PODGORICE : Në Mal të Zi, më 17 dhe 18 korrik, u përurua projekti ” Histori suksesi shqiptaro-amerikane”, një projekt ky që ka nisur nji vjet më parë në Nju Jork, dhe, që i kushtohet veprimtarëve të komunitetit shqiptar në SHBA, tha ne programin televizivë Ditari – korrespondenti i Zërit të Amerikës Ali Salaj nga Ulqini, ku ai kishte përgatitur dhe kronikën që e transmetojë, ky radio -televizion.
Simbas, tij, në këtë prezantim personalitete të njohura nga komuniteti shqiptar, të cilët krijuan emër në fusha të ndryshme në Amerikë, theksuan rëndësinë e nxitjes dhe bashkëpunimit me bashkëvendasit e tyre në Mal të Zi. Me këtë rast, tha Salaj u shfaq edhe filmi dokumentar “Histori suksesi shqiptaro-amerikane”, realizuar në Nju Jork nga “Albanian Media Group, Fadil Berisha Studio, së bashku me American Councils for International Education’s Kosovo American Education Fund -“ Kurse, në faqen e rrjetiti social facebook Albanian American Success Stories , thuhet se rrjeti “Histori Suksesi Shqiptaro-Amerikanë” është pritur edhe nga Ambasada Amerikane në Podgoricë si dhe ka mbajtur javën e kaluar dy forume të hapura me panelist nga rrjeti “Histori suksesi shqiptaro-amerikane”, në SHBA.
Njoftohet se këto forume kan qenë të hapura për studentët e shkollave të përgjithshme publike, profesionistëve të rinj, sipërmarrësve dhe shumë të interesuarve të tjer. Me këtë rast thuhet në njoftim të rrjetit “Histori Suksesi Shqiptaro-Amerikanë” se këto forume janë mbajtur në partneritet me Ambasadën e SHBA në Podgoricë, dhe aty jan prezantuar një sërë arritjesh dhe është folur për disa nga ngjarjet e rëndësishme.
Bisedat e hapura me komunitetet u mbajtën në Podgoricë, Tuz dhe Ulqin më 17 dhe 18 korrik, 2015, në udhëtimin dy ditor intensiv dhe frymëzues, thuhet në njoftim.
Rrjeti “Histori Suksesi Shqiptaro-Amerikanë” dhe përfaqësues të Ambasadës Amerikane në Podgoricë, përfshirë edhe zvendes Ambasadorin e SHBA në Mal të Zi, B. Bix Aliu, i cili është edhe pjesë e librit të 150 shqiptarëve më të suksesshëm në Amerikë, zyrtarët e lart komunal, anëtarë të komunitetit, veprimtar dhe aktivist të tjerë, janë takuar në Hotel Otrant, në takimin ku mori pjesë edhe Kryetari i Komunës së Ulqinit Fatmir Gjeka dhe zyrtarë e Organizatës Turistike të Ulqinit.
Zonja Vera Mjeku, drejtore ekzekutive dhe themeluese e Albanian American Success Stories, në profilin e saj në facebook ka postuar fotografitë e këtij udhëtimi në Mal të Zi, duke shoqëruar ato me shkrimin :”Ky ka qenë një udhëtim i mahnitshm, me disa anëtarë të Rrjetit “Histori Suksesi Shqiptaro-Amerikanë” në Mal të Zi. Falenderim të veçantë, thotë zonja Mjeku, në profilin e saj, për ambasadoren e SHBA-së në Malin e Zi Margaret Uyehara, Zëvendës-ambasdorin B. Bix Aliu, zotin Bernard Cobaj dhe veçanërisht grupin vetëmohues, të këtij rrjeti AASS, i cili udhëtoi këto ditë në Mal të Zi, për të ndarë historitë e tyre, të suksesit me shqiptarët në Podgoricë, Ulqin dhe Tuz”/ Beqir SINA/.
Shqiptaro-amerikanët shpalosën histori suksesi përballë Statujës së Lirisë
Nga Dalip Greca/
Të dielën në mbrëmje, me 3 Maj 2014, në një nga pjesët me peisazh romantik të Manhattanit në Nju Jork,u organizua mbrëmja Gala “Histori suksesi shqiptaro-amerikan”,i iniciuar dhe realizuar nga Grupi Shqiptar i Medias, Studioja Fadil Berisha dhe Fondi amerikan i Arsimit për Kosovën. Organizatorët ishin përpjekur që të evidentonin shqiptaro-amerikanët më të spikatur, të cilët kanë shënuar në Amerikë suksese në fusha të ndryshme si art, shkencë, politikë, biznes,arsim etj.
Zgjedhja e restorantit Battery Gardens, buzë ujit, përballë Statujës së Lirisë, ia shtoi emocionet këtij spektakli të suksesshëm, që kishte mbledhur qindra vetë. Madhështia e kësaj feste në historinë e Komunitetit Shqiptar në Amerikë, mund të krahasohet vetëm me festën dyditore të 100 vejetorit të Vatrës me 28 dhe 29 prill 2012 dhe 60 vjetorin e Gazetës Dielli me 28 dhe 29 Nëntor 1969,kur Vatra bashkoi shqiptarët e Amerikës dhe arbëreshët e Italisë si dhe nacionalistët shqiptarë të pas Luftës së Dytë Botërore, që jetonin në Itali dhe organizoi një spektakël madhështor që u shtri në dy qytete; në Boston dhe në Nju Jork, dhe pati plus edhe një paradë madhështore shqiptaro-amerikane e arbëreshe nga Rokfeler Center tek katedralja Sate Patrick..
Vera Mjeku, që është edhe drejtore ekzekutive e projektit gjatë të gjithë mbrëmjes dukej e emocionuar, por tepër e kënaqëur që më në fund ia kishte arritë që të realizonte së toku me bashkëpunëtorët një spektakël të suksesshëm.
Sfilata në Tapetin e Kuq dhe intervistat e medias shqiptare dhe amerikane ishin gjëra të vecanta të aplikuara për të parën herë në veprimtaritë e Komunitetit Shqiptaro-Amerikan.
Zonja Vera Mjeku që ishte aq e kërkuar nga gazetarët mbrëmjen e së Dielës përpiqet që të përcjellë me modesti atë c’ka ka arritë, por ajo premton se kjo Gala nuk do të jetë e fundit, përkundrazi,sapo ka filluar. Shqiptarë të sukesshëm ka shumë, dhe kjo nismë mund të kalojë edhe në Shqipëri e Kosovë. Natyrisht se një spektakël i tillë kërkon mund për ta realizuar.
Një ambasador fuqiplotë i Kombit Shqiptar në fushën e artit dhe Kulturës është Fotografi i njohur Fadil Berisha. Studioja e tij është bërë e famshme për botën e spektaklit, përfshi dhe aktorë të Hollivudit, apo spektaklet e bukurisë, jo vetëm në Nju Jork. Këmbëngulja e tij për të përfshirë bukurinë e trevave shqiptare në pasarelat e Botës,është një shërbim i vyer që i bëhet Kombit. Natyrisht edhe ai ka pjesën kryesore të suksesit në këtë spektakël.
Vetë spektakli i historive shqiptaro-amerikane të suksesit, ishte një shërbim me vlerë në ekranet e televizioneve Njujorkeze që ishin të pranishëm. Përzgjedhja për drejtues të spektaklit të dy yjeve shqiptaro-amerikanë, aktores Hollivudiane Eliza Dushku dhe Tony Dovolani, ishte një simbolikë e gjetur për të përcjellë suksesin përmes të suksesshmëve.
Ky spektakël pati edhe mbështetjen e Fondacionit Amerikan të Arsimit për Kosovën. Drejtori I Këshillit Drejtues I Fondacionit z. Dan Davidson, shprehu kënaqësinë që ishte pjesë e këtij projekti kaq madhështor.
Eliza Dushku dhe Tony Dovolani duke folur për Shqiptarët dhe Kombin tonë, për më të sukesshmit në Amerikë, na e rritën krenarinë e të qenit shqiptarë. Ata nuk harruan të përmendin dhe të tjerë të famshëm në Amerikë që pohojnë se kanë gjak shqiptar.Vetë Eliza Dushku, edhe këtë herë nuk harroi të tregonte para publikut Tatuazhin e Shqiponjës së Flamurit tonë Kombëtar.
Një nga të suksesshmit e kësaj Gale Giorgio Kalaj, ishte folësi kryesor dhe në nisje të fjalës së tij tha se ishte një gjë e mirë që shqiptarët kanë kaq shumë histori suksesi në Amerikë. Ai i falenderoi të gjithë pjesmarrësit që kishin ardhur në këtë mbrëmje dhe po ndanin bashkë me më të suksesshmit historitë e përbashkëta shqiptaro-amerikane.Ai tha se ne shqiptarët, si shumë të tjerë kemi ardhë këtu në tokën e ëndrrave për të realizuar ëndrrat tona. Vetë ky spektakël flet shumë për realizimin e ëndrrave. Më pas ai e emocionoi sallën tek tregoi historinë e dhimbshme të familjes së tij që në momente shumë të vështira pësoi një tragjedi në Itali, humbi jetën babai, dhe nëna, në moshë shumë të re, mori përsipër barrën e rëndë për të cuar në vend amanetin e babait, i solli fëmijët e vegjël jetimë në Amerikë dhe këtu ata realizuan Ëndrën Amerikane. Kush nuk ka dëgjuar për të famshmen “Famiglia PIZZA”, pronë e familjes Kolaj?
Prezantimi i të sukseshmëve shkurtazi përmes vidiove, ishte një tjetër realizim që ia vlente dhe që theu monotoninë.
Në këtë spektakël organizatorët ksihin ftuar edhe deputetin dhe Liderin e Vetëvendosjes Albin Kurti dhe Kryebashkiakun e Prishtinës Shpend Ahmeti.
Duhet pranuar fakti se është e para herë që komuniteti shqiptar evidenton më të sukseshmit e racës shqiptare në Amerikë, pavarësisht zgjedhjeve,që mund të jenë subjektive, ndoshta mund të ishte bërë më shumë kujdes që, si e para herë, të përzgjidheshin më të mirët e të mirëve, jo të futeshin edhe njerëz të zakonshëm, emrat e të cilëve përgojeheshin gjatë mbrëmjes.Nuk kishte pse që në këtë herë të parë të kishte dhe përzgjedhje nepotiste,si babë e bij, dy vëllezër,motër e vëlla etj. Natyrisht një komision përzgjedhës nuk mund të arrijë përsosmërinë,dhe sado mirë që ta bënte përzgjedhjen, nuk do t’i shpëtonte thashethemimit, por disa defekte në përzgjedhje ishin të shmangshme.(Një shkrim më të zgjeruar rreth spektaklit do të lexoni në Diellin e printuar)