Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Në samitin për të rinjtë në OKB, Elvana Shala përfaqëson Kosovën

by

12027576_10207702608745667_732711341370185430_n.jpg
UN – NEW YORK : Ambasadorja e vullnetit të mirë për Kosovën në IHRC, Elvana Shala, është ftuar nga drejtori i përgjithshëm i Institutit për Diplomaci Kulturore (ICD) me seli në Berlin, z. Mark Donfried, të marrë pjesë në Samitin vjetor për të rinjtë në OKB, i cili zhvillon punimet paralel me sesionin e 70-të të asamblesë së përgjithshme të Kombeve të Bashkuara në New York.
Në fokus të këtij samiti do të jetë përvjetori i 70-të i themelimit të OKB-së, zhvillimi i iniciativave rinore, promovimi i një ekonomie të qëndrueshme, mirëkuptimi kulturor dhe të drejtat globale të njeriut.
Samiti vjetor për rininë në Kombet e Bashkuara do të sjellë së bashku një grup ndërdisiplinor ekspertësh të njohur botërorë, personalitete të ndryshme të diplomacisë kulturore dhe të rinj aktivistë të fushave të ndryshme nga shumë vende të botës, në mënyrë që të zhvillojnë iniciativa për të promovuar ekonominë e qëndrueshme, mirëkuptimin ndërkulturor dhe të drejtat globale të njeriut. Samiti do të përfshijë një shumëllojshmëri të diskutimeve interaktive, prezantime, seminare dhe aktivitete sociale që do të mbështesin axhendën e samitit.
Kjo është hera e parë që Kosova është pjesë e këtij samiti dhe përfaqësohet nga Ambasadorja e vullnetit të mirë për Kosovën, Elvana Shala.Pjesëmarrja e Ambasadores Shala ne këtë samit është mbështetur nga IHRC dhe MKRS.
Ndërkaq, në dekleratën për këtë eveniment ambasadoria Shala shkruan se :” Fillon sot zyrtarisht punimet Samiti Vjetor për të Rinjtë në Kombet e Bashkuara në New York I cili po mbahet paralel me sesionin e 70 të të Asamblesë së përgjithshme tĕ OKB-sĕ, dhe nĕ të cilin po merr pjesë edhe Ambasadorja e Vullnetit të Mirë për Kosovën në IHRC Elvana Shala. Në ditën e parë të punimeve të tij samiti do të jetë në 5 pjesë të diskutimeve.
Në pjesën e parë të samitit do të diskutohet për “70 vjetorin e Kombeve të Bashkuara; me temën: Duke punuar së bashku drejt Paqes, Sigurisë dhe të Drejtave të Njeriut, ndërtojmë besim dhe mirëkuptim “. Pjesë e panelit të diskutimeve në këtë temë do të jenë edhe:
Ambassadorja Katalin Bogay – Përfaqësuese e pêrhershme e Hungarisë në OKB)
Cristina Gallach -Nën- sekretare gjenerale për informim dhe komunikim të publikut.
Nassir Abdulaziz Al-Nasser – Përfaqësues I lartë për Aleancën e qytetêrimeve të OKB-së
István Íjgyártó -Minister I shtetit për Diplomacinë Kulturore dhe Shkencen nga Ministria e Jashtme dhe e Tregtisë së Hungarisë
José Luis Rodríguez Zapatero – Ish-kryeministër I Spanjës dhe president I bordit të ICD-së.
Heiko Thoms – zv. Pêrfaqësues I përhershëm I Gjermanisë në OKB
Mark Donfried- Drejtor Gjeneral I Institutit për Diplomaci kulturore.
Në këtë samit po marrin pjesë mbi 100 të rinjë nga vende të ndryshme të botës, diplomat, dhe aktivistë të fushave të ndryshme. Ambasadorja Elvana Shala po përfaqëson Kosovën me ftesë të drejtorit gjeneral te ICD-së z.Mark Donfried.
Samiti fillon punimet zyrtarisht ne oren 11:00 (sipas kohes lokale te New York-ut) ne seline qendrore te OKB-se.”
Në fund ambasadoria Shala sqaron se :”Për informacione të tjera në lidhje me diskutimet dhe temat e radhës që do të zhvillohen gjatë ditës së sotme në këtë samit do të njoftoheni me kohë. Për foto gjatë samitit ju lutem ndiqni faqe personale timen ne facebook./Beqir SINA/

 

Elvana Shala emërohet ambasadore e Vullnetit të Mirë nga IRCH në New York

by

Në të drejtën e ushtrimit të detyrës së dhënë nga Kushtetuta e Komisionit Ndërkombëtar të Drejtave të njeriut, unë Ambasadori Dr Muammad Shahid Amin Khan, Kryetarë Botërorë, kam kënaqsin për të shpall “Znj. Elvana Shala” nga Republika e Kosovës, si “Ambasadore e Vullnetit të Mirë për Kosovën”me të gjitha privilegjet nga dita e sotme : E Premte 21 shkurt 2014.”

Nga BEQIR SINA, OKB-New York/

OKB – NEW YORK : Elvana Shala, është caktuar këtë javë Ambasadore e Vullnetit të Mirë e Kombeve të Bashkuara për Kosovën – dhe do të shfrytëzojë veprimtarinë e saj humanitare, në Kosovë për të mbrojtur fëmijët . Veprimtaria e dalluar kosovare u zbulua në këtë post vullnetar të premtën, më 21 Shkurt 2014, në margjinat e Organizatës së Kombeve të Bashkuara, në Nju Jork, duke iu bashkuar disa prej yjeve të fushave të ndryshme dhe shumë emra të tjerë, të cilët do të kontribuojnë në çështjet humanitare dhe bamirësie anembanë rruzullit.

Znj. Shala mbasi ka punuar gjatë në këtë fushë, me të rinjët në Kosovë, duket se tash me zngazhimin i ri ka për të evedituar veten për qëllime humanitare si Ambasdore e Vullnetit të Mirë nëpërmjet OKB-së. Elvana tashmë është e dalluar me punën e fëmijëve, dhe të rinjëve kosovarë, dhe ky është një lajm i mirë që një femër shqiptare t’a shohim edhe në punën e saj që do të bëjë nën ombrellën e IHRC/WCH.

“Ne jemi të kënaqur shumë. që ajo na bashkohet neve si Ambasadorja më e re e Vullnetit të Mirë të IHRC/WCH. Zyra ime ka marrë vlerësimin e lartë për “Znj Elvana Shala” nga shumë organizatat për kontributin e saj për fëmijët me aftësi të kufizuara, sihumanitare dhe udhëheqëse tek të rinjtë e Kosovës për të i shërbyer popullit të Kosovës dhe gjithashtu udhëheqjen e brezit të ri për të ndjekur rrugën e mirë, dashurisë , fesë dhe kulturës së mbarë njerëzimit” ka deklaruar Ambasadori Dr Muammad Shahid AminKhan, Kryetari i IHRC/WCH.

Më tej në konfirmimin e tij zyrtar, thuhet se :”Në të drejtën e ushtrimit të detyrës së dhënë nga Kushtetuta e Komisionit Ndërkombëtar të Drejtave të Njeriut, unë Ambasadori Dr Muammad Shahid Amin Khan, Kryetarë Botërorë, kam kënaqsin për të shpall “Znj. Elvana Shala” nga Republika e Kosovës, si “Ambasadore e Vullnetit të Mirë për Kosovën” me të gjitha privilegjet që i takon nga dita e sotme : E Premte 21 shkurt 2014.”        Në fund të dekleratës thuhet se “Unë e vlerësoj shërbimin e “Znj. Elvana Shala”, si udhëheqëse e oragizatave të – të rinjve në Kosovë, në shërbimin e saj për njerëzimin të Drejtat e Njeriut – Paqen, dhe përpjekjet e saj, për të mobilizuar të rinjtë e Kosovës, për të punuar për të mirën e njerëzve dhe paqen në vend sipas vizionit dhe misionit për të Drejtat e Njeriut Komisionit Ndërkombëtar të OKB-së.

Ndërkohë, në faqen e rrjetit të saj social facebook, znj. Elvana Shala, ka shkruar se ” Më lejoni të iu informoj se sapo mora lajmin se jam emëruar Ambasadore e Vullnetit të Mirë nga International Human Rights Comission dhe World Worthy Chairman, dhe këtë ljam dua t’a ndaj edhe me ju. Përmes, këtij titulli thotë ajo marr të drejtën esklusive të përfaqësimit të Kosovës në të gjitha aktivitetet dhe konferencat e organizuara për të drejtat e njeriut nga selitë e këtij komisioni nëpër botë.”

Me këtë rast, shton znj. Elvana Shala, shpreh faleminderimin e saj  nga zemra për përkrahjen e madhe në gjithë rrugëtimin e saj, ndërsa angazhohet se “Për ju dhe të drejtat tuaja do mundohem të jem një zë i fuqishëm dhe përfaqësuese e denjë e shtetit tim.”

Në fund ajo tregon dokumentin zyrtar dhe shkruan se të dashur miq, ky është dokumenti zyrtar me rastin e emërimit tim si Ambasadore e Vullnetit të Mirë për Kosoven nga International Human Rights Commision Falemnderit për gjithë besimin dhe mbështetjen tuaj, për detaje të tjera do të njoftoheni së shpejti në konferencën zyrtare për media me rastin e pranimit të detyrës, shkruan ajo duke shfaqur respektin ethellë për të gjithë.