Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Western Balkans: Joint Statement following the meeting of High Representative Josep Borrell and Secretary of State Antony Blinken

by

Brussels/Washington 20 October 2021

Following the recent meeting between EU High Representative Josep Borrell and U.S. Secretary of State Antony Blinken last week in Washington, the EU and United States agreed to further strengthen their joint engagement in the Western Balkans in support of the region’s progress on its European path. 

We underscore our full support for the EU’s enlargement process. EU accession, a stated priority for the whole Western Balkans, helps consolidate democratic institutions, protect fundamental rights, and advance the rule of law. This region belongs in the European Union. Closer integration will enhance stability and contribute to prosperity for the people of the region. In this context, we stress thataccession negotiations with Albania and North Macedonia should start without delay. 

The European Union and the United States are united in their firm support for the territorial integrity of Bosnia and Herzegovina, as well as in their joint work to promote electoral and constitutional reform and maintain the functionality of its state institutions. We have serious concerns about increasingly divisive rhetoric in Bosnia and Herzegovina. We call on all parties to respect and protect state institutions, resume constructive dialogue, and take steps to advance progress on the EU integration path – including on relevant reforms. The EU and the United States stand ready to facilitate these steps.   

We stress the importance of the EU-facilitated Dialogue, which is the key mechanism to address the comprehensive normalization of relations between Serbia and Kosovo. After the recent weeks of tension in the north of Kosovo, we encourage both parties to engage in continued and sustained de-escalation and avoid actions that threaten stability. We welcome and support Kosovo’s engagement to fight corruption and organized crime, and we reiterate that violence against civilians, journalists, police, or other authorities is unacceptable. 

We call on all political forces in Montenegro to work together to maintain a strategic orientation that reflects the desire of the people of Montenegro to achieve the reforms necessary to make their hopes for a future in the EU a reality.

Kosova mirënjohje për rolin dhe rëndësinë e KFOR-it

by

-Kryeministri Kurti priti në takim mikpritës komandantin e ri të KFOR-it, Gjeneral Major Ferenc Kajári/

 PRISHTINË, 18 Tetor 2021-Gazeta DIELLI nga korrespondenti në Kosovë Behlul Jashari/ Kryeministri i Republikës së Kosovës, Albin Kurti, ka pritur në takim mikpritës komandantin e ri të Forcave paqeruajtëse të NATO-s në Kosovë (KFOR), Gjeneral Major Ferenc Kajári.

Ai i uroi suksese Gjeneral Majorit në detyrën e re dhe shprehu mirënjohjen për rolin dhe rëndësinë e KFOR-it në ruajtjen e paqes dhe sigurisë në Republikën e Kosovës.

U bisedua për vazhdimin e bashkëpunimit të ngushtë ndërinstitucional, të komunikimit të ndërsjelltë dhe bashkërendimin e veprimeve ndërmjet institucioneve të Republikës së Kosovës dhe KFOR-it, në shërbim të paqes, stabilitetit dhe sigurisë për të gjithë qytetarët e Republikës së Kosovës. Komunikimi i afërt dhe koordinimi ndërinstitucional u cilësua si domosdoshmëri për garantimin e sigurisë në vend, që është qëllim dhe prioritet i përbashkët i institucioneve të Republikës së Kosovë dhe KFOR-it. 

Gjatë takimit, Gjeneral Major Kajári gjithashtu e uroi kryeministrin Kurti dhe Republikën e Kosovës për organizimin e mirëfilltë të zgjedhjeve lokale, thekson njoftimi i dërguar nga Zyra për Komunikim Publik – Zyra e Kryeministrit të Kosovës.

Forca paqeruajtëse e NATO-s, KFOR, e cila është vendosur në Kosovë para 22 vitesh në pranverën 1999,  prej 15 Tetor  2021 ka komandant të ri Gjeneral Majorin e Ushtrisë Hungareze, Ferenc Kajári, i cili mori detyrën nga  Gjeneral Majori Franco Federici – pasuesi i Gjeneral Majorit Michele Risi që përfundonte misionin operacional 1-vjeçar në 13 Nëntor 2020.

Në vitin 1999 të lirisë së Kosovës – hyrjes së farcës paqeruajtëse e shpëtimtare të NATO-s – KFOR-it,  komandanti i parë ishte Gjenerali Britanik Michael Jackson.Para 22 viteve, në 24 Mars 1999, nisi ndërhyrja shpëtimtare për Kosovën e NATO-s-KFOR-it,  prirë nga Shtetet e Bashkuara të Amerikës. Ende pa kaluar tre muaj Dita e Lirisë dhe Paqes, e hyrjes së forcave të NATO-s në Kosovë, erdhi në 12 Qershor 1999. Në mëngjesin e asaj dite të lume, në orën 05 e 17 minuta, tanket e para të NATO-s hynë në Kosovë duke kaluar kufirin me Maqedoninë në Bllacë – Han të Elezit, drejt Prishtinës, e të nesërmen nga Shqipëria, duke kaluar kufirin në Morin-Vërmicë, drejt Prizrenit… Për këto ngjarje historike atëherë kam raportuar edhe nga minutat e para të ndërhyrjes shpëtimtare të NATO-s me aviacion luftarak edhe nga kolona e tankeve të para të NATO-s që hynin e sillnin lirinë e paqen në Kosovë…

ZGJEDHJET LOKALE NË KOSOVË, REZULTATET PRELIMINARE

by

Gazeta DIELLI nga korrespondenti në Kosovë Behlul Jashari.

 PRISHTINË, 18 Tetor 2021/ Pas votimeve në zgjedhjet lokale në Kosovë të dielën e 17 Tetorit 2021 me pjesëmarrje të votuesëve 42,50%,  sipas rezultatit preliminar  të garës për kryetarë në shumicën e 38 komunave – në 21 do votohet përsëri në balotazh e në 17 u përcaktuan fituesit që në raundin e parë.

Partia që qeverisë Kosovën, Lëvizja Vetëvendosje, në asnjë komunë nuk arriti rezultatin mbi 50% të votave që e kishte në zgjedhjet parlamentare të 14 Shkurtit 2021, prandaj në asnjë komunë kandidatët e saj nuk u zgjodhën kryetarë që në raundin e parë e katër prej tyre do vazhdojnë garën në balotazh në Prishtinë, Podujevë e Gjilan përballë kandidatëve të Lidhjes Demokratike të Kosovës dhe në Gjakovë përballë kandidatit të Aleancës për Ardhmërinë e Kosovës.

Në garën për kryetarë komunash që në raundin e parë  kanë fituar Partia Demokratike e Kosovës në Mitrovicë të Jugut, Ferizaj, Skenderaj dhe në Han të Elezit, Lidhja Demokratike e Kosovës në Pejë e Lipjan dhe Aleanca për Ardhmërinë e Kosovës në Deçan e Suharekë.

Në 9 nga 10 komunat me shumicë serbe që në raundin e parë janë zgjedhur kryetarë kandidatët e Listës Serbe, e cila në një komunë shkon në balotazh. Edhe në Mamushë – komunën e vetme të banuar me shumicë nga minoriteti turk kryetari do zgjedhet në balotazh.

Numërimi i votave ka filluar mbrëmjen e së dielës dhe vijon edhe sot edhe për kandidatët për 1 002 asambleistët në 38 kuvendet komunale.

Nga  Instituti Demokratik i Kosovës (KDI) Eugen Cakolli ka shkruar:

Nëse merren votat për kuvendet komunale, që përfaqësojnë votën popullore në nivel vendi, atëherë shihet se rezultati mes subjekteve politike është tejet i ngushtë.

Lëvizja Vetëvendosje është subjekti i parë në nivel vendi me 22.5%, pasuar nga LDK me vetëm 0.03% më pak. Pas tyre radhiten PDK me 22%, AAK me 11.9%, Lista Serbe me 7.6%, NISMA me 2.5%, AKR me 1.2% dhe subjektet tjera me 9.7%.

Ministri i Mbrojtjes i Kosovës vizitë zyrtare në SHBA

by

-Ministri Mehaj dhe gjeneral Rama vazhdojnë vizitën në ngjarje dhe takime të  suksesshme në SHBA/

PRISHTINË, 12 Tetor 2021-Gazeta DIELLI/ Ministri i Mbrojtjes i Republikës së Kosovës, Armend Mehaj, i shoqëruar nga Komandanti i FSK-së, gjenerallejtënant, Rrahman Rama, ka udhëtuar për vizitë zyrtare në Shtetet e Bashkuara të Amerikës, ku takohet me autoritetet më të larta të Departamentin të Mbrojtjes në Pentagon dhe në Departamentin e Shtetit. 

Gjithashtu, gjatë kësaj vizite njëjavore, ministri Mehaj do të takohet edhe me zyrtarë të lartë të Këshillit të  Sigurisë Kombëtare, Byrosë së Gardës Kombëtare Amerikane, Këshillit Atlantik, Qendrës për Studime Strategjike dhe Ndërkombëtare, Agjencisë për Bashkëpunim të Sigurisë së Mbrojtjes. Më pas, ministri Mehaj do të marrë pjesë në Panairin e Shoqatës së Ushtrisë së Shteteve të Bashkuara. 

Në përfundim të vizitës, ministri Mehaj do të takohet edhe me përfaqësuesit e shërbimit diplomatik të Republikës së Kosovës si dhe përfaqësuesit e komunitetit shqiptaro-amerikan, thekson njoftmi i dëruar dje nga Ministria e Mbrojtjes e Republikës së Kosovës, e cila sot dërgoi edhe këtë kmunikatë: 

Ministri Mehaj dhe gjeneral Rama vazhdojnë vizitën në ngjarje dhe takime të  suksesshme në SHBA 

Gjatë vizitës që po zhvillon në Shtetet e Bashkuara të Amerikës, ministri i Mbrojtjes, Armend Mehaj i shoqëruar me Komandantin e FSK-së, gjenerallejtënant Rrahman Rama dhe pjesëtarët e tjerë të delegacionit, kanë marrë pjesë në ceremoninë e hapjes së Ekspozitës Vjetore të Shoqatës së Ushtrisë së Shteteve të Bashkuara (The Association of the United States Army ) – “AUSA 2021”. 

Ministri Mehaj dhe gjenral Rama, të cilët janë të ftuar zyrtarisht nga presidenti i AUSA-së, gjeneral Carter F. Ham, patën mundësinë të njihen me produktet e ekspozitës ushtarake dhe shumë prezantime të tjera të zhvillimit profesional, të ofruara nga liderë ushtarakë të Ushtrisë Amerikane dhe të Departamentin Amerikan të Mbrojtjes. 

Në po të njëjtën ditë, ministri Mehaj dhe gjeneral Rama nderuan dhe përkujtuan me respektin më të lartë, të gjithë ushtarakët amerikanë –dëshmorë të lirisë dhe paqes kudo në botë. 

Pas nderimit me kurorë lulesh pranë Varrit të Ushtarit të Panjohur në Varrezat Kombëtare në Arlington, ata vizituan edhe Muzeun e Kompleksit Memorial, ku ministri Mehaj dhuroi një replikë të helmetës iliro-dardane. 

Kjo helmetë u vendos në vend të rëndësishëm të Muzeut, si simbol i mirënjohjes, nderit dhe respektit të përjetshëm të kombit tonë për SHBA-në, kombin amerikan dhe ushtarët e saj. 

Në po të njëjtën ditë, ministri Mehaj së bashku me gjeneral Ramën, takuan  Drejtoreshën e Agjencisë së Bashkëpunimit të Sigurisë së Mbrojtjes të Departamentit të Mbrojtjes së SHBA-së, znj. Heidi Grant. 

Me znj. Grant ata vazhduan diskutimet e nisura nga takimi i fundit në Split, lidhur me format e thellimit të bashkëpunimit dhe zbatimit sa më të suksesshëm dhe efektiv të konceptit të blerjeve ushtarake, përmes Programit të Shitjeve të Jashtme Ushtarake të Departamentit të Mbrojtjes të SHBA-së. 

Ministri Mehaj dhe znj. Grant u pajtuan se bashkëpunimi midis SHBA-së dhe Republikës së Kosovës udhëhiqet nga vlera dhe interesa të përbashkëta, andaj theksuan se do të intensifikojnë edhe më shumë angazhimet në mënyrë që të përmbushen qëllimet e përbashkëta të mbrojtjes. 

Gjatë ditës së dytë të ekspozitës “AUSA 2021”, ministri Mehaj takoi edhe gjeneralin amerikan në pension Randal Dragon, drejtor i Kompanisë Këshilluese të Agjencitë Federale Civile dhe të Mbrojtjes (LMI). 

Me gjeneral Dragon ata diskutuan, përveç tjerash, edhe për prokurimin dhe blerjet ushtarake si dhe shkëmbyen  eksperiencat e ndërsjella lidhur me këto çështje. 

Ndërrim i komandës në KFOR – Forcën e Kosovës të udhëhequr nga NATO

by

-Presidentja e Kosovës, Vjosa Osmani, dekoron me Medaljen Presidenciale Ushtarake komandantin e KFOR-it Gjeneralmajor Franco Federici, me rastin e përfundimit të mandatit/

-KFOR – Forca e Kosovës e udhëhequr nga NATO-ja prej 15 Tetorit  2021 do ketë komandant të ri Gjeneralmajorin e Ushtrisë Hungareze, Ferenc Kajári/

-Në vitin 1999 të lirisë së Kosovës – hyrjes së farcës paqeruajtëse e shpëtimtare të NATO-s – KFOR-it,  komandanti i parë ishte Gjenerali Britanik Michael Jackson/



Gazeta DIELLI nga korrespondenti në Kosovë Behlul Jashari

PRISHTINË, 12 Tetor 2021/ Presidentja e Republikës së Kosovës, Vjosa Osmani ka dekoruar komandantin e KFOR-it, në Kosovë, Gjeneralmajor Franco Federici me Medaljen Presidenciale Ushtarake për kontribut në shërbim të paqes, sigurisë dhe stabilitetit gjatë mandatit të tij në krye të këtyre trupave.

Presidentja Osmani ka theksuar gatishmërinë për vazhdimin e bashkëpunimit me KFOR-in, duke potencuar se synim strategjik i Kosovës mbetet anëtarësimi në NATO.

Forca paqeruajtëse e NATO-s, KFOR, e cila është vendosur në Kosovë para 22 vitesh në pranverën 1999,  prej 15 Tetor  2021 do ketë komandant të ri Gjeneralmajorin e Ushtrisë Hungareze, Ferenc Kajári, i cili merr detyrën nga  Gjeneralmajori Franco Federici – pasuesi i Gjeneralmajorit Michele Risi që përfundonte misionin operacional 1-vjeçar në 13 Nëntor 2020.

Ceremonia e ndrërrimit të komandës mes KFOR XXV dhe KFOR XXVI do të bëhet në Kampin Film City (Shtabi i KFOR-it) në Prishtinë në 15 tetor në orën 11:00. Admirali Robert P. Burke, Komandant i Forcave të Përbashkëta Aleate në Napoli, do të kryesojë ngjarjen.

Gjeneralmajor Ferenc Kajári për median hungareze MTI ka thënë se ai do të jetë komandant i trupave të 27 vendeve (19 anëtarë të NATO-s dhe tetë vendeve partnere) që sigurojnë personelin e KFOR-it.  Ai tha gjithashtu se KFOR ishte operacioni më afatgjatë dhe më i suksesshëm i NATO-s që nga viti 1999, citonte media në  25 Gusht 2021.

Në vitin 1999 të lirisë së Kosovës – hyrjes së farcës paqeruajtëse e shpëtimtare të NATO-s – KFOR-it,  komandanti i parë ishte Gjenerali Britanik Michael Jackson.

Para 22 viteve, në 24 Mars 1999, nisi ndërhyrja shpëtimtare për Kosovën e NATO-s-KFOR-it,  prirë nga Shtetet e Bashkuara të Amerikës. Ende pa kaluar tre muaj Dita e Lirisë dhe Paqes, e hyrjes së forcave të NATO-s në Kosovë, erdhi në 12 Qershor 1999. Në mëngjesin e asaj dite të lume, në orën 05 e 17 minuta, tanket e para të NATO-s hynë në Kosovë duke kaluar kufirin me Maqedoninë në Bllacë – Han të Elezit, drejt Prishtinës, e të nesërmen nga Shqipëria, duke kaluar kufirin në Morin-Vërmicë, drejt Prizrenit… Për këto ngjarje historike atëherë kam raportuar edhe nga minutat e para të ndërhyrjes shpëtimtare të NATO-s me aviacion luftarak edhe nga kolona e tankeve të para të NATO-s që hynin e sillnin lirinë e paqen në Kosovë…