Keze Kozeta Zylo – Page 17 – Dielli

“Ana e Malit” nderoi mesueset ne Hilton Garden, Staten Island

March 6, 2018 by dgreca

“Ana e Malit” nderoi mesueset ne Hilton Garden, Staten Island, New York/

Nga Keze Kozeta Zylo/*

Ditën e dielë, më 4 Mars në Hilton Garden, Shoqata Shqiptaro Amerikane e mirënjohur “Ana e Malit” festoi ditën e mësuesit dhe të nënave. Në këtë datë të shënuar Bordi i shoqatës kishte menduar të nderonte një grup mësuesesh që me përkushtimin e tyre bëjnë një punë të jashtëzakonshme për edukimin dhe zhvillimin mendor të brezave të ardhshëm.

Nënat, mësueset dhe vajza të reja vinin grupe grupe dhe uleshin me biseda të ngrohta në vendet e tyre. Tavloinat ndrinin nga një buqetë e madhe me lule bore dhe trëndafila të bardhë. Mjedisi përreth ishte aromatizuar nga trëndafilat dhe petalet e bardha, ndërsa gratë zbukuronin edhe më shumë hotelin lluksoz në Hilton Garden. Petalet e bardha komunikonin qetësisht dhe me gjuhën poetike hynin direkt dhe në thelb të zemrës.

Gjithmonë më ka bërë përshtypje se si këto gra dhe vajza si Misse bukurie rregullojnë me një përkushtim të veçantë dhe shije elegante duke e bërë atmosferën tejet festive. Aq mikpritës bëhej mjedisi sa atë e shikoja në sytë e grave të moshuara që kishja në tavolinë, si nënë Hurmaja dhe mësuesja fisnike nga Pëmeti që kishin ardhur enkas duke lënë rehatinë e shtëpisë për të qenë bashkë me vajzat dhe shoqërinë këtu në diasporë.

Mbasditja bëhej e dielltë dhe nga xhamat e shndritshëm shiheshin drurët me degët që dukeshin sikur do shpërthenin në sythe nga dashuria e pamasë e nënave dhe motrave shqiptare në Diasporë.

Në hyrje të mirëprisnin Emmie Salaj dhe Melinda Gjeloshi dy organizatoret kryesore të këij aktiviteti shumë mbresëlënës ngase kishte në qendër të programit nderimin dhe respektin për mësueset në gjithë rruzullin. Mësuesit jane siç thotë historiani i shquar amerikan Henry Brooks Adams se ato ndikojnë ne përjetësi dhe askush nuk mund të tregojë se ku ndalet ndikimi i tyre. “Teachers affect eternity; no one can tell where their influence stops.”

Mbrëmjen e përshëndeti Këshilltar i Bashkisë së Nju Jorkut z.Mark Gjonaj “Nderi i Kombit” shoqëruar nga bashkëshortja e tij një zonjë e bukur Robeta Gjonaj.Atmosfera u ndez dhe më shume nga artistët e shquar Arebërie Hadërgjonaj dhe Agim Gërbeshi nën tingujt e DJ-it.

Të nderosh mësueset…

Mbrëmjen festive e ka përshendetur znj.Emmie Salaj presidente e shoqatës shqiptaro amerikane “Ana e Malit”. Znj.Salaj tha se ne jemi të nderuara të mbajmë pesë vjetorin e Ditës Ndërkombëtare të Grave dhe në këtë ditë duam të nderojmë mësueset e komunitetit që bëjnë një punë të jashtëzakonshme për edukimin e fëmijëve tanë. Këo zonja meritojnë t’ju njihet puna për përkushtimin e tyre, pozitivitetin dhe energjinë që sjellin tek brezat e ardhshëm.

Pas fjales se znj.Salaj fjalën e ka marrë znj.Melinda Gjeloshi anëtare ekzekutive e Bordit.

Ajo tha se: “Është mirë të jesh këtu me të gjithë ju dhe te festojme Ditën Ndërkombëtare të Gruas!

Sot Shoqata Shqiptare Amerikane “Ana e Malit”, po njeh dhe nderon të gjithë mësuesit tanë.

Mësuesit kanë një nga punët më sfiduese dhe më të suksesshme, që ndryshojnë jetën e fëmijëve tanë. Një mësues sheh potencial në çdo nxënës që ecën nëpër derën e tyre, edhe kur ai fëmijë nuk mund të njohë akoma talentin e tij. Çdo ditë në klasat tuaja iu drejtua mesueseve se ju punoni për të siguruar që të gjithë studentët tuaj të bëjnë përparim drejt rritjes së tyre dhe t’i zotërojne qëllimet e tyre. Ju jeni frymëzues për nxënësit gjatë gjithë jetës, duke bërë të mundur që të keni mundësi të pakufishme për jetën dhe karrierën e tyre.

Ne ju falënderojmë për ndarjen me nxënësit, pasionin tuaj. Faleminderit për fuqizimin e rinisë sonë dhe për t’i ndihmuar ata të zhvillojnë dhe vlerësojnë një shoqëri të ndryshme dhe një dëshirë për të krijuar një botë më të drejtë dhe të barabartë. Faleminderit që e bëtë këtë punë jetësore pa pritje për falënderim; por e di se ju e meritoni mirënjohjen tonë.

Ne e kuptojmë se zëri juaj është një pjesë thelbësore e bisedave që ndikojnë në klasën tuaj dhe në profesionin tuaj. Ne e kuptojmë se puna juaj është një sfidë, por e di se është një punë vitale e rëndësishme për fëmijët tanë.

Studentët janë të prekur thellë nga ndikimi juaj, personaliteti dhe dashuria juaj.

Me këtë rast, Shoqata Shqiptare Amerikane “Ana E Malit” po pranon punën dhe përkushtimin tuaj dhe ju falënderojmë për këtë angazhim të përjetshëm”.

Në këtë kohë, unë do të sjellë prane jush disa edukatorë per t’i nderuar me çmim mirënjohje dhe ato janë:Aida Mehmeti/ Allmira Peri/ Arbenita Lubani/ Fatbardha Avdiu/ Haxhire Redzovic/ Jacqueline Kapaj-Vieira/ Kozeta Zylo/ Liridona Llolla/ Lumnije Gjekaj/ Mihana Avdiu/ Mika Capa/ Miranda Perezic/ Nafie Frangu Skara/ Suzana Braca/ Violeta Llolla dhe Zyli Dabi.

Të gjitha mësueseve iu dha nga një pllakatë në duar me mbishkrimin: “Mësueset frymëzojnë dhe realizojnë ëndrrat, ndërtojnë jetën dhe japin shpresë për të ardhmen”…

Dalja e tyre në skenë u mirëprit me duartrokitje ë stuhishme nga masa e gjerë e grave të pranishme në këtë festë.

Ëndrra e Sabinës të bëhej mësuese

Mësuesja që u veçua për të sjellë historinë e saj shumë frymëzuese ishte e Sabina Astafës. Zonjushen simpatike e prezantoi znj.Haxhire Redzovic një grua simpatike plot vitalitet që çliron vetëm energji pozitive. Ajo tha: “Falenderoj miken time Emmie Salaj dhe Shoqatën Ana Malit për të më dhënë mundësinë për të ndarë këtë histori tjetër”.

Nxenësja jonë e ardhshme, Sabina Astafa, ëndërronte të ishte mësuese gjatë gjithë jetës së saj. Kur ajo ishte e vogël, babai i saj i bleu një projektor “t’i besojë klasën” e saj dhe nëna e saj e furnizoi me shumë libra. Ajo u rrit nga një familje e dashur që e inkurajoi që të vazhdonte ëndrrat e saj.

Për fat të keq, kur Sabina ishte vetëm 15 vjeçe, ajo humbi sistemin më të madh të mbështetjes që një fëmijë mund të kishte … prindërit e saj!

Siç mund ta dini, kur ballafaqoheni me tragjedi të vërtetë në jetë, ju mund të reagoni në njërën nga dy mënyrat: ju mund të humbni shpresën dhe të zhvilloni sjellje vetë shkatërruese ose mund të sfidoni veten për të gjetur forcën tuaj të brendshme.

Ndonëse nuk ishte e lehtë, falë dashurisë dhe mbështetjes nga familja dhe miqtë (shumë prej të cilëve ndodhen sot në këtë dhomë dhe ju e dini se kush jeni), Sabina ishte në gjendje të gjejë forcën dhe punën e saj drejt përmbushjes së pasionit të saj duke u bërë mësuese! Ajo e kuptoi se ndërsa përjetimi i humbjes në jetë do të ndryshojë, nuk duhet të përcaktojë ty.

Sabina gjithmonë besonte se mënyra më e mirë për të nderuar kujtimin e prindërve të saj do të ishte kthimi në komunitet për të qenë më fatlumë. Në vitin 2016, për të përkujtuar dhjetëvjetorin e humbjes së prindërve të saj, së bashku me vëllezërit e motrat, Sevdiana, Mërgim dhe Gianna organizuan një fushatë për mbledhjen e fondeve për të ndihmuar në mbledhjen e fondeve për Fondacionin Orphans Worldwide. Ata mblodhën mbi 16,000 dollarë! Sabina, vëllezërit dhe motrat e saj janë një testament i vërtetë se me hirin e Perëndisë dhe një mbështetje të vogël, ne kemi fuqinë për të kapërcyer çdo pengesë në jetë!

Edhe një herë, faleminderit të gjithë anëtarëve të Shoqatës Ana Malit për njohjen e mbesës sime Sabina dhe që më lejuat të tregoj historinë e saj frymëzuese!

Historia e mësuese Sabinës që frymëzon…

Para së gjithash, dëshiroj të falënderoj anëtarët e bordit të Shoqatës “Ana E Malit” për të gjetur mua të denjë për këtë njohje. Unë jam aq e nderuar dhe krenare që po e marr këtë çmim në emër të karrierës time mësimore deri më tani, kështuqë faleminderit.

Sipas mendimit tim, një mësues është dikush, qëllimi kryesor i të cilit është që të synojë formimin e nxënësve të rinj të zgjuar, të jenë të respektueshëm dhe të sigurtë, të cilët mund të kontribuojnë në shoqëri në një mënyrë pozitive.

Mësuesit nuk pushojnë së mësuari. Do të doja të ndaja tri mësimet që kam mësuar gjatë gjithë përvojës sime.

Mësimi 1: Mësimi im i parë rrjedh nga Nicholas Ferroni, një mësues i Historisë në Shkollën e Lartë të Bashkimit, i cili dikur tha: “Nxënësit, të cilët janë të dashur në shtëpi, vijnë në shkollë për të mësuar. Studentët që nuk janë, vijnë në shkollë për t’u dashur. Për aq shumë studentë, shkolla nuk është vetëm shkollë, por është shenjtërimi i tyre. Çdo student ka një histori për të treguar dhe vështirësi për të kapërcyer. Unë e di se shumica e nxënësve të mi duhet të nxitojnë në shtëpi për t’u kujdesur për shtëpinë dhe vëllezërit e motrat e tyre pas shkollës, ndërsa prindërit e tyre janë në krye të punës së tyre të dytë. Si mësues, të qenit i përulur është thelbësor në ndërtimin e një marrëdhënieje të shëndetshme me nxënësit tuaj. Sapo të keni vendosur këtë, nuk ka kufi se çfarë mund të mësojnë.

Mësimi 2: Mbajtja e një sistemi të fuqishëm mbështetës është absolutisht kritik për arritjen e qëllimeve tuaja. Sistemi im i mbështetjes filloi me prindërit e mi, të cilët ishin avokatët e mi më të mëdhenj. Babai im bëri gjithçka në fuqinë e tij për të më mbushur me gëzim në një moshë të re. Nëna ime tregoi mbështetjen e saj duke theksuar vazhdimisht rëndësinë e të qenit një grua e pavarur dhe e vështirë. Unë nuk e kisha besuar, por unë plotësisht e kuptoj se çfarë ajo nënkuptonte tani. Çdo gjë që vlen të ndjekësh kërkon punë të madhe, përkushtim dhe mbështetje. Rrethoni veten me njerëz që ju frymëzojnë dhe do t’ju ndihmojnë të ecni përpara në jetë. Unë përpiqem të jem ky frymëzim për studentët e mi. Duke thënë këtë, unë jam përgjithmonë mirënjohës për familjen dhe miqtë e mi, të cilët gjithmonë kanë qenë atje për mua.

Mësimi 3: Pa marrë parasysh se çfarë ndodh në jetë, gjithmonë mos harroni se jeta vazhdon. Nuk ka ndalesa; nuk ka shkurtore. Sa më shpejt që të mësoni ta pranoni këtë, do të ndiheni më të vendosur për të ndjekur ëndrrat tuaja, sepse ju refuzoni të përcaktoheni nga rrethanat tuaja. Në fund të fundit, nuk është ajo që na ndodh në jetë që na definon, ne zgjedhim t’i përgjigjemi asaj. Ky është një mësim që përpiqem të fut në të gjithë nxënësit e mi. Nëse jeni mësues apo jo, shpresoj që disa prej këtyre mësimeve të rezonojnë me ju. Unë do të doja të përgëzoj marrësit e mirënjohjeve si dhe edukatorët e tjerë këtu që vazhdojnë me vendosmëri për të ardhmen e nxënësve tanë ne një plan mësimi në të njëjtën kohë.

Mësuese Sabina

Sabina Astafa është një mësuese e shkollës së mesme në North Plainfield, New Jersey. Sabina fitoi diplomën Bachelor në Universitetin Rutgers në vitin 2013, ku ajo bashkëthemeloi klubin e lidhjes shqiptare. Pas përfundimit të orëve të saj të hershme, Sabina kaloi studimet universitare përfundimtare, semestër që studioi jashtë vendit në Universitetin e Londrës – një përvojë që ajo e përshkruan si të dyja shpirtërisht dhe intelektualisht të dobishme.

Sabina fitoi masterin e saj në mësimdhënien e gjuhës angleze për studentët e mesëm në Universitetin Monmouth, duke përfunduar Summa Cum Laude në vitin 2015. Ajo filloi punën e saj të ëndrrës ne qendrën e mësuesve të shkollës tre muaj më vonë. Klasa shpejt u bë sheshi ideal për Sabinën e cila tregoi pasionin e saj për të frymëzuar të tjerët.

Në 2016, Sabina filloi një fushatë për mbledhjen e fondeve në përkujtim te prindërve të saj që ikën larg në tetor 2006. Qëllimi ishte t’i jepja përsëri fëmijëve në nevojë më shumë fat dhe, nga ana tjetër, ta nderonin prindërit.

Një nga qëllimet e Sabines në jetë është të pohosh nocionin që fillon nga tejkalimi i vështirësive

brenda: Pranimi i sfidave me gjithë zemër, të mësuarit prej tyre, dhe përfundimisht ndarjen e këtyre përvojave me botën.

4 mars, 2018

Staten Island, New York

Fotografite i shihni ne Facebook(dielli vatra)

KONSULLATA E KOSOVES STARTON VEPRIMTARITE E 10 VJETORIT

February 12, 2018 by dgreca

Nga Keze Kozeta Zylo/

Konsullja e Përgjithshme e Kosovës Ambasadorja Sahatqija hap siparin e 10 Vjetorit të Pavarësisë së Kosovës me nxënësit e Shkollës Shqipe “Alba Life”, NY./

Nga bangat e shkollës shqipe Alba Life, nga Staten Island të New Yorkut, nga Amerika mike, do ta themi së bashku: Kosovë e dashur, urime ditëlidjen e 10-të! Ambasadore Teuta Sahatqija/

Unë biri yt, Kosovë, t’i njoh dëshirat e heshtura/ t’i njoh ëndrrat, erërat e fjetura me shekuj…Ali Podrimja/

Kosova jonë martire vuri kurorën e Perëndeshës së Pavaresise në kokë 10 vjet më parë, 10 vjet ndonëse në ngrica shkurti, por me zjarrin përvëlues në gji, etjen e madhe për Liri, etjen me buzë të zhuritura, çarë si shegë për 100 vjet. Fuqitë e mëdha me pabesi dhe padrejtësisht ia prenë gjysmën e trupit, Kosovën, Nënës Shqipëri dhe ia dhuruan kuçedrës serbe…

Ç’mundime, ç’luftra, ç’sakrifica u bënë per ta rimarrë Kosovën! Bijtë e saj me Ibrahim Rugovën Adem Jasharin, UÇK-n dhe Amerikën në krye ia dolën mbanë, ia dolën si BURRAT!

Dhe ja sot vjen një ditë në Diasporë dhe arrihet të festohet 10 Vjetori i Pavarësisë së Kosovës madhërisht midis nxënësve të Shkollës Shqipe “Alba Life”. Ata janë e ardhmja e diasporës, janë e ardhmja e Kombit. Konsullja e Përgjithshme e Kosovës, ambasadorja Teuta Sahatqija shoqëruar nga Konsulli Fatmir Zajmi dhe sekretarja e pare znj.Albana Bylykbashi hapi siparin e 10 Vjetorit të Pavarësisë së Kosovës me nxënësit e Shkolles Shqipe “Alba Life”. Ambasadorja Sahatqija dhe stafi i Konsullatës u mirëpritën me duartrokitje të stuhishme nga të gjithë të pranishmit dhe nxënësit që ishin ngjitur në skenë për të shfaqur koncertin madhështor.

Fjala e saj me plot elekuencë dhe profesionalizëm ishte tejet impresionuese dhe mbresëlënëse, sepse dilnin nga zemra dhe shpirti i një gruaje kosovare që kishte ndjerë nga afër mungesën e Lirisë, diskriminimin dhe dhunën serbe…Ambasadorja Sahatqija në fjalën e saj midis të tjerash tha se: “Nisja e këtij karvani të ngjarjeve nga shkolla dhe nxënës që mësojnë shqip nuk ishte zgjedhje e rastësishme. Pikërisht Shkolla Shqipe ishte në shenjestër të regjimit të Millosheviqit i cili deshi ta shuante gjuhën shqipe, ti mbyllë shkollat, ta zhbëje historinë e shqiptarëve në tokën e Kosovës”…

Programi i Shkollës Shqipe “Alba Life” për 10 Vjetorin e Pavarësisë së Kosovës

Drejtuesit e programit nxënësit e talentuar Arsi Muda, Dea Kërliu dhe Boris Pero përshëndetën njëzëri:Mirë se keni ardhur për të festuar së bashku 10 Vjetorin e Pavarësisë së Kosovës!Qemal Zylo themelues dhe drejtor i Shkollës Shqipe “Alba Life” pasi iu ka uruar tëgjithëpjesëmarrësve, mësuesëve, nxënësve dhe prindërve: Gëzuar 10 Vjetorin e Pavarësisë së Kosovës, i ka ftuar që të çohen në këmbë për të mbajtur një minutë heshtje në nderim dhe përkujtim të të rënëve për Lirinë e Kosovës. Z.Zylo ka përshëndetur përzemërsisht ardhjen e ambasadores dhe stafin e Konsullates se Kosovës që përzgjodhën Shkollën Shqipe “Alba Life” për të hapur siparin e programeve për të festuar me nderime Pavarësinë e Kosovës. Përzgjedhja juaj është një frymëzim për të gjithë ne dhe na shton me përgjegjësi dhe më të mëdha që këtë mision nga më fisnikët mos ta ndalojmë kurrë së bashku vazhdoi ai midis të tjerash.

Arsi Muda ftoi të gjithë pjesëmarrësit për të kënduar së bashku këngën “Ty Flamur të duam shumë”, sepse në këtë ditë të shenjtë ne nderojmë të gjithë ata Heronj dhe dëshmorë që dhanë jetën për Flamurin, le të nderojmë Plakun Ismail Qemalin që ngrit Flamurin në Vlore së bashku me Isa Boletinin, le të nderojmë Ibrahim Rugovën me Heroin Adem Jasharin bashkë me trimat e UÇK-s që dhane jetën për Kosovën dhe që sot ajo ka fituar Pavarësinë.

Arsi Muda prezantoi vehten si nxënës i Shkollës Shqipe “Alba Life” nëStaten Island, shkollë që është hapur 10 vjet më parë. Unë do të prezantoj programin vazhdoi ai që kanë përgatitur nxënësit e Shkollës Shqipe nën kujdesin e mësueseve të dashura Entela Muda, Vlera Thaqi, Adelina Laçaj, Ardita Vadahi, Klaus Sharra, Kozeta Zylo, Rea Ulaj, nën drejtimin e sopranos së shquar Dëshira Ahmeti Kërliu. Kurse Dea Kërliu tha se jam nxënëse në Staten Island, një vatër e ngrohtë e Shkollës Shqipe “Alba Life”Boris Pero tha se jam nxënës i shkollës Shqipe “Alba Life” dhe kam vetem 10 muaj që jam larguar nga Atdheu, por jam shumë i gëzuar që këtu në New York gjeta një Shqipëri të vogël! Arsi ftoi nxënësit e Shkollës Shqipe në Queens, shkollë që ka vetëm një vit që është hapur. Nxënësit ishin përgatitur nën kujdesin e mësueseve Ardita Vadahi dhe Klaus Sharra.

Nxënësit e Ardita Vadahit ishin: Nevil Vadahi: “Flamuri”

Nxënësit e mësues Klaus Sharra: Alba Vadahi: Flamuri

Era Vadahi: 28 Nëntor, i dhe ngjyrë Atdheut nga Alma Papamihali

Francesko Hila: Kënga e turpshme “Azem Shkreli”

Ryan Pjetërgjoka: “Kosova”.

Boris ftoi në skenë nxënësit e shkollës Shqipe “Alba Life” në Brooklyn që është një qendër arsimi dhe kulture në gjuhën Shqipe…

Nxënësit e mesuese Adelina Laçaj. Flamuri Blenda Shehu/ Kelvin Rustani- Këndo Kosovë këndo Prishtinë/ Alma Papamihali Enea Rustani: Në shpalljen e ditës së Pavarësisë/ Agim Doçi

Motra kosovare: autore: Kozeta Zylo, reciton Erla Lamçe

Enio Tahiri: Dy gjëra më të rëndësishme!

Nxënësit e Kozeta Zylos: Rilind Shehu Unë Jam Rilindi/ Kosova: Jori Lamçe

Enzo Rrustani: Shqipëria

Me nxënësit e mësuese Entela Mudës:

Liljana Imerovski dhe Reona Kovaci: Mëmëdheu nga Cajupi. Elira Xhemaili nga Naim Frashëri

Dea Watkins Atdheu Asdreni, Emma Watkins: Gjuha jonë. Arlinda Tahiraj, Laura Tahiraj dhe Alton Selmani: Korça nga Naim Frashëri.

Drilind Bardhecaj: “Ku kam lerë” nga Çajupi

Rilind Bardhi “Korça” nga Naim Frashëri. Loriana Thaqi Kuq e zi dhe Ilirjan Thaqi: Gjuha jonë

Dea Kërliu solli nxënësit e mësuese Vlera Thaqit.

Lisa Pilku: Skënderbeu…Ilirjan Thaqi: Gjuha jonë. Chloe Bacelli, Gerard Pero dhe Elina- Pavarësia e Kosovës. Rian Doçi- Unë jam Ismail Qemali. Diellon Bardhi dhe Arbëror Okshe- Skënderbeu

Borisi solli nxënësit e mësuese Kozeta Zylos

Arsi Muda: Kosova: Agim Shehu/ Dea Kerliu: Hil Mosi/ Boris Pero: Zgjohu Kosovë: Ali Podrimja/

Sanela Lubani: Unë jam nga Kraja/ Amela Lubani: Rroftë Kosova!

Kori këndoi: Kënga për Mëmëdheun ndërsa kënga e Alfabetit: Udha e shkronjave u këndua nga nxënësja e e talentuar Dea Kërliu shoqëruar nga kori.

Teksti është shkruar nga Parashqevi Qiriazi dhe për herë të parë u këndua në mitingun e shkronjave në Korçë, më 14 shkurt 1910, pra është këngë prej 107 vjetësh dhe do të rrojë sa të ketë frymë shqiptari mbi dhe.

Programi u mbyll me këngën: “Gjuha Shqipe” që është dhe hymni i Shkollës Shqipe “Alba Life”, kompozuar nga Petrika Melo dhe me tekst nga shkrimtarja Kozeta Zylo.

Arsi Muda ftoi të gjithë bashkatdhetarët, prindërit dhe ju tha se ju dëgjuat një program të bukur artistik të realizuar plot dashuri nga nxënësit e Shkollës Shqipe “Alba Life”. Të gjithë ju bashkatdhetarë ju ftojmë të sillni fëmijët pranë Shkollës Shqipe “Alba Life” dhe të jeni të sigurtë se mot ata do të jenë së bashku me ne në skenë për të nderuar FLAMURIN KOMBËTAR dhe Kombin!Të gjithë nxënësit përshëndetën në skenë me urimin: Gëzuar Festën e Pavarësisë: Kosovë. Urim që gjëmoi si oshëtimë dhe u duk sikur u përcoll gjer në Kosovë dhe u bashkua me shkollat shqipe në Mëmëdhe në bashkim të ciline kërkon koha, e kërkon Kombi…

***

Fjala përshëndetëse nga Ambasadorja Tetua Sahatqija Konsulle e Përgjitshme e shtetit të Kosovës në New York./

Zonja dhe zotërinj,

Të nderuar prindër,

Të dashur nxënës të shkollës shqipe “Alba Life”,

Zonja dhe Zotëri Zylo, në emrin tim dhe të diplomatëve të Misionit të Republikës së Kosovës, ju falemnderit për bashkëorganizim të këtij eventi.

Dua të falënderoj edhe z.Niman Blakaj me familje, Z. Rexhe dhe Shpresa Xhakli, Z. Azer Sinanaj që mundësuan këtë ngjarje me femijët.

Sot nga kjo shkolle do ta nisim Javën e Pavarësisë së Republikës së Kosovës në New York. Do të jetë kjo një javë e ngjeshur, plot me ngjarje të ndryshme kulturore, sportive e diplomatike me të cilat duam të nderojmë këtë përvjetor të rëndësishëm për qytetarët e Kosovës dhe për të gjithë shqiptarët që jetojnë kudo nëpër botë.

Nisja e këtij karvani të ngjarjeve nga shkolla dhe nxënës që mësojnë shqip nuk ishte zgjedhje e rastësishme. Pikërisht Shkolla Shqipe ishte në shënjestër të regjimit të Millosheviqit i cili deshi ta shuajë Gjuhën Shqipe, ti mbyllë shkollat, ta zhbënte historinë e shqiptarëve në tokën e Kosovës. Ai deshi që shqiptarët t’i kthejë në njerëz të pashkollë, pa respekt e pa miq.

Para 19 vitesh, pas rezistencës paqësore të Ibrahim Rugovës, luftës së Adem Jasharit me shokët, mbështetjen e diasporës dhe miqve, erdhi liria e shumëpritur. Ajo u fitua me luftë, gjak e mund, me lot, vuajtje e sacrifica, me shumë punë e dashuri për vendin dhe popullin.

Më 17 shkurt 2008, në një ditë acari, Parlamenti i Kosovës e votoi Deklaratën e Pavarësisë dhe Kosova u shpall Republikë, shtet i pavarur.Sot femijët dhe të rinjtë e Kosovës, po arrijnë suksese në nivel botëror në matematikë dhe informatikë, po i pushtojnë majet e Mount Everest e Kilimangjaros. Majlinda na solli madaljen e parë të artë nga Olimpiada. Ekipi i skiatorëve tanë dje defiloi në Olimpiadën dimërore ne Korenë e Jugut. Rita Ora, Dua Lipa, Era Istrefi janë këngëtaret më të kërkuara në skenat botërore. Një asteroid i zbuluar në kozmos quhet Pranvera Hyseni, sipas emrit të astronomes tone të re e cila gjendet në listen botërore të inovatorëve të rinj nën 24 vjeç.

Të dashur fëmijë, ju po rriteni në Amerikë, në një vend të lirë të njerëzve trima. Në një vend që është mike e madhe e Kosovës dhe e shqiptarëve. Ju fëmijët e sotëm, nesër do të beheni inxhinierë, mjekë, sportistë. Do të udhëhiqni biznese, dikush do të bëhet Kongresist apo Senator.

Kur ne nuk do te jemi më, nga përkushtimi juaj do të varet ndihma për fëmijët e tjerë në kohra të vështira.

Kur të rriteni do të kujtoni ditën kur e festuat 10 vjetorin e Pavarësisë së Kosovës në New York dhe ju do të jeni ata që do të festoni edhe shumë përvjetore të rëndësishme për shqiptarët.

Ju dëshiroj që ta duani shkollën dhe të punoni për të qenë të suksesshëm për vehten, familjen dhe për komunitetin tuaj. Dëshiroj që të përkrahni njeri tjetrin dhe ti gëzoheni suksesit të shokut e të shoqes. Ta duani dhe ta kultivoni Gjuhën Shqipe, kulturën dhe historinë, të vizitoni trojet nga kanë ardhur familjet tuaja. Dëshiroj që me krenari te flisni Gjuhën Shqipe dhe të punoni për Atdheun me shumë dashuri.

Sot nga bangat e shkollës shqipe Alba Life, nga Staten Island të New Yorkut, nga Amerika mike, do ta themi së bashku:

Kosovë e dashur, urime ditëlidjen e 10-të!

Pas koncertit madhështor shfaqur nga nxënësit përgatitur mjeshtërisht nga mësueset dhe drejtuesja e programit artistik sopranoja e shquar Dëshira Ahmeti Kerliu, Ambasadorja Sahatqija ka ndarë tortën e 10 Vjetorit të Pavarësisë së Kosovës dhe i ka dhënë mirënjohje Shkollës Shqipe “Alba Life” në emër të Konsullatës së Përgjithshme të Kosovës në New York me këtë motivacion: I ndan mirënjohje “Alba Life” për kontributin e dhënë në organizimin e përvjetorit të 10-të të Pavarësisë së Kosovës.Mirënjohja e dhënë nga Ambasadorja Sahatqija u mirëprit me duartrokitje të stuhishme. Ishte një e shtunë e bukur, një e shtunë ku u prit madhërisht 10 Vjetori i Pavarësisë së Kosovës nga nxënësit e Shkollës Shqipe “Alba Life” në bashkëpunim me Ambasadoren Sahatqija dhe stafin e Konsullatës së Kosovës në New York të cilët hapën siparin e festimit të Pavarësisë së Kosovës.

10 Shkurt, 2018

Staten Island, New York

SHKOLLAT SHQIPE, TAKIM ME MINSTRAT E DIASPORES MAJKO DHE GASHI

February 5, 2018 by dgreca

Takim me ministrat e Diasporës së Shqipërisë dhe të Kosovës z. Pandeli Majko dhe z.Dritan Gashi/

Nga Keze Kozeta Zylo/Në mjediset e Konsullatës së Kosovës në Manhattan u mbajt takimi midis drejtuesve të shkollave Shqipe “Alba Life” që operon në disa lagje të Nju Jorkut, Clifton, Riverdale, Bronx, Children of Eagle, Stamford dhe ministrit të Diaspores së Shqipërisë z.Pandeli Majko si dhe ministrit të Diasporës së Kosovës z.Dritan Gashi.

Në këtë takim merrte pjesë ambasadorja e Shqipërisë në Kombet e Bashkuara znj.Besiana Kadare si dhe përfaqsues nga Misioni i Përhershëm si z.Armand Shandro, nga Konsullata e Kosovës si z.Fatmir Zajmi dhe z.Ylber Kryeziu.

Konsullja e Përgjithshme e Kosovës Ambasadorja Teuta Sahatqija ishte mikpritsja e këtij takimi e cila me plot përzemërsi iu tha pjesëmarrësve: “Mirë se keni ardhur në shtëpinë tuaj”! Është një urim mirëseardhjeje, tradicional i ngrohtë dhe tejet miqësor kur përdoret nga Bijtë e Shqipes.Moderatorja e takimit ambasadorja Teuta Sahatqija pasi prezantoi të dy ministrat e Diasporës i ka dhënë fjalën z.Pandeli Majko i cili tha se takimet midis Diasporës dhe Atdheut gjithmonë sjellin progres dhe krijojnë ura bashkëpunimi.

Thelbi i takimit tha ministri i Diasporës së Kosovës z.Dritan Gashi ishte se si të bashkërendojmë punën midis shkollave shqipe në Diasporë dhe Atdheut. Ambasadorja Besiana Kadare pasi ka përgëzuar për punën me plot përkushtim të përfaqsuesve të shkollave shqipe uroi për një vazhdimësi të mëtejshme!Kanë diskutuar me plot profesionalizëm dhe seriozitet drejtuesit e shkollave Shqipe të cilët sollën dhe shqetësimet përkatëse për shkollat ku ata drejtojnë si zotërinjtë Qemal Zylo, Shaban Gjoka, Drita Gjongecaj, Avokati Sabri Gjoni, Sakip Veliu, Mustaf Qosja etj.

Në përfundim të diskutimeve përfaqësuesit ranë dakord të marrin masa përkatëse për vazhdimësinë e mësimit të gjuhës shqipe dhe të bashkërendojnë së bashku me Ministritë e Diasporës punët që të ketë progres më shumë në të ardhmen.

Ndonëse takime të tilla te ketij niveli janë bërë dhe në të kaluarën u shprehën disa përafaqsues të shkollave shqipe dhe nuk ka pasur rezultat le të shpresojmë se vërejtjet e tyre do të shërbejnë në të ardhmen për përfafqësuesit e shteteve përkatëse.

Manhattan New York

4 shkurt, 2018

Shkolla Shqipe “Alba Life”- Koncert festiv për festat e fundvitit 2017-të

December 18, 2017 by dgreca

Nxënësit e Shkollës Shqipe “Alba Life” me një koncert festiv për festat e fundvitit 2017-të/

Do punoj për Mëmëdhenë/ gjithë jetën sa të rroj/ do t’i zgjoj edhe ata që flenë/ kështu jetën ta mbaroj… Gjerasim Qiriazi/

Nga Keze Kozeta Zylo/

Edhe pse e shtuna e dhjetorit ishte me ngricë dhe në degët e pemëve me trungje të hirta cicëronte ëmbël tek tuk ndonjë zog me pendë të mëndafshta, nxënësit shqiptarë u mblodhën në folezën e tyre të ngrohtë pranë Shkollës Shqipe “Alba Life” për të kënduar SHQIP.ABC –ja e Gjuhës sonë Hyjnore në interpretimet mjeshtërore të nxënësve dukej sikur nga prushi i shkronjave të zjarrta, shkrinte ngricat në majat e pemëve si dhe ndër çatitë që në ndonjë cep të tyre varej në ajër si një mini ujëvarë e ngrirë nga e ftohta e dimrit në këto ditë dhe netë të vona…

Rrugët për të ecur në udhët e dritës nuk janë të lehta, por asnjeherë të pakapërcyeshme pasi vetëm këto udhë gjithmonë kanë një kurorë drite që çajnë terrin dhe përhapin atë që ëndërron njerëzimi: dritë dhe dituri.

Dhe s’ka më ëmbël dhe më bukur, kur këtë udhë e bën së bashku me nxënësit dhe ata me abetaren në dorë që e kanë biblën dhe kuranin e shqiptarëve mësojnë SHQIP! Ndonëse të lindur dhe rritur larg trojeve të prindërve të tyre, ata të befasojnë me vullnetin dhe dëshirën e tyre, ata te magjepsin kur flasin dhe këndojnë shqip. Nga përvoja me shumë dekada si një mësuese midis dy kontinenteve pohoj se vetëm shkolla është institucioni më i kualifikuar, klasat me grupe moshash të ndryshme, mësimi që dëgjohet direkt nga mësuesi në klasë, përgatitja dhe bashkëpunimi me njeri-tjetrin, arrijnë ëndrrën e tyre dhe të gjyshërve për të mos e harruar kurrë GJUHËN SHQIPE…

Ditën e shtunë nxënësit shqiptarë veshur me ngjyrat kuq e zi, me flamuj me shkabën dykrenore në mes, si dhe me bluzën me logon e “Alba Life”, erdhën të qeshur dhe me sytë që u ndrinin si llambushka nga gëzimi për të dhënë koncertin për festat e fundvitit.

Në këtë festë të Shkollës Shqipe “Alba Life” e cila operon në disa lagje të Nju Jorkut nderuan me pjesëmarrjen e tyre z.Armand Shandro, këshilltar në Misionin e Përhershëm të Republikës së Shqipërisë pranë Kombeve të Bashkuara si dhe znj.Teuta Ulaj zv/drejtoreshë në shkollën publike amerikane PS:38.

Prindërit shembullorë që bashkëpunojnë aq ngushtësisht me stafin e shkollës Shqipe “Alba Life”, bisedonin grupe grupe dhe ndanin përvojat e tyre nga jeta e shkollës dhe flisnin plot krenari për fëmijët që sjellin në shkollë për të mësuar Gjuhën Shqipe.

Nuk ka më bukur do të më shprehej një prind kur shikoj fëmijën tim në skenë që këndon dhe flet shqip! Une lotoj kur shikoj nipin tim kur reciton për Skënderbeun do te më thoshte një nga gjyshërit që morën pjesë në këtë koncert. Mirënjohje të pakufishme shprehu një gjyshe e moshuar që ka ardhur muajtë e fundit në Amerikë. Ajo tha se Shkolla Shqipe më krijoi mundësinë për ta sjellë nipin tim dhe të mos e ndjejë aq fort ndarjen nga shokët dhe shoqet e shkollës atje, sepse këtu ai gjeti një vatër shqiptare.

Gjuha Shqipe do të rrojë sa të jetë njerëzimi, sepse për këtë luftuan të parët tanë, për këtë luftuan Rilindasit e shquar të cilët dhanë jetën dhe luftuan deri në frymën e fundit për mbrojtjen e Gjuhës Shqipe, ku sot tingëllojnë mjaft aktuale vargjet nga Rilindasi ynë Gjerasim Qiriazi, si: Do punoj për Mëmëdhenë/ gjithë jetën sa të rroj/ do t’i zgjoj edhe ata që flenë/ kështu jetën ta mbaroj…

Programi i shkollës Shqipe “Alba Life” për festat e fundvitit

Një atmosferë tejet festive pushtoi sallën kur yjet me simbole të festave në kokë përgatitur nga mësuese Vlera filluan të ngjiteshin në skenë, ndërsa në dy korridoret e auditoriumit parakalonin flamurtarët si Jaiden Doci dhe Brian Muda të cilët mbanin në duar Flamurin shqiptar dhe amerikan.

Programi është prezantuar mjeshtërisht nga tre Yje: Arsi Muda, Dea Kerliu dhe Boris Pero.

Sapo ata filluan përshëndetjen si: Mirëdita, Mirëdita të dashur bashkatdhetarë, mësues, prindër, nxënës! Mirë se keni ardhur për të festuar së bashku! Gëzuar Festat e fundvitit, salla shpërtheu në duartrokitje dhe me kënaqësi ndiqnin gjithçka që po luhej në atë skenë, ndoshta nga skenat më mahnitëset në botë dhe këtu e kam fjalën si shqiptarë duke shpresuar se aspak nuk e teproj sepse kur them mahnitëse, doemos që është për të gjithë nxënësit shqiptarë që janë shpëndarë në çdo cep të globit dhe kryejnë misionin më fisnik: mësojnë Shqip.

Arsi tha se: E hapim programin me këngën “Ty Flamur të duam shumë”

Le të këndojmë të gjithë së bashku për këtë ditë të shenjtë për të nderuar të gjithë si Ismail Qemalin që ngriti Flamurin në Vlorë së bashku me Isa Boletinin, le të nderojmë të gjithë Rilindasit për kontributin e vyer për Kombin dhe Gjuhën amtare

Të tre drejtuesit prezantuan vehten si:

Unë jam Arsi Muda nxënës i Shkollës Shqipe “Alba Life” në Staten Island, shkollë që është hapur 10 vjet më parë. Unë do të prezantoj programin që kanë përgatitur nxënësit e Shkollës Shqipe nën kujdesin e mësueseve të dashura Entela Muda, Vlera Thaqi, Adelina Laçaj, Mimoza Dacaj, Ardita Vadahi, Elda Ahmet dhe Kozeta Zylo nën drejtimin e sopranos së shquar Dëshira Ahmeti Kerliu.

Unë Jam Dea Kërliu nxënëse e Shkollës Shqipe “Alba Life” në Staten Island!

e cila është një vatër e Shkollës Shqipe “Alba Life”.

Unë do të prezantoj programin që kanë përgatitur nxënësit e Shkollës Shqipe.

Ndersa Borisi tha: Une jam nxënës i shkollës Shqipe “Alba Life” dhe kam vetëm nëntë muaj që jam larguar nga Atdheu, por jam shumë i gëzuar që këtu në New York gjeta një Shqiperi të vogël!

Ftojmë në skenë z.Qemal Zylo themelues i Shkollës Shqipe “Alba Life” që operon në disa lagje të Nju Jorkut!

Z.Qemal Zylo pasi përshëndeti të gjithë pjesëmarrësit dhe iu ka uruar atyre gëzuar festat e fundvitit ka falënderuar në mënyrë të veçantë të gjitha mësueset si: Entela Muda, Vlera Thaqi, Adelina Lacaj, Mimoza Dacaj, Ardita Vadahi, Elda Ahmet dhe Kozeta Zylo nën drejtimin e sopranos së shquar Deshira Ahmeti Kerliu. që kryejnë këtë mision të shenjtë, nxënësit që mësojnë me kaq zell nën punën e kujdesshme të prindërve dhe të gjyshërve të tyre. Dua të falënderoj gjithashtu bashkëpunëtorët tanë të TV “Alba Life” ndërkohe dhe prindër pranë kësaj shkolle: si Shpëtim Bardhi dhe Safet Doci, Agron dhe Afrim Tahiri si dhe studentin nga Baruch college Klaus Sharra.

Ai falënderoi dhe shprehu mirënjohjen gjithashtu për z.Amrand Shandro për pjesëmarrjen e tij në këtë aktivitet shkollor dhe kulturor si dhe zonjën Teuta Ulaj z/v drejtoreshë në shkollën publike amerikane PS:38.

Sot të gjithë këta nxënës që shikoni në skenë janë si rezultat i punës së mësuesëve që përmenda më lart nën udhëheqjen plot përkushtim dhe talent të sopranos së shquar Dëshira Ahmeti Kërliu.

Kur e filluam këtë punë më shumë se 10 vjet më parë patjetër që i parashikuam sukseset dhe pengesat, por Gjuha jonë hyjnore të jep forcë, të jep dritë, energji dhe mbi të gjithë të jep frymë sepse Gjuha Shqipe është identiteti ynë kombëtar do të thoshnin Rilindasit të cilët punuan deri në frymën e fundit. Z.Zylo iu uroi gjithe pjesëmarrësve dhe nxënësve: Gëzuar festat e fundvitit!

Arsi me lirshmëri i pyeste: A po kënaqeni me programin? Pjesëmarrësit shpërthenin në duartrokitje duke miratuar gëzimin dhe kënaqësinë që iu jepnin fëmijët në skenë.

Prezantuesi ftoi në skenë nxënësit e shkollës shqipe në Queens, shkollë që ka vetëm një vit që është hapur. Nxënësit janë përgatitur nën kujdesin e mësueseve Ardita Vadahi dhe Alda Ahmet

Nxënësit e Ardita Vadahi

Arsi: Ilirjan Karamuca: “Sa të dua o Shqipëri” Asdreni

Nevil Vadahi “Flamuri”

Nxënësit e mësuese Alda Ahmet

Alba Vadahi Për Shqipërinë nga Tahir Hysa

Era Vadahi: 28 Nëntor, i dhe ngjyrë Atdheut nga Alma Papamihali

Pas nxënësve të Quinsit në skenë u ngjitën nxënësit e shkollës Shqipe “Alba Life” në Brooklyn që është një qendër arsimi dhe kulture në gjuhën Shqipe… Falënderime të veçanta ju shkojnë mësueseve Adelina Laçaj dhe Mimoza Dacaj

Nxënësit e mësuese Adelina Lacaj

Gjuha e mëmës, Naim Frasheri Eneo Rustani

Dea Kërliu ftoi ne skene nxënësit Blenda Shehu e cila recitoi Sa e bukur Gjuha Jonë dhe o trima luftëtarë. Kelvi Rustani: Flamuri/ Erla Lamçe “Mos harro” që je shqiptar!

Me nxënësit e Mimoza Dacaj:

Amela Myftari Kam një kukull në kuti/ Isabela Myftari Mace mace!/ Rilind Shehu: Unë quhem Rilindi/ Jori Lamce: Abetarja ime.

Pas Brooklinit u paraqitën nxënësit e shkollës shqipe në Staten Island të përgatitur nga mësueset Entela Muda, Vlera Selaj dhe Kozeta Zylo.

Me nxënësit e mësuese Entela Mudës:

Liljana Imerovski dhe Reona Kovaci: Memedheu nga Çajupi/ Arlinda Tahiraj, Laura Tahiraj dhe Alton Selmani: Korça nga Naim Frashëri/ Drilind Bardhecaj Ku kam lerë nga Çajupi/ Rilind Bardhi Korça nga Naim Frasheri/ Loriana dhe Ilirian Thaqi: Gjuha jonë/ Jaiden Doci: Unë jam Ismail Qemali!

Me nxënësit e mësuese Kozeta Zylos

Arsi Muda: Krujë o Qytet i bekuar! Naim Frashëri/ Dea Kërliu: Gjuha Shqype Gjergj Fishta

Alba Luka: Jam shqiptare/ Boris Pero: Flamuri: Faik Konica

Programi vazhdoi me këngën “Për mëmedhenë” kënduar nga kori si dhe me këngën e Alfabetit:

Udha e shkronjave në të cilën e këndoi kori dhe shoqëruar nga nxënësja e talentuar Dea Kerliu

Dea ftoi në skenë korin me këngën: Zilet tringëllijnë, shoqëruar ne piano nga nxënësja e talentuar Dea Watkins si dhe këngën e Vitit te Ri!

Le ta mirëpresim Vitin e Ri me gëzim dhe dashuri dhe le të këndojmë të gjithë së bashku!

Programi u mbyll me këngën: “Gjuha Shqipe” të cilën e këndoi Kori i shkollës. Kënga e Gjuhës Shqipe është dhe hymni i Shkollës Shqipe “Alba Life”, kompozuar nga pianisti i mirënjohur Petrika Melo dhe me tekst nga shkrimtarja Kozeta Zylo.

Arsi Muda e mbylli programin duke falënderuar si: “Prindër ju dëgjuat një program të bukur artistik të realizuar plot dashuri nga nxënësit e Shkollës Shqipe “Alba Life”, të gjithë ju bashkatdhetarë ju ftojmë të sillni fëmijët pranë shkollës shqipe “Alba Life” dhe të jeni të sigurtë se mot ata do të jenë së bashku me ne në skenë për të nderuar Flamurin Kombëtar dhe Kombin!

Muda ftoi në skenë z.Armand Shundra këshilltar në Misionin e Përhershëm pranë Kombeve të Bashkuara. Z.Shundra falënderoi në emër të qeverisë të gjithë pjesëmarrësit, themeluesin e shkollës Shqipe “Alba Life” z.Qemal Zylo, gjithë mësueset që punojnë me kaq përkushtim dhe pohoi se ndihej tejet i emocionuar me këtë koncert mjaft të bukur të realizuar mjeshtërisht nga nxënësit e Shkollës Shqipe.

Z.Shandro përmendi rreth bashkëpunimit me ministrinë e diasporës në Kosovë dhe unifikimin e programeve mësimdhënëse për gjuhën shqipe. Ai tha se sic dhe e dini është krijuar Ministria e Diasporës e cila do të luajë një rol kryesor për lidhjet e ngushta midis Diasporës dhe Shqipërisë. Z.Shandro iu uroi gjithë pjesëmarrësve gëzuar festat e fundvitit dhe premtoi për një bashkëpunim dhe më të ngushtë!

Një përshëndetje të ngrohtë dhuroi dhe zonja Teuta Ulaj, z/v drejtoreshë e shkollës publike amerikane PS:38 e cila na nderoi me pjesëmarrjen e saj. Ajo tha se dua të falënderoj të gjithë nxënësit kokë më kokë për këtë koncert kaq të bukur, mësueset e përkushtuara dhe prindërit që i sjellin me kaq dashuri. Unë emocionohem shumë kur dëgjoj nxënësit që recitojnë poezi nga Rilindasit tanë, mësojnë Gjuhën Shqipe dhe për këtë na bëjnë të sigurtë se këta po vazhdojnë rrugën e Rilindasve dhe Gjuha Shqipe do të rrojë përjetësisht. Ju uroj të gjithëve: Gëzuar Festat e fundvitit!

Arsi Muda Dea Kerliu dhe Boris Pero falënderuan së bashku:

Faleminderit, Faleminderit të gjithëve! Gëzuar Festat e fundvitit dhe mirë u takofshim në vitin 2018-të!

16 dhjetor, 2017

Staten Island, New York

Shqiptari i Amerikës, pjesmarrës në tri luftra

September 12, 2017 by dgreca

Arben Vuthi shqiptaro amerikani që ka marrë pjesë në ushtrinë amerikane në tri luftëra nëpër botë…/

Për Luftën e Kosovës s’më mbante vendi, dhe pyesja komandantët për ndonjë mundësi të shkoja në Kosovë. Doja të shkoja vullnetar…

Bisedoi Keze Kozeta Zylo/

Z.Vuthi perpara se të shkojmë nëpër luftëra le të sjellim për publikun fëmijërinë tuaj e cila duhet të ketë emërues të përbashkët paqen. Si e keni përjetuar atë dhe na sillni disa momente të rëndësishme duke filluar me familjen?

-Fëmijëria ime ka qenë e zakonshme si çdo fëmijë shqiptar i asaj kohe. Edhe pse ishim më të varfër, unë e kujtoj me kënaqësi kohën kur rrinim “rrugëve” gjithë ditën dhe luanim. Për mua kështu duhet të jetë fëmijëria. Ishim më të lumtur them unë. Mbase të gjithë fëmijët jane më të lumtur sesa të rriturit, kush e di?

-Kur erdhët në Amerikë dhe cili ka qenë frymëzuesi juaj për të shkelur tokën e ëndrrave?

-Në fakt s’kam pasur ndonjë pikënisje konkrete. Çështja ishte se vetëm Amerika pranonte emigrantë të llojit tim “politik” meqë isha “arratisur”. Çudi, nejse neve kështu na thonin nëpë zyra në Greqi. Sigurisht Amerika kishte reputacionin e vendit të madh, të fuqishëm dhe të krijuar nga emigrantë, por mbi të gjitha jam shumë mirënjohes që ishte vendi i vetëm që na hapi derën.

-Cilat kanë qenë impresionet e para kur erdhët në Amerikë?

-Në fillim erdha në NY. Kishte zhurmë e tym. Isha si i hutuar, mbingarkim informacioni, torturë e vërtetë. Habitesha dhe me të gjitha racat dhe ngjyrat që shikoja rrugës.

-Çfarë mund të kujtoni rreth jetës suaj në Amerikë?

-Kujtime ka shumë të mira dhe të keqia si kudo, por padyshim momentet që venë në antitezë të shkuarën tonë në Evrope (përfshi këtu dhe Greqinë ku jetova 2 vjet duke pritur për vizën e Amerikës). Unë them se Amerika është më pak nacionaliste dhe të jep më shumë mundësi që të ingranohesh me jetën si një vendas. Një shembull do te ishte të shkuarit në Universitet pa ndonjë pengesë. Pastaj përjetimi më i fuqishëm është kur mora nështetësinë amerikane.

-Si arritët të futeshit në ushrinë amerikane dhe cilat ishin detyrat tuaja ushtarake?

-Në ushtri kam hyrë rastësisht, pasi lexova në një lajmerim ku shkruhej: “Fito mundësi të trainohesh në një profesion, 30 ditë pushime në vit, mundësi të shkosh në Universitet, mundësi të udhëtosh nëpër botë, siguracion mjekësor dhe dentar”. Mua m’u duk si ëndërr. U paraqita dhe më pyetën a isha jetoja legalisht në Amerikë? Pastaj më thanë: -Do të hysh në ushtri? -Unë thashë “PO” dhe siç thonë këtu “The rest is history”.

-Si ushtarak çfarë mendoni se i keni dhënë Amerikës, Shqipërisë dhe botës?

-Në fillim i kam dhënë atë që më kërkoi, pra te mbaroj kontratën time në menyrë të rregullt, me disiplinë etj. Shqipërinë mbase e bëra më të njohur ndër rreshtat e ushtrisë amerikane kur më pyesnin nga isha, dhe mbase duke qenë ushtar i mirë i jepja dhe Shqipërisë emër të mire.

-Cilat janë disa nga momentet më të vështira të Luftës që ju keni përjetuar së bashku me shokët tuaj?

-Pa tjetër që kur kemi humbur shokët në betejë, por edhe kur shkonin në terren duke përballuar mina apo pusi. Por i ndanim bashkë hallet, dhe është mirë që të jesh pjesë e “skuadrës”. Ishim gati të ndihmonim njeri tjetrin.

-Keni pasur shqiptarë në krah tuaj?

-Pak, nga mesi i karrierës time njoha 3-4 përnjëhërësh. Kam dëgjuar dhe për të tjerë. Më vonë u bë fare diçka e zakonshme për shqiptarët të hyjnë në ushtri. Në shumë raste kërkoja dhe gjeja shqiptarët e Kosovës ose Maqedonisë që punonin si kontraktorë civilë për ushtrinë dhe me ata rrija e haja në kohë të lirë. Ju jam shumë mirënjohes që i kisha atje dhe më përkrahën, ma bënë më të lehtë të gjithë përvojën. Dy herë kemi organizuar përvjetorin e Pavarësisë së Kosovës në Iraq dhe Afganistan.

Çfarë feste madhështore u bë!

Pastaj kam takuar ushatrë të ushtrisë shqiptare në Gjermani për manovra ushtarake.

Djem e vajza të shkëlqyeshëm.

-Po Luftën e Kosovës për Liri si e keni përjetuar?

Në atë kohë s’më mbante vendi, dhe pyesja komandantët për ndonjë mundësi të shkoja në Kosovë. Doja të shkoja vullnetar, por nuk ndodhi se lufta më të shumtën u bë nga ajri, dhe më vonë ishin trupat rezerviste që shkuan në Kosovë. Nejse do të doja shumë të isha i përfshirë direkt.

-Keni kontakte me ish ushtarë të UCK-ës?

-Kam takuar shumë prej tyre ose fëmijët e Dëshmorëve të Luftës së Kosoves, mbaj kontakt, posi.

-Si veteran lufte i Amerikës cilat jane disa nga vlerësimet që keni marrë?

-Në fakt janë dy luftëra dhe një “konflikt” që në gjuhën e ushtrisë nuk konsiderohet zonë kombative ose përleshje, por asnjë se dinte këtë nga ushtarët dhe përgatitja ishte sikur për luftë të vërtetë. E kam fjalën per Bosnjën. Dy të tjerat Iraku dhe Afganistani ishin luftëra me plot kuptimin e fjalës.Për çdo betejë kam marrë medaljet që i takojnë asaj beteje.

-Cili është edukimi që keni marrë në Amerikë?

-Kam mbaruar për Physician Assistant (PA), në Akadmine e Mjekësisë së Ushtrisë Amerikane, një nga shkollat më strikte. Kam dëgjuar se ja kalon dhe Universitetit të famshëm; Yale. Tani po punoj për doktoraturë.Jam i specializuar në mjekësi të pëgjithshme dhe Psiqiatri. Plus kurse të panumërta të mjekësisë së luftës, reanimator, dhe mjekësisë së ndërhyrjes së shpejtë (Emergency Medicine).

-Cilat janë përshtypjet tuaja për Shqipërinë gjatë vizitave tuaja në Atdhe?

-Me çdo vizitë më shtohet malli më shumë, dhe e dua ende më shumë; sikur bëhem edhe më patriot.

-Dhe së fundi na flisni për familjen që keni krijuar në Amerikë?

Jam i martur prej mbi 20 vjetësh. Gruan e kam shqiptare nga Fieri, kam djalë dhe vajzë 18 dhe 14 vjeç.

11 shtator, 2017

Staten Island, New York