Beqir Sina – Page 80 – Dielli

NË DASMËN E MADHE TË DEDVUKAJVE NË NEW YORK

May 15, 2013 by dgreca

Nga Beqir SINA/

NEW YORK CITY : Në Detroit dhe New York, ku jetojnë edhe pjesa më e madhe e komunitetit shqiptarë, atyre që kan emigruar nga Malësia në Amerikë, dasëmat e malësorve bëhen madhështore. Dasma më e vogël tregojnë shqiptarët e Amerikës, e malësorëve, ka të paktën 500 vetë, dhe, më e madhja mbi 1500 vetë. Kjo, është një traditë e kahershme e këtyre malësorëve, të cilët këtë gëzim e hare, në çdo mënyrë duan t’a ndajnë me të gjithë farefisin e tyre, miqt, shokët e dashamirët.
Dasëmorë nga te gjitha trojet shqiptare nuk mungojnë në këto dasëma dhe gazmende, ndërsa nuk ka dasëm malësore, pa bajrakun siç e quajn ata flamurin kuq e zi. Në çdo dasëm në ballë të saj – qëndron flamuri Kuqezi dhe ai Amerikan, të cilin e mbajnë dy djelmosha veshur me kostume popullore të kësaj treve. Pastaj hynë çifti i ri i shoqëruar nga çifitet e reja të veshura bukur dhe plot shije, mes këngëve e valleve dhe fëmijëve të luleve.
Një miku im në këtë dasëm, më tha : “Nese jeni të interesuar të mësoni më shumë rreth dasëmave te malësorve, për të parë një festë martesë të vërtetë, ashtu siç mund të keni dëgjuar, urojë që t’ju bie rasti të jeni i ftuar në një mundësi të tillë të mrekullueshme, si kjo e dasëmës, së djalit të Kolë Mirit, dasëm tipike e malësoreve.”
Dasma – Malësore, nisë qysh nga zbukurimi me simbolet kombëtare të shtëpisë, pritjen nga të zotët e dasëmës, prej tek porta, gostitjen sipas zakoneve, e rite të tjera ku çdo gjë është shqiptare. Festa martesore vazhdon me ceremoninë fetare, e cila mbahet në ambjentet e Kishës, në Altar, aty ku bëhet bekimi dhe kurorëzimi i çiftit. Natyrisht, që çdo gjë kulmon në mbrëmje zakonisht, duke e ndezur më në fund lokalin – ku mbahet dasëma . Të zotët e dasëmës janë ata që do të bëjnë, me respektin që tregojnë, ndaj çdo mysafiri, tavolinë më tavolinë, të kalosh çastet më miqësore dhe më të gëzuar të jetës suaj.
Çka pa dyshim do t’ju lë një kujtim të çmuar, për ju dhe të gjithë mysafirët e kësaj dasëme. Guzhina dhe menuja janë të zgjedhura sipas traditës, ku nuk mungon mishi i pjekur në hell, mezeja e bollshme dhe rakija e bërë vetë. Këngë e valle popullore të kësaj treve, ku dallohen këngët kushtuar heronjëve dhe ato të kreshnikëve të këtyre anëve, ose ngjarjeve të rëndësishme kombëtare, të gjitha së bashku plotësojnë ambjentin e hareshëm, gazmor e festues të kësaj feste martesore, dasëmen mbresalënse.
Mirëpo, ngaqë çdo dasëm shqiptare, sidomos këto që bëhen këtu në diasporë, ka edhe të veçantën e saj – e vogël apo e madhe qoftë ajo, nga Veriu, Shqipëria e Meseme apo Jugu, janë dasëma tradicionale shqiptare, që të kënaqin zemrën.
Kurse, Dasëma e Dedevukajve, lidhet edhe më atë të tragjedisë së 11 shtatorit 2001, ngjarje, e cila kjo tashmë, është kthyer në shpresë dhe frymëzim për brezat e tjerë, mbasi 11 Shtatori 2001, është bërë simbol i bashkimit, dinjitetit dhe krenarisë, së çdo qytetari në SHBA.
Djali i Marash Kolë Mirit, Simon Dedevukaj – stërnipi i kryetrimit DedëGjoLulit, i cili udhëhoqi kryegritjet e para për pavarësinë e Shqipërisë, është një nga tre heronjët shqiptarë që vdiqën më 11 shtator 2001.
Ai, vdiq në moshën 26 vjeçare, duke u bër një prej viktimave të sulmit terrorist,12 vjet më parë, teksa po punonte në katin e 95- të, të Kullës veriore në Qëndrën Ndërkombëtare të Tregëtisë , tragjedisë, ku humbën jetën afro 3 mijë njerëz të pafajshëm. Në ndërkohë, që të shtunën familja Dedvukaj, në New York, pas atij kumti – 12 vjet më pas, pati një gëzim të madh – martoi me një dasëm të madhe, djalin e tyre – Kolë (Calin) Dedëvukajn .
Vatë Marashi Dedvukaj, në emër të babës së dhëndrrit Marash Kolë Mirit Dedvukaj me vëllëzër e familjen e gjerë iu drejtua mysafirëve të shumtë, me një ftesë ku thuhej se, pjesmarrja e çdo njerit prej tyre në dasëmën e djalit të tyre, u a shtonte atyre gëzimin familjarë, dhe ua rritëte nderën si thonë malësorët. Në ftesën e tyre, ata për këtë dasëm, thonin se :” Kemi nder dhe kënaqësin të veçantë që në emën të Familjes së Kolë Mirit, t’ju ftojmë të merrni pjesë në martesën e djalit tonë Kolë(Calit), i cili me këtë rast fillon jetë të re bashkëshortore, me zonjushën Valbona. E bija, e të nderuemit Zef Marash Kolës Sinishtaj(Malësi)”
Dasëma e madhe e Dedvukajve, nisi simbas zakonit të tyre fetar, të cilit çifti i mrekullueshëm i përket, atij Katolik ” Kunora dhe Mesha e Shejtë”, të cilat, u celebruan në mesdrekë, të shtunën më 11 Maj 2013, në orën 2:00 – PM (pasdite) në Kishën Katolike Shqiptare “Zoja e Shkodrës”, nga i përndershmi Dom Viktor Dedaj .
Ndërsa ceremonia e dasëmës filloi në orën 7:00 PM (në mbrëmje) në lokalin e njohur për dasëma e gazmende të shqiptarëve në këtë qytet, “Eastwood Manor” në Eastchesters Bronx – New York, me një bekim të ushqimit dhe lutjes fetare nga i përndershmi Dom Nikolin Pergjini. Grupi muzikor me këngëtarët e njohur nga Malësia, Liria Dedvukaj dhe Lek Dedvukaj e bënë edhe më të hareshme dhe më të gëzueshme këtë dasëm karateristike e Malësorëve në Amerikë.
Foto : Amir Sukalic – Studio AlbaPro

Sofra Kërçovare 2013 në Çikago, festoi fitoren historike te Kërçovës!

May 9, 2013 by dgreca

Pjesmarrjen masive tek Sofra Kërçovare 2013 në Çikago, ka qenë mënyra më e bukur për të festuar, 10-vjetorin e Sofrës Kërçovare, përkitazi me fitoren historike të Kerçovës, e cila mbas 70 vjetëve do të jetë në drejtimin të një shqiptari…!

Nga Çikago, Beqir SINA/

CHICAGO – ILLINOI : Në sallën e madhe të festimeve dhe gazmendeve të ndryshme, lokalin e njohur të komunitetit shqiptarë në Çikago “Diplomat West”, me pronar një kërçovar, zotin Faik Ajro, veprimtar dhe biznesmen i suksesshëm i këtij komuniteti, u mbajtë mbrëmja festive e 10-Vjetorit të krijimit të SHKA “Sofra Kërçovare” në Shtetet e Bashkuara të Amerikës.
Më shumë se 1200 veta morën pjesë në këtë mbrëmje – jubilare, të cilën e nderuan me pjesmarrjen e tyre dhe mysafirët e lart nga Shkupi: Kryetari i BDI-së, zoti Ali Ahmeti, zëvendëskryeministri Musa Xhaferri, kryetari i komunës së Çairit, Izet Mexhiti, kryetari i komunës së Kërçovës, Fatmir Dehari, shefi i kabinetit të tij Artan Grubi, dhe Konsulli i Përgjithshëm i Maqedonisë, në Çikago zoti Jakup Rexhepi.
Mbrëmja u çel me këndimin e dy hymneve kombëtare të Shteteve të Bashkuara dhe atë të Shqipërisë.
Kryetari i shoqatës “Sofra Kërçovare” zoti Abedin Ibrahimi, mbajti fjalën përshëndetëse. Kurse, Ilir Zenku, kryetar i shoqatës “Kërçova” në Çikago, foli për këtë shoqatë dhe punën e saj – ndërsa më pasë vlersojë lart pjesëmarjen e kërçovarve nga Amerika, në zgjedhjet e 24 marsit në Maqedoni. Këtë mbrëmje jubilare e përshëndetën me fjalë rasti edhe Kryetari i BDI-së, zoti Ali Ahmeti, zëvendëskryeministri Musa Xhaferri, kryetari i komunës së Kërçovës, Fatmir Dehari.
Në këtë manifestim të trefishtë mbushur me plotë gëzime, kishin ardhur ta përshëndesin edhe Grupi Uskana, i cili vinte enkas nga Kërçova, dhe solli me vete edhe “himnin kërçovar” me këngën e fushatës së zgjedhjeve Uskana. Më pasë edhe grupe dhe këngëtarë të tjerë, këngëtarë kërçovarë, që jetojnë dhe veprojnë në Çikago, preformuan për të pranishmit. Grupi kërçovar i vallëtarëve, vajzave dhe burrave luajti disa valle të bukura me motive të kësaj treve. Bekim Huseini me grupin e tij, këngëtaria Verduna Shemshedini, nga Grupi muzikor Dardania, së bashku me Grupin Artë, këngëtarin Gazmend Musliu dhe Remzi Ademi, e bënë edhe më të hareshme këtë mbrëmje festive.
Konferencierja Adile Alili, e cila së bashku me konferencierin Taip Beqirin, shkelqeu tërë kohën e udhëheqjes së programit, ftoi ne foltore kryetarin e shoqates Ilir Zenku, të shpalli të hapur manifestimin kulturor. Recitali “Vota e Mërgimtarit” me autor: Dr.Xhabir Alili dhe me interpretimin plot pasion të Taip Beshiri me aktivistat e tjerë të Komunitetit ; Adile Alili, Dardan Ibraimi, Perparim Bekteshi, Naim Ibraimi, Beadin Bexheti, Adil Beshiri, Abedin Ibrahimi, ishte pjesa kryesore e këtij manifestimi.
Libretin e kësaj mbrëmje festive e kishte përgatitur me shumë mjeshtëri Dr.Xhabir Alili. I cili, tha se :”Ky recital përshkruan në një mënyrë dëshirën dhe entuziasmin që patën shqiptarët e Kërçovës, për të shkuar të votojnë për të fituar Kërçovën dhe për t’a bërë Uskanën tonë Ilire, sot kemi një Kërçovë shqiptare, edhe me shkuarjen e mbi 7000 kërçovarëve, duke ia arritur qëllimit për të qeverisur shqip, komunën tonë aq të dashur” tha Dr.Xhabir Alili.
“Sofra Kërçovare”, e cila “shtrohet” për të dhjetin vit me rradhë, dhe në të u ulën mbi një mijë vetë, shumica e tyre kërçovarë, këtë jubile u shënua në mënyrë madhështore mbasi shumë ngjarje të rëndësishme i motivuan njërëzit në këtë 10 vjetor. Pjesmarrjen masive tek Sofra Kerçovare 2013! në Çikago, ka qenë mënyra më e bukura për të festuar, 10-vjetorin e Sofrës Kërçovare, përkitazi me fitoren historike të Kerçovës, e cila mbas 70 vjetëve do të jetë në drejtimin të një shqiptari, dhe do të lëvëroi për katër vjet të paktën shqip.
Në manifestimin e organizuar nga kjo shoqatë, ishin të pranishëm, jo më pak se mbi 1200 bashkatdhetarë, të rinjë, të reja, fëmijë dhe të moshuar, përplot me shqiptarë edhe nga vendbanimet e tjera shqiptare në Maqedoni, Shqipëria, Kosova, Mali i Zi, Lugina e Preshevës dhe Çamëria.
Konferencieri i kësaj mbrëmje me të vërtet madhështore, Taip Beqiri, i tha gazetës sonë, se “Kjo, është nata jubilare, e 10 – Vjetorit të Sofrës Kërçovare, e cila kësaj radhe në mënyrë po të veçantë, ka mbledhur kaq shumë njerëz, që të nderojnë edhe tre margaritarët tanë ; Fitorja e Komunës së Kërçovës pas 70 vjetëve, 100 Vjetori i Shqipërisë – Pesë vjetori i pavarësisë së Kosovës,, dhe normalisht 10 vjetët jubilar të Sofrës Kërçovare, që për ne kërçovarët dallohen për shpirtin e zjarrtë patriotik, dhe kan përmbushur si rrallë ndonjëherë këtë sallë plot e përplot me gjithë familjet e tyre, në këtë gëzim të madh.”
“Më tej , shton zoti Beqiri, fitoria e Kërçovës, natyrishtë që është motivi dhe katalizatori që tregon se si din të bashkohen shqiptarët, dhe, kur bashkohen shqiptarët ata bëjnë edhe gjëra të mëdha – bëjnë edhe histori si bënë me Kërçovën, ku fitoria e Fatmir Deharit në Kërçovë, ka entusiamuar dhe e ka rritur jashtëzakonisht gëzimin e këtyre njerëzve, të cilët e kan pritur me një gëzim të papërshkruar këtë fitore, dhe janë mbledhur sonte së bashku të ndajnë këtë gëzim të madh”.
Kryetari i SHKA “Sofra Kërçovare”, zoti Abedin Ibrahimi, edhe ai shprehu kënaqësinë e veçantë për këtë festë, të cilën si tha ai e kanë bërë edhe me të bukur në këtë 10-vjetor, me pjesëmarrjen e tyre mysafirët e nderuar të BDI-së, Kryetari i kësaj partie zoti Ali Ahmeti i shoqëruar nga zëvendëskryeministri Musa Xhaferri, kryetari i komunës së Çairit, Izet Mexhiti dhe kryetari i komunës së Kërçovës, Fatmir Dehari, shefi i kabinetit të tij Artan Grubi, dhe Konsulli i Përgjithshëm i Maqedonisë, në Çikago zoti Jakup Rexhepi.
Sipas pjesëmarrësve “Sofra Kërçovare “, thuhet se është një simbolikë e nje qyteti me zemër të madhe, e një popullate bujare dhe mikëpritse që dallohet ndër krahinat shqiptare. Kërçova, thuhet në forumin “Sofra Kërçovare” gati gjysmën e popullsisë e ka të shpërndar nëpër botë, dhe mërgimtarët janë ata që bashkë me Kërçovën në zemrat dhe mendjet e tyre marrin edhe vyrtytet me fisnike te qytetit që i takojnë.
Lidhur me këtë mbërmje vjetore festive, në këtë forum thuhet se :”Mërgimtarët kërçovarë këtu në Amerikë, shtrojnë sofrën e mikpritjes për çdo ditë për miqtë dhe gjithë njerëzimin, ndërsa për vetveten pra, për të gjithë kërçovarët këtu e shtrojmë një herë në vit të Dielën e parë të Majit.”
Një diçka e veçnatë shkruajn ata në portalin www.sofrakercovare.com, është se këtë vit jubilar Kryetar i Këshillit është një mërgimtar aktivist, një kërçovar shumë i veçantë sipas tyre, që edhe pse erdhi si fëmijë këtu në Amerikë,( 14 vjeç) atij dekadat i kan rritur dashurinë për vendlindjen, pra, nuk ja zbehën por përkundrazi ia shtuan , ky pra është Dini(Abedin Ibrahimi) njeriu që në praninë e të cilit vetëm mund të keshë çaste lumturie dhe gazmendi, thonë forumistët kërçovar.
Duke shtuar se :” Këtë vit kemi edhe një arsye me tepër për të festuar , pos faktit që është vit Jubilar i “Sofrës Kërçovare’ por ne festojmë thonë ata edhe fitoren e madhe të Kërçovës, Kryetarin parë shqiptar, z.Fatmir Dehari , dhe me këtë rast ta përgëzojmë atë, dhe ta urojmë që të jetë një kryetar i sukseshëm, kështu do të bëjmë që Kërçova dhe ne të gjithë se bashku të jemi fitimtar e kernar, shkruhet me rastin e 10 Vjetorit të Sofrës Kërçovare në portalin www.sofrakercovare.com.

Ali Ahmeti në Çikago: Ky shekull është i shqiptarëve

May 8, 2013 by dgreca

Raport special nga takimi i Delegacionit të udhëheqësve të lartë të BDI-së, me komunitetin shqiptar/
Raporton nga Çikago, Beqir SINA/
CHICAGO – ILLINOI : Delegacioni i udhëheqësve të lartë të BDI-së, në vijim të vizitës disa ditore në Shtetet e Bashkuara, u ndalën fillimisht në Çikago. Ata zhvilluan një takim me diasporën shqiptare. Kryetari i kësaj partie zoti Ali Ahmeti i shoqëruar nga zëvendëskryeministri Musa Xhaferri, kryetari i komunës së Çairit, Izet Mexhiti dhe kryetari i komunës së Kërçovës, Fatmir Dehari, shefi i kabinetit të tij Artan Grubi, mbajtën takimin me Komunitetin Shqiptaro – Amerikan të shtetit Illionis, në Qendrën Kulturore, e cila ka qenë dhe nikoqire e këtij takimi.
Në këtë takim morën pjesë më shumë se 500 vetë, lider të këtij komuniteti, veprimtarë të njohur të çështjes kombëtare nga Illinois, Wisconsin dhe shtet për rreth. Në mesin e pjesmarrësve ishin edhe gazetarë, afaristë dhe biznesmen të sukseshëm, shkrimtarë dhe artistë, klerikë, studentë dhe aktivistë, kryesishtë nga Kërçova, dhe zonat për rreth saj, por, edhe shqiptarë të tjerë nga trevat e tjera shqiptare në Maqedoni, shqiptarë nga Kosova, Shqipëria, Mali i Zi, Lugina e Preshëvës dhe Çamëria.
Delegacioni i lartë të BDI-së, në këtë vizitë e shoqëronte edhe Konsulli i Përgjithshëm i Maqedonisë, në Çikago zoti Jakup Rexhepi Kurse, nga New Yorku, në këtë takim kishin ardhur kryetari i Akademisë Shqiptaro Amerikane, professor Skëndër Kodra, presidenti i Institutit Gjergj Kastrioti Skëndërbeu, Rrape Ruci, sekretari i shoqatës Çamëria në SHBA, inxhinier Sali Bollati, veprimtari i dalluar i komunitetit dhe zoti Ylber Pilku.
Pas intonimit të dy hymneve kombëtare, Shteteve të Bashkuara dhe Shqipërisë, tubimin e hapi Kryetari i Komunitetit Shqiptaro – Amerikan (KSHA) për Illinoi, zoti Luan Elezi, i cili përshëndeti delegacionin e BDI-së, duke i dëshiruar mirëseardhje. Ndërkohë, që me këtë rast, ai shpalosi edhe një historik të shkurtër mbi aktivitetin e komunitetit dhe veprimtarinë e tij dhe foli pak edhe pjesmarrjen masive nga diaspora në zgjedhjet e fundit në Kërçovë.
Me këtë rast në fund të këtij tubimi, i cili shkoi mjaft mirë, kreut të BDI-së, zotit Ali Ahmeti në emër të Komunitetit Shqiptaro – Amerikan (KSHA) për Illinois, nga kryetari i kësaj shoqate i`u dorëzua një pllkat Mirënjohje për kontributin e tij në çështjen shqiptare. Ky komunitet më pllakat Mirënjohje nderoi gjithashtu edhe nën/Kryeministrin e Maqedonisë zotin Musa Xhaferrit, mirënjohje kjo që iu dorzua nga Azem Begzati kryetar i Këshillit të kësaj qendre, dhe një mirënjohje Kërçovarët kishin rezervuar edhe për kryetarin e ri zotin Fatmir Dehari, mirënjohje kjo që u dha nga drejtori i Shkollës shqipe “Kongresi i Manastirit” zoti Nuri Ibrahimi.
Lideri i BDI-së, zoti Ali Ahmeti në takimin me komunitetin, pasi ka faleminderuar komunitetin shqiptaro amerikan për kontributin e tyre, në çlirimin dhe pavarësinë e Kosovës, luftën në Maqedoni, dhe së fundi për zgjedhjet atje, sidomos në fitoren e Kërçovës, ku pas 70 vjetëve shqiptarët e morën Kërçovën, ka folur edhe mbi zhvillimet e tjera aktuale në Maqedoni, çështjet dhe sfidat e shqiptarëve si dhe nevojën e integrimit të rajonit në strukturat euroatlantike.
Në fillim të fjalës së tij zoti Ahmeti tha se “Me theks të veçantë do të doja të shprehja mirënjohjen e lartë për ardhjen tuaj në votimet lokale për zgjedhjet në Kërçovë dhe fitoren e kandidatit Fatmir Dehari. Mobilizimi dhe ardhja juaj nga Amerika, tha Ahmeti, ishte inspirim për sakrificën e të tjerëve dhe se ishte ngritje morali për të gjithë në Evropë. Ky mobilizim i mërgatës, e bëri të mundur të pamundurën. Fitorja në Kërçovë ishte historike dhe tani kjo komunë menaxhohet nga shqiptarët”, theksoi Ahmeti, duke shtuar se Dehari dhe këshilli i ri komunal ka nisur proceset e reja në këtë komunë dhe krijimin e kushteve të reja për të gjithë qytetarët, si dhe njoftoi se së shpejti do të ngrihet një Memorial për të rënët gjatë luftës në Maqedoni, ku është përcaktuar vendi dhe zgjedhur edhe skulptori”
Ali Ahmeti në fjalën e tij theksoi se kishte ardhur në Çikago, për të shprehur faleminderime dhe mirënjohje për kontributin e kësaj diaspore të çmuar që sipas tij ka dhënë për çështjen shqiptare në përgjithësi. “Vizita ime këtu, tha zoti Ahmeti, është në shenjë respekti për ju të gjithë, mërgatën shqiptare, mbasi ju keni një kontribut të veçantë në ngritjen e Ushtrisë Çlirimtare, e cila ka luftuar dhe ka punuar për realizmin e idealve të tyre kombëtare. Edhe në se sot në Maqedoni gjërat kan ndryshuar për së mbari dëshirojë të theksoi tha ai se ajo që i ndryshoi këto është Ushtria Çlirimtare Kombëtare UÇK-ja”.
Ai foli edhe për Universitetin e Tetovës, për të cilin tha ai, ka një simbolik të veçantë në të gjithë botën – mbasi është i vetmi tempull i dijes në botë, që është hapur me gjak – dhe me gjak shqiptari.
“Maqedonia, sa është e Gruevskit, po aq është edhe e imja, sa është e Cervenkovskit po aq është edhe e imja, mirëpo, lojaliteti i një shteti është sa lojal tregohet shteti ndaj komuniteteve të saj.” tha lideri i BDI-së, duke shtuar se ne si pjesë e qeverisë si parti kemi qenë vazhdimisht të angazhuar për avancimin e çështjes shqiptare dhe realizimin e të drejtave të barabarta. “Ky proces, nënvizojë Ahmeti, megjithëse është i vështirë, por po ecën rrugën e mbarë. Për këtë arsye shtoi ai inkuadrimi i Maqedonisë në strukturat euroatlantike është çështje me prioritet për BDI-në, sepse, sipas tij me këtë do të krijohen kushte për demokratizimin e vendit dhe Ballkanit si dhe kushte të reja për punësime dhe siguri”.
Në ndërkohë zoti Ali Ahmeti, duke komentuar edhe çështjen e ngecjes së zgjidhjes së kontestit të emrit me Greqinë, ka theksuar se shqiptarët janë të interesuar që Maqedonia sa më shpejt të gjejë mënyrë dhe rrugë për ndryshimin e emrit, gjë e cila sipas tij nuk i pengon shqiptarët që kanë qenë , janë dhe do të jenë në këto troje. Ndërkaq shefi i kabinetit të Ahmetit, Artan Grubi disa medieve në Maqedoni, para udhëtimit për në SHBA, u ka thënë se qëndrimi i BDI-së dhe VMRO DPMNE-së për çështjen e emrit është i njëjtë, ashtu si i të gjithë subjekteve të tjera politike në Maqedoni, të cilat angazhohen për integrimin e vendit në strukturat euroatlantike
Ahmeti ka faleminderuar të gjithë mërgimtarët Kërçovarë për shkuarjen e tyre masive për fitoren e Kërçovës në zgjedhjet e fundit lokale.
“Me theks të veçantë do të doja të shprehja mirënjohjen e lartë për ardhjen tuaj në votimet lokale për zgjedhjet në Kërçovë dhe fitoren e kandidatit Fatmir Dehari. Mobilizimi dhe ardhja juaj nga Amerika, padyshim që ishte inspirim për sakrificën e të tjerëve dhe se ishte ngritje morali për të gjithë në Evropë. Ky mobilizim i mërgatës e bëri të mundur të pamundurën. Fitorja në Kërçovë, tha ai ishte historike dhe tani kjo komunë menaxhohet nga shqiptarët”, theksoi zoti Ahmeti, duke shtuar se Dehari dhe këshilli i ri komunal ka nisur proceset e reja në këtë komunë ku tani nçdo mjedis valon flamuri kuqezi, dhe krijimin e kushteve të reja për të gjithë qytetarët.
Lidhur me fitoren në zgjedhjet e 24 marsit, zoti Ahmeti ka vlerësuar shumë sovranin shqiptarë për besimin që i dha kësaj partie. ” Të kthehet edhe një herë ajo fitore si e 2002-shit, , tha zoti Ahmeti pas 11 vjetësh, do të thotë se ky është një vlerësim i lart i shqiptarëve të Maqedonisë, që nga ne kërkon jetësimin e fitores dhe materializimin e saj”.
Ahmeti i theksoi ndryshimet e arritura me Marrëveshjen e Ohrit, për të cilën tha se çështje të hapura sheh në statusin e gjuhës shqipe dhe nevojën nga punësimet e mëtutjeshme të shqiptarëve në administratën publike dhe tha se në SHBA është që të punojë edhe në përmirësimin e imazhit të Maqedonisë në botë. Ai disa herë faleminderoi Brukselin dhe SHBA në veçanti për ndihmesën që japin në drejtim të paqes dhe sigurisë në Ballkan.
Më shumë se 18 mijë shqiptarë janë punësuar në punë të ndryshme, përfshirë policinë, administratën shtetërore dhe lokale, prej se kur ne jemi në qeveri, tha në mes të tjerave zoti Ahmeti, duke shtuar se pa hapjen e vendeve të reja të punës nuk shtrohet ndonjë prespektivë, sidomos, për rininë shqiptare në Maqedoni.
Ai ftoi diasporën shqiptare që të investoi në vendlindjen e tyre, se ne tha ai i krijojmë të gjitha mundësit dhe u japim prioritet investimiteve të mërgimtarëve tanë. “Krijimi i kushteve të mira për investime, hapja e vendeve të punës, është një kauzë, që duhet t’i kontribojmë të gjithë,” tha ai.
Më pasë lideri shqiptarë në Maqedoni, zoti Ahmeti theksoi se : “Ky shekull me të drejtë është quajtur Shekulli i Shqiptarëve”
Më pasë, ai ka folur edhe për nënshkrimin e Marrëveshjes mes Kosovës e Seerbisë . “Para pesëmbëdhjet vjetësh, Kosova, tha zoti Ahmeti, as që mendohej se do të ishte shtet i pavarur i lirë , një ëndërr, kjo e cila sot është bërë realitet, duke shtuar se Marrëveshja e arritur mes Prishtinës dhe Beogradit, është një marrëveshje e integrimit të qytetarëve të saj në kuadrin e shtetit të Kosovës.” Megjithse, ka nënvizuar ai se nuk ka marrëveshje në botë që arrihet pa kompromisë, dhe nuk ka marrëveshje që të kënaqi të dy palët.
“Kosova, shtoi ai duhet të njihet dhe të bëhet anëtare e Kombeve të Bashkuara dhe pas negociatave për heqjen e vizave të fillojnë edhe negociatat për anëtarësim në Bashkimin Evropian ashtu sikurse, për shqiptarët e Maqedonisë, nevojitet zbatim i tërësishëm i Marrëveshjes së Ohrit, që shqiptarët të jenë të barabartë me maqedonasit.”
Sot, u shpreh zoti Ahmeti, është koha e pajtimit përfundimtar midis popujve të Ballkanit, të 100-vjetorit të luftërave të përgjakshme në Ballkan, kur të gjithë ishim viktima, edhe shqiptarët edhe maqedonasit, edhe të tjerët. “Nëse kanë mundur Franca dhe Gjermania ta heqin kufirin mes vete, në vende ku mijëra fëmijë janë vrarë në luftërat mes tyre, pse të mos mundemi edhe ne? ka sqaruar ai duke shtuar se kam thënë se, nëse dëshirojmë Shqipëri të madhe, atë mund ta kemi vetëm në Bashkimin Evropian, nga Athina deri në Stokholm”, deklaroi lideri i shqiptarëve të Maqedonisë zoti Ali Ahmeti.
Kryetari i BDI-së, zoti Ali Ahmeti më pas është pyetur nga mërgimtarët e tubuar lidhur me pyetje të ndryshme. Ndërsa ai kërkoi për nevojën e kthimit të ekspertëve shqiptarë apo kuadrit të ri të shkolluar në shkollat amerikane, për të ardhur në vendlindje dhe për tu përfshirë në trendet e reja të punësimeve. Folësit, në diskutimet e tyre kërkuan institucionalizimin e mërgtatës në SHBA, pajisjen e tyre me dokumente biometrike, për të qenë në gatishmëri për zgjedhjet e ardhshme parlamentare.
Ahmeti në këtë takim edhe një herë mënyrë të veçantë ka falënderuar diasporën Kërçovare për përkrahjen e madhe që i dhanë, ata kandidatit të BDI-së në ditën e zgjedhjeve. Ai gjithashtu para mërgatës shqiptare, ka shpjeguar gjendjen politike në Maqedoni, përparimin e statusit të shqiptarëve dhe të arriturat të pas konfliktit të vitit 2001.
Në diskutim u përfshi edhe Zëvendës/Kryeministri i Maqedonisë për Marrëveshjen e Ohrit, zoti Musa Xhaferri, i cili nga që ju kërkua nga të pranishmit, shpalosi edhe problemin e shtetësisë së Maqedonisë, një problem që ballafaqohen shumë shqiptarë. Ai theksoi se po punohet në këtë drejtim dhe kanë parasysh shqetësimet e disa shqiptarëve, por sipas tij, ky problem dalngadal do të zgjidhet.
Në këtë takim ka folur shkurtimisht edhe kryetari i komunës së Kërçovës, Fatmir Dehari, i cili shprehur faleminderime të thella për angazhimin e diasporës shqiptare nga SHBA për fitoren e zgjedhjeve. “Para dy muajve kërçovarëve i premtuam me Izet Mexhitin se Kiçevën do ta bëjmë Kërçovë, tha ai dhe në fund ndodhi kjo. Ne këtu kemi ardhur për t`ju shprehur faleminderime për mobilizimin dhe pjesëmarrjen masive në votimet për zgjedhjet atje”, theksoi Dehari. I cili o shoqërua gjatë me duartrokitje të forta nga bashkëqytetarët e tij këtu në diasporë.
Në fund, Kryetari i BDI-së, zoti Ali Ahmeti, i cili i prinë delegacionit, tha se: “Kam një agjendë mjaft të ngjeshur këto ditë në Uashington, do të kemi takime me Departamentin e Shtetit, në Pentagon, dhe në Shtëpinë e Bardhë, me Këshillin e lartë të sigurisë gjithashtu. Ndërkohë, që në Kombet e Bashkuara në New York, do të kemi një takim edhe me ndërmjetësuesin për kontestin e emrit z. Metju Nimic”, deklaroi kreu i kësaj partie zoti Ali Ahmeti, i cili po udhëheq delegacionin BDI-së në përbërje të cilit janë edhe Zëvendës/Kryeministri i Maqedonisë, zoti Musa Xhaferri, kryetari i komunës së Çairit, Izet Mexhiti dhe kryetari i komunës së Kërçovës, Fatmir Dehari, si dhe shefi i kabinetit të tij Artan Grubi,

NE DITELINDJEN E VEPRIMTARIT SELAHEDIN VELAJ

May 3, 2013 by dgreca

Në Ditëlindjen e veprimtarit Selahudin Velaj u promovua libri “Dr. Seladhedin Velaj – Legjenda vlonjate në Amerikë” i autorit Pandeli Simsia/
Nga Beqir Sina/
BRONX – NEW YORK : Dr. Selehadin Velaj, ishte për më shumë se gjysmë shekulli në diasporë, aty ku e lypte nevoja. Në përvjetorët të lindjes së tij – gjithmonë rritet dashuria dhe respekti, i të afërmëve, miqve , shokve dhe bashkëluftëtarve të tij – ndajë këtij veprimtari të dalluar të diasporës, patriot dhe atdhetar ish themelues dhe udhëheqës i grupimit të, të “Tri Besimeve Fetare” shqiptare në diasporë, Vatran dhe aktivist i të drejtave të njeriut në SHBA.
Selahudin Velaj lindi në Vlorë më 1923. Në ndërkohë, në 90 vjetorin e Ditëlindjes së tij në New York, zonën e “Tri-Shteteve”, javën e kaluar, u mblodhën për të festuar së bashku, disa veprimtar, gazetar, shkrimtar, publicist, intelektual dhe veteran të komunitetit, në lokalin e njohur “Giovanni’s Pizza Restaurant”, në Bronx – New York, në një aktivitet shoqëror, të cili ia dedikuan Dr. Selahudin Velajt.
Nga shteti më i vogël i SHBA, Rhoda Island, kishin ardhur enkas, duke udhëtuar disa orë për këtë ditëlindje të legjendës vlonjate në diasporë, bashkëshortët dhe bashkëveprimtarët e dalluar të komunitetit, Inxhinier Adem Saliu dhe poetia nga Kosova, Rita Saliu. Në këtë festë ditëlindje ishin të pranishëm edhe trashëgimtarët e Isa Boletinit, babai dhe nëna e Mimoza Dajçit, dhe mikja e tij e vjetër Dr. Ana Kohen presidente e Organizatës së Gruas Shqiptare në Amerikë, AAWO, “Motrat Qiriazi”, .
Ky aktivitet u organizua nga Organizata e Gruas Shqiptare në Amerikë, AAWO, “Motrat Qiriazi”, organizatë kjo që i dha Dr. Selahedin Velajt, me këtë rast edhe një medalje të qelqt si mirënjohe për veprimtarinë dhe aktivitetin e tij patriotik në diasporë. Pjesë e këtij organzimi të bukur ishte dhe programi Televizivë Albanian Culturë, me producent zotin Adem Belliu, si dhe disa miq të tij në Amerikë-

Ditëlindja u kthye në një mbasdite të bukur……!

Para të pranishmëve foli shkrimtari Pierre – Pandeli Simsia, autori i librit,”Dr. Seladhedin Velaj – Legjenda vlonjate në Amerikë”, i cili mes tjerash vlersoi lart figurën e Dr. Selahudin Velaj, duke e paraqitur atë si një veprimtar, patriot, dhe humanitar zemër madh në komunitetin shqiptarë, gjatë gjithë kohës së veprimtarisë së tij..
Simsia, tha se :”Dr. Selahedin Velaj, vlonjati anti-komunist, larguar nga atdheu për më tepër se 60–të, vjet, njeri me vlera të rralla njerëzore, humanitar me zemër të madh, organizatori dhe bashkëpuntori i hapjes dy herë të shkollave shqipe në disa lagje të Nju Jorkut, njeriu që u bë vatra e shumë emigrantëve shqiptarë të ardhur në SHBA……Simboli i Diasporës Shqiptare në Amerikë biri i shtrenjtë i Shqiptarisë, një ndër Vatranët e vjetër, anëtar i Kryesisë së Vatrës, Kryetari Degës së saj për dy vjet në Nju Jork, ka dhënë një kontribut të çmuar në jetëgjatësisnë e saj – duke bërë edhe fushata për të grumbulluar ndihma në bashkëatdhetarët për Vatrën.”
Gjithë jeta, puna, dhe vepra e Dr. Velajt, janë histori, janë muze, janë thesaret e paçmueshme që ruhen në atë muze për të gjithë emigrantët dhe mbarë shqiptarët, për të njohur bijtë e rralë e të ndershëm të Kombit tonë, sipas Simsisë. Ai përshkroi Dr. Velajn, si një njeri i angazhuar me pjesmarrjen e tij fizike në nismat dhe aktivitetet e ndryshme në shërbim të Kombit, zgjidhjen e çështjes së Kosovës, njeriu që ka marrë kontakte me ish-senatorë , kongresmen dhe personalitete amerikanë, duke shkuar vetë edhe në Uashington gjithmon për çështjen gjithë shqiptare…..është ndër burrat e ndritur të Kombit tonë… “Ky burrë i nderuar i Diasporës Shqiptare, tha autori i librit “Dr. Seladhedin Velaj – Legjenda vlonjate në Amerikë”, i shkrimtarit shqiptaro – amerikan Pierre – Pandeli Simsia, me veprën e tij patriotike, respekti dhe vlerësimi që bashkëatdhetarët kan për Dr. Selahedinë Velaj, janë titujt më të lartë të nderit që ai ka marrë prej kohësh, duke e quajtur Nderi i Shqiptarizëmës, Nderi i Kombit Shqiptarë…”. “Dhurata” për ditëlindjen e Dr Selahedin Velaj, sollën edhe shkrimtari i njohur Naum Prifti, Dr. Ana Kohen dhe bashkeshorti i saj, Elmira Muja, Gani Perolli, Gjek Gjonlekaj, Adem Belliu, Tom Mrijaj, Klajd Kapinova, Gani Perolli, Adem dhe Rita Saliu, Gjeto Turmalaj, Gani Çela, Sadik Aliçka, Adelina Gina, Aleksander Rrapi, Mimoza Dajçi sëbashku me prinderit e saja……
Në përshëndetjet e tyre, ata që morën fjalën thanë se “Të flasësh për figurën e këtij patrioti dhe atdhetari nuk është fare lehtë. Familja, prej së cilës rrjedh ai, ndaj çdo pushtuesi ka mbajtur qëndrim stoik, vetëm pse ishin pushtues të trojeve tona, dhe ata u sakrifikuan për çështjen tonë kombëtare. Njerëzit e kësaj familje, mbas 44′ ardhjes së komunizmit, u ndoqën dhe u presekutuan nga regjimi enverian në Shqipëri, aq sa vëllai i tij bëri mbi 30 vjet burg – në burgjet famëkeqe të Spaçit dhe Burrelit në Shqipëri
Vetë Dr. Selahudin Velaj gjatë këtyre 90 vjetëve qe, një patriot mes patriotve, i thjeshtë mes të thjeshtëve, zemër madh mes zemër madhve, anti – komunist mes anti – komunistëve, veprimtar në mes veprimtarëve, ose si e ka quajtur zoti Simsia “Legjenda vlonjate në Amerikë”.
Në fund të kësaj feste Ditëlindje, u ri-promovua libri i shkrimtarit shqiptaro – amerikan Pierre – Pandeli Simsia, “Dr. Seladhedin Velaj – Legjenda vlonjate në Amerikë”, dhe u shpërnda libri i tij me autografin e autorit si dhe u shtrua një drekë e thjeshtë shqiptare.

ELIOT ENGEL: Marrëveshja është një hap pozitiv dhe në drejtimin e duhur!

May 3, 2013 by dgreca

Engel :” Marrëveshja mes Kosovës dhe Serbisë është një hap pozitiv dhe në drejtimin e duhur. Ulja e serbëve për të negociuar me Kosovën, është njohje de fakto e pavarësisë së Kosovës nga Beogradi zyrtar. Engel ka shtuar se në të ardhmen e afërt, marrëveshja mes Kosovës dhe Serbisë do të shtojë njohjet për pavarësinë e Republikës së Kosovës.
NEW YORK : Në një intervistë për gazetën kombëtare Bota Sot, Kongresmeni Eliot Engel, flet për pritshmëritë e zgjedhjeve të ardhshme në Shqipëri, sjelljen e opozitës lidhur me KQZ-në, por edhe për marrëveshjen mes Prishtinës dhe Beogradit, lidhjet e forta dhe shumë të mira mes Shqipërisë, Kosovës dhe Shteteve të Bashkuara të Amerikës.
Ligjvënësi amerikan demokrat Eliot Engel në këtë intervistë, i tha gazetarit tonë në SHBA, Beqir SINA, se reputacioni i Shqipërisë do të varet nga organizimi i zgjedhjeve të lira dhe demokratike të 23 qershorit.
Engel, demokrati më i lartë në Komisionin e Punëve të Jashtme në Dhomën e Përfaqësuesve.
theksonë se Komisioni Qendror i Zgjedhjeve duhet të punojë që zgjedhjet të arrijnë standardet ndërkombëtare dhe demokratike. ”Nuk më intereson shumë se kush është në Komisionin, por se komisioni është duke bërë punën në pajtim me ligjet në fuqi që zgjedhjet të jenë të lira dhe demokratike”, deklaroi ligjvënësi amerikan.
Miku i dëshmuar i shqiptarëve në Kongres zoti Eliot Engel, ka komentuar gjithashtu edhe marrëveshje e fundit për normalizimin e raporteve ndërmjet Kosovës dhe Serbinë. duke thënë “Unë mendoj se marrëveshja mes Kosovës dhe Serbisë është një hap pozitiv dhe në drejtimin e duhur. Ulja e serbëve për të negociuar me Kosovën, është njohje de fakto e pavarësisë së Kosovës nga Beogradi zyrtar. Engel ka shtuar se në të ardhmen e afërt, marrëveshja mes Kosovës dhe Serbisë, do të shtojë njohjet për pavarësinë e Republikës së Kosovës.
Pyetje: Komisioni për Sigurinë dhe Bashkëpunimin në Europë, i njohur ndryshe si Komisioni amerikan i Helsinkit, ka për të zhvilluar një Seancë të hënën e ardhshme për zgjedhjet në Shqiperi, si i komentoni ju zgjedhjet e 23 qershorit në Shqipëri?
Engel : Është shumë e rëndësishme që Shqipëria të ketë zgjedhje të ndershme dhe të lira, dhe, shumë e rëndësishëme, dhe mendojë se është mirë që të mos ketë ndonjë mashtrim dhe që zgjedhjet të jenë të pastëra. Unë kam qenë në Shqipëri, edhe herë të tjera, kur atje ka pasur zgjedhje dhe unë kam qenë shumë i kënaqur me zgjedhjet që janë mbajtur, mabsi kam parë shumë njerëz që kan dëshirë të marrin pjesë në demokraci. Javën e ardhshme në Kongres do të ketë një seancë për Zgjedhjet në Shqipëri, në të cilën unë do të marr pjesë duke folur për zgjedhjet e 23 qershorit . Mendojë, se gjithkush, është i interesuar duke monitoruar me shumë kujdes nga afër zgjedhjet, që do të mbahen muajin tjetër në Shqipëri. Mbasi ajo që dihet, është se Shqipëria tani është anëtare e NATO-s, dhe unë mendoj se këto zgjedhje do të krijonin përsëri një arsye për Shqipërinë për anëtarësim e saj në BE, në qoftë se nuk ka për të pasur parregullsi në zgjedhje. Kështu që unë mendoj se është shumë e rëndësishme, dhe po e përsërisë që këto zgjedhje të jenë të drejta dhe të pastëra, pasi e gjithë bota është me të vërtetë duke vështruar nga këto zgjedhje.
Pyetje : Si e dini edhe ju zgjedhjet në Shqipëri filluan me një ngjarje të “pazakontë” , opozita i tërhoqi anëtarët e saj nga Komisioni Qendrorë i Zgjedhjeve, duke kryer një veprim politik, për mendimin tim , në një kohë që Komisioni i Zgjedhjeve duhet të jetë apolitk. Si e shihni ju këtë veprim të opozitës në Shqipëri ?

Engel : Ajo që më intereson mua nuk është aq shumë se kush është në Komision Zgjedhor, apo kush nuk është!?, por se Komisioni Zgjedhor, është duke bërë punën e saj – të mirë që zgjedhjet të jenë të lira dhe të ndershme. Ajo që është me të vërtetë shumë e rëndësishme, është ajo që pritet tani nga Shqipëria, sepse Shqipëria, tani nuk është më një vend i rangut të tretë botërore, ajo është një anëtare e NATO-s, dhe kështu që ne duam të sigurohemi se nuk mund të ketë asnjë lloj mosmarrëveshje, kushdo që fiton zgjedhjet atje. Zgjedhjet duhet bëhen zgjedhje të lira dhe të ndershme. Shqipëria, ka përpara reputacionin e tërë e Shqipërisë, për të treguar se është me të vërtetë në linjë, duke u përpjekur për të siguruar se këto zgjedhje do të jenë nga më të mirat.

Pyetje: Si një mik i madh i Shqiptarëve si i shihni ju marrdhëniet e Shqipërisë me Shtetet e Bashkuara, vështruar në kuadrin e zhvillimeve të ndryshme politike në Shqipëri. A kan ndikuar këto në këto marrdhënie zhvillimet e ndryshme atje ?

Engel : Dua të përsërisë se marrëdhëniet mes Shteteve të Bashkuara dhe Shqipërisë janë të forta dhe të shumë të mira! Unë si mik luftojë çdo ditë për t’i mbajtur këto lidhje të mira dhe të forta, por edhe shqiptarët duhet të bëjnë pjesën e tyre. Nëse ka zgjedhje të lira dhe të ndershme, në Shqipëri, ajo forcon rolin e shqiptarëve dhe e bën Shqipërinë një kandidat të fortë për BE-në, dhe i kontribon këtyre marrëdhënieve të mira. Unë kam qenë dhe jam për Shqipërinë në BE, dhe kam qenë që Shqipëria, të ishte pjesë e NATO-s, dhe unë jam gjithmonë në kërkim për shqiptarët të kenë një mirëqenie të mirë dhe unë vazhdojë të kontribojë që të ketë lidhje të forta të rriten midis Shteteve të Bashkuara dhe Shqipërisë,e shqiptarëve kudo që janë.

Pyetje: Meqënse jemi tek lidhjet e tua me Shqiptarët – ju lutem a mundet të më jepni një koment mbi marrëveshejen e Prishtinës dhe Beogradit ?

Engel : “Unë mendoj se marrëveshja mes Kosovës dhe Serbisë është një hap pozitiv dhe në drejtimin e duhur. Ulja e serbëve për të negociuar me Kosovën, është njohje de fakto e pavarësisë së Kosovës nga Beogradi zyrtar. BE u tha serbëve se në qoftë se ata duan të bëhen pjesë e BE-së, ata duhet ti normalizojnë marrëdhëniet me Kosovën. Marrëveshja, thotë se qeveria është Prishtina, është qeveri e krejt Kosovës, jo e disa pjesëve të saj dhe ajo refuzon çdo lloj ndarje të Kosovës. Unë mendojë se në çdo marrëveshje asnjëra palë nuk e merr 100 për qindëshin të asaj që synon. Por kur unë e shoh dhe e analizoj këtë marrëveshje, mendoj se Kosova ka bërë shumë mirë që e ka pranuar dhe firmosur. Unë mendoj se kjo marrëveshje do të kontribuoj për stabilitetin e Ballkanit dhe stabilitetin e së ardhmes së shqiptarëve në Ballkan. Unë mendojë se në të ardhmen e afërt, marrëveshja mes Kosovës dhe Serbisë do të shtojë njohjet për pavarësinë e Republikës së Kosovës.

Pyetje : Zoti Engel ashtu si gjithnjë të drejtohem si një mik i madh i shqiptarëve që asnjëherë nuk i je ndarë shqiptarëve, të paktën dy dekadat e fundit, a mund t’ju drejtoheni me një mesazh shqiptarëve nëpërmjet gazetës Pyetje ?

Engel : Sigurisht! Mesazhi im është se Shtetet e Bashkuara gjithmonë do të mbështesë fuqimisht Shqipërinë dhe Kosovën. Shtetet e Bashkuara e kuptojnë mirë se miqtë më të mirë për amerikanët që kanë kudo në botë, janë shqiptarët. Kur ne shkojmë në Kosovë e Shqipëri, ne jemi pritur shumë mirë, dhe në Kosovë ne jemi përshëndetur sikur të ishim shokë, vëllezër dhe motra, dhe kjo është shumë, shumë e rëndësishme, për ne amerikanët. Lidhja midis kombit Shqiptar dhe Shtetet e Bashkuara, gjithmonë do të jetë i fortë si në mes të Kosovës e Shqipërisë, dhe gjithë shqiptarëve. Për sa kohë që unë jam në Kongres unë jam duke punuar çdo ditë, për të siguruar që këto obligacione të jenë të përforcuara dhe unë e disa kolegët e mi në Kongres, po punojmë çdo ditë për të siguruar vendet e tjera të njohin pavarësinë e Kosovës. Tani Kosova ka 98 vende që e kanë njohur atë, por ne me të drejtë duam që ajo të ketë mbi 100 e ca njohje që një ditë Kosova të marrë atë vendin që i takon në Kombet e Bashkuara.

Shume të faleminderit !

Intervistoi Beqir SINA – New York