Ambasada Amerikane ne Tirane revokon vizat për disa gjyqtarë dhe prokurorë shqiptarë/ 

Deklarate e Ambasades se SHBA/

Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza. Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale. Ambasada e Shteteve të Bashkuara e ka ndërmarrë këtë veprim përpara procesit të pritshëm të vetingut, i cili do të vlerësojë lidhjet e zyrtarëve të caktuar me korrupsionin, si dhe në përgjigje të një rasti që përfshinte abuzim flagrant të një vize zyrtare nga një prokuror i nivelit të lartë dhe bashkëshortja e tij, gjë që çoi në revokimin e vizave të tyre.

Ambasada e Shteteve të Bashkuara i merr seriozisht akuzat për korrupsion dhe do të vazhdojë t’i shqyrtojë vizat dhe aplikimet për vizë të zyrtarëve të drejtësisë me vëmendje të shtuar. Departamenti i Shtetit ka një autoritet të gjerë për të mohuar dhe revokuar viza bazuar në informacione që tregojnë se zotëruesi i vizës mund të jetë i papranueshëm në Shtetet e Bashkuara dhe Departamenti i Shtetit do të vazhdojë ta përdorë këtë autoritet për të çuar përpara përpjekjet kundër korrupsionit në Shqipëri.

T‎he U.S. Embassy has revoked the non-immigrant visas of several Albanian judges and prosecutors after determining that the officials no longer qualify for these visas. Because visa records are confidential under U.S. law, we cannot comment on individual cases. The U.S. Embassy took this action in advance of the upcoming vetting process that will assess certain officials’ ties to corruption and in response to a case involving the flagrant abuse of an official visa by a senior prosecutor and his spouse, leading to a revocation of their visas.
The U.S. Embassy takes seriously allegations of corruption and will continue to review justice officials’ visas and visa applications with additional scrutiny. The Department of State has broad authority to deny and revoke visas based on information indicating that a visa holder may be inadmissible to the United States, and will continue to use this authority to advance its anti-corruption efforts in Albania.