Xhavit Citaku – Dielli

Provokimet e njëpasnjëshme të Rusisë ndaj Suedisë nuk kanë të ndalur

April 7, 2022 by s p

Nga XHAVIT ÇITAKU

Rusia si një shtet imperialist, me regjimin e saj diktatorial, për çdo vit cenon me avionet e saj luftarak hapësirën ajërore të Suedisë. Reagimet dhe protestat që u dërguan në adresë të regjimit rus asnjëherë nuk u shqyrtuan dhe kësisoj ato mbetën në sirtarët e harresës. Cenimi i hapësirës ajërore të këtij shteti skandinav, fatkeqësisht. u bë edhe pasi nisi pushtimin në Ukrainë. Këtë provokim të pandershëm, të pararyeshëm, të padrejtë, por në esencë të rrezikshëm, forcat ajërore ruse e shkaktuan edhe pardje, gjë që shkaktoi shqetësim jo vetëm të adminstratës të këtij vendi neutral, por edhe në mesin e qytetarëve. Kjo aventurë e rrezikshme “ ngacmoi” edhe durimin e armatës amerikane, e cila me avionet e saj iu afrua kufirit rus për t’i treguar qartë se me këtë politikë kërcënuese dhe frikësuese për shtetet e vogla nuk mund të vazhdohet tash dhe në të ardhmen. Ky provokim nuk është i rastësishëm ngaqë aspiratat gllabëruese të imperializmit rus kanë një adresë të saktë e kjo është ujdhësa e Gotlandit, e cila është një vend shumë i rëndësishëm gjeostrtegjik. Shi për këtë, jo vetëm avionët por edhe nëndetëset luftarake ruse shkelin hapësirën detare pranë kësaj ujëdhese sa herë që atyre u teket. Ndaj, edhe kërkesa dhe presioni i opinionit suedez për të qenë anëtare e aleancës veriatlantike është më së i arsyeshëm për shkak se ky vend skandinav nuk e ndien vetën të sigurt nga veprimet luftënxitëse të regjimit rus.

Mediat ruse për disa vjet kanë “ pikturuar” imazh negativ për Suedinë

Imazhi negativ i Suedisë, në bazë të një hulumtimi të Nyheter-24 ka treguar se është fjala për keqinformim në mediat shtetërore ruse, të cilat për disa vite ka “pikturuar” një imazh negativ për Suedinë – dhe se ky shtet në fakt dallohet sa i përket këtij imazhi krahasuar me vendet e tjera nordike. “Suedia është portretizuar qartësisht më negativisht se vendet e tjera,” tha për Nyheter24 kohë më parë Edward Deverell, profesor i asociuar i shkencave politike në Kolegjin Suedez të Mbrojtjes Kombëtare dhe autori kryesor i një studimi që trajtonte pikërisht këtë. Propaganda ruse për Suedinë: “Vlerat qesharake” Charlotte Wagnsson, profesoreshë e shkencave politike në Kolegjin Suedez të Mbrojtjes Kombëtare, ishte gjithashtu e përfshirë në shkrimin e studimit. Ajo thotë edhe këtë në programin e mengjezit të kanalit të parë të televizionit shtetëror, për portretizimin e Suedisë në Sputnik, media pro-qeveritare ku thuhet ndër të tjera se: – “Suedia është një shtet i rrënuar: i ndarë brenda dhe jashtë në raport me vendet e tjera dhe me vlera qesharake. Një vend që ka humbur historinë e tij dhe gjithashtu nuk ka të ardhme. Por cilat janë “vlerat qesharake” që nxjerrin në pah mediat shtetërore ruse? Një shembull është përdorimi i dietave në Suedi. – Thuhej se në Suedi nuk ka më asnjë fe. Janë të paktë ata që besojnë në fe dhe më pas ju e zëvendësoni këtë nevojë, këtë dëshirë, me dieta dhe Suedia bëhet ekstremiste në pikëpamjen e saj për dietat, thotë Wagnsson në P1 Morgon.

Të shtënat e blinduara suedeze dhe armë të tjera depërtuese të blinduara kanë qenë të papritura efektive në luftën në Ukrainë. Ky efekt katastrofik i të qëlluarit me armë portative antitank më ka habitur së paku, thotë nënkoloneli Joakim Paasikivi për NRK norvegjeze. Suedia ka vendosur të dërgojë gjithsej 10,000 armë kundërtank dore të tipit armor shot 86, të quajtura edhe p-shots. Ato janë të destinuara për përdorim kundër automjeteve të blinduara lehtë, por jo tankeve të rënda. Pavarësisht kësaj, duket se armët e dorës po godasin dhe shkatërrojnë automjetet ruse të blinduara, por edhe tankët për të cilat ato nuk janë të dedikuara.

Tankët ruse janë keq të projektuara dhe po shkatërrohen lehtë nga armët suedeze

– “Goditën disa tanke ruse me armë suedeze për të cilat ne në disa raste nuk menduam se mund të shkatërronin një tank, thotë për NRK-në nënkoloneli Joakim Paasikivi, i cili është mësues i strategjisë ushtarake në Kolegjin Suedez të Mbrojtjes Kombëtare”. Efektiviteti mund të jetë pjesërisht për shkak të faktit se ushtarët ukrainas janë të mirë në përdorimin e armëve dhe futen në pozicione të mira për t’i gjuajtur ato. Pjesërisht, mund të jetë për shkak se tanket ruse janë projektuar keq, sipas tij. –“ Municioni ruhet në kullën e topave. Goditja pranë kullës së topit shkakton zjarr me municion. Municioni shpërthen, kulla fluturon dhe ekuipazhi vdes”, thotë Paasikivi për NRK.

Forcat e Armatosura të Norvegjisë deklarojnë se kanë dyfishuar angazhimin e tyre dhe kanë dërguar 4000 armë antitank të tipit M72, të cilat gjithashtu përdorën me dorë, por që cilësohen si më të dobëta se plumbat suedezë të parkimit. Sipas nënkolonelit Paasikivi, lufta në Ukrainë ka treguar se grupe të vogla dhe të shkathëta në këmbë – shpesh pas linjave të armikut – mund të rrëzojnë efektivisht forca të blinduara dhe automjete të tjera. Ai sheh një të ardhme për grupet e këmbësorisë së lehtë dhe të sigurisë vendase në vendet nordike dhe se ata duhet të pajisen me dronë për zbulim. “Mbrojtja territoriale finlandeze dhe rojet e brendshme suedeze dhe norvegjeze kanë rast jashtëzakonisht të mirë për të kryer këtë lloj beteje të suksesshme”, tha ai për NRK.

Diaspora-Manifestim që bashkon krijues të diasporës shqiptare, por edhe suedez

January 26, 2017 by dgreca

Manifestimi letrar “ Sofra poetike” që do të mbahet në Boros të Suedisë, qëllim kryesor ka ruajtjen dhe kultivimin e poezisë shqiptare në dhe të huaj/

Shkruan: XHAVIT ÇITAKU*/

Qendra kulturore shqiptare “ Migjeni” dhe Shoqata e shkrimtarëve dhe krijuesve shqiptar “ Papa Klementi i XI Albani” në Suedi për herë të gjashtë organizojnë manifestimin letrar “ Sofra Poetike” i cili tashmë është bërë një aktivitet tradicional. Qëllimi i këtij evenimenti kulturor është që ruhet dhe kultivohet poezia shqipe si dhe që të forcohet edhe më bashkëpunimi i krijuesve shqiptar dhe atyre suedez. Për shkak të rëndësisë që ka ky tubim i fjalës së bukur shqipe, pritet që edhe kësaj radhe të marrin pjesë poetë nga shtetet skandinave, Shqipëria e Kosova dhe pjesët tjera etnike shqiptare, nga shtetet evropiane dhe kolegë nga Suedia, si dhe dashamirë të tjerë të këtij zhanri krijues, të cilët do të pasurojnë këtë manifestim që do të mbahet në Boros të Suedisë në fillim të prillit të këtij viti.Tashmë në adresë të të shoqatës “ Migjeni” kanë arritur në numër i konsiderueshëm i poezive nga krijues shqiptar, por edhe atyre suedez, sepse ky eveniment ka edhe karakter garues, apo thënë më mirë se juria e formuar do të zgjedh krijimet më të mira letrare, poetin më të suksesshëm, poezinë më të mirë që i kushtohet kurbetit, librin më të mirë dhe prezantuesin më të mirë të punimit poetik.SHSHKSH “ Papa Klementi XI Albani dhe Shoqata “ Migjeni kanë për qëllim, po ashtu, që duke organizuar këtë manifestim dhe të tjerë të ngjashëm t’i bashkoj krijuesit shqiptar të trungut shqiptar, sidomos ata që jetojnë në dhe të huaj, ata suedez dhe dashamirë të fjalës së bukur shqipe. Po ashtu, gjatë këtij manifestimi krijohet një mundësi e volitshme për të shkëmbyer përvoja në fushën e krijimtarisë në shtetin ku ata punojnë e krijojnë.

Foto-Dielli-arkiv: Manifestimi i vitit te kaluar ne Boras-Suedi

Nuk mund të injorohen krimet ruse në Siri

October 27, 2016 by dgreca

Putin ka përvojë në vrasje masive, të cilën gjë e bëri para 15 vjetëve në Çeçeni, ndërsa tash po e bën në mënyrë të tmerrshme në Alepo të Sirisë /

Shkruan: XHAVIT ÇITAKU/

SHBA-të kanë pezulluar bisedimet me Rusinë për Sirinë dhe e vetmja gjë e çuditshme është se kjo nuk ka ndodhur më parë. Putin nuk është i interesuar për paqë, por ai nuk kursen asgjë që me çdo kusht ta mbaj në pushtet diktatorin e Sirisë Bashar al- Aasad. Nuk ndihmoj asnjë propozim franko-spanjoll në KS të OKB-së lidhur me perspektiven e Alepos sepse Rusia ka të drejtën e vetos dhe kësisoj ajo refuzoj atë dhe nuk i ndal bombardimet në këtë qytet. Rusia shkoi edhe më tej duke e përkujtuar SHBA-të se ajo do të tërhiqet nga Marrëveshja çarmatimit dhe shkatërrimit të plutoniumit që mund të përdorët në armët bërthamore. Zgjedhja ka më shumë simbolik se sa rëndësi ushtarake.

Barbarizëm i pastër në Alepo

Ajo që po ndodh në Alepo të Sirisë, megjithatë, është një barbarizëm i pastër. Armëpushimi është i largët, të cilin po e shemb Rusia. Diktatori Asad gjithnjë ka mbajtur të rrethuar popullsinë e atjeshme dhe kinse premtimi për të lejuar depërtimin e ndihmave humanitare në atë zonë që e kontrollojnë rebelët ishte padyshim një lojë e tij. Në ditët e fundit disa qindra sulme ajrore u kryen mbi Alepo duke gjuajtur bomba të llojeve të ndryshme e çka jo tjetër. Nuk po kursehet asgjë, as spitalet, as shkollat, uji dhe energjia në mënyrë që jeta atje të bëhet e padurueshme. Ndihet mungesë e ushqimit dhe medikamenteve për më shumë se një të katërtën e një milionë civilëve të cilët gjenden në lindje të Alepos.

Sanksionet ndaj Rusisë kanë vlerë

Sanksionet ndaj Rusisë janë shkaktuar nga abuzimi me Ukrainën. Në këtë drejtim asgjë nuk ka ndryshuar. Përveç kësaj asesei nuk duhet të injorohen krimet e luftës ruse që deri me tash janë bërë në Siri. Rusia dhe Siria tash për tash po kërkojnë një zgjidhje ushtarake dhe tash këtë gjë askiush nuk mund ta ndal. Ndoshta qëllimi është që të pushtohet ky qytet para ndryshimit të presidencës në SHBA. Putin ka eksperiencë në vrasje masive të civilëve për të arritur objektivat ushtarake. Ai për të nënshtruar Çeçeninë para 15 vjetëve bëri atë që tash po e bën në Alepo.Me këtë rast do përmendur edhe këtë se Rusia nuk e braktisë mbështetjen që ka ndaj Asadit, bile edhe nëse regjimi në Damask nuk ndjek direktivat e tij. Është e qartë se Rusia nuk kishte për qëllim pët të mbajtur premtimet e marrëveshjes për armëpushim. Krahasimet mund të bëhen me numrat iluzion në Ukrainë. Putin paturpësisht ka gënjyer për marrjen ushtarakisht të Krimes në vitin 2014, e cila u kurorëzua me aneksimin e paligjshëm. Pastaj, ai, organizoi një “ rebelim” në Ukrainën Lindore, ku rebelët u furnizuan me armë të rënda dhe në të njëjtën kohë atje u dërguan edhe mijëra ushtarë rus. Ai gjithnjë ka mohuar çdo përfshirje ruse, ashtu siç bënte Serbia në BH, Kroaci e Kosovë, pavarësisht fakteve të mëdha që shihen ashiqare. Gato dhjetë mijë njerëz kanë vdekur në luftë në Ukrainën Lindore. Në Ukrainë Putin u sul mbi rendin evropian që është në fuqi që prej luftës së dytë botërore, në bazë të të cilit kufijtë nuk mund të ndryshohen me forcë.

Aneksimi i Krimes ndikojë që SHBA dhe BE të vendosin sanksione ndaj Rusisë, të forcuara edhe më shumë pas rrëzimit të aeroplanit të Malajzisë. Element i rëndësishëm është se një numër i njerëzve është i ndaluar nga perëndimi, por Rusia, po ashtu, është e prerë në thelb nga tregjet e kapitalit perëndimor. Sanksionet kanë kontribuar në krizën e thellë ekonomike të shkaktuar nga gara e çmimit me naftë. Tash për tash mund të thuhet se Rusia nuk është një partner i mundur, ndaj edhe nuk duhet të ndodh të shpërblehet me koncesione. Për më shumë SHBA dhe BE duhet t’i marrin parasysh krimet e tmerrshme ruse në Siri që do të jetë një arsye e mjaftueshme për të zgjeruar sanksionet. Askush nuk duhet të imagjinoj se Rusia do të qetësohet duke e pyetur bukur. Në Ukrainë problemi është Rusia. Dhe në Siri, për fat të keq, Rusia nuk është zgjidhje.

Botime të Diasporës-DOLËN NGA SHTYPI EDHE DY VËLLIME TË THESARIT KOMBËTAR 5 DHE 6

June 16, 2016 by dgreca

Pas një pune të mundimshme u arrit që të botohen edhe dy libra të tjerë 5 dhe 6 të “ Thesarit Kombëtar të Mërgatës Shqiptare në Suedi”, përmbajtja e të cilëve është e përkushtuar kryesisht aktivitetit të pasur të mërgimtarëve tanë në këtë vend të largët/

Shkruan: XHAVIT ÇITAKU/

Komuniteti shqiptar në Suedi ishte jashtëzakonisht mirë i organizuar dhe dha kontribut të madh në sensibilizimin e situatës së rëndë në kohën e okupimit klasik nga Serbia, në grumbullimin e mjeteve në Fondin e Trepërqindshit dhe “ Vendlindja thërret”, mbajtjen e familjeve në Kosovë, në shërimin e të sëmurëve dhe zgjidhjes së shumë vështirësive në të cilat gjendej populli i Kosovës dhe së fundi edhe me pushkë në dorë luftoi për çlirimin definitiv të Dardanisë.

Planifikohet të botohen shumë libra

I gjithë ky sukses i mërgatës shqiptare këto ditë u kurorëzua me veprën voluminoze, përkatësisht të numrit të pestë dhe të gjashtë të librave të Shoqatës së Shkrimtarëve dhe Artistëve Shqiptarë “Papa Klementi i XI Albani”, Suedi (SHSHASH) i titulluar “Thesar Kombëtar i Mërgatës Shqiptare në Suedi”, që doli këto sot më 16-06-2016, nga sh

typi. Hysen Ibrahimi, kryetar i kësaj shoqate dhe njëherit njëri ndër më të përkushtuarit për të dalë në dritë edhe këta dy libra të radhës, shprehu kënaqësinë e tij se u arrit synimi për të përfunduar me sukses këtë punë të rëndësishme për komunitetin e këtushëm shqiptar. Ai, me këtë rast përkujtoj se “ SHSHASH ”Papa Klementi XI Albani”, Suedi, e themeluar në vitin 2011, deri më sot me një punë të përbashkët dhe me përkushtim të anëtarëve dhe veprimtarëve të tjerë ka nxjerrur në dritë katër libra me rreth 2800 faqe. Librat mbajnë titullin ”Thesar kombëtar i mërgatës shqiptare në Suedi” dhe kanë numrat 1, 2, 3 4. Këto ditë u botua edhe numri 5 dhe 6 i Thesarit Kombëtar të kësaj mërgate të cilat kanë afro 1100 faqe.

Librat ”Thesar Kombëtar i Mërgatës Shqiptare në Suedi” kanë për synim pikërisht ndriçimin e veprimtarisë së pakursyeshme të shqiptarëve të cilët në shtetin suedez u angazhuan aq shumë për të dhënë kontributin e tyre për çlirimin e vendit dhe për ndërtimin e shtetit të Kosovës. Sipas Hysen Ibrahimit është planifikuar që të botohen shumë libra të kësaj natyre sepse ka aq shumë veprimtari sa që nuk do të këtë problem në grumbullimin e materialeve, të cilat ruhen me kujdes në ”arkivin” e veprimtarëve shqiptarë.

Shkrimet mbështeten në dokumentacionin orogjinal

Por, që çdo gjë të jetë në vendin e vet, shkrimet mbështeten në hulumtimin e dokumentacionit origjinal i cili si i tillë, i pandriçuar dhe i pabotuar gjer më tani– është burim, material shkencor dhe thesar i çmuar, theksoi Prof.Fetah Bahtiri, Nënkryetar i shoqatës dhe kryetar i Këshillit redaktues i cili më pas shtoi : Duke lexuar dhe përpunuar materialet që janë të përfshira në Thesarin Kombëtar të Mërgatës Shqiptare në Suedi numër 5 dhe 6, vërej se, sikur edhe në numrat e mëparshëm, edhe në këta dy numra fjala është për një synopsë të aktivitetit dhe veprimtarisë së bashkatdhetarëve tanë në mërgatën shqiptare, e në këtë rast me theks të veçantë në Suedi në shërbim të atdheut. Them kështu për arsye se para njëzet e pesë vjetësh, për shembull, të pakët kanë qenë suedezët që kanë pasur njohuri se ku ndodhet Kosova, e edhe më të pakët kanë qenë ata që kanë pasur dijeni për problemet e Kosovës së okupuar dhe të sunduar nga Serbia.

Por, ndodhi mrekullia! Ndodhi një Vis major. Vis major ishte ardhja e shqiptarëve të shkolluar, të aftë, të përkushtuar që t´i shërbejnë atdheut dhe popullit të vet dhe sa shqiptarë erdhën në trojet suedeze, gati po aq ambasadorë të Kosovës u ndodhën dhe vepruan këtu, duke falënderuar në radhë të parë mirëkuptimit të shtetit demokratik suedezdhe popullit të tij. Ne iu përvishëm punës vrullshëm dhe Suedia e kuptoi shpejt të vërtetën për Kosovën. Shi, tani për këtë veprimtari intelektualërt shqiptarë, anëtarë dhe joanëtarë të Shoqatës së Shkrimtarëve dhe Artistëve Shqiptarë ”Papa Klementi XI Albani”, Suedi po shkruajnë e po shkruajnë shumë libra dhe dokumentarë duke ndriçuar ngjarjet dhe të vërtetat. Mbi të gjitha qëndron libri Thesar kombëtar i mërgatës shqiptare në Suedi, të cilin shumë kritikë letrarë, historianë, doktorë shkencash, akademikë nuk kanë ngurruar ta quajnë enciklopedi.

Kur e nisëm këtë punë në vitin 2011 ne e kemi pas paraparë që t´i nxjerrim 10 numra me materiale e dokumente të ndryshme nga kjo veprimtari. Ja! E kaluam gjysmën e rrugës! Gjer më tani i kemi botuar katër numra dhe, që në fillim të qershorit do të dalin nga shtypi edhe dy numra – numri 5 dhe numri 6. Secili numër më i pasur se tjetri, secili numër më i mirë se i mëparshmi!…

Kësaj radhe në mbi njëmijë faqet e Thesarit… numër 5 dhe 6 ka shumë materiale nga rrugëtimi i veprimtarëve drejt çlirimit dhe lirisë së plotë të Kosovës.

Dua t´i përmend dhe të ndalem pakëz vetëm në dy shkrime: një fragment nga libri im ”Ambasadorët dhe Shërbëtorët” ku pos tjerash kam përshkruar një protest të mbajtur në qytetin Udevalla, me çrast kishim takuar edhe Kryeministrin suedez Gyran Persson, që ishte për vizitë në këtë qytet.

Protestuesit shqiptarë i thanë kryeministrit suedez për të ndërhyrë NATO me trupa tokësore

Fjala është për një demonstratë të madhe të shqiptarëve në qytetin Uddevalla, e cila u mbajtë më 25 mars 1998 kur demonstrantët me këmbëngulje e detyruan Kryeministrin e Suedisë të takohet me ne me ç´rast atij iu dorëzua një letër shumë domethënëse për gjendjen në Kosovë, me kërkesat e shqiptarëve për veprimet të cilat duhej t´i ndërmerrte qeveria suedeze. Letra jepet në original.

Me qenë se në Thesarët kombëtar dëshirojmë ta përfshijmë e tërë gjeografinë shqiptare, kësaj radhe e kemi një shkrim interesant për Kalanë e Ulqinit, për historikun e saj, për mbrojtjen e saj nga dy familje shqitare në kohën moderne kur me këmbëngulësinë e këtyre dy familjeve, Kalaja e Ulqinit nuk u tjetërsua dhe mbeti ashtu si kishte qenë gjatë historisë. Shkrimi është i ilustruar edhe me fotografi të cilat flasin shumë. Kështu, pra, pas përfshirjes së shumë vendeve, krahinave, shteteve, i erdhi radha edhe Malit të Zi që të jetë i pranishëm në Thesarët tanë.

Shoqata e Shkrimtarëve dhe Artistëve Shqiptarë ”Papa Klementi XI Albani”, Suedi është duke prodhuar shkrimtarë të rinj, krijues të rinj, artistë të rinj! Në Thesarët tanë mund të hasni shkrime të suksesshme edhe nga shumë autorë të cilët janë frymëzuar e ndihmuar nga Shoqata dhe kanë arritur suksese. Kemi disa shkrimtarë që veprimtarinë e shkruarjes së librave e kanë filluar si anëtarë të Shoqatës dhe pastaj kanë dalur edhe me tituj librash në prozë dhe në poezi. Në numrat 5 dhe 6 të Thesarit kombëtar hasim shkrimtarë të rinj që për herë të parë dalin me krijimet e tyre artistike.

Pra, mund të nënvizoj se Shoqata e Shkrimtarëve dhe Artistëve Shqiptarë ”Papa Klementi XI Albani”, Suedi është duke e kryer misionin e vet në mënyrë të përkyer. Dhe e tëra kjo duke iu falënderuar shtetit suedez i cili na jep mundësi dhe na ndihmon në zhvillimin e veprimtarisë sonë.

Donatorët shtyllë e fuqishme të Shoqatës

Pa dyshim se për arritjen e rezultateve të shumta që i ka shënuar kjo shoqatë, kontribut të madh po japin edhe donatorët, përkatësisht biznesmenët shqiptar me ndarjen e mjeteve të konsiderueshme sidomos në botimin e librave të “Thesarit Kombëtar…”. Kështu për botimin e librave pesë dhe gjashtë vëllazëritë Sebat dhe Qamil Aliti nga Tetova me banim në Hamburg të Gjermanisë ndanë 43.326 korona apo rreth 4700 euro, ndërkaq Bujar Zhuri nga Tirana, biznesmenë i suksesshëm në Norvegji sponsoroj me 500€ dedikuar SHSHASHS dhe po ashtu pagoj biljetat e aeroplanit për ardhjen e ekipit të TVSH-së për të përcjell punimet e sesionit shkencor të organizuar nga SHSHASH “Papa Klementi i XI Albani”, që u mbajt para disa ditësh në ambientet e Universitetit të Lundit, me rastin e 350 vjetorit të themelimit të tij.

Mergata ne Suedi- SHSHKSH “ Papa Klementi i XI Albani”, Sesion Shkencor në Universitetin e Lundit

May 29, 2016 by dgreca

Aktivitete në shërbim të kombit dhe atdheut/

Mbajtja e sesionit të pestë shkencor në ambientet e Universitetit të Lundit është një nder i madh jo vetëm për shoqatën e shkrimtarëve, por edhe për vendin tonë, Republikën e Kosovës, aq më shumë kur kihet parasysh fakti se ky tempull i dijes dhe shkencës së shpejti kremton 350 vjetorin e punës

Shkruan: XHAVIT ÇITAKU/

Në ambientet e Universitetit të Lundit të Suedisë sot u mbajt sesioni shkencor i pesti me radhë i organizuar nga SHSHKSH “ Papa Klementi i XI Albani”, në të cilin u trajtuan tema të rëndësishme lidhur me aktivitetin shumëvjeçar të zhvilluar të mërgatës shqiptare në këtë vend skandinav si dhe të një pune të madhe që po bëjnë krijuesit e këtij asosacioni në botimin e librave të shumtë të zhanreve të ndryshme si dhe në fusha të tjera të rëndësishme të artit e kulturës, në të cilat tashmë ata kanë bërë emër. Pos krijuesve të shumtë që erdhën nga vende të ndryshme evropiane, në këtë eveniment mori pjesë edhe Frederik Shyberg, prorektor dhe dekan i fakultetit Ekonomik, nënkryetari i Komunës së Lundit , Holger Radner , Naim Mehmeti, ambasador i Maqedonisë në Mbretërinë e Danimarkës, Besnik Camaj, nënkryetar i Lidhjes së krijuesve Shqiptarë për Mërgatë, krijues dhe profesor i inxhinierisë kompjuterike në Universitetin e Cyrihut të Zvirës. Emërues i përbashkët i të gjitha temave të shtjelluara në këtë eveniment ishte se mërgata shqiptare është një thesar i çmuar i qytetërimit të kombit shqiptar, e cila me mençuri, me shkathtësi të mendjes dhe me një freski të shpirtit diti aq mirë që të lartësoj aq bukur kulturën, historinë e traditat shqiptare edhe në dhe të huaj. Thënë konkretisht, komuniteti shqiptar jo vetëm në skandinavi, por edhe gjithandej i vendosur në të gjitha kontinentet ishte jashtëzakonisht mirë i organizuar dhe dha kontribut të madh në sensibilizimin e situatës së rëndë në kohën e okupimit klasik nga Serbia, në grumbullimin e mjeteve në Fondin e Trepërqindshit, mbajtjen e familjeve në Kosovë, në shërimin e të sëmurëve dhe zgjidhjes së shumë vështirësive në të cilat gjendej populli i Kosovës dhe së fundi edhe me pushkë në dorë luftoi për çlirimin definitiv të Dardanisë. I gjithë ky sukses i mërgatës shqiptare në Suedi, sot po kurorëzohet me dy numra të rinj të librit i titulluar “ Thesari Kombëtar i mërgatës shqiptare” në Suedi”. Sesionin e pestë shkencor në emër të Kryseisë dhe kryetarit Hysen Ibrahimi, e shpalli të hapur Prof. Osman Ahmetgjerkaj, kurse e drejtoj këtë sesion me sukses znj. Saranda Iséni.

Përkrahja e ndihma e popullit suedez për komunitetin shqiptar është e madhe

Një fjalë rasti me këtë rast e mbajti Hysen Ibrahimi, kryetar i kësaj shoqate, i cili ndër të tjera foli rreth punës së madhe që po bënë ky asosacion në fushën e krijimtarisë dhe në mbledhjen e materialeve rreth aktivitetit e punës së madhe atdhetare, kulturore, humanitare që ka bërë komuniteti shqiptar vite me radhë, aktivitet ky që po përmblidhet në librat të titulluar “ Thesari Kombëtar i Mërgatës Shqiptare në Suedi”. Më pas ai shtoi se njeriu krijues është dëshmia më e mirë i prezentimit të kulturës së një kombi dhe më të drejt mund të thuhet e konstatohet se libri i parë identifikues është fjalori, ndaj edhe mund të themi se libri i parë indentifikues i shqiptarëve të Suedisë është ” Thesari Kombëtar i Mërgatës Shqiptare në Suedi”. Dhe me të drejt mund të thuhet se çdo faqe e këtij libri është biografi, që dëshmon se shqiptarët me origjinë Ilire janë populli ndër më të vjetrit në Evropë dhe si të tillë ata u pritën shumë mirë nga populli mik suedez. Në të vërtetë, tha në vazhdim Hysen Ibrahimi suedezët iu siguruan kulm mbi kokë komunitetit shqiptar, hapi shkollat në gjuhën shqipe,, ndihmoi shumë në pavarsinë e Kosovës duke e ndihmuar edhe materialisht, sikundër edhe hapi dritarët e informacionit nga mediat e këtushme për sensibilizimin e situatës së rëndë që mbretëronte në vendin tonë, gjithnjë lejoj mbajtjen e protestave, ka mundësuar punësimin e mijëra shqiptarëve, hapi rrugën për shkollim në shkolla të larta e fakultete, ndërsa në vitin 2008 Suedia ishte ndër vendet e para që pranoj pavarësinë e Kosovës. Në fund ai tha se Shoqata e jonë propozon popullit mik të Suedisë t’i ndahet çmimi nobel për paqë, mikëpritje, tolerancë dhe respektim të të drejtave të njeriiut.

Naim Mehmeti, ambasador nga Maqedonia në Mbretërinë e e Danimarkës, lavdëroi përkrahjen e mbështetjen në të gjitha format që shteti suedez i dha komunitetit të këtushëm shqiptar dhe ndihmës së pakursyer materiale sidomos për Kosovën.

Lundi qendër terheqëse shkencore në Evropën Juglindore

Nënkryetari i Komunës së Lundit, Holger Radner, fjalimin e tij e filloi me një urti të vjetër shqiptare: Pullat i rrinë mirë xhaketës së vjetër duke e ndërlidhur këtë me qytetin e e vjetër të Lundit , i cili është gati për të marrë një hap të ri, ku do të jetë shumë i rëndësishëm qepja e një pulle ari në aspektin zhvillimor në mënyrë që të mbetët një qendër terheqëse shkencore në Evropën juglindore, ku do të investohen rreth 25 miliardë korona suedeze. Andaj dua të them se ky qytet do të këtë nevojë si kurrë më parë për këto pulla ari dhe aty jeni edhe ju të dashur pjesëmarrës të këtij evenimenti. Kultura, arti dhe letërsia janë gjerat më të çmuara që ne kemi ngaqë nëpërmjet tyre i kmei marrë çelësat e dyerve për të tashmën dhe të ardhmen. Në jetojmë në një kohë të trazuar, por Suedia sikundër edheShqipëria dhe shqiptarët kanë bërë hapa të rëndësishëm në zhvillimin ekonomik dhe në fusha të tjera. Ne duhet të kujdesimi dhe të ushqejmë përvojat e brezave të mëparshëm dhe të shkojm me hapa të sigurt përpara. Ai foli edhe fjal miradije për Shoqatën e shkrimtarëve dhe artistëve shqiptar në Suedi duke konstatuar se me veprimtarinë e saj ajo po mban gjallë kulturën dhe historinë shqiptare. Dhe frymëzimi më i mirë për këtë mision të rëndësishëm që keni marrë është edhe emri i shoqatës ” Papa Klementi i XI Albani. Ai zbriti historin si një Papë i shkolluar, mbrojtës i artit dhe i shkencës, promotor i bibliotekave dhe ruajtës i arkitekturës romake, përfundoi ai. Ndërkaq, Frederik Shyberg, prorektor dhe dekan i Fakultetit Ekonomik të Universitetit të Lundit foli rreth historikut të këtij tempulli dhe punës së suksesshme në fushën shkencore- kërkimore. Pos tjerash ai shtoi se për shkak të një konkurence të madhe në botë, në këtë universitet vijnë për çdo vit mijëra bashkëpunëtor për të punuar në projektet ë përbashkëta në fusha të ndryshme të shkencës dhe të dijes. Ai permendi edhe një koleg të tij shqiptar që punojnë së bashku dhe nga njëherë edhe ai e ndien vetën shqiptar. Po ashtu, edhe në projektin e madh investiv, që kap shumën e 25 miliardëve, është i angazhuar edhe një ekspert shqiptar. Fjalë miradije tha edhe për student të komunitetit shqiptar që studijojnë në degë të ndryshme.

Librat “ Thesari Kombëtar…” vlerësohen si një enciklopedi

Prof.Fetah Bahtiri, Nënkryetar i shoqatës, beri një rikapitullim të përmbajtjes së librave numër pesë e gjashtë. Ai me këtë rast shtoi: Duke lexuar dhe përpunuar materialet që janë të përfshira në Thesarin kombëtar të mërgatës shqiptare në Suedi numër 5 dhe 6, vërej se, sikur edhe në numrat e mëparshëm, edhe në këta dy numra fjala është për një synopsë të aktivitetit dhe veprimtarisë së bashkatdhetarëve tanë në mërgatën shqiptare, e në këtë rast me theks të veçantë në Suedi në shërbim të atdheut. Them kështu për arsye se para njëzet e pesë vjetësh, për shembull, të pakët kanë qenë suedezët që kanë pasur njohuri se ku ndodhet Kosova, e edhe më të pakët kanë qenë ata që kanë pasur dijeni për problemet e Kosovës së okupuar dhe të sunduar nga Serbia.

Kësaj radhe në mbi njëmijë faqet e Thesarit… numër 5 dhe 6 ka shumë materiale nga rrugëtimi i veprimtarëve drejt çlirimit dhe lirisë së plotë të Kosovës.

Dua t´i përmend dhe të ndalem pakëz vetëm në dy shkrime: një fragment nga libri im ”Ambasadorët dhe Shërbëtorët” me titullin

”DEMONSTRANTËT TAKOHEN ME KRYEMINISTRIN E SUEDISË, GÖRAN PERSSON.

ÇKA I THANË ATIJ? KËRKOHET NDËRHYRJA E NATO-S EDHE ME TRUPA TOKËSORE”

Çdo sesion është arritje e madhe e shoqatës

Viron Kona, krijues nga Shqipëria dhe anëtar nderi i kësaj shoqate,ishte i emocionuar që ky sesion po mbahet në palestrën e Universitetit të Lundit dhe se, jo thjeshtë se çdo sesion shkencor është një arritje e madhe e shoqatës, por edhe sepse ky sesion shkencor mbahet në Lund, njëri ndër qytetet më të vjetër të Suedisë, me një histori mbresëlënëse 1000 vjeçare, qytet ku mbajt në 1658, Traktati i Roskilde, apo kur në 4 dhjetor 1676 u zhvillua Beteja e Lundit; qytet me një Katedrale të ndërtuar rreth 1000 vjet më parë, me një universitet të themeluar në vitin 1666, e ku sot studiojnë mbi 40.000 studentë të cilët përbëjnë edhe më shumë se një të tretën e popullsisë; qytet pretendent për t`u bërë një nga kryeqytetet kulturore të Evropës.

Me këtë rast, edhe unë, si anëtar nderi i shoqatës kam kënaqësinë t`ju përgëzoj juve për organizimin e sesionit shkencor në këtë qytet historik dhe kulturor, por veçmas znj. Saranda Iseni, mikeshën dhe zonjën e nderuar dhe të respektuar të shoqatës sonë, besoj edhe të të gjithë mërgatës shqiptare. Kontributi i saj është vijim i tërë asaj pune të shkëlqyer kulturore e atdhetare, të përkushtimit të saj të plotë në shërbim të punëve dhe detyrave të shoqatës.

Gjithashtu, një urim të veçantë kam për Këshilli Organizativ, që do të angazhohet me organizimin e zhvillimin e këtij sesioni të rëndësishëm shkencor. Aq më tepër që ky sesion do të mundësoj edhe botimin e veprës tjetër të ndritur “Thesarit Kombëtar të Mërgatës Shqiptare” 5.

Ndërkaq, përpjekja juaj për organizimin e sesionit të pestë Shkencor në Lund, përkon edhe me vizitën në qytetin Universitar të Lundit në tetor të këtij viti 2016, të Papa Françeskut, figurë e ndritur botërore, por edhe vazhdues i madh i punëve të përndritshme të Papës dhe shqiptarit të madh Papa Klementi XI Albani, emrin e të cilit ka nderin ta mbajë shoqata jonë.

Si u arritë që të mbahet ky sesion në ambientet e këtij tempulli shkencor!

Të arrishë të organizosh një tubim të tillë në ambientët e këtij tempulli shkencor është një nder i madh jo vetëm për këtë asosacion, por edhe për vendin tonë, Republikën e Kosovës. Kontribut të jashtëzakonshëm në këtë drejtim dha Saranda Iseni, nënkryetare e shoqatës dhe ish-studente e shkëlqyer e këtij Universiteti, e cila është bërë një juriste e njohur dhe një pedagoge e respektuar në Shkollën e Lartë Teknike në qytetin e Malmos. Po ashtu, edhe informacionet që i kishte udhëheqja e universitetit rreth punës së suksesshme që po zhvillon Shoqata e Krijuesve Shqiptar në Suedi sidomos rreth integrimit të komunitetit vshqiptar në shoqërinë suedeze dhe nxitjes së të rinjve shqiptar për të studijuar në shkolla të larta e fakultete, ishte vendimtare që këtu të lejohet të mbahet ky eveniment me rëndësi të veçantë. Pra, ishte një privilegj për këtë shoqatë, që do të mbahet gjatë mend.

Donatorët ndihmojnë më të madhe aktivitetin e Shoqatës së shkrimtarëve

Rrahman Rrahmani, anëtar i kryesisë, foli rreth ndihmës së madhe që donatorët dhanë për mbarëvajtjen e aktiviteteve të shoqatës me theks të veçantë në botimin e librave “ Thesari Kombëtar..” por edhe në sigurimin e materialeve të nevojshme si dhe pagesën e qirasë për zyre. Thënë konkretisht, vazhdoi ai, po të mos ishin biznismenet shqiptar botimi i këtyre librave, që në fokus ka punën e dobishme atdhetare të zhvilluar me dekada nga mërgata shqiptare, kjo do të ishte e pamundshme. Pra, ndihmë materiale dhanë: Vëllazëritë Halim, Qazim dhe Robert Hoti, Mursel Shkupolli, Albert Jashari, Burim Muharremi, Naim Latifi, Mr. Fadil Geci, Drita Nikoliqi-Binaj, vëllezërit Sebat e Qamil Aliti, Haki Ademi, Mentor Duraku, Bujar Zhuri. Në këtë kontekst do përmendur edhe ndihmën e madhe të institucioneve të shtetit suedez si dhe të ish-ministrit të Diasporës, Ibrahim Makolli.

Do theksuar se në fund të këtij evenimenti u mbajt një orë letrare në të cilën krijimet e tyre i paraqitën disa poet që tashmë kanë bërë emër në letërsinë shqipe. Tri krijimet e para u shpërblyen nga juria.