*Sikur është shkruar që Isa Mustafa të mos arrijë të ulët në ndonjë nga vendet udhëheqëse të vendit.- Deklaratat e Haradinajt tregojnë qartë se në cfarë niveli është kap[aciteti i tij intelektual si ” jurist” i pasluftës, sidomos kur thotë se Gjykata Kushtetuese po vendos me dy kute/
Opinion nga XHAVIT CITAKU/
Blloku opozitar i inatit po vazhdon lojërat dhe cirkun pas zgjedhor që pa dyshim se do të jetë njëri ndër shfrenimet më të paskrupullta të të eturit për pushtet që njeh aktualiteti i jonë politik nga fillimi i demokracisë në gjithë hapësiren shqiptare. C^është edhe më keq, në vend që liderët e këtij blloku të jenë shembull se si duhet të respektohen, normat, ligjet e posacërisht Kushtetuta, ata e bëjnë të kundërten duke paralajmëruar anarki që nuk do t^i dihet fundi. Thënë konkretisht, Gjykata Kushtetuese pezulloj vendimet e marra të 17 korrikut në Parlamentin e Kosovës dhe lideri i LDK-së Isa Mustafa u detyrua që t^i baj ” qaklat” e të shkoj në shtëpi pa pikë turpi. Në cdo demokraci të zhvilluar po të ndodhte një pezullim i tillë për shkak të shkeljeve të rregullorës së organit më të lartë legjislativ edhe atë me vetëdije të plot, liderët do të jepnin dorëheqje. Ndërkaq, udhëheqësit e këtyre subjekteve politike jo vetëm që nuk e kanë ndërmend të largohen nga këto poste, por nga lakmia e madhe për pushtet po bëjnë presion të pandërprerë në Gjykatën Kushtetuese si një institucion i pavarur e kredibil me të vetmin qëllim që të nxjerret vendim në favor të tyre.
Haradinaj në mënyrë paushalle vlerëson vendimin e Kushtetueses
Se sa të vërbuar pë pushtet janë disa nga këta liderë dëshmon edhe deklarata dhe vlerësimi paushal i Ramush Haradinajt rreth vendimeve të nxjerra të Kushtetueses duke e treguar kapacitetin e tij të ulët të dijes si një ” jurist” i pasluftës. Me një fjalë, ai dëshiron të barazoj vendimin e pezullimit të të gjithë asaj që ndodhi me 17 korrik në Parlamentin e Kosovës me atë të rastit të Behxhet Pacollit. Asnjë organ i drejtësisë në asnjë rast nuk nxjerr vendim të njëjtë, por gjithëcka bazohet sipas ngjarjeve dhe proceseve të zhvilluara si dhe të peshës që ka në momentin aktual. Edhe Gjykata Kushtetuese duke u nisur nga parimi se janë vërejtur shkelje të rregullorës së Kuvendit dhe nga bindja e lirë se mund të prodhohen pasoja të dëmshme nga ndonjë vendim i marrë nga ato vendime ” ilegale” që eventualisht do të merreshin, mori atë vendim që për momentin ishte më i drejti. Së këndejmi, Haradinaj jo që nuk ka të drejtë të deklaron se ky institucion i pavarur po punon me dy kute, por nuk do të duhej ta këtë guximin që të dalë para opinionit me thënie kuturru aq më parë kur ai po synon të bëhet ” Kryeminister”. Dhe me të drejt mund të themi se në mozaikun e filozofisë së ndërtimit të demokracisë dhe të shtetit njërez të tillë me veprime e deklarata të tilla i sjellin dëme të pariparueshme të të gjitha proceseve dhe të stabilitetit afatgjatë në vendin tonë. Ndërkaq, në anën tjetër lideri i AAK-së aq ndihet krenar që nga blloku opozitar i inatit është propozuar pë të parin e Qeverisë sa që ka harruar se këtë nuk e deshi elektorati, i cili e ndëshkoi rëndë duke e renditur partinë e tij në vendin e katërt.

Isa Mustafa po e shkatërron LDK-në

Nga humbja që pësoi në zgjedhjet lokale, pastaj në këto të fundit nacionale dhe vendimi i Gjykatës Kushtetuese për pezullimin e vendimeve të marra në Mbledhjen Konstituive të Parlamentit të Kosovës sikur na qenka e shkruar që Isa Mustafa të mos arrijë të zgjidhet në postin që ia ka mësye, post ky që nuk i ishte premtuar elektoratit. Me dukët e cuditshme që anëtarësia e LDK-së rri duarkryq dhe nuk reagon karshi këtyre veprimeve të liderit të saj që janë në kundërshtim të plot me ato që u janë premtuar gjatë fushatës zgjedhore. Ndoshta elektorati, anëtarësia dhe simpatizuesit e këtij subjekti politik janë lodhur me këto lojra e lakmi për pushtet, por, megjithatë, një gjë e tillë nuk mund të tolerohet e të shkatërrohet ky organizem politik që dikur ishte emër i përvecem në skenen tonë politike. Anëresisë së gjerë do të duhej ti kujtohet se Isa Mustafa kishte deklaruar me pompozitet se kishte lidhur marrëveshje me elektoratin se pos tjerash posti i Kryeministrit është i panegociushem, marrëveshje kjo që u shkel njëanshëm nga ai. Nga grupe të caktuara mund të dëgjosh se LDK nuk ishte fituese në zgjedhjet nacionale, që është e vërtetë, por në bllokun opozitar paszgjedhor ky subjekt ka 30 deputet apo dy herë më shumë se AAK dhe Nisma ndaj si parti e parë do të duhej të mbante postin e Kryeministrit. Fjala e dhënë para opinionit sidomos e një akademiku do të duhej të realizohej në praktik parasegjithash dorëheqja në rast të humbjes së LDK-së, por kjo gjë në asnjë moment nuk po i lë përshtypje këtij lideri dhe tash me duar në xhepa ” larickohet” dhe vazhdon së bashku me mbështetësit e tij të hartoj skenar të ndryshem pas cdo dështimi që po pëson.

VV-ja është lënë pak anash

Nga momenti kur blloku opozitar i inatit pati përkrahje nga minoritet sic po duket në të parë VV-ja disi është lënë anash me faktin se sic po deklarojnë përfaqësuesit e saj ky subjekt politik ende nuk është ftuar nga inatcoret pë të vazhduar dialogun e filluar. Megjithatë, do theksuar se nëse eventualisht nuk do të dialogohet me VV-në as Parlamenti e as Qeveria nuk do të kenë jetë të gjatë sidomos kur të kihet parasysh pozicioni i deputetëve të listës ” srpska”. Apo ndoshta blloku opozitar po pret që VV-ja ta lut bllokun opozitar që ta thërras në takimet që i organizon, gjë që nuk do të ndodh kurrë. Kur po flasim rreth këtij subjekti politik disi me ka lënë përshtypje mos reagimi i Rexhep Selimit në këtë skenar politik që po zhvillohet pas zgjedhjeve. Në të vërtetë, pas kalimit të tij nga PDK në AAK këtë të fundit e lëshoi me arsyen se nuk dëshiron të jetë ” aleat” i LDK-së, ndëkaq tash nuk i dëgjohet zëri. Ndoshta, më më shumë dëshirë e sfidon bashkëvendasin dhe bashkëluftetarin se sa të tjerët. Kështu e kemi ne.

Mocioni nuk parashihet me rregulloren e Kuvendit

Pa futur në detajet e ecurisë se punimeve të Mbledhjes Konstituive të Parlamentit të Kosovës, deputetët do të duhej ta dinin se rregullorja e këtij organi legjislativ nuk parasheh mocion për shkarkimin e Kryesueses se Kuvendit. Është tjetër cështje që shpesh po dëgjohet se ishin numrat që vendosen në përfundimin asisoj të asaj mbledhjeje inauguruese, mirëpo pavarësisht nga kjo rregullorja nuk bënë të shkelet nga askush e aq më pak nga zgjedhësit e popullit. Po ashtu as Kryesia e vjetër e Kuvendit të Kosovës nuk kanë kompetencë që të marrin vendim për përaktimin e grupit më të madh parlamentar, por vetëm të pëgadisë rendin e ditës sipas reziultateve të zgjedhjeve.