Fritz radovani – Page 60 – Dielli

ARTET MA TË VJETRA … “NË DORËN E JEVGUT”…!

July 19, 2013 by dgreca

Në vitin 1967 ky “jevg” ka shkri të gjitha këmbanat e Kishave …

Shkruan: Nga Fritz RADOVANI/ Melburne/ Australi/

Në vitin 1956 isha maturant në shkollën Pedagogjike të Shkodres. Barometri i asaj kohë në Shqipni matej me mardhanjet që kishim me Bashkimin e “lavdishëm” Sovjetik dhe vendet sllave fqinjë. Jugosllavia nuk ishte “kryefjala” e fjalive të Enver Hoxhës, ndërsa Greqia, pothuej ishte harrue gjoja me “gjendjen të luftës” …Ardhja e Hrushovit në krye të udhëheqjes sovjetike tregonte edhe njëfarë zbutje të klimës stalinjane, nëse do të themi të vërtetën. “Kulti” i Stalinit dhe dënimi i tij u pritën mirë nga të gjitha vendet e quejtuna “demokraci popullore”, sigurisht, as nuk diskutohej reagimi pozitiv i sovjetikëve. Edhe tekstet shkollore të marksizëm-leninizmit pësuen ndryshimet e tyne. Në dukje kishte ndryshime edhe nga ana ekonomike, mbasi disa fabrika me “hekurishta të ndryshkuna” që na “dhuroi” Bashkimi Sovjetik, krijuen disa fronte të reja pune. Këta kombinate dhe fabrika ishin kudo në qendrat e qyteteve ndër harta të mëdha në gjithë RPShqipnisë. Ndonse komitetët e rinisë në shkolla të mesme vazhdonin punën e tyne si gjithmonë “me disa agjentat e vet”, po edhe “lufta e kllasave” pësoi zbutjen e vet bashkë me luftën kundër “kultit” të Stalinit, sidomos kur një ditë me shkronja të forta edhe gazeta “Zëri i Popullit” njoftoi se edhe kufoma e Stalinit u hoq nga qendra e Moskës, prej maozoleut…

Haje dreq askush nuk pyeti ku e çuen atë qelbësinë?!

Edhe Populli Shqiptar me mend e me gojë tha: “Na pastë marrë të keqen..e dreqi ia pastë marrë shpirtin!”. Por nga sheshet qendrore të qytetëve shqiptare ai nuk zhgulej!

Pranë fjalës “zbutje” qendronte përkufizimi i “vigjilencës”…tipari themelor i atij sistemi përbindsh. Edhe organet e diktaturës dukeshin disi ndryshej…nga vetë koha që nuk “dilte drita” në mengjez me të shtimet e automatikëve të Zallit Kirit. Një fakt i njohun nga shkodranët mund të rikujtohet sot që kryetari i degës së mbrendëshme gjeneral Hilmi Seiti, që njihej si kriminel, filloj me u njoh edhe si imoral…mbasi koha ma e madhe i kalonte në teatrin “Migjeni”. Pra, kryente një rrugë e dy punë! E ky imoralitet ishte i pranishëm në të gjitha institucionet shtetnore, ku përfshiheshin edhe sekretarët e parë të komitetëve të partisë, rinisë e deri tek “levat e partisë”, agjentat e sigurimit nder organizatat profesionale… Kishte raste që kapeshin djelmë të rinjë tue u arratisë në kufi, por gjenerali, me “zemergjansinë” e tij, i çonte në degë dhe mbasi i “këshillonte” (tue i detyrue me nënshkrue “deklaratë bashkpunimi me sigurimin e shtetit”)…i “lironte”, dhe ka pasë edhe raste kur iu gjente edhe vend pune me të ardhuna ma shumë, e edhe ata shkonin atje e kryenin “një rrugë e dy ose tri punë”. Ka ndonjë që vazhdon atë detyrë edhe sot!

Nga fundi i vitit 1956, në fund të shtatorit ndryshoi gjithshka shumë shpejtë. Revolucioni Hungarez në një kohë rekord na rikthej edhe njëherë ku ishim. Arrestimi i grupit të “Liceut Artistik” në Tiranë, me Nik Pavacin, Ndrekë Bazhdarin dhe Karlo Çefën, sillte në familjet e tyne në Shkoder edhe njëherë psikozën që na dukëj se filloi me “u harrue”, por jo!.. Ujku nuk kishte ndrrue as qimen, as vesin…Nik Pavaci e pagoi shtrejtë atë hetuesi, tue humbë shndetin e vet nder zhytjet deri në bel n’ ujë të ftohët nga vetë krimineli Hilmi Seiti. Edhe pse ndonjë klerik plotësonte dënimin dhe lirohej, hynte tjetri mbas një muej, e madje, edhe pushkatohej…si: Don Ejëll Kovaçi (1958), apo Don Dedë Malaj (1959), me datën 10 Maji, pothuej as dy javë para se të vinte Hrushovi në Shqipni. Hetuesit e Tyne ishin dy terroristë: Hilmi Seiti e Xheudet Miloti.

Nuk besoj se ndokush asht marrë me studimin e ngritjeve dhe zbritjeve të ashpërsisë së kësaj “lufte kllasash” që ka pushtue miljona njerëz në kampin komunist të Lindjës. Mbesin të panjohuna zhdukjet e qindra mija njerëzve aso kohe në Gjermani, Hungari, Çekosllovaki, Poloni, që gjatë atyne vitëve, kur Popujt e Tyne të robnueme u ngritën kundër rregjimeve të tyne terroriste komuniste për me fitue Lirinë… dhe pikërisht, mu në zemër të Europës në Berlin, Hrushovi, që dogji Stalinin, ngriti disa kilometër “Murin e Berlinit”, një “turp i vërtetë i komunizmit” dhe i Shekullit XX …në zemren e Europës dhe në gjithë Botën.

Se mos ishte turpi i parë i komunizmit ky!?

Ndersa Xhon Kenedi kur ishte aty tha: “Unë sot jam qytetar Berlinez!”

Aso kohe në Shqipni ka pasë edhe një lëvizje ma të madhe turistësh…

Mbas vitit 1961, Shqipnia “socialiste” pësoi frakturën e saj nga vendët komuniste të Lindjes Europjane të “demokracive popullore”. Ikëm nga “Traktati i Varshavës” drejt Pekinit.

Nisem udhtimin për Lindjen e Largët…prej nga endé nuk duket se jemi kthye, mbasi për rrugë kemi pasë fat e u ndeshem me “miqtë e vjeter robnues” që na janë vue me forcë, janë “vëllaznit e gjakut” që edhe sot po na luten: “A po na rrini sonte..?”

Asht proverb i yni: “Iriqi në ferr se në ferr!”

***

Një studjues gjerman i kulturës Europjane erdhi në Shqipni nga viti 1956…

Më tregonte perkthyesi i tij që kishte shetitë ndër qytetet kryesore tue perfshi edhe Shkodren bashkë me té. Ai studjues kishte pasion edhe muziken popullore. Kur po vinte tue iu afrue koha e largimit nga Shqipnia, Ai e kishte pyet perkthyesin: “Vrejta një dishka që nuk e kishe pa në asnjë nga vendet tjera komuniste që kam vizitue… Punimin e hekurit dhe muziken që janë artet ma të vjetra ju, ua keni lanë me i trashigue jevgjit… Asht dishka që nuk mujta me e kuptue pse keni veprue kështu me artet ma të vjetra? … Nuk po të kerkoj përgjegje,.. po edhe “artin” e drejtimit të Shtetit ua keni ‘lanë’ në dorë atyne?…”

Sigurisht, atëherë, biseda e tyne asht mbyllë me këte pyetje…” pa pergjegje!”.

Në fakt atyne u takon me i trashigue, askush para tyne nuk asht kenë “vëlla gjaku” me turq, arabë, libanez…dhe, këte, e ka provue viti 1967, kur “jevku’ i Gjinokastres, pat shkri të gjitha këmbanat e Kishave të Shqipnisë…per me derdhë monumentin e vet…që disa gabelë janë çue peshë me e vue prap ngjitë me xhaminë e re me kater minare që do të ndertohet në Tiranë.

Jevgjit e gabelt e Azisë e kanë mendjen vetem “harrllek e aheng”…

Në kjoftë se sot do të më drejtonte dikush këte pyetje, ai nuk do të largohej prej meje pa marrë pergjegje, e ajo, do t’ ishte:

– “Jo, kam njoh jevgjë që sot do t’u vinte keq me u thanë “qeveritarë demokratë”

Madje, edhe do të fyheshin!!”

Melbourne, 2013.

“MA MIRË VONË SE KURRË !”, THOTË POPULLI !

July 13, 2013 by dgreca

Nga Fritz RADOVANI/

Shumë herë kam pyetë veten se: “Kur do të vijë kjo ditë per Ju, Sali Berisha!” ? Shumë vonë! E nga e keqja, duhet kënaqemi me thanjen e Popullit: “Ma mirë vonë se kurrë!” Një thanje, aspak e pershtatëshme per kohen, rrethanat historike dhe pasojat që i keni sjellë Ju një Populli, që aq shumë të brohoriti (bashkë me mue), me 3 Janar 1991, tek Sheshi Avni Rrustemi, në Shkoder… kur, “Ora” e Shqipnisë, ndrroi “zemrekun e ndryshkun” të saj… Kështu, kujtueme dhe u besueme thanjeve tua prej “Malësori” të Veriut, pa u “kujtue” se kishe pi ujë në Bllokun e Tiranës!

Edhe até, nuk deshëm me e besue! Kujtuem se ishte ujë Selite, po ishte kenë “ujë” Lane!

Me datën 25 Maji 1991, ora 11.00 u organizue nga BSPSH Mitingu i Madh në stadiumin “Loro Boriçi” të Shkodres, ku morën pjesë mbi 30.000 vetë. Kur dola në tribunë me hapë mitingun, një përson që gjironte me kamera më tha: “Fritz, në apartamente përballë kanë vue snajpër…kujdes kur të flasësh!”…Unë në ecje drejtë mikrofonit iu përgjegja: “Çka kam shkrue do ti lexoj, por nuk besoj se komunistët mendojnë sot me më ba edhe mue Hero!” dhe, vazhdova fjalën historike të timen përballë “Rozafës”, që ishte e veshun me të zeza për ma shumë se 48 vjet…

Foli aty Muhamet Gradeci, Tanush Mulleti, Vinçenc Çefa…etj. dhe arriti nga Tirana edhe Kryetari i Nderuem i yni Ferdinand Temali, i cili, si gjithmonë me za si pushka, ushtoi me sa forcë kishte me pushtue zemrat e qytetarëve të Shkodres së thame e të zharituna për Liri dhe Demokraci, e cila nuk vonoi me ardhë mbas Asaj dite të bukur të BSPSH së Ré!..

Me 1 Qershor, në Tiranë, ora 11.00 në stadiumin “Dinamo”, ku kam përfaqsue BSPSH e Shkodres me zonjën Adlije Broci, Nana Arbenit, në prani të mija vetëve kryeqytetas, fjala mbyllej:

“Kur një Populli i ikën frika, Atij shpejtë i vjen Liria! Rrnoftë Shqipnia!”…

Qeveria ra…Me 10 Qershor 1992, ora 11.00, në intervistën e dhanun “Zërit Amerikës” nga anëtarët e kryesisë BSPSH së Shkodres, kam theksue: “Qeveria e ardhëshme kurrë nuk do të realizojë aspiratat tona dhe të mbarë Popullit Shqiptar, nëse në përbamjen e saj do të ketë kjoftë edhe vetëm një komunist…!”. Atëherë shumë vetë më quejtën “ekstremist”…por, sot, besoj janë me mendimin tim edhe ata, që atëherë, menduen me bashkpunue në qeveri edhe me ju “komunistët e konvertuem”! Prania e juej në çdo zyrë të mardhanjeve me Popullin sjelli vetem korrupsion!

Ju ishi sabotuesit e të gjitha premtimeve të bame ndaj Popullit e punëtorëve liridashës!

Dita e pergjakshme e 2 Prillit, kishte hapë plagë të reja. Kerkohej dënimi i kriminelëve…

Me të gjitha mjetët u punue për mos me zhvillue gjyqin e viktimave të 2 Prillit. Ishte PD që jo vetem, nuk donte zhvillimin e gjyqit, por edhe bahej pengesë. Fakti asht sot i pranishem që asnjë nga terroristët organizatorë e vrasës në këta 22 vjet qeverisje, nuk bani “asnjë ditë” burg…

Partia Demokratike Shqiptare ishte e para që ndërhyni, me “mbyllë” Grevën tonë pak ditë para kongresit PPSH, që me datën 8 Qershor, kur Ramiz Alia, po bahej gati me u veshë me petkun e “socialistave”, edhe pse terroristi i provuem kishte deklarue: “…Parimet nuk i shkelim!” ndonse, për hirë të kolltukut i shkeli të gjitha, madje, edhe flamurin e marksizmit e deri tek premtimet tek vorri i Enver Hoxhes me vejushen…e tij. E vetmja fjalë që ka mbajtë deri në fund me pasuesit e tij, që po vazhdojnë edhe sot, asht: “Edhe gjak do bëjmë!”…dhe pushtetin nuk ua japim kurrë atyne që janë vertetë demokrat, të cilët, me datën 13 dhetor 1990 pëmbysen përtokë njëherë e përgjithmonë bustin e kriminelit Enver Hoxha, para Prefekturës së Shkodres! Ai ishte akti ma Heroik i Rinisë kur në Tiranë, Stalini dhe Lenini i banin shoqni diktatorit tonë në sheshet qendrore! E, mos harroni, se endè ka nga Ata Djelmë që vazhdojnë me kenë të gjymtuem nga torturat e bame prej sigurimit nga zv. ministri i mbrendshëm terroristi Zylyftar Ramizi, që nga data 14 Janar 1990…per Stalinin.

Kur u zhvillue Greva e Pergjithëshme e BSPSH në Shkoder, tri ditë para hapjes së kongresit PPSh, erdhi nga Tirana antari i Kryesisë së BSPSH së Shkodres Mark Bardeli, dhe tek shkallat e Institutit të Naltë Pedagogjik na njoftoi se “Kryesia e Tiranës, kishte vendosë me mbyllë greven dhe se edhe Partia Demokratike ishte e atij mendimi!”… Unë i pergjegja: “Kjo nuk do të ndodhin kurrë në Shkoder, na nuk zbatojmë urdhnat e Ramiz Alisë dhe as të “atyne” që janë servilat e tij, apo që kerkojnë me i krijue kushte qetsije PPSh para hapjes së këtij kongresi turpi në këto ditë!” …

Turma kje me mue! U nisem të shoqnuem nga Rinia që thërriste për vazhdimin e Grevës deri në fitoren e plotë të kerkesave tona. Besoj iu kujtohet kur u vendos vazhdimi i Grevës edhe dy ditë të tjera “mbas hapjes së kongresit të PPSh”, si edhe brohoritjet e turmes jashtë selisë sonë.

Kujtoj që me datën 12 qershor kanë ardhë në seli dy antarë të Kryesisë PD, z. Menduh Derguti dhe A.Luli, të cilët kerkonin që të jepej urdhën nga ne, “me u nisë vagonat e ngarkuem me sheqer për Tiranë, mbasi Greva kishte krijue mungesë sheqeri në dyqanet e Tiranës…” Unë i shikova …dhe u thashë: “Jo, këte herë komunistët e Tiranës, të festojnë fillimin e kongresit tyne me bakllavë të paperlueme me sherbet, se kështu kanë urdhnue punëtorët e Shkodres!” dhe, kujtoj si tashti të qeshunin me zemer të të Ndjerit Qazim Lika, që u ndodh aty dhe u knaq nga përgjegja ime…

Mbas dy ditësh takova Pjeter Arbnorin tek SMT e vjeter, dhe më tha: “Doktori më ka thanë se asht e paknaqun partia nga qendrimi i fundit i sindikatës së Shkodres!” Unë, e pyeta: “Po për cilën parti e ka fjalën doktori, per atë që ka kenë apo për këte që asht tashti?”. Pjetri më tha: “Për partinë tonë…ç’ punë kemi ne me komunista?”…”Nuk po kuptoj se pse asht i paknaqun ai, mos ndoshta keni dashtë sheqerin ju me ua perlue bakllavat e kongresit të tyne?” Më shikoi i zemruem dhe gati harroi me më dhanë edhe doren, e pra, ky ishte Pjetri (miku yt) që drejtonte PD e Shkodres!..

Në muejn Korrik 1991 BSPSh e Shkodres kishte lidhje me Kryesinë e Tiranës, Kavajës, Durrësit, Korçës dhe me Kryesinë e BSPSh kombinatit tekstilit të Beratit. Lidhje të ngushta janë mbajtë gjithnjë me Kryetarin Gëzim Kalaja, i cili i ka vazhdue ato lidhje edhe mbas 1997.

Shkodranët e masakruem në rregjimin komunist nuk mbaheshin ma! Rinia e Kështjellës “Rozafat” errej e zgjohej pranë dy godinave, asaj të BSPSh dhe asaj të Muzeut Ateist, ku kishte zanë vend Kryesia e Partisë Demokratike të Shkodrës…Distanca e shkurtë mes këtyne godinave tashma lidhej me vargun e të përsekutuemve politik dhe rinisë heroike shkodrane, ku ndigjoheshin thirrjet e tyne: “Poshtë komunizmi” dhe “Duem Shqipninë si gjithë Europa!”…që nuk pushonin një minut!

Partia Demokratike premtoi, dhe mori drejtimin e Shtetit Shqiptar! Çka realizoi nga të gjitha premtimet e veta? – Po, PD realizoi një anderr të viteve ’70 të Enver Hoxhës, kur pat dishrue me u lidhë me Iranin “Islamik” të Komeinit, po që nuk e pranoi ai… Dishmitari asht gjallë! Libri i tij “Shenime per Lindjen e Mesme” si duket, kje frymzim per ju, dhe pa marrë mirë frenat e Shtetit Shqiptar, arritët paturpësinë ma të madhe antieuropjane, me 2 Dhjetor 1992 me shpallë Shtetin “Islamik” Shqiptar, “anatar” të “Konferences Islamike”… Bahen plot 21 vjet që keni rikthye shumë nga fletët e harrueme të historisë, po bashkë me ta edhe miqësinë “fetare” të Erdoganit, i cili tek ju Sali Berisha lexonte shumë tipare të pashallarëve të vjeter “eshtnat e rrashtat” e të cilëve ruhen atje!

Të mbeti pa rikthye Esad Pashë Toptani, po qeveria e re mund ta sjellin me miqtë e saj.

Sali Ram Berisha, Antar i PPSh: 8 nandor 1968…

Plot 24 vjet që Muri i Berlinit ra! Ndersa, ju Sali Berisha, sivjet festoni 45 vjet në sherbim të PPSh, dhe mbrenda kësaj kohë keni edhe 23 vjet me masken “demokratike”…

Porosia e terroristit Ramiz Alia, në vitin 1989 ishte: “Ne, komunistët reformatorë, do të zbatojmë strategjinë tonë në ekonomi, sipas së cilës kapitalistët dhe pronarët e ardhshëm në një vend socialist të jemi ne apo njerëzit tanë. Me strategjinë tonë të re, brenda dy-tre legjislaturash do të arrijmë që nga klasa komuniste të krijojmë klasën kapitaliste, e cila do të na përjetësojë në pushtetin politik të së ardhmes. Të jeni të sigurtë që e ardhmja do të jetë jona…

Ne jemi të përgatitur për të dyja rrugët; kemi njerëzit e vendosur dhe guximtarë, të cilët i kemi përgatitur me sakrifica e mund për vite me radhë, por kemi edhe organet tona të dhunës. Ndaj, mjerë ata që do të guxojnë të na kundërvihen. Ju a them këtë, që të mbani lart moralin dhe asnjëri prej jush të mos ketë frikë.”

Ju Sali Berisha, me PD tuej, keni realizue të gjitha udhzimet e Ramiz Efendi Alisë, dhe kur komunistët e pamaskuem “socialistë” në Vlonë, kerkuen qeverisjen me armë, ju presidenti Berisha, ua keni dhanë tue nxjerrë edhe kriminelët nga burgu… Një antar i Shtabit të Pergjithshem që kerkoi me shtypë revolten antidemokratike…Besoj e kujtoni mirë edhe kerkesen e Tij, perfundoi hamball shkarkimi…Drejtësinë dhe Ministrinë e Mbrendshme ti nuk ua preke fare, po edhe ua paise me “diploma” Perëndimore… Prap Shqiptarët të besuen Sali Berisha, edhe pse u tregove ma shumë komunist se “demokrat”, mbasi Demokracia nuk pranon “zhdukjen” e kundershtarëve të mendimit, një tipar i theksuem i komunistit pagdhenun… Edhe pse PD prap mori pushtetin me ndihmen e votimeve të Popullit t’ etun antikomunist per Liri, PD me ty në krye, e mbajti 8 vjet qeverisjen deri në 2013, dhe asnjë kriminel nuk u dënue. Nuk ua preku askush “tituj e dekorata” asnjenit prej tyne që per 47 vjet vetem kanë vra, pre, varë e terrorizue…Shqiptarët Atdhetarë. Kriminelët e Popullit Shqiptar edhe i vorroset me ceremoni ushtarake, se edhe ata ishin deklarue si ti “vëllezërit e gjakut me turq” … Ti ma shumë u tregove mjek i Bllokut Enver Hoxhës, që me veprat tua punove me ua forcue zemren tradhëtarëve, sesa mjek “demokrat” i Popullit Shqiptar që votoi gati 20 vjet per ty! Dhe me të vertetë “në mënyrë dinjitoze”, me 23 Qershor 2013 riktheve komunistët në pushtet!Ma teper nuk ke pasë se çka me i ba as Partisë, as Shqipnisë!

“Ma mire vonë se kurrë!”…thotë Populli.

Melbourne, 2013.

PROFETËSIA E NANË TEREZËS

July 6, 2013 by dgreca

Rinas 1997-Para çastit të largimit të fundit nga Atdheu Nanë Tereza, u tha gazetarëve në Rinas: “O Zot, hiqi mallkimin Tand Popullit Shqiptar!”…/

* Me daten 23 Qershor 2013…Kryeministri S.Berisha ua dorzoi prap pushtetin komunistëve… me masken “socialiste”… A nuk asht aktuale prap sot lutja e Nanë Terezës: “O Zot, hiqi mallkimin Tand Popullit Shqiptar!”..?

Nga Fritz RADOVANI/ Melburne/

Nuk na pelqente me e besue se Shqipnia e Gjergj Kastriotit, siç paralajmonin edhe të tjerë Profetë maparë: “Do të paguente shtrenjtë moskthimin në besimin e të Parëve të vet!” …

Porsa në horizontin e Saj duket një rreze drite që shndritë aty ku errësina nuk na ndahet per sa e sa kohë dhe shpresat fillojnë e ringjallen per një ditë ma të mirë, në qiellin tonë edhe sikur një rê e vetme të duket dikund larg, pa u errë nata fillon vransina, nxihet qielli, veton e bumbullon e nuk të sheh syni tjeter gja veç errsinen shekullore, që e ndjekë Shqipninë tash 545 vjet pa iu nda një çast.

Edhe kur dikush që e ka njoh me kohë një perpjekje të Shqiptarëve, mos me i ra mohit se të jenë jeta identitetit të vet Europjan, do të dalin një tradhëtar me prishë e rrenue gjithshka tue fillue nga gjurmët e para që t’ huejtë dashamirës mundohen me zbulue nder temelet e Tokës sonë.

Mbas ma shumë se 40 vjetësh kur në rruzullin toksor një rrufé kishte goditë një shtet nder ma të vegjlit per vdekje në vitin 1967, dhe Shqipnia “u shpall shteti i parë ateist në Botë”, çka nuk ishte pa e ndigjue nder 20 shekuj mbas Krishtit, një dorë u shtri me na nxjerrë nga balta; ishte dora e një gjermani që shihte ma larg se mund të shohin mjetet ma moderne të teknikës… Ishte Shtrausi! Edhe pse syni i Tij dallonte mirë mjegullen që sillej nder kybet e Kremlinit, me aq kjartësi dallonte në Shqipninë “ateiste” minaren shekullore të Tiranës anadollake, që “nuk ishte shembë” asnjëherë që nga viti 1468, kur Shqipnisë i kishte “vdekë” edhe Ora e Lirisë.

Kush mund t’ ishte perveç “mallkimit”, që ishte kaperthye mbrenda një kenjes së mbrapshtë që me hipokrizinë djallzore të një vrasësi kriminel e gjaksor të vllazenëve të vet, rrefuzoi një të mirë aq të madhe që një personalitet gjerman po i ofronte Shqipnisë së njohun prej shekujsh: “Mbrojtëse e qytetnimit Europjan per 25 vjet nen udhëheqjen e Gjergj Kastriotit – Skenderbeut” ?

– Vetem një perbindsh i quejtun Ramiz Alia, që mbas sa vitësh KGB sovjetike e dekoroi!

Ishte pikrisht ai terrorist që i mbështetun vetem tek krimi, lau me gjakun e Rinisë pafaj të gjitha piramidat e kufinit, të cilat, që në vitin 1944 bashkë me miqtë e tij, shovenistët sllavë nuk i kanë lanë me u tha asnjëherë. Ishte premtimi që Tito i dha Enver Hoxhës, me mbajtë kolltukun që në 1941 dhe me ushtrue atë të mnershmin Gjenocid që nuk asht pa asnjëherë kunder Atdhetarëve pa dallim feje, dhe kryesisht kunder Klerit Katolik Shqiptar dhe Popullsisë së Veriut.

E Populli Shqiptar vazhdonte Kalvarin… Muri i Berlinit ra! Po, na, vazhdonim rrugen tonë.

Me 14 Janari 1990 në Shkoder, demostrata per heqjen e bustit të diktatorit Stalin, shoqnue me disa qinda vetësh të arrestuem, ku kishte edhe shumë vajza të reja, u harrue! U vra dhe u harrue edhe djoloshi Trim Rin Monajka! E pa kalue as shtatë muej në vazhden e vrasjeve nder piramida, u vra një 17 vjeçar Pllumb Pllumbaj, që arkivoli i Tij solli një tjeter revoltë…Po, edhe Ajo u harrue!Anë e kand Shqipnisë, shetiteshin kufomat e të vramëve në kufi të lidhun me tela me ferra dhe, u harruen vrasjet e krimet e njenit prej terroristëve ma të mëdhaj të sunduesëve anadollakë të 47 vjetëve komunizem, tue vorrosë me një ceremoni ushtarake shtetnore gjaksorin perbindsh Ramiz Alia!

Me 14 korrik 1990 asht ky Ramiz Ali që porositë komunistët që po strukeshin si qejtë: “Nuk ka qytet tjetër ku vepron më tepër agjentura e armikut se sa Shkodra. Në Shkodër agjentura vepron shumë e organizuar, e ndërthurur. Atje ka agjenturë serbe, italiane, gjermano-perëndimore dhe franceze. Vatikani ka hedhur agjenturën e vet, prandaj, duhet ndenjur gjithmonë në tension dhe të rritet vigjilenca.”

Shumë interesant! Asnjë agjenturë turke, arabe as sovjetike, agjent i së cilës ishte ai vetë.

Në Shtator 1990 deklaron po anadollaku R. Alia: “Ndodhën ambasadat. Aty hynë ca debilë.. kush ishin ata që ikën, ç’janë ata në Shkodër që çohen në demonstratë? Po këta nuk dolën tani, ata ishin, se baballarët e tyre nuk ua vramë tani, por ua kemi vrarë për 40 vjet.”

E me paturpësi ky kriminel u quejt “presidenti i parë demokrat”… dhe u vorros me ceremoni të organizueme nga shteti “islamik”, të cilit, i perkiste kufoma e qelbun e tij që me 2 Dhjetor 1992, atëherë, kur Shqipnia u kuadrue nga presidenti Sali Berisha në “Konferencen Islamike”…

Shqipnia e gjysëm miljoni viktima të komunizmit vazhdoi persëri sundimin nga sigurimi i shtetit që per 47 vjet e gjakosi dhe dhunoi me një Gjenocid të panjohun në Europen Lindore!

Po, u harruen edhe krimet e sigurimit të shtetit me bustin e terroristit Sabri Godo!..

Ishte 11 Nandori 1990 që i Madhi Don Simon Jubani, shpartalloi me Ungjillin e Krishtit, perfundimisht prangat e diktaturës në Vorret e Rrëmajit të Shkodres, tue Ringjallë Fenë dhe tue e hapë pa pikë frike Rrugen e Demokracisë në Shqipni, po edhe Ai Hero, vdiq… dhe u harrue!

Erdhi në Shqipni Nanë Tereza, dhe persëriti thanjen e Krishtit: “Dueni armiqët tuej!”, dhe Ajo vetë e para ndezi një qiri tek vorri i luciferrit… “Jo, vllavrasje!” persëriti, sa herë vinte këtu!

Erdhi Papa Gjon Pali II, dhe u ul perballë monumentit Skenderbeut… plot 20 vjet perpara,

Erdhi Ai Burrë, që tha: “Kam ardhë këtu për me ju shpreh nderimin tem Vëllaznor edhe komunitetëve të ndryshme fetare që bashkjetojnë këtu prej shekujsh: Komunitetit Kristjan Ortodoks dhe Komunitetit Mysliman, të cilëve, u sjellë një përshëndetje të përzemërt…Kam ardhë për me i shfaqë çdo shqiptari admirim dhe mbështetje në këte fazë delikate të kalimit historik dhe të të shumë së dishruemes ringjallje shoqnore dhe shpirtnore…

Të dashtun Vëllazën e Motra! Sa herë në të kaluemen u asht dashtë ta mbroni me forcë identitetin tuaj… Ju keni vuajtë për Kombin Tuaj. Prandej dhe keni të drejtë ta doni kaq shumë. Ajo që ka ngja në Shqipni të dashtun Vëllazën dhe Motra, nuk asht pa kurrë në historinë e njerëzimit…Drama e Juaj Shqiptarë të dashtun zgjon interesimin e gjithë Kontinentit Evropian e asht e domosdoshme që Evropa mos t’ Ju harrojë.

Në të vërtetë ky asht kusht i domosdoshëm për mos me u rikëthye tek të njajtat gabime të përlotuna, asht shtegu ma i mirë për një proçes pajtimi të vërtetë…Si na e mëson edhe Feja, nëse kemi një Krijues të perbashkët që të gjithë jemi Vëllazën. Kështu, që Feja asht një kështjellë mbrojtëse kundër totalitarizmit dhe një kontribut vëndimtar për një vëllaznim human. Liria e vërtetë fetare i shpëton ngacmimëve të intolerancës dhe të sektarizmit dhe ofron mënyra dialogu të respektueshëm dhe konstruktiv…

E si mos të kujtojmë tashti një Bijë të zgjedhun të Popullit Shqiptar, Motren Tereza të Kalkutës, Nanë shumë e vorfën ndër ma të varfërit në Botë? Me zjarrin e Fesë në krahnor Kjo grue e vogël dhe e madhe njëkohësisht, sjell dhe ruan mbrenda Saj hovin e bujarisë së papërmbajtun dhe të pamposhtun të zemrës shqiptare…

Në emnin tand Popull Shqiptar,po i drejtohëm këtu edhe Komunitetëve Ndërkombëtare që ta këthejnë vëmendjen e tyne vëpruese ndaj kërkesave të zhvillimit tand të përgjithshëm. Vetëm kështu mund të mëkambët Paqa në këte zonë të Ballkanit, të përgjakun nga konfliktet vëllavrasëse të ulta e të pakuptim…” (25 Prill 1993, në Sheshin “Skenderbeu”, Tiranë.)

Nenvizova ata rreshta që Shqiptarët Atdhetarë duhet të mos i harrojnë kurrë!

Ata janë çelsat e “Dyerëve të Europës Demokratike!”që na dhuroi Papa Gjon Pali II.

***

Me daten 23 Qershor 2013…Kryeministri S.Berisha ua dorzoi prap pushtetin komunistëve… me masken “socialiste”…

A nuk asht aktuale prap sot lutja e Nanë Terezës:

“O Zot, hiqi mallkimin Tand Popullit Shqiptar!”..?

Melbourne, 2013.

NUK DUHET PERDORË MA FJALA “TURP” !

June 28, 2013 by dgreca

Ne foto: Shkoder 2 Prill…/

Nga Fritz RADOVANI/ Ju lutem mos më keqkuptoni! Kur turpi hahet me bukë ai asht ushqim…

Edhe gushakuqët kanë ditën e tyne nr. 41 në listë. Ata ua kanë marrë ditën e pranverës dallëndyshave, jo me forcë por me “vullnetin” e tyne, tue e festue até në ditët e para të stinës së verës, pikrisht në një nga datat ma të pritëshme per ndrrimin e qeverisjes, me 23 Qershor 2013.

Po, dallëndyshat çka u bane? – Flitet se kanë ikë dikund ma larg se në Misir… Thonë se u ka mbetë “hatri” që komunistët nga inati me Filip Shiroken, ua kanë flliq Shkodren…

Nuk kanë faj fare! Filloi në Prill të 1913 me hanger pare tradhëtije Esad Pashë Toptani, dhe u bane plot 100 vjet, me 22 Prill 2013 që nipat e sternipat e tradhëtarit (nuk po i shkruej të gjithë, se kam frikë se po harroj ndonjë…) erdhen prap, me lidhë miqësi me pushtuesit e vjeter…

Me i pyet kush, po shka po bani kështu? Të gjithë “njëzëri” pergjegjin: “Po pse, iu bënë juve shkodrianëve pershtypje kjo, a nuk jemi me fëtyrë nga Europa?” Në të vertetë nuk kanë faj, u asht ba fëtyra … tash 72 vjet tue i premtue Popullit Shqiptar, se “do hajmë me lugë ari!”.

Po lugët e arit ku janë? – Sternipi nuk i zen me gojë, ka frikë se i duhet me i shkri per me zevendsue lingotat që ka vjedhë gjyshi në thesarin e Bankës Shtetit Shqiptar… Po edhe me kenë, neser me ia kthye gjykata Pallatin e Brigadave apo të mbretit (nuk po dij i kujt asht, se nuk po dij as kush ka pague me e ba…), me shka do të hanë qeveritarët tanë, ata nuk perdorin pirunjë, se hanë me gishta kur shkojnë në “Konferencen Islamike”, po lugë e thika i kanë edhe nder zyre.

PPSh na la një trashigimi me na pasë lakmi edhe vendet tjera të “Konferencës Islamike”.

Kush nuk asht trashigimtar në Shqipni?! Cili mret, president, kryeminister, minister i mbrendshem apo bodigard i tyne, nuk ka “tapi” per të gjitha institucionet shtetnore dhe ata “private” kur ua venë synin ata, a “nuk janë të tyne” tue fillue nga Presidenti?…

Të flasim “drejtë” dhe troç: – Kush e ndertoi burgun e Burrelit, Gjinokastres, Tiranës apo të Shkodres? – Populli a qeveritarët? – Sikur Ahmet Zogu, mos të ndertonte “burgun e Burrelit” a do ti vente kush bustin e tij në Burrel… – Nuk besoj!

Po sikur, Enver Hoxha, Mehmet Shehu e Koçi Xoxe, të mos hapnin në 1946 në Shkoder, 26 hetuesi, burgje e podrume torturash, a do të ishin “heronjë populli” këta barbar?

– As këte nuk e besoj! Prandej, edhe kerkohet rivendosja e tyne nder sheshe!

Po sikur, të mos hapnin kampet e interrnimit dhe të shfarosjes apo fermat famkëqija, dhe shfrytzimin e minjerave me të burgosun, mese ata do të joshnin bankat Islamike e Perëndimore?

Po pse, budallenjë janë turqit, që mbajnë “peng” qeverinë shqiptare tash 100 vjet me “veqilat” e tyne, tue ua krijue të gjitha kushtet e sigurisë, madje edhe tue i quejtë “pashallarë’, “hoxhallarë, shehjlerë apo haxhi – ibriklerë…” të tyne, dhe tue “garantue” per ta? …

Janë ba plot 21 vjet që Shqiptarët vazhdojnë me votue per “trashigimtarët” që jo vetem i vodhën dhe i plaçkitën, po edhe i masakruen dhe i vranë tue i dhunue si asnjë pushtues tjeter…

Të gjithë pa pikë turpi në se nuk kishin teserat e PPSh, ishin bashkpuntorë të atij sigurimi që ka ushtrue dhunen dhe Gjenocidin ma barbar të Shek. XX në Shqipninë Martire! Autorët e këtij Gjenocidi jo vetem nuk u dënuen gjatë qeverisjes 21 vjeçare, gjoja “demokratike”, po edhe u asht dhanë mundsia me zhdukë edhe “dosje” e dokumenta të krimeve të tyne mizore.

Tue fillue nga Presidentët, Kuvendi Popullor i Haxhiqamilistëve dhe qeveritarët anadollakë që edhe pse ndonjë thotë se jam “kaurr”, ashtu mund të jetë, “po katolik kurrë”! Me respektue të gjitha “titujt e dekoratat” që janë dhanë nga qendra vrastare e atij “Kuvendi barbarësh”, kjo nuk i lejohet as Muslimanëve, as Bektashijëve, as Ortodoksëve dhe as Katolikëve Shqiptarë të vertetë!

Ata që vazhdojnë rrugen e kriminelëve të vitit 1944, janë kriminelë pasues ma të poshter!

Të bash thirrje me votue per këta dhe të votosh si asht votue, asht tri herë tradhëti:

Kundrejt Gjakut Martirëve të Atdheut.
Kundrejt Vorrezave të zhdukuna nder kampe shfarosje e interrnimi.
Kundrejt Rinisë Shqiptare, që do të konsiderohet trashigimtare e një vendi pa Histori.

E ndoshta, krimi ndaj Rinisë Shqiptare asht ma i madhi, mbasi do të vertetojnë të gjitha ato shpifje e poshtersi per të cilat, nder shekuj na kanë veshë okupatorët e komshijtë dashakëqijë.

Të votosh per tradhëtarët e Atdheut që kanë shitë Trojet tona, kanë dhunue Flamurin e Atij Gjergj Kastriotit që shpetoi Europen nga barbarizmi anadollak, kanë nenshkrue marrveshje pushtimi dhe zaptimi nga jugosllavët, grekët, turqit apo rusët e kinezët, pa perjashtue tryezat e flliquna të Italisë, në vitin 1991 në Venecia…apo në ….asht Tradhëti Kombtare dhe asgja ma pak.

E ku, thoni ju, se duhet perdorë fjala “turp”?

Melbourne, 28 qershor 2013.

“OOOOO…UJKU NDER DHÊN… BRÈ BURRA !..“

June 25, 2013 by dgreca

Nga Fritz RADOVANI/Melburne, Australi/

Ka mjaft Shqiptarë që kur e ndigjojnë zanin e malokut tue vrritë… dhe tue kujtue kallximin e vjeter nuk ua venë veshin as atyne që thrrasin mes të Tiranës, edhe pse me të vertetë «u ka hy ujku nder dhên» që në dhjetorin e vitit 1945…

Kjo ngjet jo pse nuk besojnë se «ujku po prêt delet» po Shqiptarëve u asht krijue një indiferencë aq e madhe sa edhe me u thanë se asht ngjallë ujku i vjeter e po prêt prap «shokët e vet» si dikur, haje dreq se shkon kush me shpetue një nder tà…

U bane plot 21 vjet që nga kopetë e ujqëve njerzit mundohen me zgjedhë njenin që duket paksa ma ndryshej…e shpesh, mundohen me rrejtë veten dhe tjerët se «ky duket ma i miri», por kur vjen fundi ujku ujk se ujk… Fatkeqsisht shkelqimi i qimes nuk ngjet nga ndrrimi i vesit por nga pasunimi i xhepit… Porsa zen vend… të shkyen në fyt !

Pak gjak u ka mbetë Shqiptarëve me kujtue se janë prap Shqiptarë!

Çka nuk i ra me provue të shkretit Popull! As vorfnia as skami i skajshem nuk mund të njësohen me rrenen dhe nepërkamjen e Tij nga kopetë e ujqëve, dhelpnave dhe kobrave, që sa njeni e sa tjetri, veç mendojnë me mbushë xhepat e vet dhe turmat e vorfnueme veç tue pritë “a thue po del një politikan që po mendon per né!?”…

A thue kështu si Shqipnia asht San Marino, Luksemburgu apo Zvicrra?!

Persa i perket bankave e xhepave…ua kalojmë edhe atyne. Por, per tjerat..?!

– Nuk besoj! Ndoshta, edhe atyne fqinjtë ua kanë marrë ndonjë pllambë tokë, por nuk besoj se ajo copë tokë asht ma e madhe se ajo që perfaqson Shtetin e tyne…ashtu si ka ngja me né Shqiptarët… E mbasi na kanë marrë mezet e vendit, kanë gjetë edhe nga një “malok” me vrritë: “Oooo ujku ndër dhên bre burra!”…E Shqiptarët e shkretë, jo me ju afrue vâthës me pa ku asht ujku e me ba çmos me e mbytë…por secili tue mendue se si mund të shpetohet nga ujku e me ikë sa ma larg atij vendi të nêmun e të mallkuem… E pra, kështu komshija i keq gjeti edhe modelin e vet të veshun me petkun e tradhëtarit dhe e bani edhe “zot shtëpije”! Që në vitin 1925 Shqipnia sundohet nga sherbëtorët e t’huejt!

Vriten, priten, theren…shahen e shilohen njeni me tjetrin…vrasin kedo që u rrin mendja se mund t’ iu zanë vendin, por kurrë até që i mban zagar mbas vetes…një ditë pa pritmas mbështesin kryet në jastek dhe ngordhin… U prijnë dekoratat deri tek varri …

O Zot, po ku del tjetri diten e neserme edhe ma i poshter se ai që ngordhi dje?!

Rrin në krye të shtetit tue leh e ulëritë e sa vjen koha e “zgjedhjeve…” kerkon se cili nga armiqtë e Shtetit Shqiptar e paguen ma mirë tradhëtinë e tij…veç, kur e ndigjon tue vrritë “oooo ujku ndër dhên bre vëllezër!” e pa mbarue virrmen, veç kur ia behin pa pritë e pa u kujtue “vëllezërit e gjakut” nga Turqia, Arabia e Kaukazi…me qese në dorë: “Fol brè vëlla, sa do… veç me mbajtë nder Troje tueja sundimin me ujkun tonë!”…

U duhet me “ndrrue” parti…U duhet me “modifikue” programe… U duhet me vue “elemente të rijë”… U duhet me dijtë “gjuhë të hueja”… u duhet me njoh “monedhat”…

U duhet me kenë “agjentë”… U duhet me dijtë sesi me pritë e me qitë vëllezërit e gjakut… U duhet me kenë “besnikë të parimeve” kur “Populli do të vazhdojë të hanë bar”…

A e shihni pra, sa shumë “gjëra u duhej me dijtë” Fatosit, Saliut, Bujarit, Edit… “Nxënësve të shokut Ramiz”?! Si kujtoni, “është e thjeshtë tradhëtija?”…

E Populli Shqiptar pret kur po thrret: “Oooo ujku ndër shokët e vet…brè burra!”

Melbourne, 2013.