suksesshëm është mjaft e madhe, numëri i tyre është në rritje, është edhe ky që po prezanton sot gazeta jonë.

Ai është Benjamin Prelvukaj, emigrantë shqiptarë, i lindur në trevat shqiptare në Mal të Zi, i cili tregon se e ka filluar jetën e tij, të një emigranti në Amerikë, fillimisht si një kamerier në Peter Luger-së në vitin 1996.

Por, sot, ai ka tre restorante dhe punëson 200 njerëz, dhe shumica e tyre janë emigrantë shqiptarë .

Një revistë biznesi këtu në Nju Jork, duke shkruajtur për suksesin e dy shqiptarëve të suksesshëm në gastranomi, mbasi Benjamin së bashku me Ben Sinanaj, edhe ky një vuthjanë tjetër, shqiptarë nga trevat shqiptare në Mal të Zi, vitet e fundit kan marrë pothuajse për çdo vjet çmime dhe çertifikata mirënjohje, nga broshura “Zagat” e njohur në të gjithë metropolin, për klasifikimet dhe vlersimet me prestigjoze, posaqerisht për industrinë e turizimit dhe atë kulinare, disa here i ka vlersuar shumë restorantet e tyre, në Nju Jork, dhe “mburret” me suksesin e tyre.

Aqsa restorantet e Alban Benjamin Prelvukajt janë shpallur më të mirat e Nju-Jorkut për herë të dytë, vitin e kaluar.

Ky është Nju-Jorku i madh dhe i zhurmshëm, aty ku jetojnë dhe ushtrojnë bizneset e tyre edhe qindra shqiptarë të suksesshëm, dhe veprimtarë të dëshmuar të çështjes kombëtare.

E në mesin e qytetit që njihet si metropoli i botës , janë në mesin e dhjetëra restoranteve të shqiptarve, edhe dy restorantet e shqiptarve, tashmë të përzgjedhura për here të dytë, vitin e kaluar, si më të mirat e Nju-Jorkut.

Pronarët Alban “Benjamin” Prelvukaj dhe Ben Sinanaj, asnjëher nuk e fshehin kënaqësinë për këtë fakt. Në çdo kend të mureve të restoranteve shikon fotografi të vendosura në korrniza plot me vlersime revistash e gazetash, çmime e mirënjohje dhe personalitete të famshme që kan provuar shijen e ushqimeve dhe sherbimit te tyre..

Ata thonë se 80% e stafit që punojnë në restorantet e tyre janë shqiptarë.

Broshura njujorkeze “Zagat”shkruante një vit më parë se Benjamin Steak House, i vendosur në hotelin Dylan, në pjesën lindore të rrugës 41 kishte fituar 27 prej 30 pikëve të mundshme për kualitetin e ushqimit, ndërsa Sea Fire Grill, restorant për gatim mishin dhe peshkun, që gjendet në pjesën lindore të Nju-Jorkut.

Sea Fire Grill dhe Benjamin Steak house janë pronë e ish-punonjësve të Peter Luger, dhe të dy institucionet kanë meny të dizajnuara për t’i kënaqur njerëzit në Nju Jork, të cilët, mes tjerash parapelqejn molusqet e pjekura, karavidhe, peshku i fërguar dhe biftekë.

Njeri prej pronarve pas emigrimit nga Mali i Zi në vitin 1996, tani banues tani në Ardsley – New York, Benjamin Prelvukaj – e nisi punene ne Amerike, me një punë duke servirur nëpër tavolina, si kamarier dhe duke punuar në kuzhinë ne restorantin e famshem Peter Luger Steakhouse në Brooklyn.

“Edhe, spese dija vetëm pesë fjalë të gjuhës angleze,” thotë ai, ja nisa punëve të vështira, për të arritur suksesin…..tim një ditë”.

Prelvukaj, më pas me punën e tij, pa një të ardhme të ndritshme për veten e tij dhe mikun që tani e ka partner Ben Sinanaj, ketu në SHBA.
Kur, ai u largua nga Mali i Zi, ai ishte një vend të vogël mesdhetar në Evropën Juglindore, dhe, ishte ende pjesë e Serbisë, e cila kishte qenë e “ushqyer” vetëm nga konfliktet e brendshme, ndëretnike, të cilat e çuan atë deri në 1999 me Kosovën, në luftëra të përgjakëshme, masakra dhe gjenocide, luftë për spatrimin etnik, si ndodhi në Kosovë, në atë periudhë të përgjakshme.
“Ekonomia, në vendin tim dhe gjendja e shqiptarëve, atje nuk është fare e mirë,” kujton Prelvukaj, aq sa “Ishte e vështirë për të bërë një jetë normale një shqiptar atje.”
Nga viti 2006, ai thotë se ishte i gatshëm për të bërë një lëvizje të guximshme, duke”sfiduar” me këtë rast edhe vetveten, bashkë me kunatin e tij, Ben Sinanaj, i cili kishte punuar më parë në restorantin e njohur Arturo McLeod, si kuzhinier për një kohë të gjatë në Peter Luger.
Prelvukaj, hapi vetë restorantin Benjamin Steakhouse në Manhattan.
Restorant, ky që bëri aq sukses deri në vitin 2010, sa ai dhe Sinanaj hapi një vend të dytë(Benjamin Steakhouse), në White Plains, jo shumë larg nga shtëpia e Prelvukajt.
Më pas ata të dy ndoqën rrugën e suksesit me një restorant të tretë, një restorant me ushqim deti, në Manhatan, i quajtur Sea Fire Grill, dhe i hapur tre vjet më parë.
Kështu, së bashku, në të 3 restorantet e tyre, ata tani kan arritur të punësojnë 200 persona, 80% e tyre janë shqiptarë .
Revista e biznesit Westchester Business, duke i pyetur pronarët shqiptarë të 3 restorantve të suksesshme Benjamin Steakhouse, për të mësuar se :”Çfarë është çelësi i suksesit të tyre?, Prelvukaj u përgjigjet : “Unë mendoj se në industrinë kulinare, ju duhet të kuptoni konceptin e asaj që njerëzit çfar duan dhe çfar pelqejn të hanë”, thotë Prelvukaj. “Ne i ofrojmë ushqim me cilësi të mirë dhe të një shërbimi të mirë dhe me kulturë. Njerëzit, janë të gatshëm të paguajnë për të. ”
Benjamin Prelvukaj dhe Ben Sinanaj emigrantë shqiptarë nga Vuthajt – janë sot pjesë e një tradite të gjatë të emigrantëve, shqiptarë në SHBA, të cilët, kanë fituar sukses dhe pasuri, me punën e tyre dhe bizneset e tyre.
Dhe, siç është ajo shprehja, shqiptaret e suksesshem dhe que kan vene pasuri, duket se e :“Kan gjetur Amerikën” si njerez, te suksesshem, në sipërmarrësi – biznese, dhe fusha të ndryshme të jetës.
Emigrantët, shqiptarë në Shtetet e Bashkuara simbas një statistike, pothuajse 50 për qind jetën e tyre nuk e kan filluar me biznese, por me punë të ndryshme, sa qe shkalla e tyre të krijimit të biznesit të tyre, të suksesshëm është rritur shumë .

Ben+Sinanaj+Benjamin+Prelvukaj+Benjamin+Steakhouse+8ZAV7MF-BO2l.jpg

Benjamin+Prelvukaj+Benjamin+Steakhouse+White+cGe9WifTfisl.jpg

Benjamin+Prelvukaj+Benjamin+Steakhouse+White+LllckZCw6n2l.jpg

Komuniteti Shqiptar në SHBA- Shkollë e re në Gjuhën shqipe në Nju Xhersi

February 29, 2016 by dgreca

Qendra e Komunitetit Dibran në Nju Xhersi, hapi shkollën e saj Shqipe/

Nga Beqir SINA/

Shkolla plotësuese për gjuhën Shqipe, në lokalitetin FreeHold në Nju Xhersi, ku jetojnë qindra familje shqiptare, është një iniciativë shumë e duhur dhe në kohën e duhur! Me shpresë që brezat e ardhshëm në SHBA të kultivojnë dhe ruajnë, gjuhën e bukur Shqipe, fenë, kulturën dhe zakonet e traditat e tyre!

FREEHOLD – NEW JERSEY : Qendra e Komunitetit Dibran në lokalitetin Freehold, të New Jersey, e inaguruar një vitë më parë- e ka nisur punën e saj me ne aspektin fetar dhe kombëtar me një lajm ogurmirë.Në statusin e saj në rrjetin social Facebook, ajo lajmëronë se dje ka hapur për herë të parë në historinë e këtij lokaliteti në Nju Xhersi, një shkollë me mësim plotësues, për mësimin e gjuhës shqip, si disa të tjera në komunitet.Siç duket edhe nga fotot e postuara prej tyre – gëzimi dhe entusiasmi i prindërve dhe fëmijëve ka qenë i madh – Shkolla ka nisur mjaft mbarë sesionin e ri- me rreth 30 nxënës më mësues të kualifikuar, dhe pa pagës. Siç duket edhe nga fotot e postuara prej tyre – gëzimi dhe entusiasmi i prindërve dhe fëmijëve ka qenë i madh – Shkolla ka nisur mjaft mbarë sesionin e ri- me rreth 30 nxënës më mësues të kualifikuar, dhe pa pagës.Rrjeti i picerive Pronto Pizza, u ka ofruar fëmijëve, pas orëve të mësimit pica dhe pije freskuese falas, duke ndjekur praktikat e sistemit të shkollave amerikane. Ndërsa klasat janë të kësaj qendre Dibra Community Center, janë të paisura me të gjitha mjetet e nevojshme mësimore, të dhurura ato nga komuniteti Dibran në këtë zonë, e cila është nga më të bukurat dhe më të shtrejntat në këtë lokalitet.

Kryetari i shoqatës Dibra, Dashnor Miftari, duke njoftuar në profilin e tij në facebook, për hapjen e kësaj shkolle, shkruan se dje, më 28-shkurt-2016 në Dibra Community Center, u hap shkolla për edukimin e fëmijve tonë, në këtë rrethinë, mësimin e gjuhës shqipe. Ai sqaron se kjo shkoll , gjithashtu, do të ketë brenda programit të saj edhe njohuri edhe për fen e tyre. Shkolla filloi me 30 nxënës, shkruan Miftari. Kurse duke shprehur edhe gëzimin e prindërve dhe fëmijëve të këtij komuniteti ai tregonë se ishte kënaqsi për ne si prindër të jemi aty bashk me fëmijt tanë, në këtë ditë historike për komunitetin tonë, në Freehold – New Jesey.Në urimet e tyre, dibranët anekënd, shkruajnë në Facebook, se dibranët çdo herë përkrah kombit e fesë së tyre. Dibranët, kanë mësuar dhe gjuhën e ëmbël dhe të bukur Shqipe, siç ishin Said Najdeni(Hoxhe Voka),Isen Kuçi(baba Sheh) etj. Disa prej tyre e kan quajtur hapjen e shkollës plotësuese për gjuhën Shqipe, një iniciativë shumë e duhur dhe në kohën e duhur! Me shpresë që brezat e ardhshëm në SHBA të kultivojnë dhe ruajnë, gjuhën e bukur Shqipe, fenë, kulturën dhe zakonet e traditat e tyre!

Argjentinë-Hirësia e tij Aleksandër, uron Kosovën në Ditën e Pavarësisë

February 18, 2016 by dgreca

Buenos Aires Argentina : Kryepeshkopi Aleksandër, përsëri me këtë set me fotografi postuar në rrjetin social facebokk – statusin e tij nuk ka harruar as në këtë 8 vjetor të urojë Kosovën në 8 vjetorin e Pavarësisë së saj – nga një vend me shumë domethënie nga rruga dhe përroi në Argjentinë me emrin “Kosova” – Hirësia e tij Alekasandër, thotë : “Urime Shqipëri, Kosovë, Iliride, Çameri, Presheve, Ulqin, Plave e Guci, vaditën me gjakun e bijve tanë më të mirë; ata ranë në fushën e bëtejës për këtë Flamur, duke u bërë simbolë të krenarisë shqiptare, shembuj frymzimi për gjenëratat e reja”
Hirësia e tij Aleksandër, Kryepeshkop i Kishës Ortodokse të Shqiptarëve të Diasporës në Amerikën Latine, e thënë ndryshe pasuesen e kishës së Nolit, por në pjesën jugore të kontinentit – aty ku kjo kishë, ka komunitetet e veta në Argjentinë, Brazil, Kili, Uruguai, duket se me këto data të shenuara të kombit tonë shqiptarë nuk po e harron gjakun e tij shqiptar. Çka nuk ka munguar edhe kësaj radhe, ai nuk ka harruar të urojë shqiptarë kudo që janë :”Gëzuar 17 Shkurti Kosovë, 8 Vjetori i Pavarësisë, për të gjithë motra e vellezër , miq dhe të dashurit e mi Shqiptarë !!!
Në statusin e tij Hirësia e tij Aleksandër, Kryepeshkop i Kishës Ortodokse të Shqiptarëve të Diasporës në Amerikën Latine, shkruan :”Urime për të gjithë vëllezërit e mi dhe motrat e shqiptarëve të Kosovës, sidomos pasi shumë miq kam atje në ditën e Pavarësisë së tij të lavdishme, të gjithë ju jeni në zemrën time. Kosova një popull dje, sot dhe përgjithmonë thyejnë zinxhirët e tyre. Të gjithë shqiptarët, në qoftë se ne jemi të bashkuar, kemi ndërtuar Kombin e Madhe që është Shqipëria. Vetëm ajo ka vetëm atë që na bashkon, që na integron. Shkaku i Popullit të Shenjtë Shqiptar, shtyhet, përndjekur, ngrihet i papërmbajtshëm, e kuqe dhe e zezë, në zhvillim në një ulërimë e madhe: Rroft Kosova!!! Rroft Kombi Shqiptare!!! Rrofsh sa malet e Shqiperise!!! Në lavdinë e Popullit shqiptar përgjithmonë!!! Zoti e bekofte Shqiperine dhe Shqipetaret kudo qe jane” shkruan Kryepeshkop +Aleksander
Më tej ai sqaron se këto fotografi janë nga një përrua të quajtur Kosova, në Ushuaia, Tierra del Fuego. Patagoni, Argjentinë, fund jugore të botës. Këtu në Amerikën e Jugut, kudo që të shkoni, gjithmonë gjej një vëlla të Gjakut Shqiptar…
Gjithashtu, në postimin e tij – Hirësia e tij Aleksandër, shkruan se “Të gjithë shqiptarët, në bot ë në se ne jemi të bashkuar, kemi për të ndërtuar Kombin e Madh dhe shtetin që quhët Shqipëria. Vetëm ajo Shqipëra, ka atë që na bashkon, që na integron. Çeshtja e Popullit të Shenjtë Shqiptar, nese shtyhet,vazhdon përndjekja, populli nuk papërmbahet, e kuqe dhe zi “
Urime edhe të gjithë shqiptarëve, kudo që jeni e ku jetoni, me familjët tuaja!!! Me respekt, zemra ime është me ju djema. Qofshin gjith shqiptaret me shendet e te suksesshem!!! Rroft Kombi Shqiptare!!! Rrofsh sa malet e Shqipes!!! Rroftë Shqipëria Etnike!!! Në lavdinë e kombit tonë shqiptar përgjithmonë!!!

Kryepeshkopi Aleksander I shqiptarve – Bir i Shqiponjës

Arzobispo (Kryepeshkopi) Aleksandër i Argjentina dhe Amerika Latine rrënjët e tij zënë fill tek pasardhësit e Skënderbeut. Njëri nga prindërit mbante mbiemrin Muzakajt, ndërsa tjetri mbante atë Greco. Shumë shekuj më parë, familja e tij pat lënë Arbërinë e shkrumbuar nga luftërat dhe qe vendosur në Kozencë. Hirësia e tij Aleksandër, Kryepeshkop i Kishës Ortodokse të Shqiptarëve të Diasporës në Amerikën Latine, e thënë ndryshe pasuese e kishës së Nolit, por në pjesën jugore të kontinentit.

Shqiptarët e Argjentinës

Kjo kishë ka komunitetet e veta në Argjentinë, Brazil, Kili, Uruguai. “Dy janë qëllimet e punës sonë: të shërbejmë që shumë njerëz të ritakojnë besimin tek Zoti dhe t’i takojmë shqiptarët me vlerat kulturore të kombit tonë përmes simboleve dhe historisë. Madje, synojmë që të gjitha këto t’i bëjmë në shqip”, thotë Kryepeshkopi me seli në Buenos Aires të Argjentinës. Ai tregon se në këtë shtet dhe në gjithë Amerikën e Jugut ka shumë shqiptarë, shumë arbëreshë që kanë ikur nga Italia Jugore dhe janë vendosur atje. “Ne jemi me mijëra, por shumica është e asimiluar në vendin ku ka jetuar dhe e kanë harruar pothuajse lavdinë e origjinës shqiptare. Po luftoj për t’i ribashkuar, për t’iu kujtuar origjinën.

Amaneti i Kryepeshkopit

“Unë vij nga një familje me origjinë arbëreshe e jugut të Italisë. Paçka atyre shumë shekujve që kanë kaluar nga koha që familja ime la Shqipërinë, gjithmonë e kemi ruajtur edhe të folurën. Arbëreshët që jetojnë në Amerikën e Jugut e kanë humbur jo pak të folurën shqipe, gjuhën pra, e megjithatë po përpiqem ta rikthej vëmendjen tek ajo. Gjithnjë e kemi pasur në ndërgjegjen tonë, tokën e origjinës. Kjo koshiencë nuk ka humbur as përgjatë shekujve. Kjo është e rëndësishme për t’ia transmetuar edhe të rinjve tanë. Gjithnjë kam thënë se porta jonë është e hapur për të gjithë ata që kanë gjak shqiptar.”(E dergoi per Diellin:Beqir Sina)

17 SHKURT 2008 Shqiptaret e Amerikes “Pushtuan” Time Square

February 17, 2016 by dgreca

*Shqiptarët e Amerikës, u bënë pjesë e historisë në ditën e 17 Shkurtit 2008 e Pavarësisë së Kosovës

*Gjysmë milonë shqiptarë dolën në sheshet e rrugët e Amerikës për të festuar Pavarësinë e Kosovës

Nga Beqir SINA/

*17 Shkurt 2008 – SHBA – Kanada : Epiqendra e festimeve të papara ndonjëherë në historinë e SHBA-së, u bë 17 Shkurt 2008 – në mesdrekë në metropolin e botës qytetin e 12 milion banorëve , metropolin e botës New Yorkun. Mënyra se si e festuan shqiptarët në New York, është e rrallë dhe e pa parë ndonjëherë në historinë e emigracionit shqiptarë. Manifestimi i shqiptarëve i ka çuditur amerikanët, të cilët siç u shpreh edhe një ruajtës i rendit – punonjës policie me uniform veteran i NYPD,: “kurrë në jetën e time, tha ai nuk kamë parë kaq shumë njerëz entuziast, me flamurin kuq e zi dhe atë të SHBA-së, të “derdhen” si lumë në sheshin më famozë të botës Time Square.”

Por, në të gjitha territoret e Shteteve të Bashkuara të Amerikës dhe Kanadas, vendbanimet e shqiptarve, filluan festimet masovike atë të diel më 17 Shkurt 2008. Festime këto për një festë, që këtu, kishte më shumë se 100 vjet që e kishin pritur, mbarë kombi shqiptarë, dhe shqiptarët e Amerikës, prej shpalljes së Pavarësisë të Shqipërisë më 1912.

Më 17 shkurt 2008 – më shumë se 500 mijë shqiptarë (gjysmë milioni), fëmijë, të rijë e të reja, gra e burra, pleq e plaka, u bënë së bashku me lotë gëzimi në sy, për të pritur lindjen e diellit – diellin e kësaj dite të bardhë dhe të rëndësishme, që edhe shqipëtarët me në fund këto lotë shekullorë, t’i shëndrojnë në gëzim e hare të papërshkrueshme, me Shpalljen e Pavarërsisë së Kosovës.

Asnjëherë, u tha se nuk mbahet mend në historinë e Amerikës, që të jenë parë kaq shumë shqipëtarë, në shesh duke festuar. Asnjëherë në historinë e këtij vendi nuk janë parë kaq shumë flamurë kuq e zi – që thuaje se kishin mbuluar e veshur kuq e zi kryeqytin e Amerikës Washingtonin D.C, qytetet e shtetet më mëdha amerikane New Yorku-n, Detroitin, Çikagon, Bostonin, Floridën, Kaliforninë, Teksasin, Arizonën, New Jersey, Kenektiket, Pensillvaninë, Karolinëne Veritu e të Jugut, Atlantën, Toronton, Montrealin, Vankuverin,Visnskosin e të tjera.

Shqipëtarët e këtueshëm nga e gjithë Amerika e Kanadaja, kishin dalë tashmë në rrugë e sheshe për të festuar këtë ditë të madhe, ditë historike, e cila vjen menjër pas asaj të 1912. Sot, të gjithë po festojnë, duke mos harruar se kemi me vete, mikun e madh dhe të përjetëshëm tonin Amerikën e George Washingtonit, Ullsonit, Bushit të parë, William Jefferson Clintonit dhe George W, Bush! E gjithë kjo po ndodhte kur vetë Shtetet e Bashkuara të Amerikës, pra amerikanët të nesërmen e Shpalljes së Pavarësisë së Kosovës, fetostonin ditën e Presidentit të SHBA- President Day .

Në mënyrë krejt spontane dhe më gëzim të përshukrueshem me daljen për të festuar në rrugët e shesht e SHBA dhe Kanandas, çdo shqiptarë në Amerikë e Veriut, ashtu si bashkombasit e tyre – shqiptarë, në Kosovë, Shqipëri, Luginën e Preshevës, Mal të Zi, Maqedoni, Çamëri, Arbëreshët e Italisë, dhe shqiptarët, në Zvicër, Belgjikë, Angli, Francë, Itali, Gjermani, Suedi, Australi, Argjentinë, Turqi, Austri, Holland, më këtë rastë më 17 shkurt 2008 u bënë pjesë e historisë së kombit tonë, duke dalë e festuar atë. Për të kujtuar sot një nga gëzimet më të bukura të jetës së tyre.

Në zëmer të qytetit 12 milion banorësh, metropolit të botës New York, në sheshin e famëshëm Time Square, krejt spontanisht, defiluan mijëra studentë, dhe nxënës shqiptare të shkollave të ndryshme, të rinjë e të reja, burra dhe gra shumica edhe me me veshjet tona kombëtare, duke mbajtur në dorë flamurin kuq e zi, dhe dardanisë, uniformat e flamurin e UÇK-së, kan kenduar e vallëzuar në shesh vetëm shqip.

Gëzimi i shfrenuar i shqiptarëve kulmoi me “pushtimin” e sheshit Times Square dhe vërshimin nga të katër anët e këtij sheshi të dhjetra makinave me flamurin kuq e zi dhe borijet e thirrjet e zjarrta – Kosova – Shqiperia

Pasë këtij festimi të papërshkueshëm për disa orë – festa e asaj nate kalojë në shtëpinë e Vatrës, Vatrës, së kolosëve të kombit.

Në shtëpinë Federatës Panshqiptare të Amerikës VATRA, e udhëhequr nga mëmëdhetarët e shquar, e kombit Faik Konica, Fan Noli, Koço Dako, Kristo Thanasi etj. dhe deri tek pasardhësi i tyre Agim Karagjozi, shenojë Shpalljen e Pavarësisë së Kosovës, me një pritje solemne, duke hapur dyert e saj për të pritur urimet e veprimtarëve dhe liderve të dalluar të komunitetit .

Më pasë Lëvizja e Legalitetit për Amerikë, kishte ftuar edhe Ligën Qytetare Shqiptaro Amerikane, ta festoin së bashku në një mjedis festiv në New Jersey.

Kurse, Ish luftëtarët e Bataloinit luftarak “Atlantiku” dhe fondacionit “Vendlindja Thërret”, pikërishtë nga ai vend ku gati 10 vite më parë, se të shppallej pavarësia e Kosovës, ishin nisur për të luftuar reth 200 ushtarët e këtij Batalioni të çlirojnë Kosovën, pra nga sheshi dhe vendi Royal Regency Hotel, në Yonkers, ku tashmë nuk do të mblidheshin për të luftuar, por për të festuar dhe gëzuar fitoren e tyre për atë që luftuan , sakrifikuan dhe u flijuan disa prej tyre – tre vëllezërit Bytytqi, Agron, Ylli dhe Mehmet Bytyqi.

Edhe – Kisha katolike shqiptare, Zoja e Shkodrës, në meshën e mesditës – famillitari i saj Dom Pjetër Popaj, dha një meshë e quajtur për Pavarësinë e Kosovës, ashtu si dhe Xhamia e Staten Island, dhe ajo në Brooklyn e Paterson e Garfiled, do të kryenin lutjet fetare për pavarsinë e Kosovës, dhe do të ndanin gosti për besimtarët me këtë rastë.

Gjatë gjithë ditës me makinat e tyre kan bërë “defilime” duke i rënë borijeve të makinave, dhe fanfarave nëpër rrugët e qyteteve, Bruklin, Bronks, Qiuns, Staten Island, me makina të mbuluara me flamurin kuq e zi dhe atë Amerikanë, dhjetra shqiptarë.

Menjëherë shpejt e shpejtë disa organizata dhe shoqata organizuan me këtë rastë mbrëmje festive me këngë e valle patriotike në restorantet , klubet e lokalet e shqiptarve në Amerikë e Kanada.

Ndërkohë, nëpër medias u njoftua se disa restorante e lokale, shqiptare në New York dhe New Jersey, jepinin pijet dhe ushqimin falas për shqiptarët.

Atmosfera ka qenë e papërshkueshme mjaft madhështore dhe gëzimi kishte mbrritur kulinacionin e tij, duke festuar 17 Shkurtin 2008 – Shpalljen e Pavarësisë së Kosovës.