Vjosa Osmani – Dielli

Kosova, zgjedhje lokale në 17 Tetor 2021

June 17, 2021 by dgreca

-Presidentja Osmani i shpallë zgjedhjet lokale në Republikën e Kosovës për 17 Tetor 2021/

-Në Kosovën e lirë nga Qershori 1999 zgjedhjet e para për pushtetin lokal janë mbajtur në 28 Tetor të vitit 2000, ndërsa zgjedhjet lokale të 17 Tetorit 2021 do jenë të tetat/

-Kosova ka gjithësej 38 komuna, ku zgjedhen kryetarët dhe kuvendet komunale, 27 janë me shumicë shqiptare dhe më e madhja është komuna e kryeqytetit – Prishtinës/

-Sipas regjistrimit të popullsisë të pranverës 2011, në Kosovë, pa veriun, u numëran 1.739. 825 banorë rezidentë, 92.93 % shqiptarë…/

Gazeta DIELLI nga korrespondenti në Kosovë Behlul Jashari

PRISHTINË, 15 Qershor 2021/ Presidentja e Republikës së Kosovës, Vjosa Osmani, pas përfundimit të konsultimit me subjektet politike më 2 Qershor 2021 dhe në mbështetje të Ligjit për Zgjedhjet Lokale në Republikën e Kosovës ka caktuar 17 Tetorin 2021 datë të mbajtjes së zgjedhjeve lokale.

Me të njëjtin vendim, Presidentja Osmani ka udhëzuar Komisionin Qendror të Zgjedhjeve që t`i ndërmarrë të gjitha veprimet e nevojshme për organizimin dhe mbajtjen e zgjedhjeve lokale në përputhje me këtë vendim dhe legjislacionin në fuqi.

Në këto 13 vite të Pavarësisë Kosova ka mbajtur edhe tetë palë zgjedhje të lira e demokratike, pesë parlamentare dhe tre lokale. Zgjedhjet parlamentare, të tetat në 22 vjet lir e të pestat në 13 vjet pavarësi u mbatën në prag të ditëfestës së 13 vjetorit të Kosovës Shtet – në 14 Shkurt 2021 dhe po në këtë vit do mbahen edhe zgjedhje lokle.

Në Kosovën e lirë nga Qershori 1999 zgjedhjet e para për pushtetin lokal janë mbajtur në 28 Tetor të vitit 2000, ndërsa zgjedhjet lokale të 17 Tetorit 2021 do jenë të tetat.

Zgjedhjet lokale të 15 Nëntorit 2009 ishin të parat pas shpalljes së pavarësisë së Kosovës në 17 Shkurtin historik 2008.

Ndërsa, zgjedhjet lokale në Kosovë të vitit 2007 janë mbajtur në të njëjtën ditë me zgjedhjet parlamentare – në 17 Nëntor.

Kosova ka gjithësej 38 komuna, ku zgjedhen kryetarët dhe kuvendet komunale, 27 janë me shumicë shqiptare dhe më e madhja është komuna e kryeqytetit – Prishtinës.

Ndërsa, 10 komuna, kryesisht nga më te voglat, janë me shumicë serbe, 5 prej tyre të reja – Graçanica, Kllokoti, Ranillugu, Parteshi dhe Mitrovica e Veriut, të formuara sipas Propozimit Gjithpërfshirës për Zgjidhjen e Statusit të Kosovës të kryenegociatorit Martti Ahtisaari – emisarit special të OKB-së.

Po sipas Paketës Ahtisaari, katër komunave me shumicë serbe që ekzistonin në Kosovë, Leposaviçit, Zubin-Potokut dhe Zveçanit, që të trija në veri, dhe Shtërpcës në jug, i është shtuar edhe një tjetër – Novobërda, me zgjërimin e saj.

Një komunë, Mamusha, është e banuar me shumicë nga komuniteti turk, që është një nga minoritetet tjera në Kosovë.

Sipas regjistrimit të popullsisë të pranverës 2011, në Kosovë, pa veriun, u numëran 1.739. 825 banorë rezidentë, 92.93 % shqiptarë. Pjesa tjetër e përqindjeve iu takon komuniteteve pakicë, 1.58% boshnjakë, 1.47 % serbë, 1.08 % turqë, etj.

Por, numri i banorëve-shtetasëve të Kosovës është më i madh, meqë regjistrimi i popullsisë nuk ka përfshirë një të tretën e kosovarëve që vlerësohet se jetojnë e punojnë jashtë vendit.

Përqindja e komunitetit serb do ishte më e lartë me përfshirjen e veriut në regjistrim. Në veri të Mitrovicës dhe tre komuna tjera veriore – Leposaviç, Zubin Potok e Zveçan, ku është refuzuar regjistrimi i popullsisë, sipas një shifre që e kanë përmendur autoritetet kosovare, jetojnë rreth 40 mijë serbë.

Kosovo President Vjosa Osmani joins the Atlantic Council Front Page

June 9, 2021 by dgreca

“We have been sitting at the negotiating table even though Serbia has never apologized. We have always been good neighbors,” said Kosovo President Vjosa Osmani as guest of the Atlantic Council.

June 9 – President Osmani discussed Kosovo’s domestic and foreign policy priorities and her agenda for achieving them as a guest of the Atlantic Council Front Page – a new virtual event series featuring top news makers across multiple digital platforms. President Osmani joined the Council for a candid conversation about Kosovo’s priorities and her agenda for achieving them.

What role can the Biden Administration play alongside its EU allies in helping firmly anchor Kosovo in the Euro-Atlantic community? What are Kosovo’s expectations for the upcoming Berlin Process Summit? What is the outlook for the Belgrade-Prishtina Dialogue? And what opportunities does Kosovo see to promote post-pandemic recovery through regional economic cooperation?

Gazeta Express reports that in the virtual conversation, President Osmani addressed the mutual recognition issue and Serbia’s archives of the missing people. “Kosovo is prepared to go to talks to reach a mutual agreement that focuses on mutual recognition between Kosovo and Serbia. I think it will depend on how Serbia behaves in the dialogue, and what it really thinks about its EU membership – as it cooperates militarily and economically with Russia. As President of Kosovo, I think that multi-ethnic values are being implemented in all sectors in the country and I am proud of that. It is time for Serbia to decide what it wants, Kosovo has always shown constructiveness and we have extended the hand of cooperation. We are sitting at the negotiating table even though Serbia has never apologized. “We have always been good neighbors,” said Osmani. With reference to Kosovo’s priorities, Kosovo President pointed out membership to Interpol and NATO membership. “Kosovo’s membership in Interpol is one of the most important priorities to fight organized crime that goes beyond local goes beyond local dimensions,” Osmani said, adding that it is important to work with NATO members to convince them that membership of Kosovo is extremely important for the region.

“To work individually with NATO members to convince them why Kosovo’s membership in NATO is important for the security and stability of the Western Balkans. The KSF, which is our army, is becoming much more professional with the support of NATO and totally with NATO standards. “The KSF has recently participated in the NATO exercise” Defender Europe 21 “, said President Osmani, ends Gazeta Express reporting.

More than a decade after its declaration of independence, the Republic of Kosovo continues to face a set of challenges, both at home and on its path toward integration in the Euro-Atlantic community and its core institutions of the European Union and NATO. While all Kosovars broadly agree on where they want to see their country end up, there remain significant barriers to achieving these goals. While daunting challenges like high youth unemployment, a sluggish economy, corruption, and polarized politics dominate at home, relations with Serbia loom large over almost all foreign policy concerns.

Harnessing the convening power and expertise of the Council’s thirteen programs and centers, #ACFrontPage leverages the Council’s capabilities in social media, press, and digital outreach to spotlight the world’s most prominent leaders and the most compelling ideas across sectors and engage new audiences eager for nonpartisan and constructive solutions to current global challenges. This widely promoted program features the Council’s most important guests and content serving as the highlight of its programming each week.

This discussion is part of the Europe Center’s #BalkansForward Initiative, a coordinated effort to foster a democratic, secure, and prosperous Western Balkans firmly integrated into the Euro-Atlantic community.

Sources: Atlantic Council Front Page, Gazeta Express

Kosova Gardës Kombëtare të IOWA-s Medaljen Presidenciale Ushtarake

May 20, 2021 by dgreca

– Presidentja e Republikës së Kosovës, Vjosa Osmani dekoron Gardën Kombëtare të IOWA-s nga Shtetet e Bashkuara të Amerikës me Medaljen Presidenciale Ushtarake. Në emër të Gardës, medalja i është dhuruar Komandantit të Gardës Kombëtare të IOWA-s, Gjeneralmajor Benjamin Corell /

PRISHTINË, 20 Maj 2021-Gazeta DIELLI nga korrespondenti në Kosovë Behlul Jashari/ Presidentja e Republikës së Kosovës, Vjosa Osmani në një ceremoni të organizuar në Presidencë, ka dekoruar Gardën Kombëtare të IOWA-s nga Shtetet e Bashkuara të Amerikës, me Medaljen Presidenciale Ushtarake për kontribut të jashtëzakonshëm në zhvillimin dhe avancimin e Forcës së Sigurisë së Kosovës.

Në emër të Gardës, medalja i është dhuruar Komandantit të Gardës Kombëtare të IOWA-s, Gjeneralmajor Benjamin Corell.

Presidentja Osmani ka falënderuar Gardën Kombëtare të IOWA-s për mbështetjen e vazhdueshme ndaj FSK-së, duke e konsideruar këtë proces vazhdimësi të marrëdhënieve të shkëlqyeshme me aleatin e përhershëm të Kosovës, SHBA-të. Në këtë kontekst, Presidentja Osmani ka përmendur edhe dërgimin e kontingjentit të FSK-së në misione për mbështetje të stabilitet rajonal dhe operacioneve paqeruajtëse, nën Komandën Qendrore Amerikane. Sipas Presidentes Osmani, pjesëmarrja e FSK-së në misionin e paqeruajtës u bë e mundshme në saje të ftesës nga Komanda Qendrore, ndaj aktualisht pjesëtarë të saj ndodhen në një mision paqeruajtës krahas ushtarëve amerikanë në Kuvajt.

“FSK-ja, po zhvillohet në forcë ushtarake profesionale dhe ndërvepruese me forcat e NATO-s. Prandaj, anëtarësimi në NATO mbetet objektiv strategjik i shtetit tone”, ka theksuar Presidentja Osmani. Ajo ka shfaqur besimin për vazhdimin e bashkëpunimit të mëtejmë ndërmjet të dy ushtrive në funksion të ruajtjes së paqes dhe stabilitetit rajonal e më gjerë.

MINISTRI MBROJTJES ARMEND MEHAJ PRITI KOMANDANTIN E GARDËS KOMBËTARE TË IOWA-S U GJENERALMAJORIN BEN CORELL

Në 17 Maj 2021 ministri Mbrojtjes Armend Mehaj priti Komandantin e Gardës Kombëtare të Ajovës (Iowa-s) nga Shtetet e Bashkuara të Amerikës (SHBA) gjeneral Majorin Ben Corell.

Në takim ministri Mehaj e njoftoi, gjeneralin Corell mbi zhvillimet në Ministri të Mbrojtjes, për objektivat që ai ka parashtruar si ministër si për Ministrin ashtu edhe për FSK-në. Ministri Mehaj vlerësoi lartë bashkëpunimin e ngushtë të deritashëm në mes të Gardës Kombëtare të Ajovës dhe FSK-së, me theks të veçantë për misionin e parë paqeruajtës jashtë vendit të FSK-së përkrah Gardës Kombëtare të Ajovës në Kuvajt. Po ashtu më këtë rast ata biseduan edhe për agjendën e zhvillimit të ushtrimit “Defender Europe -21”, për rëndësinë e pjesëmarrjes së FSK-së si dhe rëndësinë e pjesëmarrjes së Kosovës si shtet.

Gjenerali Corell shprehu kënaqësinë që është në vizitë në Kosovë, duke vlerësuar lartë sukseset e FSK-së, sidomos ato aktivitet që janë zhvilluar në kuadër të programit të bashkëpunimit me GK të Ajovës, duke shpreh gatishmërinë që ky bashkëpunim të thellohet edhe më tej në të ardhmen.

Po ashtu edhe komandanti i FSK-së gjenerallejtënant Rrahman Rama priti në takim të ndarë komandantin e Gardës Kombëtare të Ajovës (Iowa-s) nga Shtet e Bashkuara të Amerikës (SHBA) gjeneral Majorin Ben Corell. Të dy gjeneralët vlerësuan lartë shkallën e bashkëpunimit në mes të FSK-së dhe GK të Ajovës, duke vlerësuar lartë mundësinë që ju ka dhënë FSK-së të jetë në mision paqeruajtës në Kuvajt, ushtrimet dhe trajnimet e përbashkëta të deri tashme. U vlerësua si shumë e rëndësishme për FSK-në pjesëmarrja në ushtrimin fushor “Defender Europe -21”.

KJO ESHTE FOTO ZYRTARE E PRESIDENTES TE REPUBLIKES SE KOSOVES

April 13, 2021 by dgreca

Në përputhje me Protokollin e Shtetit, është përzgjedhur fotografia zyrtare e Presidentes Vjosa Osmani, e cila është vendosur në Presidencë dhe e njëjta u është dërguar edhe Qeverisë së Kosovës, Kuvendit dhe Gjykatës Kushtetuese.

Fotografia zyrtare e Presidentes Osmani është përzgjedhur nga një komision i përbërë prej katër artistëve, përfaqësuesi i protokollit të shtetit, përfaqësuesi i protokollit të Kuvendit të Kosovës dhe dy përfaqësues nga Presidenca e Kosovës.

Sipas Ligjit për Protokollin e shtetit, neni 20, paragrafi 3, fotografinë e Presidentes Osmani obligohen ta mbajnë në zyra të gjithë institucionet e Republikës së Kosovës.(Gazeta Dielli)

Vjosa Osmani Presidente e gjashtë e Kosovës

April 4, 2021 by dgreca

Seanca e jashtëzakonshme e Kuvendit me të vetmen pikë në axhendë – Zgjedhja e Presidentit të Republikës së Kosovës e nisur mbrëmë vijoi e përfundoi sot/

Gazeta DIELLI nga korrespondenti në Kosovë Behlul JASHARI

PRISHTINË, 4 Prill 2021/ Presidente e re e Kosovës e sapozgjedhur sot në mbrëmje nga Kuvendi i Kosovës me 71 vota në raundin e tretë është Vjosa Osmani deputetja e grupit parlamentar të Lëvizjes Vetëvendosje – më e votuara nga të gjithë kandidatët e të gjitha listave me 300 756 vota në zgjedhjet e parakohëshme parlamentare të 14 Shkurtit 2021. Ajo pak para orës 19:40 dha Betimin si Presidente e Kosovës që u pasua me Himnin Shtetëror dhe me fjalën e parë të Presidentes.

Për zgjedhjen në votimin e fshehtë duheshin së paku 80 vota pro në raundin e parë a të dytë e së paku 61 vota në raundin e tretë nga së paku 80 vota në kutinë e votimit.

Pas dy votimeve pa kuorum mbrëmjen e djeshme, sot në përsëritjen e votimit të raundit të parë në kuti ishin 81 vota – prej tyre pro Vjosa Osmanit ishin 69 e 12të pavlefshme, 0 vota për kundërkandidatin Nasuf Bejta.

Në raundin e dytë të votimit në kuti ishin 82 vota – prej tyre pro Vjosa Osmanit ishin 67 e 11 të pavlefshme, 4 vota për kundërkandidatin Nasuf Bejta.

Në raundin e tretë të votimit në kuti ishin 82 vota – prej tyre pro Vjosa Osmanit ishin 71 e 11 të pavlefshme, 0 vota për kundërkandidatin Nasuf Bejta.

Vjosa Osmani është Presidentja e gjashtë e Kosovës. I pari ishte Presidenti historik Ibrahim Rugova, pas tij Fatmir Sejdiu, pastaj Behgjet Pacolli që qëndroi vetëm rreth një muaj në këtë post, Atifete Jahjaga dhe Hashim Thaçi.

Kuvendi i Republikës së Kosovës, nën drejtimin e kryeparlamentarit Glauk Konjufca, me kërkesë të 41 deputetëve, ka nisur të shtunën e djeshme në mbrëmje seancë të jashtëzakonshme me të vetmen pikë në axhendë – Zgjedhja e Presidentit të Republikës së Kosovës.

Punimet e seancës së jashtëzakonshme u hapën me konstatimin e kourumit, përkatëzisht prezencën e 84 deputetëve të pranishëm në sallë, të mjaftueshëm për të vijuar seancën për zgjedhjen e presidentit të Republikës së Kosovës.

Në garën për president janë prezantuar dy kandidatë: Vjosa Osmani-Sadriu dhe Nasuf Bejta.

Prezantimin e kandidates për president, Vjosa Osmani-Sadriu, e ka bërë deputetja e Lëvizjes Vetëvendose, Mimoza Kusari-Lila, ndërsa të kandidatit Nasuf Bejta, deputeti i VV-së Haxhi Avdyli.

Këto dy propozime janë hedhur në votim ku për propozimet kanë votuar 66 deputetë, ndërsa sipas procedurës më pas është mbledhur Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, për të verifikuar nëse kandidatët i plotësojnë kushtet për president të vendit.

Në Komision është vlerësuar se të dy kandidatët i plotësojnë dispozitat kushtetuese për kandidat për president. Raportin para deputetëve e ka prezantuar kryetari i Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, Adnan Rrustemi.

Pas kësaj procedure, kryetari Konjufca kërkoi nga përfaqësuesit e grupeve parlamentare që të japin mendimet e tyre në seancë. Kryetarja e GP të VV-së Mimoza Kusari-Lila propozoi që të fillojnë me votimin për kandidatët për president. Ndërsa në emër të Partisë Demokratike të Kosovës, deputeti Enver Hoxhaj, dha mendimin e tij në lidhje me zgjedhjen e presidentit.

Ai tha se për këtë proces të rëndësishëm për vendin parashihet të ketë një proces të dialogut dhe të arrihet një kompromis i gjerë me qëllim që presidenti që zgjidhet të jetë sa më konsesual dhe sa më përfaqësues. Hoxhaj tha se PDK nuk e voton kandidaten Vjosa Osmani për presidente të vendit e as nuk rri në sallë.

Grupet e tjera parlamentare nuk janë deklaruar, përveç Grupit Multietnik. Nga ky grup deputeti Enis Kervan deklaroi se mbështesin procesin e zgjedhjes së presidentit.

Më pas ka filluar votimi i fshehtë, në të cilin, herën e parë në votim kanë marrë pjesë 78 deputetë, numër ky i pamjaftueshëm për të përfunduar raundi i parë për zgjedhjen e presidentit.

Në përsëritjen e raundit të parë të votimit kanë marrë pjesë vetëm 79 deputetë, numër ky serish i pamjaftueshëm për përmbylljen e këtij raundi të votimit.

Pas dy tentimeve, kryetari Konjufca ka propozuar një pauzë për t’u konsultuar lidhur me procesin e mëtejmë të votimit. Pas rifillimit të seancës, kryetari Konjufca konstatoi se nuk ka kourum të mjaftueshëm për të vazhduar seanca.

Seanca e jashtëzakonshme e Kuvendit të Kosovës ndërpreu punimet të shtunën e djeshme para mesnate për të vazhduar, si u paralajmërua nga kryeparlamentari, sot në 4 prill në orën 17:00.

Vijimi i seancës sot nisi me pak më shumë se gjysëm ore vonesë me 83 deputetë të pranishëm në sallën e Kuvendit 120 anëtarësh. Pak pas fillimit të vijimit të seancës u njoftua nga kryetari i Kuvendit se në sallë ishin 84 deputetë.