Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FAIK KONICA ULËRIMAT DHE KËLBAZAT NUK I HODHI NDAJ VATRËS

by

               MOS E KEQINTERPRETONI FAIK KONICËN PËR FAKTET!/

  • FAIK KONICA ULËRIMAT DHE KËLBAZAT NUK I HODHI NDAJ VATRËS, POR NDAJ PUSHTETARËVE HAJDUTË DHE VRASËS TË QEVERISË SË KOHËS …/
  • FAKTET JANË FAKTE. ÇFRY,ULËRI,HITH KËLBAZA,QESH, QAJ,PËRKËDHEL,GRIS,VRIT BOTËN,VRIT VETEN,FAKTET,TË THATA DHE TË FTOHTA,S’LUAJNË NGA VENDI DHE MBETEN FAKTE…/
  • A ËSHTË FAKT, PO APO JO, QË SHUMICAE NJERËZVE QË KANË SOT PUNËT E SHQIPËRISË NË DORË, KANË VRARË, KANË GRABITUR…..

                     Konica mbetet aktual edhe sot e kësaj dite pasi në xhunglën e politikës dhe të pushtetit hasen të njëjtat dukuri, shfaqen plot grykësi e lakmi të njëjtët pushtetarë e politikanë, që e kanë çuar Shqipërinë tonë në buzë të greminës. Faik Konica nuk mund të keqinterpretohet duke e shkëputur nga kontektsti dhe kuadri historik kur ka shkruar. Ai nuk mund të cungohet e të shkurtohet sipas intersit të çastit pasi i largohet qëllimit….

  Ndiqeni Konicën se komenti do të jetë pa vlerë para penës së tij:

….Për të ndritur popullin dhe për të stërvitur gjykimin e tij në shesh të politikës, kam folë për aktorët e lodrës shqiptare me liri dhe me paanësi ashtu siç ma ka prerë mendja, dhe siç më ka thënë ndërgjegjja. Një mij’ zëra në Shqipëri mu përgjigjën se kam të drejtë dhe që punët janë më keq se sa i kam përshkruar, njerëzit edhe më të flliqur se sa më janë dukur. Po fajtorëve penda imë nuk u pëlqen shumë. A është për të çuditur?

  Cilit kusarë i pëlqen ti mbajnë dorën kur përpiqet të çpojë një arkë? Cilit leproz i k’ënda t’i heqësh maskën e hieshme që i mbulon faqet dhe të nxjerrësh në shesh turit’ e tij të çara me plagë dhe të lyera me qelb?

        Fajtorët, me shpresë që të paksojnë rëndësin’ e krimeveqë bëjnë, kanë lëshuar zagarët e tyre pas kurrizit tim:kemi patur rastin të qeshim me lehjet dhe jargët e këtyre kafshëve. Ç’duan të provojnë sodomitët dhe hajdutët e Tiranës?. ..Që jam njeri i keq? Po s’do fjalë që në sy të tyre jam njeriu më i keq i botës. Fjala është: në sy të Perëndisë dhe të ndërgjegjes sime, vallë si jam? Kush mund t’i thotë ato misterie? Ndërgjegja mund të më thotë që jam një farë shenjti:se jam munduar kurdoherë të bëj të mirën; se i kam shërbyer popullit me sa kam mundur; se s’kam hezituar kurrë në mes të detyrës e të interesës; dhe në kam bërë lajthime, nuk i kam bërë kurrë me dashje, por jam gënjyer nga rasti. Në sy të Perëndisë, mund të mos jem as ëngjëll, as djall, por një njeri me vullnet të mirë. Sa shqiptarë vallë hyjnë në këtë kategori?

  Por dua t’i zmbraps të gjithë këto fantazira të një njeriu që i pëlqen vetja dhe mburret më kot. Ejani pra të thomi se të gjithë çpifjet e desinteresuara t’armiqëve të popullit janë të drejta; le të thomi, për hirën e argumentit, që jam edhe më tepër i keq se sa më pikturojnë ata njerës:Si mund ligësia ime të pakësojë, qoftë një drehem, rëndësinë e fakteve që peshojnë kundër kriminalëve të Sodomës së re?

FAKTET JANË FAKTE. ÇFRY, ULËRI, HITH KËLBAZA,QESH, QAJ,PËRKËDHEL,GRIS,VRIT BOTËN,VRIT VETEN,FAKTET,TË THATA DHE TË FTOHTA,S’LUAJNË NGA VENDI DHE MBETEN FAKTE…A ËSHTË FAKT,PO APO JO, QË SHUMICAE NJERËZVE QË KANË SOT PUNËT E SHQIPËRISË NË DORË,KANË VRARË, KANË GRABITUR DHE KANË TRADHËTUAR?…..

 A ëshët fakt, po apo jo, që zanatin e tyre si vrasës, hajdutë, dhe spiunë, e vazhdojnë me forcë të re që kur rrëmbyen Guvernën?

  A është fakt apo jo, që çdo ministër ka lidhje të fshehtë dhe kriminale me një Mbretëri fqinjë?

A është fakt, po apo Jo, që sëmundja e fëlliqur e Sodomisë, u përhap dhe dolli sheshit nën “guvernën” e tanishme që praktikohet nën hije të “Guvernës” dhe që të huajëve kjo gjendje- u bën përshtypje më të tmerruar?

A është fakt, po apo jo, që’guverna” e sotme është themeluar mi sistemin e iftirahut, të spiunllëkut, të rushfetit dhe të pusisë?

        A është fakt, po apo jo, që shumica e proprietarëve të dheut në Shqipëri i kanë grabitur dherat(tokat) ose nga fshatarët ose nga Shteti, dhe që bujqët përdoren si bagëti e janë gjysëm-njerës të verdhë e të shtrembër nga rojtja e keqe?

    A ëshët fakt, po apo jo, që ky system skllavërie, jo vetëm mbrohet nga guverna, por njerëzit dhe miqtë e guvernës e zgjerojnë për ditë duke kallur nën zgjedhë edhe fshatra që gjer më sot nuk ishin çiflik?

  A ëshët afkt, po apo jo, që populli s’ka bukë as punë, dhe që guverna jo vetëm nuk I përkrah fshatarët, po u thëthinë gjakun me hua me zor, me takes dhe em grabitje?

   Në qoftë se këto janëose s’janë fakte,Populli I Shqipërisë e di shumë mirë. Dhe gjykimin e tij s’mund ta ndalojë as klika e Sodomës së Re, as ndonëj fuqi në Botë.

 Marrë me ekzaktësi nga Gazeta DIELLI, 8 Nëntor 1922.