Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Refugjatët – skenarë udhëkryqi e destabilizimi

by

Nga Enver Bytyçi /

Në vitin 2005 Bashkimi Europian hapi negociatat për pranimin e Turqisë në union. Pak ditë para marrjes së vendimit kryeministri i atëhershëm turk, Rexhep Taip Erdogan, udhëtoi në Paris, Berlin e Londër, me qëllim që të hapë rrugën e marrjes së këtij vendimi. Gjatë këtij udhëtimi ai nënshkroi marrëveshjet me qeverinë gjermane të kancelarit Schroeder dhe atë franceze të presidentit Shirak për blerje avionësh dhe armatimi të sofistikuar në vlerë prej miliarda eurosh. Kë kënaqur nga tregtia e majme me Ankaranë, Parisi dhe Berlini u angazhuan për hapjen e negociatave me Turqinë, edhe pse ajo ishte dhe mbetet një vend problematic në respektimin e standardeve demokratike. Blerja e vendimit bëri që sot Turqia të jetë më larg Europës sesa në vitin 2005! Të njëjtin skenar, ndoshta në këshillim me presidentin turk Erdogan, ndoqi kryeministri i Shqipërisë, Edi Rama. Gjatë një vizite që ai zhvilloi në muajin maj në Paris, Berlin dhe këtë muaj në Vjenë nuk ofroi tregëti për blerje avionësh e rraketash, por u vetofrua për shndërrimin e Shqipërisë në një kamping refugjatësh, të cilët ikin nga vatrat e nxehta të konfliktit si Siria, Afganistani, Irani, Iraku, Kurdistani etj për të kapur Europën. – Ju, u tha Rama partnerëve europianë, keni problem refugjatët. Nëse gjeni zgjidhje për këtë çeshtje, atëherë ju rrisni qëndrueshmërinë e kontinentit. Ne jemi të gatshëm të ofrojmë ndihmën tonë në këtë aspekt, madje edhe duke ngritur qendrat e trajtimit të refugjatëve në Shqipëri. Më tej ai u foli atyre për përparësitë e kësaj mase dhe e kushtëzoi ofertën e tij jo me ndihma financiare, por me çeljen e negociatave për pranimin e Shqipërisë në Bashkimin Europian. Modeli u mor nga miku i tij Erdogan, ndërsa rekoammdnimet e këshillimet i bëri me deputetë dhe zyrtarë të lartë të Komisionit Europian, miq dhe mbështetës fanatikë e të pakusht ndaj tij, të cilët në shumicë i përkasin grupimit të Sorosit. Duket se oferta i ka pëlqyer Angjela Merkelit, e cila gjendet nën presionin e ministrit të Brendshëm të pakomandueshëm, Seehofer. Kancelari austriak, Sebastian Kurz, gjithashtu duket këmbngulës në këtë projekt joshës të Edi Ramës. Ndërsa sot presidenti i Parlamentit Europian, Trajani, u shpreh se sheh një zgjidhje të mirë nga kjo ide. Kurse presidenti Macron është refuzues. Parlamenti dhe qeveria hollandeze gjithashtu. Te kjo e fundit mazhoranca pëshpërit se Lulzim Basha paska aq shumë ndikim, sa të bindë shumicën dërmuese të deputetëve holandezë që “të urdhërojnë” qeverinë e vendit të tyre për të refuzuar çeljen e negociatave më Shqipërinë (!) Megjithatë në Shqipëri kryeministri po luan lojën e strucit. Fsheh kokën në rërë dhe trupin e mban zbuluar lakuriq jashtë! Ai mohoi për ditë me radhë se “nuk ka ofertë të tillë”! Në fakt ai tha të vërtetën. Nuk ishin europianët që i bënë Ramës ofertë, ishte Edi që ua bëri europianëve ofertën e strehimit të qindramijë refugjatëve në Shqipëri. Nuk kemi pse ta fajësojmë për këtë zotin kryeministër. Ai nuk gënjën në ato që thotë. Shkurt oferta është e Tiranës, nuk është e Brukselit. Këtë ka thënë ditë për ditë Edi Rama. Dje nga Vlora deklaroi gjithashtu se “Shqipëria nuk do të pranojë ish-luftëtarë të ISIS-it”, duke i quajtur trillime dhe fantazi të opozitës këto pohime. Edhe në këtë rast ai nuk gënjeu. Edi Rama nuk ka biseduar me europianët për të pranuar ish-luftëtarë të ISIS-it. Ai ka ofruar kampe refigjatësh për gjithkënd, pa dallim, për luftëtarë të penduar ose të papenduar të shtetit islamik dhe për viktimat e këtyre terroristëve, si sirianë, irakenë, kurdë, iranianë, egjyptianë. afganë etj. Në bisedimet në Paris, Berlin e Vjenë ai nuk ka përmendur ish-luftëtarët ose luftëtarët e organizatave terroriste në Lindjen e Mesme. Kryeministri ynë është vetofruar për të trajtuar në territorin e çifligut të tij me emrin Shqipëri qindramijë refugjatë. Kaq! As më shumë, as më pak! Në ofertën e tij Edi, si mjeshtër i aktorit, ka luajtur rolin e “humanistit”, madje është përlotur për fatkeqësitë që po u shkakton “ekstremizmi” europian refugjatëve. Dhe si i tillë Rama u thotë europianëve se “humanizmi i tij duhet të shpërblehet e çeljen e negociatave”! Ndërkaq europianët kanë marrë përsipër të neutralizojnë opozitën dhe kryeopozitarin Lulzim Basha. Ata i ofrojnë zotit Basha ardhjen në pushtet pasi të ikë zoti Rama. Dhe kreu i opozitës joshet nga kjo ofertë europiane. Në fakt zoti Basha ka kohë për ta ushtruar detyrën e lartë të kryeministrit dhe ska pse ngutet. Por a ka kohë Shqipëria? A I mban kurrizi këtij vendi e këtij populli të mbajë mbi shpinë edhe një krizë të tillë? Sirianët nuk janë shqiptarë të Kosovës. Ai zv. ministry idiot që krahason vitin 1999 me ditët e sotme, ai në një vend normal duhej hedh për leckash. Refugjatët e Kosovës i mbajtën shqiptarët në shtëpitë e vatrat e tyre! Ndërsa sirianët e këdo tjetër e t’i marrë Rama në Surrel e ai zv. ministry idiot në familjen e tij! Duke dashur të gjykoj me paanshmëri dhe pa asnjë lloj fobie për refugjatët, fatkeqësitë e të cilëve na trishtojnë, dua të ve në dukje faktin se grumbullimi i tyre në Shqipëri është një akt destabilizimi për vendin dhe gjithë rajonin. Ata që mendojnë se garantojnë qëndrueshmërinë e Europës me ngritjen e kampeve të refugjatëve në Shqipëri, Maqedoni apo kudo gjetkë në Ballkan, duhet të kuptojnë se vendi dhe rajoni do të përfshihen nga dhuna e ndoshta flakët e luftës civile e ndëretnike. Së pari, përfitues direktë do të jenë grupet kriminale të trafikut. Këto grupe janë të gatshme të veprojnë që ditën e parë të hyrjes së refugjatëve në Shqipëri. Ato kanë infrastrukturën e nevojshme dhe të gjithë refugjatët, mijëra, dhjetramijë ose qindramijë, në mos miliona, do të kapërcejnë ilegalisht Otranton për t’u hedh në Itali. Italia nuk mund të jetë aq indiferente e ta pranojë një sfidë të tillë. Sidomos një Itali e qeverisur sot nga antisorosistët. Duket se Europa qendrore në këtë rast ia ka disi me hile Romës. Ofertën e Ramës e shet “si zgjidhje”, ndërkohë që favorizon krimin e organizuar për të destabilizuar Italinë. Së dyti, qeveria shqiptare është e njohur në Europë për lidhjet e saj me grupet kriminale. Europa di për këtë fakt njëmijë herë më shumë sa dijmë ne shqiptarët. Duhet marrë me mend se çfarë do të ndodhë, nëse qeveria dhe vetë kryeministri ofertëbërës bashkëpunon dhe ndihmon me infrastrukturë grupet e trafikantëve. Si do t’i ndihëmojë? Për këtë kemi një eksperiencë par exellance të ndihmës deri më infrastrukturë të trafikut të kanabisit, kokainës dhe heroinës! Psh avionët e vegjël, skafet e fuqishme në pronësi të ministrave, fikja e radarëve dhe moskontrolli i kufijvë, bashkëpunimi i oficerëve të kufirit dhe të policisë me trafikantët, ruajtja dhe forcimi i lidhjeve vertikale me kupolën e shtetit, të gjitha këto janë të provuara. Së treti, kampet e refugjatëve do të bëhen gjah i të gjitha grupeve kriminale e të trafiqeve në rajon dhe në Europë. Për pasojë mafia do të perfeksionojë masat e veprimit si dhe bashkëpunimin me qëllim rritjen e fitimeve. Këto para që do të dalin nga trafiku tashmë i qenieve njerëzore do të përdoren për blerje votash dhe manipulimin e zgjedhjeve. Ndërkohë që Bundestagu Gjerman ve si kusht reformën zgjedhore, çdo reformë r tillë hidhet në erë përballë veprimit aktiv të grupeve kriminale e mafioze të mbështetura nga qeveria e sotme shqiptare. Në fund Parisi, Berlini dhe Vjena do të shohin se “humanizmi” i Edi Ramës do të shkrihet si akulli, sepse qëllimi nuk është trajtimi i refugjatëve, përkundrazi trafikimi I tyre. Shqipëria do t’i largohet Europës më shumë sesa Turqia e sotme! Pushteti autokratik I Ramës do të forcohet. Njëkohësisht ortakëria e kryeministrit shqiptar me Erdogan e me Putinin do të shpërfaqet! Së katërti, ndërsa Shqipëria pranon qindramijë refugjatë, ajo eksporton çdo vit dhjetramijë të tillë drejt vendeve europiane. Kampet e refigjatëve do ta rrisin këtë sasi refugjatësh shqiptarë në Europë, sepse do të shtojnë pasigurinë, varfërinë, pasi trafiku i qenieve njerëzore do të pasurojë një kastë mafioze e politike, e gatshme për ta zhbërë Shqipërinë, mjafton të ruhet pushteti i saj. Se kjo kastë nuk ka të bëjë me fatet e Shqipërisë, por me fatin e pushtetit që ka uzurpuar, këtë fakt shqiptarët e kanë përjetuar për gati 50 vite në kohën e diktaturës komuniste, kur diktatori i detyroi ata “të hanin bar”, mjafton që parimet që atë e mbanin në pushtet të ruheshin?! Kjo është filozofia e bijve të ish-Bllokut komunist! Kjo është përmbajtja e vetofrimit për të ngritur kampe refugjatësh. Shqiptarët kanë shansin që së paku njëherë të zgjohen dhe t’i thonë ndal kësaj maskarade! Tiranë, më 23.06.2018

BUMERANG

by

2 enver-Bytyci-1

Nga Enver Bytyçi/

  1. – Ti je për për postin e ministrit të Brendshëm. E kam menduar gjatë. Askush më mirë se ti nuk mund t’i përgjigjet disa kushteve:- Së pari, plotësimit të interesave tona për pasuri e para, më pas luftës kundër opozitës dhe më tej akoma, nevojës për një performancë në dukje mahnitëse. Ky ishte arsyetimi i asaj dite shtatori 2013, kur kryeministri i Arrnautistanit emëroi ministrin më të rëndësishëm të kabinetit të tij. Ai donte që përmes këtij ministri të rriste burimin e të ardhurave për vete e për partinë, me qëllim që të konkuronte partinë në koalicion, të cilën e shihte si rrezik edhe për postin partiak. Më pas filloi skenari vijues: – Çmontimi i rrjetit të kazinove të mëparshme dhe ngritja e një rrjeti tri herë më të fuqishëm se ai i pari. Vëllai i kryeministrit do të ishte kujdestari i këtij biznesi të favorshëm për shtimin dhe pastrimin e parave. Dhe për hir të së vërtetës këtu kryeministri pati sukses.
  2. I mori nga rruga, nga burgjet, nga grupet mafioze dhe kriminale dhe shumë kriminelë i futi në parlament, i bëri kryetarë bashkish, drejtorë, u dha pushtet, me qëllim që t’i përdorte për të rritur pasurinë e tij dhe të përdorte forcën për mbajtjen dhe konsolidimmin e pushtetit. Opozita duhej mposhtë edhe e forcën e kriminelëve! Ndaj i mbrojti dhe vazhdon t’i mbrojë, madje me zell të tepruar e grusht të hekurt. Por edhe këtu u ndodh para të papriturave. “Djali i mirë” Luli, ia prishi gjumin, ia zbuloi lidhjet e për pasojë erdhi bummerangu tjetër. BE, vendet demokratike, bënë presion që Arrnautistani të pastrohet nga kriminelët në pushtet e në parlament. Tani bashkëpunon përsëri me këta krimminelë, por ata jashtë strukturave të shtetit kanë më pak forcë që t’i japin kryeministrit atë fuqi që ai do të dëshironte!
  3. Më pas duhej rrit dhe kontrolluar trafiku i drogës. Për ta fsheh qëllimin dhe eleminuar atë pak konkurencë të Lazaratit duhej eleminuar kjo vatër e rrezikshme antiqeveritare e kultivimit dhe trafikut të kanabisit. Dhe pas kësaj duhej kanabizuar e gjithë Shqipëria, duheshin njëmijëfishuar parcelat e drogës si dhe të ardhurat nga trafiku i saj. Pas “fitores” në Lazarat mediat do të ishin të zëna me “suksesin” spektakolar të policisë. Por edhe nëse do bëhej zhurmë për kultivimin dhe trafikimin e njëmijëfishuar të kanabisit, kjo do ta kishte një të mirë: Pas kësaj zhurme do të fshihej trafiku i kokainës dhe heroinës. Nuk do të tërhiqte vëmendjen tregtia e majme e mallit kolumbias e të Afganistanit. Për këtë rrjeti ishte krijuar që në opozitë. Emra të njohur të pinjollëve të diktaturës do të ishin në krye të rrjetit. Ata ishin të besueshmit e kryeministrit dhe kishin marrëdhënie të ngushta edhe e ministrin e Brendshëm. Vëllai i kryeministrit do të kishte dhe këtu rolin e supervisorit të operacioneve të trafikut dhe fitimeve. Të gjitha këto miliarda do të shkonin në llogaritë offshore dhe në fushatat elektorale. Sepse në fund të fundit duhet pushteti që të riqarkullosh e të rifitosh paratë e drogës. Por gjithçka u kthye në bumerang. Droga u përhap kudo. Liderët që hartuan projektet e saj u panë në disa kryeqyteteve europiane nën shoqërinë e trafikantëve. Si tangent OSBE përmendi shumat qindramilionëshe të grumbulluara nga tregëtia e drogës. Italia, Greqia, Gjermania, Spanja, Hollanda, Anglia, Zvicra u mbushën e prodhimet bio të kanabisit shqiptar. Qindra kilogramët e kokainës dhe heroinës zunë për herë të parë në historinë e shtetit portet e vendit. U shpikën për herë të parë “avionët e drogës”! Ministri i Brendshëm u kallxua si bashkëpunëtor i trafikantëve. Ministri tjetër përballet me akuzën për mbrojtjen e vëllait trafikant të dënuar në Itali. Kryeministri vazhdoi t’i mbrojë ata. Më në fund Europa e shqetësuar u detyrua të thotë “MJAFT është MJAFT”! dhe mbylli perspektivën europianëve të shqiptarëve. Hapja e negociatave u kushtëzua me kokën e mafies. Kryeministri është në dilemë: “Ta lëshojë apo ta mbajë ministrin e tij më të besuar”! Në fakt ai do ta lëshojë, por nuk e lëshon atë ministri! Prandaj e mban! Por edhe varur gjithë jetën nuk rrihet! Hip në lis të vrava, zbrit nga lisi të preva”, bela e madhe për kryeministrin e Arnautistanit!
  4. Sapo erdhi në zyrë projektoi konflikt. Jo thjesht për të trembur kundërshtarët politikë. Me një arësyetim më të thellë, më një qëllim më të largët. Vazhdimësia e pushtetit duhej garantuar. Shitblerja e votës përmes parave të drogës mund të mos kishte efekt. Atëherë konflikti, presioni, varfëria, pasiguria, pashpresa do t’i detyronte arnautët të iknin nga ky vend. Jo pak, por me këtë skemë largoi nga vendi mbi 300 mijë shqiptarë, së paku 90 përqind e të cilëve janë votues të sigurt të opozitës. Llogaria ishte e thjeshtë: Gati gjysma e votuesve kundër nuk do të mund ta shprehnin më vullnetin e tyre politik, as nuk kishin mundësi të protestonin e reagonin. Shkurt pushteti do garantohej, tepsia do t’i takonte vetëm atij, që në takimet me publikun përgjërohet për “drejtësi” “civilizim”, “shtet”, “ligj”! Ndërsa 370 mijë të tjerë, ose dhjetëfish më shumë se 6 vite më parë, do aplikonin për llotarinë amerikane. “Le të ikin, thyefshin qafën, mjafton të më lenë të qetë” në “perandorinë time”, përshpërit shpesh kryeministri i vendit më të varfër në Europë! Por edhe kjo u shndërrua në bumerang. Europa e shqetësuar tha se këtë vend nuk mund ta bëjë pjesë të unionit sa kohë eksporton refugjatë. Kryeministri i Arnautistanit fillimisht bëri presion: “Më pranoni, ose unë lidhem e të tretë”! Tani u përgjërohet europianëve: “Amani, hapni negociatat, se do t’i rikthej të gjithë refugjatët, ku janë e ku s’janë në atdheun tim”! Në fakt europianët e kanë njohur tashmë faktin se kryeministri i Arrnautistanit thjesht luan teatër. Edhe injorantët e kuptojnë se “pleshtat nuk hyjnë në thes”! Thjesht përgjërohet!

Bumerangu i pritshmërive të kryeministrit të këtij vendi të varfër nuk mbaron këtu. Ai deshi të bëhej Adenauer ose De Goulle, por janë pikërisht liderët e Francës dhe Gjermanisë që ia mbyllën derën edhe si kryeministër ordiner. Ai deshi të hynte në histori si kryeministri më jetëgjatë, ndaj dhe imitoi Mehmet Shehun. Në vend të pushkatimeve bën shkarkime kolektive, siç bëjnë mbretërit, ku sundon absolutizmi! Por dhe kjo po i kthehet në bumerang. Jo pak qytetarë po ia mbathin patkojt mbrapsht! Durimi ka një kufi. Edhe nëse do ta duronin shqiptarët, nuk do ta bënin këtë ndërkombëtarët, pavarësisht joshjeve për hapjen e kampeve të refugjatëve apo qendrave të rehabilitimit të luftëtarëve të ISIS. Shqiptarët dhe bota kanë kuptuar tashmë se një kryeministër që ka nevojë të rehabilitojë vetën e ka të pamundur të rehabilitojë kriminelët., e të bëhet patericë e Europës!

Tiranë, më 16.06.2018

Nje kujtesë për kukësianët: Kujdes nga intrigat e Edi Ramës!

by

2 enver-Bytyci-130124481_1937068956306353_718812413922639872_n

Shkruan:  Enver Bytyçi/Ne foto-Nga protestat e sotme. Kreu i Opozites Lulzim Basha ne Vore/

Sot ishte ditë “ballfaqimi” e qeverisë me realitetin e krijuar në Kukës. Në parlament dhe përmes një video-konference kryeministri Rama foli për taksën e Rrugës së Kombit. Tha se “nuk kemi bërë transparencë”, por “jo për neglizhencë”. Tha se do të rishikojmë taksën, por jo se do ta heqim. Tha se “u kërkoj ndjesë banorëve të Kukësit”, por “ne nisemi nga praktika ndërkombëtare”! Nuk po i rendis të gjitha thëniet dhe kundërthëniet e kryeministrit të vendit tim, sepse kjo analizë do të mbushej me një retorikë të tillë pambarim. Por dua të përmend se ai la të kuptojë që nuk do ta zgjidhë konfliktin. Tha se “do të gjejmë zgjidhjen më të mirë të mundshme-të mundshme”, duke ritheksuar fjalën “të mundshme”! Por pa artikuluar asnjë detaj për këtë! Një fjalim që fillon me një fjali pohuese e më pas shoqërohet me një fjali kundërshtuese, është fjalim i stilit të Ramiz Alisë. Kujdes nga ky lloj diskursi. Në këtë lloj diskursi fshihet mashtrimi, intriga, pabesia. Nuk po flas për pyetjet retorike të tipit “Kush do të donte të vinte taksë”?! “Pse unë dua të ve taksë”?! “Unë jam model i ri udhëheqësi, nuk jam nga ata që dua të duartrokitem”! Të gjitha këto kanë brenda fabulën e mashtrimit të detyrueshëm! Pse shkoi në këtë lloj diskursi Edi Rama? Ai është në dilemë: Ose duhet të heqë dorë nga taksa në Rrugën e Kombit, ose duhet ta mbajë atë. Duket qartë se është i vendosur t’i shkojë aventurës së tij deri në fund. Për këtë mund të ketë vetëm arësye personale. Unë bëj pjesë tek ata që asnjë arësye shtetërore nuk e justifikon një taksë të tillë për banorët më të varfër të Europës! Duhet “europianizuar” pjesa tjetër e Shqipërisë më të pasur sesa qarku I Kukësit e më pas të shkohet në Kalimash. Rama nuk është aq trim sa të shpallë një sfidë të hapur me kukësianët. Prandaj i duhet maska. Modelin e maskës e ka të gatshëm, prej paraardhësit të tij, Ramiz Alia. Shkurt, si çdo lider në krizë, edhe Edi Ramës i duhet të fitojë kohë. Dhe kohën dëshiron që ta shfrytëzojë jo thjesht për të ulur gjakrat, por për ta përçarë faktorin kukësianë. Ai do të përdorë të gjitha mjetet për ta realizuar përçarjen e tyre. Do përdorë e po përdorë akuzat e tipit “kukësianët janë të manipuluar”. E bën këtë, sepse e ka kapluar frika. Protesta e Kukësit ishte e para protestë pas atyre të vitëve 1990-1992 e pasponsorizuar. Nuk u sponsorizua as politikisht, as materialisht, as financiarisht! Prandaj dhe ishte e do të mbetet si risi në të gjitha protestat e zhvilluara në 25 vitet e fundit. Protesta e kukësianëve ishte e fuqishme, me mesazhe të qarta dhe frika e Edi Ramës është se kjo protestë bëhet virus, u jep zemër të gjitha qyteteve dhe krahinave të tjera të Shqipërisë, të cilat nuk kanë më pak probleme me qeverinë sesa ka qarku i Kukësit. Prandaj Edi Rama gjeti këtë mënyrë komunikimi. Adaptoi një stil skuthi, që vetëm se e thellon mosbesimin midis palëve. Marrëdhënia në shoqëri ose është marrëdhënie besimi, ose nuk ekziston. Deri më sot Edi Rama nuk ka dhënë në asnjë rast shembullin e tij të një marrëdhënieje korrekte, besimi e mirëbesimi me palët politike dhe me publikun. Prandaj i duhet retorika e mashtrimit dhe intrigës! I tillë ishte sot diskursi i bashkëbisedimit me kukësianët. Sa herë flet kryeministri ynë dëshmon se di të manipulojë me fjalën, por nuk di dhe nuk do që të qeverisë vendin në interes të qytetarëve. Ndryshe nuk kanë si shpjegohen kooptimet e kriminelëve në parlament e administratën shtetërore. Di të artikulojë dhe di që brenda artikulimit të fshehë intrigën e tij, por nuk di të jetë transparent dhe i sinqertë në ato që thotë. Di të betohet e përbetohet e me këtë aftësi di të mbulojë gjithashtu aferat e veta e të qeverisë! Di të përballet, të replikojë e batutojë, por nuk do që të jetë serioz në punët e shtetit e të qeverisjes, sepse të qenit serioz e nxjerr bllof! Di të “tërhiqet”, por edhe kur “tërhiqet” ka planifikuar një reng, pra tërheqjen e sheh si mjet për arritjen e qëllimit përfundimtar! Di të sulmojë, atëherë kur nuk mund të mbrohet! Di të shpifë, atëherë kur i duhet të tërheqë vëmendjen e opinionit nga aferat dhe implikimi i ministrave të tij në krimin e organizuar! Pra di të jetë mjeshtër i përkryer i vepravë që dëmtojnë interesin publik, pikërisht duke përdorur diskursin publik! Të gjitha këto cilësi ai i shfaqi në video-konferencën e sotme me kukësianët. Tha se është bërë padrejtësi me mostransparencën ndaj qytetarëve, por nuk tha se kush mban përgjegjësi politike e logjore për këtë. Nuk i përmendi protestuesit e dënuar me burg, sepse nuk tërhiqet nga vendimi i tij politik për ndëshkimin e tyre, ndërkohë nuk komunikoi asnjë masë për atë që ai e quan përgjegjësi të mostransparencës. Foli për “transparencë”, por nuk foli për bashkëvendimmarrje. Të gjitha këto fakte, të cilat janë thjesht një pjesë e atyre që u përmenden sot e që gjenden midis rrjeshtave të fjalës së kryeministrit, dëshmojnë se kukësianët nuk duhet të gënjehen nga mashtrimet e Edi Ramës. Kërkesat duhet të jenë thjesht dy: 1. Të hiqet krejtësisht taksa e Rrugës së Kombit e bashkë me të kabinat e mbledhjes së saj, sa kohë që ajo shihet si taksë diskriminuese. Arësyet që përmend Edi Rama për këtë taksë janë të njëjta për të gjitha rrugët në Shqipëri. Pse Rruga e Kombit duhet të ketë taksë dhe rrugët që të çojnë në Durrës, Elbasan, Fier, Vlorë etj nuk duhet ta kenë këtë taksë?! Të gjitha rrugët kanë nevojë për mirëmbajtje, të gjitha rrugët kanë nevojë për ristrukturim, të gjitha rrugët kanë një kosto ndërtimi e mirëmbajtjeje. Prandaj është mashtrues arësyetimi se rruga është “parrugë”, siç thotë Edi Rama! Pesë vite ishin të mjaftueshme që kryeministri “Rrugët t’i bënte me rrugë”! Eshtë mashtrues arësyetimi se Rruga e Kombit “ka kushtuar shumë”! Të gjitha rrugët kanë kushtuar shumë. Prapa këtij sllogani fshihet hakmarrja e kryeministrit me arësyetimin se “Për Rrugën e Kombit paskan paguar shqiptarët dhe përfitojnë kukësianët e kosovarët”?! Nuk ka asnjë arësye që taksimi të fillojë nga Rruga e Kombit, aty ku kalojnë qytetarët më të varfër të Shqipërisë. 2. Kërkesa e dytë e panegocueshme duhet të jetë lirimi pa kusht i të gjithë protestuesve në arrest me burg, në arrest shtëpie e me detyrim paraqitje. Madje kërkimi i ndjesës për sjelljen barbare dhe çuarjen para gjyqit të prokurorëve, policëve dhe gjyqtarëve që falsifikuan dhe zbatuan urdhërat politikë për dënimin e kukësianëve. Ky akt do të duhet të ishte kusht i panegocueshëm për bisedime me kryeministrin e vendit! Ata që sot bashkëbiseduan me kryeministrin mme dashje ose pa dashje u bënë palë kundër viktimave të protestës! 3. Dhe së fundmi: Kukësianët duhet të zgjedhin një përfaqësi të besueshme dhe të denjë që të bisedojë me kryeministrin. Ata që thërrasin “Kemi besim te ju zoti kryeministër”, janë në konflikt interesi me këtë përfaqësim! Besimi krijohet me vepra e më pas edhe e marrëveshje të besueshme. Asgjë nga këto nuk pamë në bashkëbisedimin e sotëm. Nuk mund të përfaqësojnë protestuesit, ata që janë ndëshkuar e familjarët e tyre, nëse del dhe thotë “Protesta është manipuluar”, “protesta është keqpërdorur”! Kjo ishte dhe do të mbetet protesta e paqes, e drejtësisë, e shpresës dhe e guximit qytetar! Tiranë, më 05.05.2018

Takimet Rama-Thaçi-Vuçiç sjellin vetëm fatkeqësi!

by

– …Takimet Rama-Thaçi-Vuçiç dhe marrëdhëniet e tyre të ngushta me Erdogan ndjellin fatkeqësi për popujt e rajonit, veçmas për shqiptarët. Kjo është arësyeja kryesore pse ne na duhet t’i themi jo më veçmas dyshes Rama-Thaçi. Nga  Enver Bytyçi /

Në historinë e diplomacisë dhe politikës në botë shënohen dy llojë kontaktesh politikanësh: Në njërën anë takime, biseda dhe tryeza të politikanëve që sjellin progres me vizione, ide e programe zhvillimi, në anën tjetër takime e biseda që ndjellin fatkeqësi. Madhësia e progresit ose humbnera e fatkqesësive varen nga përmasat dhe roli në hapësirat gjeopolitike të liderëve politikë që angazhohen në vendimmarrje. Tashmë nuk është sekret të thuhet se Edi Rama, Hashim Thaçi dhe Aleksandër Vuçiç, sa herë takohen me njëri-tjetrin na sjellin fatkeqësi. Me mburrje presidenti i Kosovës u shfaq para dy javësh, me ç’rast lansoi në media lajmin e takimeve të tij në Uashington dhe në Bruksel me homologun e tij serb. Epilogu ishte realizimi dhe zbatimmi i skenarit të arrestimit të Gjuriq në veriun e Mitrovicës, duke provokuar komunitetin ndërkombëtar, destabilizimin e vendit dhe më pas edhe ricopëtimin e territorit të Kosovës. Sot Hashim Thaçi është parë të drekojë në një lokal të Tiranës me kryeministrin e Shqipërisë, Edi Rama. Nuk kanë qenë bashke në ndonjë wikend, as në ndonjë ceremoni festive e gëzimi familjar, Janë takuar tinzash dhe kanë biseduar pa dhënë asnjë informacion se përse takohen në ditë javë e në orar pune presidenti i Kosovës dhe kryeministri i Shqipërisë. Po të ishte për vizitë zyrtare, kjo do të realizohej vetëm me ftesë të presidentit të Shqipërisë. Atëherë çfarë i bëri bashkë dy emrat protagonist të të dy vendeve tona?! Çfarë përgatitet të ndodhë pas këtij takimi?! Ndjesia e parë lidhet me shfaqjen e ndonjë fatkeqësie tjetër si ajo e arrëstimit të Gjuriq në veri apo apo ajo që ndodhi me ekstradimin e gylenistëve të shkollave turke të Kosovës për në Turqi. A do të ndodhë e njëjta gjë në Shqipëri?! Ndoshta tashmë kjo ka ndodhur edhe tek ne. Por publiku nuk është informuar, sepse në vendin tonë qytetarët nuk informohen, duke qëndruar në terr informativ për çdo gjë. Ndërsa Rama imiton djallin, Hashim Thaçit i pëlqen të imitojë gjarpërin. Pra, të helmojë këdo që nuk i bindet vullnetit të tij politik e personal. Të dy kanë të përbashkët cilësinë e punës në klan, organizimin klanor, në formën e oligarkisë. Në këtë mënyrë ata shtojnë pasurinë dhe duke shtuar pasurinë forcojnë pushtetin. Sa herë u rrezikohet pushteti mblidhen fshehtas e bisedojnë për masat që duhet të marrin dhe riorganizimin e klanit. Pjesë e klanit, ose oligarkisë, janë drejtuesit e medias dhe sipërmarrësit e mëdhenj besnikë. Me këto dy instrumente mundësojnë pasurinë dhe mbrojtjen e saj. Por për këtë qëllim përdorin edhe instrumentet e shtetit, policinë, prokurorinë dhe shërbimin sekret. Njësoj si diktatura! As më shumë, as më pak! Edhe në ngjarjet e fundit në Shqipëri dhe në Kosovë aleatë politikë u shpallën instrumentët e dhunës, policia, shërbimi sekret dhe prokuroria. Hashim Thaçi erdhi sot në Tiranë , takoi Edi Ramën dhe mori me vete gjithashtu porositë e këtij të fundit: Cilat janë ose mund të jenë këto porosi: 1. Në Kosovë të sulmohet kryeministri Haradinaj, të eleminohet ai politikisht. Eshtë pikërisht ajo që kërkoi Rexhep Taip Erdogan. Në Prishtinë tashmë duket qartë se ballafaqohen ashpër midis tyre dy rryma: Ajo e presidentit dhe ajo e kryeministrit. Qëndrimeve politike të kryeministrit i ka dalë në mbrojtje Departamenti i SHBA-ve. Qëndrimet politike të presidentit i përshendet dhe mbështet presidenti turk, Erdogan. Edi Rama ka qenë, është dhe do të mbetet në këtë linjë. Ndaj dhe anuloi takimin me kryeministrin grek Tcipras. 2. Presidneti Thaçi i ka kërkuar kryeministrit Rama që dhe ky i fundit të grabisë dhe ekstradojë për në Turqi disa “armiq” personalë të Erdoganit, me qëllim që vepra e ndyrë e Thaçit të relativizohet. Që shqiptarët në Kosovë të thonë: – Ja nuk është vetëm Kosova, por edhe Shqipëria po i ekstradon gylenistët në Turqi! Nëse Rama do ta hedhë këtë hap, do të përfitojë dyfish: Edhe nga presidenti i Turqisë, edhe nga presidenti i Kosovës. Pse jo, para gjithashtu. 3. Por të tre këta si dhe Aleksandër Vuçiç do të kenë gjithashtu një përfitim tjetër: Do ta mbajnë rajonin nën tensionin e konfliktit e të luftës dhe kësisoj do t’u japin europianëve dhe amerikanëve mesazhin se “Thaçi, Rama, Vuçiç e Erdogan kanë çelësat e sigurisë, paqes dhe stabilitetit në Ballkan”. Kjo përpjekje e këtyre liderëve politikë autoritarë sjellin përfitime vetëm për oligarkitë që ata kanë formësuar dhe instaluar në shtetet respektive. Për të gjitha këto arësye takimet Rama-Thaçi-Vuçiç dhe marrëdhëniet e tyre të ngushta me Erdogan ndjellin fatkeqësi për popujt e rajonit, veçmas për shqiptarët. Kjo është arësyeja kryesore pse ne na duhet t’i themi jo më veçmas dyshes Rama-Thaçi. Tiranë, 03.04.2018

Mbi nocionin e “barbarisë” qytetare dhe mizorive të kryeministrit!

by

2 enver-Bytyci-11 Kukes

Nga  Enver Bytyçi/*

Sot kukësianët, hasjanët, tropojanët, besa edhe kosovarët u mblodhën dhe kundërshtuan politikat mizore të kryeministrit të Shqipërisë. Ky, kryeministri ynë, në ditët e para të fitores së qershorit 2013 u përkul me betimin se do të sihte shërbetor i shqiptarëve. Shumëkush e besoi! Por në javën e parë të ushtrimit të detyrës e tradhëtoi veten. Urdhëroi heqjen e fotograsië së Presidentit nga zyrat e shtetit dhe kur i tha opozitës se “Nuk keni parë gjë akoma”! Dy sinjale këto që thonin shumë për mizoritë që do ta shoqëronin qeverisjen e kryeministrit Edi Rama. Dhe çfarë bëri në të vërtetë? Të gjitha vendimet e tij, të gjitha ligjet, në gjithçka ka bërë dhe bën Edi Rama na shfaqet mizor, më mizor sesa vetë çifligarët e Myzeqesë në kohën e otomanëve. Asnjë vendim i tij, asnjë projekt-ligj dhe ligj që ka miratuar me mazhorancën e vet në parlament, asnjë urdhër që ka dhënë nuk është konsultuar ndonjëherë e publikun, as me grupet e interesit, as me qytetarin, madje nuk është konsultuar me partnerët në qeverisje dhe as me grupin parlamentar që ai vetë e drejton. Nuk po flas për studime dhe ekspertiza që duhet të shoqërojnë vendimmarrjen e një shteti serioz e demokratik. Gjithçka ai e vendos vetë, sipas interesave të familjes së tij dhe oligarkëve që e rrethojnë. E tillë është dhe taksa për Rrugën e Kombit. Kë konsultoi? Bashkia thotë se nuk është konsultuar. Po ashtu Qarku i Kukësit! Autoritetet e Kosovës nuk dinin asgjë për vendimmarrjen e Ramës. Opozita ishte kundërshtare. Populli po ashtu. Nëpër dhëmbë e me zemër ishin kundër vetë deputetët e grupit parlamentar socialist që kanë përfaqësuar Kukësin, (këtu nuk bën pjesë Mimi). Ishin dhe u shprehën kundër këshilltarët socialistë e demokratë të Bashkisë. Të gjithë kundër kësaj takse, vetëm Edi Rama pro saj, madje në mënyrë kryeneçe e mizore, pa llogaritur efektet shkatërruese për njerëzit në mbijetesë. Në mbrojtje të tkësaj mizorie sot Edi Rama i kërcënoi kukësianët, duke e konsideruar si “akt barbar” djegjen e pikës së mbledhjes së taksës nga koncensionari. Madje tha se ligji do të veprojë ashpër. Në këtë rast duhet zgjidh dilemma se kush është ligji. E drejta apo vetë kryeministri. Edhe Luigji XIV i Francës thoshte se “ligji jam unë”! Por në demokraci nuk mund të jetë ligji një kryeministër mizor dhe i pamëshirshëm që u ka vënë shqiptarëve lakun në grykë e i kërcënon me jetën e bukën e gojës në emër të shtetit. Ligji nuk mund të drejtohet kundër qytetarëve që protestojnë qoftë edhe dhunshëm për të mbrojtur të drejtën e tyre. Ligji duhet të dënojë lidhjet me krimin të kupolës së qeverisë, mizorinë, inhumanitetin dhe pashpirtshmërinë e Edi Ramës . Nëse do kishim një ligj që do ta dënonte kryeministrin tonë për bëmat e shkeljet e tij të ligjit, nuk do të kishim sot një protest të dhunshme në kufijtë e së pranueshmes për të fituar të drejtën qytetare. U takoi kukësianëve kjo barrë e rendë. Mund t’u takonte shkodranëve të përmbytur, lezhjanëve të dhunar nga shokët kriminelë të Ramës, krutanëve të poshtëruar nga kanabistët e kryetarit të bashkisë, durrësakëve të nëpërkëmbur nga një farë Gjushi gjysmak! Kjo ska rëndësi. Rëndësi ka që “miti u thye”! Mizoria mori tatëpjetën! Mizorët do të duhet të mendohen mirë para se të kryejnë mizori! Prej sot Shqipëria do të jetë ndryshe. Do të fillojë të rikthehet shpresa. Qoftë dhe për këtë akt kukësianët duhen vesh me lëvdata e dekorata. Nëse Rama dhe Xhafa, por edhe kryeprokurorja Arta Marku, do të ndezin zjarrin e urrejtes e do të ushtrojnë dhunë mbi kukësianët, atëherë ky zjarr do të përvëlojë autorët e vet. Uroj që të gjithë protestuesit sonte ta bëjnë gjumin e qetë, sepse bënë një akt heroik duke rilidhur kombin me arterien e vet. Por nëse priishet gjymi i njërit prej tyre,, atëherë të gjithë kukësianët do të jenë pa gjumë. Kukësianët durojnë shumë. Kanë duruar dhe gati sa nuk i kanë falur mijëra hektar tokë pronë e tyre private për t’i dhënë dritë Shqipërisë. Por thikën e mozorëve në kockë nuk e durojnë. Mizoritë duhet të marrin fund. Asnjë mizor nuk është ndalur me lutje prej prifti! Eshtë dashur gjithnjë një lloj forcë e balancuar që mizorët të kuptojnë se nuk kanë të ardhme. Këtë forcë e dëhmuan sot bashkëvendasit e mij kukësianë! Kështu u mbijettojnë popujt e civilizuar mizorive të udhëheqësve të vet! Prej sot Edi Rama do të matet shtatë herë përpara se të planfikojë ndonjë mizori të radhës kundër kukësianëve!

  • Falendwerojme prof. Enver Bytyci qe e ndau opinionin e tij me lexuesit e Diellit