bukuroshja shqiptare – Dielli

Nga Aurenc Bebja*/ Francë/

Në librin « Album de Chateaubriand – 1862 » gjejmë një shkrim të shkurtër në faqen n° 98 me titull « Chateaubriand i sëmurë tek një shqiptar ».

Shkrimtari dhe politikani i njohur francez, François René de Chateaubriand, në zhegun e muajit gusht të 1806, niset për vizitë tek një shqiptar që banonte në « Kératia » (në periferi të Athinës) dhe që njihej me konsullin francez të kryeqytetit grek.

Gjatë udhëtimit, atë e kapin ethet dhe detyrohet të kalojë natën në banesën e shqiptarit.

Në vijim, autori na rrëfen gjendjen e tij shpirtërore (fizike dhe emocionale) në praninë e bukuroshes shqiptare :

« Të nesërmen, e kalova ditën i shtrirë mbi shkorsën time, ndërsa të gjithë kishin dalë në ara ; Edhe vetë Jozefi kishte dalë ; Ishte aty vetëm vajza e mikpritësit tim. Ishte një vajzë shtatëmbëdhjetë apo tetëmbëdhjetë vjeçe, mjaft e bukur, që ecte këmbëzbathur dhe në flokë kishte plot medalje dhe monedha të vogla argjendi. Ajo nuk më shikonte fare dhe punonte sikur të mos isha aty.

Dera ishte e çelur, dhe nga aty hynin rrezet e diellit. Ishte i vetmi vend i ndriçuar në dhomë. Herë pas here më zinte gjumi ; Zgjohesha dhe shihja sërish vajzën shqiptare, të merrej me diçka tjetër, duke kënduar me gjysëm zëri apo duke rregulluar flokët e saj. Ndonjëherë i kërkoja ujë dhe ajo më sillte një vazo të mbushur plot ; duarkryq, ajo priste me qetësi të shuaja etjen, dhe pasi kisha mbaruar, ajo më pyeste : Ju bëri mirë ? Dhe pastaj u kthente në punën e saj.

Në heshtjen e mesditës dëgjohej vetëm gumëzhima e disa insekteve në banesë dhe disa gjela që këndonin jashtë. E ndjeja kokën bosh, siç ndodh shpesh pas një temperature të lartë ; sytë e mi të lodhur shikonin të fluturonin rreth mej një sasi shkëndijash dhe flluskash drite. Unë kisha vetëm mendime të turbullta por ama të ëmbla. »

Francë – 14 Tetor 2016

Nga Klajdi Musabelliu/ Zerina Derveni quhet bukuroshja shqiptare, e cila merr pjesë në “Miss Universe Canada” 2014. E kualifikuar për finalen e këtij evenimenti bukurie, vajza renditet në faqen zyrtare në internet (missuniversecanada.ca/2014) si një ndër 20 vajzat më të bukura të këtij edicioni.
Ajo ka lindur në qytetin e Shkodrës, dhe është larguar prej andej fare e vogël, për te jetuar në Frankfurt të Gjermanisë së bashku me familjen e saj. Ndërkohë në moshën 7 vjeçare, familja e sajë eshte vendosur kësaj here përgjithmonë në Kanada.
Pas shumë intervistave dhe provave, në shkurt të vitit 2014 ajo shpallet si një ndër pjesmarrëset e “Miss Universe Canada 2014”.
Ajo e konsideron veten shqiptaro-kanadeze, ka nënshtetësi kanadeze, por gjaku i sajë është shqiptar, këtë të fundit ajo e ka pohuar edhe vetë në një interviste të dhënë për lajmpress.com.
Ka studiuar 3 vjet për drejtësi, dhe është diplomuar në marerdhëniet e publikut e menaxhimin e biznesit.
I pëlqen futbolli dhe vollejbolli, dhe në të ardhmen do të donte të drejtonte nje biznes të sajin, dhe paralelisht të ndihmojë dhe njerëzit në nevojë, siç ka bërë edhe në të kaluarën duke punuar si vullnetare në “Sick Kids Hospital” (spitalin e fëmijëve), “Operation Smile”(opercacion buzëqeshja, apo dhe në mjaft nisma të tjera në funksion të ndihmës së njerzve në nevojë.
Duke marrë parasysh kombinimin e eksperiencave të saja në jetë, ajo ka si qëllim që kthehet si një pikë referimi për bashkemoshatarët e sajë, si një “model” për tu marrë shëmbull.
Pjesmarrja e sajë në këtë aktivitet, është përkrahur e mbështetur nga komuniteti shqiptar që jeton në Kanada, të cilët e kanë inkurajuar bukuroshen, duke shpresuar që ajo të fitojë edhe kurorën e këtij evenimenti

GUSHT 1806 : CHATEAUBRIAND DHE BUKUROSHJA SHQIPTARE

“Miss Universe Canada 2014” Finaliste Zerina Derveni nga Shkodra