• SHBA: Makina godet protestuesit në tubimin e supremacistëve, një i vdekur/
• Presidenti Trump e dënoi dhunën në Charlottesville, Va të shtunën, pasi grupet e ekstremit të djathtë u përleshën me forcat policore në rrugët e qytetit të kolegjit./

Të paktën një person ka humbur jetën dhe disa të tjerë janë plagosur kur dikush hyri me makinë në grumbullin e protestuesve gjatë një tubimi të supremacistëve të bardhë në Sharlotsvil të Virxhinias.

Ngjarja ndodhi kur njerëzit po largoheshin nga zona, pasi policia e quajti demonstratën të paligjshme. Gjatë protestës pati mjaft incidente dhune mes demonstruesve dhe atyre anti-demonstruesve.

Videot nga vendi i ngjarjes tregonin përleshje me grushta mes demonstruesve të pajisur me mburoja dhe antiprotestuesve që gjithashtu ishin pajisur me mjete mbrojtëse.