Ministrat Tahiri – John Taylor: Nuk përfitohet më azil/

TIRANË, 21 Mars/ Ministri i Brendshëm, Saimir Tahiri, priti pasditen e të premtes në Aeroportin e Rinasit, Ministrin e Shtetit te Bitanisë së Madhe, John Taylor, i cili kishte ardhur me avion të posaçëm me 47 shtetas shqiptarë, të depërtuar nga Britania e Madhe për qëndrim të parregullt.Përfaqësues të dy qeverive u bënë apel gjithë shtetasve shqiptarë, të mos ndërmarrin përpjekje për të kërkuar azil politik në Britani por edhe vende të tjera të BE-së, pasi Shqipëria aktualisht është jashtë hartës së vendeve që mund t’a përfitojnë këtë status.

Gjatë bisedës mes dy delegacioneve, ku ishte i pranishëm edhe ambasadori i Britanisë së Madhe në Shqipëri Nicolas Cannon, u fol gjithashtu për shtimin dhe gjetjen e hapësirave të reja të bashkëpunimit bilateral në fushën e sigurisë dhe luftën e përbashkët kundër krimit të organizuar.

Pas takimit, në një deklaratë për mediat, Ministri Tahiri shprehu vendosmërin se “do të luftojmë trafikun e qënjeve njerëzore  siç jemi të vendosur të parandalojmë çdo përpjekje për emigrim të paligjshëm dhe azil kërkuesit e parregullt”.

Ai u bëri thirrje të gjithë qytetarëve shqiptarë të “respektojnë lëvizjen e lirë dhe regjimin e lëvizjes së lirë dhe të konsiderojnë që sot është e pa mundur të kërkosh dhe të marrësh azil në vëndet e BE-së. Shqipëria nuk konsiderohet më vend i denjë për të pritur në vendet e BE-së, qytetarë shqiptarë që kërkojnë azil”.

Tahiri ritheksoi vendosmërinë e qeverisë shqiptare që “bashkë me partnerët tanë të luftojmë këtë fenomen, edhe dimensionin social edhe dimensionin ekonomik, por mbi të gjitha edhe diminsionin kriminal që shfrytëzon pikërisht këtë fenomen dhe krijon të ardhura kriminale të pa merituara, të gjithë ata që shfrytëzojnë në mënyrë kriminale këtë çështje”.