Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Forca e Sigurisë së Kosovës i bashkohet Gardës Kombëtare Amerikane

by

FSK i bashkohet Gardës Kombëtare Amerikane në misionin e parë ndërkombëtar paqeruajtës të saj/

-Forca e Sigurisë së Kosovës në misionin e parë ndërkombëtar paqeruajtës të saj 

 i bashkohet Gardës Kombëtare Amerikane/ 

PRISHTINË, 2 Janar 2021-Gazeta DIELLI nga korrespondenti në Kosovë Behlul Jashari/ Qeveria e Republikës së Kosovës, me kërkesë të Ministrisë së Mbrojtjes,  ka aprovuar Vendimin për bashkë-dërgimin e kontingjentit të Forcës së Sigurisë së Kosovës në misionin e parë paqeruajtës jashtë vendit si pjesë e Gardës Kombëtare të Iowa-s, sipas ftesës së Shteteve të Bashkuara të Amerikës.  

Kontingjenti i Forcës së Sigurisë së Kosovës jashtë vendit do të jetë pjesë e misionit në ofrimin e mbështetjes për stabilitet rajonal dhe operacione paqeruajtëse në regjionin e Komandës Qendrore Amerikane – U.S. Central Command (USCENTCOM). 

Krahas përkushtimit të vazhdueshëm për të avancuar  aftësitë dhe kapacitetet operacionale, Forca e Sigurisë së Kosovës po arrin sukseset e saj të mëdha edhe në fushën e bashkëpunimit ndërkombëtar duke fuqizuar në vazhdimësi subjektivitetin ndërkombëtar të Kosovës. Besimi i Shteteve të Bashkuara të Amerikës që të përfshijë Forcën e Sigurisë së Kosovës në misione ndërkombëtare paqeruajtëse konfirmon edhe njëherë përkrahjen për Kosovën duke e konsideruar si një faktor të rëndësishëm në ruajtjen e paqes, sigurisë dhe stabilitetit në rajon e kudo në botë. Kosova mbetet e përkushtuar për bashkëpunimin me Shtetet e Bashkuara të Amerikës dhe  partnerët strategjik në orientimet e saj euro-atlantike, thekson njoftimi i dërguar nga Ministria e Mbrojtjes e Republikës së Kosovës. 

Kosovë-PDK-së i bashkohet Fraksioni Plus

by

PRISHTINË, 10 Maj 2016/ Një fraksion i dalë nga Lëvizja Vetëvendosje, subjekti më i madh opozitar kosovar, iu bashkua sot Partisë Demokratike të Kosovës, më të madhes kosovare, e cila, siç paralajmëroi kryetari i ri, Kadri Veseli, do të ketë edhe ardhje të reja.Në një konferencë shtypi përkrah tij, Ajnishahe Halimi deklaroi se, “Fraksioni Plus nga sot bashkohet me Partinë Demokratike të Kosovës, do jetë pjesë e saj”. Ajo ka qenë edhe udhëheqëse e Lëvizjes Vetëvendosje në komunën e Skënderajt, ku është këshilltare e Asamblesë Komunale.Në konferencën për shtyp ishin edhe anëtarë tjerë të Fraksionit Plus, Arben Gecaj dhe Fatos Aliu. “Jemi para një akti solemn për përqafimin e PDK-së nga grupi i Fraksion +. Ky është një bashkim i konceptit të përbashkët politik i së ardhmes, nuk është bashkim i njerëzve të pakënaqur, por i atyre që dëshirojnë ta fuqizojnë vendin”, ka thënë Veseli me këtë rast.

Gjithashtu ai u shpreh se PDK do të ketë edhe ardhje të tjera, nga intelektualë, mjekë e ekspertë të profileve tjera. “Duke pasur parasysh punën e PDK-së në shtetformim dhe shtetndërtim, ky është qëllimi që të bashkohemi dhe të gjejmë hapësirë për të kontribuar në ndërtimin dhe formimin e këtij shteti. Kjo bashkëngjitje nuk është artificiale, por do të ketë një proces gradual”, ka theksuar Halimi.

Fundjavën e kaluar, Partia Demokratike e Kosovës mbajti Konventën e VII-të të Jashtëzakonshme Zgjedhore, ku Veseli me unanimitet  dhe kandidat i vetëm është zgjedhur krytar.Zëdhënësi Blerand Stavileci dje në një konferencë shtypi paralajmaroi se se së shpejti do të organizohet edhe Konventa e Gruas Demokratike dhe Konventa e Rinisë Demokratike të PDK-së, si dhe do të zhvillohen takime me anëtarët e simpatizantët nëpër të gjitha degët në vend./b.j/