E MERITONI !!!!…Ne që nuk e meritojmë, na latë pa atdhe!!!…Mëshirë për JU!!!!

Nga Alma LIÇO/Gazeta Dielli-USA

Ti votues i vazhdimësisë së korrupsionit dhe bandave që të katandisën qytetarin më të varfër dhe pa dinjitet të Europës!!!

Ti mjeran që duke shitur votën, shite nderin, shite të ardhmen e fëmijëve, vrave konceptin për lirinë dhe demokracinë !!!

Ti militante tru-shplarë që edhe nëse do vdisje për bukë, do votoje shkaktarët e urisë dhe mjerimit tënd!!!

Ti grua trutharë që preferon të rrish pa ujë e drita, vetëm që në pushtet të vazhdoje të votohet partia e zemrës dhe mëndjes tënde të indoktrinuar!!!

Ti banor i Astirit që t´u premtua legalizimi , por që t´u shemb shtëpia, mundi dhe djersa e një jete të tërë. Pasi kullat e oligarkëve duhet t´i zëvendësojnë ato!!!

Edhe ti qytetar i thjeshtë që fëmijët e tu ja mbathën në emigracion, në pamundësi për të punuar e jetuar në atdhe!!!

Ti neglizhues i papërgjegjshëm që nuk denjon të ushtrosh të drejtën e votimit dhe fajëson gjithë të tjerët për rezultatin!!!

Ti komisioner/numërues që me urdhër të partise zhgarravit/bën të pavlefshme votën. Dhunon të drejten e votuesit dhe deformon kësisoj rezultatin!!!

Ti intelektual/analist/gazetar që për qëllime të ulta pragmatiste mbron hajdutërinë, arrogancën e pushtetit. Ndonëse nuk i përket kategorisë së atyre që janë të uritur, je edhe më i skllavëruar se ata!!!

E MERITONI!!!!…Ne që nuk e meritojmë, na latë pa atdhe!!!…Mëshirë për JU!!!!