deklarate – Dielli

VETËM SË BASHKU DO TË REALIZOJMË ËNDRRAT DHE ASPIRATAT KOMBËTARE!

August 11, 2020 by dgreca

–Koalicioni i Organizatave Shqiptaro Amerikane nga Mali i Zi-

DEKLARATË –

Të dashur bashkatdhetarë,

Ne, përfaqësuesit e Koalicionit të Organizatave të Komunitetit Shqiptar në Amerikë, me origjinë nga Mali i Zi, bazuar në angazhimet tona gjatë dy javëve të fundit, japim këtë deklaratë:

1. Siç e dini, fillimisht ne u angazhuam dhe thirrëm për një marrëveshje në mënyrë që të

gjitha Partitë dhe Organizatat shqiptare në Mal të Zi të bashkohen në një listë të vetme për zgjedhjet e ardhshme parlamentare në Mal të Zi. Duke u nisur nga suksesi dhe rezultati pozitiv i bashkimit të Subjektet shqiptare për Komunën e Malësisë – Tuz vitin e kaluar, ne kishim arsye të bindshme se kjo është mënyra më e mirë që si një subjekt i bashkuar të jemi më të fortë dhe kështu të mbrojmë interesat tona për një të ardhme më të mirë të shqiptarëve në Mal të Zi. Fatkeqësisht, kjo nuk ndodhi. Por kjo nuk duhet të na ndalojë në punën dhe angazhimet tona për një zhvillim më të mirë, që subjekti politik shqiptar të jet i bashkuar dhe mbështetur nga votuesit tanë. Megjithëse dëshirat tona nuk u realizuan, koalicioni i formuar në Guci para disa ditëve është shpresëdhënës që të vazhdojmë të përpiqemi dhe të punojmë për një bashkim të subjektit politik me mbështetjen e elektoratit shqiptar.

2. Megjithëse mund të kemi pasur arsye që të pozicionohemi dhe të mbështesim njërën prej dy listave, kësaj herë ne nuk do ta bëjmë atë. Arsyeja kryesore për këtë është se ne vazhdojmë të jemi forcë për unitet dhe jo për ndarje. Por presim, dhe kërkojmë që të gjithë subjektet politike shqiptare t’i përmbahen parimëve demokratike dhe të jenë në dispozicion për të paraqitur platformën e tyre të ideve dhe planeve për arritjen e tyre.

3. Për këto arsye ne bëjmë thirrje për të gjithë elektoratin shqiptar, vëllezërit dhe motrat tanë në atdhe, të votojmë me mençuri, të votojnë me zemrën dhe të votojnë vetëm për subjektin politik shqiptar. Siç e dimë të gjithë, subjektet politike malazeze, si DPS, kane qenë e suksesshme në depërtimin e radhëve tona dhe përdorimin e partneritetit me individë të ndryshëm për të avancuar axhendën e tyre. Kjo kurrësesi nuk është një axhendë që përfshin një nesërme më të mirë për shqiptarët në Mal të Zi. Prandaj, vota juaj për subjekte tjera politike sikurse për DPS, është votë kundër vetëvehtes, kundër te mires sonë. Mos të humbasim këtë moment historik që së bashku, edhe pse të ndarë në dy lista, duke votuar subjektin politik shqiptarë, mund të sigurojmë një përfaqësim më të denjë në parlamentin malazez. Në dy-tre ditët e fundit, kemi parë dhe deklarata të ndryshme të cilat thonë se ne po zgjedhim palë dhe me këte po dëmtojmë procesin demokratik. Fjalët i tilla i mbane ere

por puna jonë dhe angazhimet tona do të flasin qartë dhe me zë të lartë, se ne jemi një forcë për unitet dhe një ardhme më të mirë për popullin tonë.

Kjo është koha jonë për të realizuar ëndrrat dhe aspiratat tona dhe që një herë të i tregojmë udhëheqësisë sonë politike se do të ketë një çmim për të paguar nëse interesi i tyre personal vazhdon të jetë mbi interesat tona kombëtare. Ne kërkojmë përgjegjësi për besimin që votuesit vendosin tek ju. Të lëmë ato çka na ndanë dhe të jetë ky një fillim i ri! Ndërsa vazhdojmë të përgatitemi për zgjedhjet e ardhshme, ne premtojmë se një numër i konsiderueshëm i votuesve nga diaspora do të jenë me ju, për të votuar me ju, që të votojnë për të ardhmen tonë, të fitojnë dhe të gëzohemi së bashku. Ne premtojmë se do të jemi me ju dhe në të ardhmen, gjatë kohërave të mira dhe të vështira, ashtu si jemi të gatshëm të jemi me ju edhe në këtë kohë krize me pandeminë Covid-19. Ne do të qëndrojmë gjithmonë me ju. Ky është vetëm fillimi i angazhimit tonë, jo vetëm me fjalë, por edhe me vepra që premton mundësi për zhvillime ekonomike nga të cilat do të përfitojmë të gjithë. Së bashku, te votojmë subjektin politik shqiptare, për një të ardhme më të mirë dhe më premtuese.

VOTONI ME ZEMER, VOTONI PËR TË ARDHMËN

VOTONI LISTAT SHQIPTARE

E derguar me respekt nga,

Mark Gjonaj, NYC Councilmember

Federata Pan-Shqiptare e Amerikës-VATRA (International)

Keshilli Koordinues i Diaspores-KKD (International)

Albanian American Association Ulqini

Albanian American Community Association

Albanian American Cultural Foundation

Don Gjon Buzuku Association- Chicago

Don Gjon Buzuku Association- New York

Fondacioni Don Simon Filipaj

Fondacioni Plave Guci

Fondacioni Hoti i Kujit

Illyrian Business Organization- IBO

Shoqata Ana e Malit

Shoqata Kraja

Shoqata Atdhetare Malesia e Madhe- Michigan

Shoqata Malesia e Madhe- New York

Trieshi Humanitarian Fund

Nje thënjë e vjetër thotë: “Nëse dëshiron të shkoni shpejt, shkoni vetëm,

Nëse dëshironi të shkoni larg, shkoni së bashku”

VETËM SË BASHKU DO TË REALIZOJMË ËNDRRAT DHE ASPIRATAT KOMBËTARE!

New York 10 Gusht 2020

Kryeparlamentarja Osmani përgëzon Gjykatën Kushtetuse

May 1, 2020 by dgreca

Deklaratë e Kryetares së Kuvendit të Kosovës, Dr. Vjosa Osmani-Sadriu: E vlerësoj lart faktin që Gjykata Kushtetuese ka vendosur ta trajtojë këtë çështje, megjithëse ditë feste, në mënyrë që të mbrohet integriteti institucional në rrethanat e krijuara.

Sot Gjykata Kushtetuese mori vendim për ta vendosur masën e përkohshme ndaj dekretit të Presidentit për mandatarin e ri të qeverisë së vendit, deri në një vendim meritor.

E vlerësoj lart faktin që Gjykata Kushtetuese ka vendosur ta trajtojë këtë çështje, megjithëse ditë feste, në mënyrë që të mbrohet integriteti institucional në rrethanat e krijuara.

Në funksion të kësaj, unë i kam drejtuar sot Gjykatës Kushtetuese komente (në afatin që ishte caktuar nga ana e Gjykatës), me të cilat kam arsyetuar pse vendosja e masës së përkohshme është e nevojshme, pa paragjykuar vendimin final të Gjykatës për pjesën meritore të rastit. Në këto komente kam sqaruar se “vendosja e masës së përkohshme mbi ekzekutimin ose ndërmarrjen e veprimeve që rrjedhin nga dekreti është po ashtu e domosdoshme për shkak se vetëm në këtë mënyrë do të garantohet që Kuvendi i Kosovës, si institucioni më i lartë në sistemin tone politik, nuk do të marrë vendime që mund të rezultojnë kundërkushtetuese, e që për pasojë do të dëmtonin rëndë besimin e publikut dhe vetë integritetin e këtij institucioni. Në këtë mënyrë, përveç se është në përputhje të plotë me interesin publik, vendosja e masës do të parandalojë shkaktimin e një dëmi të pariparueshëm në kuptim të funksionimit kushtetues dhe ligjor të institucioneve më të larta kushtetuese në vend.”

Si kryetare e Kuvendit të Kosovës dhe njeri i që respekton gjithnjë vendimet e institucioneve të pavarura, do të kujdesem që Kuvendi t’i ndërmarrë të gjithë hapat në përputhje me vendimin e Gjykatës Kushtetuese të Kosovës dhe i ftoj të gjithë udhëheqësit politikë e institucionalë që t’i respektojnë vendimet e kësaj gjykate, pavarësisht nëse pajtohen me to ose jo.

DEKLARATË E DEGËS SË VATRËS NË MICHIGAN PËR MINI SHENGENIN BALLKANIK

December 29, 2019 by dgreca

Në sinkron me Frymën e Kanunores së Federatës Pan-Shqiptare, Vatra, pikërisht sipas Nyjës 5, Amandamenti 3-b: “Vatra mbështetet mbi parimin e bashkimit kombëtar me mjete ligjore dhe demokratike, duke ndjekur INTEGRIMET NDËRSHQIPTARE, si ne fushën e doganave, të arsimit tē tregëtise, të sportit e te tjera”, Dega e Vatrës Michigan, deklaron sa më poshtë vijon:

Dega e Vatrës Michigan e konsideron iniciativën e perfaqësuesve te shteteve të Serbisë, Maqedonisë, Malit te Zi dhe Shqiperisë për “Mini-Shengenin Ballkanik”, si një nismë të dështuar, të dëshpëruar dhe në dëm të interesave kombëtare shqiptare, për sa kohe që:

Përveçse një nismë individuale e inicuar nga Serbia dhe më pas e përkrahur nga Kryeministri shqiptar Rama, si rezultat i dështimit të plotë të qeverisë së tij në përmbushjen e premtimeve elektorale, i denigrimit të cilësisë së jetës, rendit publik, të drejtave njerëzore dhe integrimit në BE, nuk eshtë një lëvizje gjithpërfshirëse e spektrit politik, shoqërisë civile dhe opinionit të gjerë publik në Shqipëri dhe Diasporë.
Shteti i Kosovës, me themelet mbi eshtrat dhe gjakun e heronjëve të vet, i njohur nga mbi 100 shtete të ndryshme të botës, përfaqesues i gjysmës më të mirë të kombit shqiptar, me gjithë strukturën e integruar të një shteti modern, nuk është ftuar, nuk është konsultuar dhe nuk është përfshirë në këtë nismë.
Për shtetin e ri të Kosovës, i cili është në procesin e integrimit evropian dhe të njohes botërore, ky mos-respektim, kjo manovër e dyshimtë mbas shpine e Kryeministrit të Shqipërisë, përbën një mosnjohje (defacto ç’njohje), apo prerje në besë ndaj Kosovës.
Spektri politik dhe shoqëria civile ne Kosovë, duke e parë se kjo nismë është në kundërshtim me interesat politike, ekonomike dhe territoriale të Kosovës, është kundër kësaj saj.
Shteti i Serbisë nuk njeh shtetin e Kosovës, për më tepër ka pretendime territoriale ndaj Kosovës
Përfaqësuesi i shtetit serb Vuçiç në këtë nismë, ka qenë anëtar i kabinetit te qeverisë famëkeqe te Millosheviçit, për më tepër, nuk i njeh krimet, masakrat apo genocidin serb mbi popullsinë civile shqiptare.
Nisma të tilla, e ngjashme me atë të ish-Jugosllavise, e njejte ne forme dhe qëllime por në kohë të ndryshme, kanë dëshmuar se kanë qenë me dëm dhe pasoja për kombin tonë.
Kjo nismë, përveçse i shërben interesave tregtare të Serbisë, shfrytëzimit të hapësirave detare dhe hapësirave rrugore ndërshtëterore të Shqiperisë dhe Kosovës nga Serbia, nuk i shërben bashkëpunimit ekonomik dhe tregtar Shqipëri-Kosovë, nuk përmireson por i përkeqëson mardhëniet midis qeverive shqiptare të Tiranës dhe asaj të Prishtinës
Kjo nismë e largon Shqiperinë dhe Kosovën nga rruga e tyre e integruese në Evropë dhe i izolojnë ato në rrethin e ngushtë euro-aziatik të dominuar nga interesat Ruso-Turke.
Qeveria e Shqiperisë nuk ka në plan të parë integrimin ndërshqiptar, heqjen e taksave doganore, taksave rrugore, njësimin e teksteve arsimore, aktiviteteve sportive etj.

Në të njëjtën kohë:

Dënojmë dritëshkurtësinë dhe qëndrimin tinëzar dhe anti-shqiptar të kryeministrit Rama, i cili, duke i shërbyer qorrazi apo me dashje politikës serbomadhe, (të cilët nuk e njohin, dhe për rrjedhojë nuk e duan në tavolinë dhe kurrë nuk mund të bëjnë marrveshje integruese me Kosoven si palë), nga njëra anë krijon klimën e konfliktit e të mosmarrveshjes me qeverinë e Kosovës, duke mos promovuar asnjë mundësi që ajo të marrë pjesë , dhe nga ana tjetër e akuzon atë për mospjesëmarrje.
Dënojmë çdo nismë rajonaje ku shqiptarët perfaqësohen me një individ të vetmuar dhe jo si komb dhe shteti i Kosoves nuk nihet si palë dhe i barabartë me te gjitha shtetet e tjera.
I bëjmë thirrje Presidentit te Shqipërisë, lidershipit te bllokut opozitar dhe shoqerisë civile, që te jenë ne lartësinë e përgjegjësisë se tyre ndajçeshtjeve kombëtare të ditës, që t’i unifikojnë qëndrimet e tyre, t’a ngrenë zërin më me force, në unison me institucionet e Kosovës kundër kësaj nisme antikombëtare.

Kryesia e Vatrës Michigan

27 Dhjetor 2019

Ambasada Amerikane ne Prishtine: “Dialogu duhet kthyer në binarë!”

February 28, 2019 by dgreca

1 amb Press_Logo

DEKLARATË NGA AMBASADA E SHBA-ve NË PRISHTINË/

PRISHTINË, 28 Shkurt 2019-Gazeta DIELLI-B.Jashari/ Korrespondenti i gazetes “Dielli” ne Prishtine mori nga Ambasada e SHBA në Prishtinë mbrëmjen e sotme këtë deklaratë:Zëvendësdrejtori i Lartë për Evropë i Këshillit të Sigurisë Kombëtare (NSC) John Erath, dhe Drejtori i NSC-së për Çështje Evropiane, Brad Berkley, u takuan dje me Presidentin Thaçi dhe Kryeministrin Haradinaj, pas vizitës në Beograd dhe takimeve me udhëheqësit e qeverisë së Serbisë. Mysafirët erdhën për të përforcuar porosinë e Presidentit Trump “për të zënë këtë moment unik … dhe për t’u përmbajtur nga veprimet që do ta bënin arritjen e një marrëveshjeje më të vështirë”. Në të dyja kryeqytetet ata theksuan shqetësimin e Shtëpisë së Bardhë se Dialogu duhet kthyer në binarë, dhe se të dyja palët duhet të ndërprejnë veprimet provokuese dhe të ndërmarrin hapa konstruktivë për tu kthyer në tryezën negociuese. Mysafirët përsëritën mesazhin e tyre nga letra ndërinstitucionale e 11 shkurtit se taksat në prodhimet e Serbisë dhe Bosnies janë pengesë në rrugën drejtë progresit, e minojnë partneritetin tonë, dhe duhet të pezullohen në mënyrë që Dialogu me Serbinë të lëvizë përpara. Ata theksuan urgjencën që Kosova të arrijë një marrëveshje gjithëpërfshirëse të normalizimit me Serbinë, dhe rreshtimin SHBA-Kosovë për këtë interes të përbashkët strategjik.

28 February 2019

STATEMENT FROM U.S. EMBASSY PRISTINA

National Security Council (NSC) Deputy Senior Director for Europe John Erath and NSC Director for European Affairs Brad Berkley met yesterday with President Thaci and Prime Minister Haradinaj, following their visit to Belgrade and meetings with Serbian government leaders. The visitors came to reinforce President Trump’s message “to seize this unique moment…and refrain from actions that would make an agreement more difficult to achieve.” They stressed in both capitals the White House’s concern the Dialogue must get back on track, and both parties must cease provocative actions and take constructive steps to return to the negotiating table. The visitors reiterated their message of a joint interagency letter February 11 that the tariffs on Serbian and Bosnian products are an impediment towards progress, undermine our partnership, and must be suspended to move the Dialogue with Serbia forward. They emphasized the urgency of Kosovo reaching a comprehensive normalization agreement with Serbia and U.S.-Kosovo alignment on this shared strategic interest.

DEKLARATË E DEGËS SË FEDERATËS PAN-SHQIPTARE TË AMERIKËS “VATRA” NË MICHIGAN

February 20, 2019 by dgreca

QEVERIA RAMA E KA HUMBUR TË DREJTËN MORALE PËR TË QEVERISUR SHQIPTARËT/

Kryesia e Degës se Federatës Pan-shqiptare të Amerikës “VATRA” në Michigan, të shqetësuar nga ngjarjet e fundit në Shqipëri, konstaton se:

-Përkeqësimi i rendit publik, rritja e korrupsionit në nivele të larta ministrore, parlamentare, vendore etj., dhe mbrojtja ligjore ndaj tij, rënia e tejskajshme e nivelit ekonomik dhe punës së ndershme, kriminalizimi i jetës së popullatës në përgjithësi, nëpërmjet lejimit të punës fiktive, kultivimit dhe trafikut të lëndëve narkotike dhe i trafiqeve të tjera, rënia e frikshme e numrit të popullsisë nëpërmjet emigrimit masiv, janë tregues të qartë për një dështim total të punës së qeverisë në detyrën e saj për rritjen e mirëqenies së popullit të vet.

-Përceptimi mbarëpopullor i zaptimit të pushtetit nëpërmjet tjetërsimit dhe blerjes së votave, përcmimi, arroganca dhe gjuha e urrejtjes ndaj kundërshtarëve politikë, instalimi në krye të parlamentit, të qeverisë dhe posteve ministrore, të ish-funksionarëve apo pasardhësëve të nomenklaturës komuniste dhe kapja e pushtetit të pavarur gjyqësor, shënon një degradim të demokracisë dhe vlerave euro-atlantike.

-Diskutimi nga kreu i qeverisë dhe vënia në tavolinë më fqinjët, historikisht me intersa grabitqare, të kufijve dhe tërësisë territoriale të Shqipërisë dhe të Kosovës, të paguara me gjakun e martirëve dhe të pranuara botërisht; krijimi i klimës miqësore me Serbinë dhe klimës së mosmarrëveshjes me lidershipin e Republikës se Kosovës, bie ndesh me luajalitetin ndaj kombit, është në kundërshtim me vullnetin e popullit shqiptar në vendin amë dhe Diasporë, si dhe krijon një situatë te rrezikshme me pasoja afatgjata rajonale.

Prandaj, dega e Federatës Pan-Shqiptare të Amerikës “VATRA” në Michigan, mbartëse e vlerave nacionaliste dhe demokratike, në linjën e saj për t’i shërbyer me dinjitet kombit, gjykon se qeveria aktuale e Shqipërisë e drejtuar nga Edi Rama, e ka humbur të drejtën, detyrimin dhe privilegjin për t’i shërbyer popullit të vet. Në të njëjtën kohë, përkrahim pa rezerva aksionin e forcave opozitare dhe kërkesën për një qeveri të përkohshme, e cila do të normalizonte situatën sociale, politike dhe kombëtare në përgjithësi.

Dega e Federatës Pan-Shqiptare të Amerikës “VATRA në Michigan