Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Komisioni i Garancive te Kanunores se Federates Panshqiptare Vatra shqyrtoi draftet qarkulluse

by

3 Komisioni
Ne mbledhjen periodike te muajit Shkurt 2018, Komisioni i Garancive te Kanunores se Federates Panshqiptare Vatra me pjesemarrjen e z. Bashkim Musabelliu, kryetar me anetaret z. Mehmet Kadria e Kujtim Porja, mori ne shqyrtim draftet qarkulluese te propozimeve te bera nga deget dhe nga anetare te Federates lidhur me Amendamentet e Kanunores.
Kryetari Musabelliu beri nje permbledhje te materialeve te gjendura dhe atyre qe qarkullojne mes anetaresise dhe u vendos qe per shkak te numrit te madh keto propozime dhe draftet e ndryshme do te permblidhen ne nje pakete dhe pasi te kryhen konsultimet e duhura do te paraqiten ne kuvendin e rradhes per miratim final. Pas votimit ne Kuvend, duke marre parasysh edhe sugjerimet e tjera qe po dalin dhe mund te dalin gjate periudhes parakuvendore do te botohet zyrtarisht Kanunorja dhe Amendamentet qe do te miratohen perfundimisht ne Kuvend.
Gjithashtu Komisioni shqyrtoi edhe ceshtjen e perkthimit te autorizuar dhe te njohur ne gjuhen angleze duke sugjeruar kryerjen nga nje grup juristesh pasi t’u jepet autorizimi perkates per kryerjen e detyres.
Komisioni ne teresi po sugjeron edhe entin botues te kanunores e cila do te jete sipas standarteve bashkekohore sa i perket regullesise dhe kuadrit ligjor te se drejtes se botimit dhe te copy right.
Komisioni I Garancive te Kanunores I kerkoi Kryesise qe te mund te paraqitet nje permbledhje te punes se tij gjate mbledhjes se Keshillit Drejtues te dates 3 Mars 2018.

U MBLODH KOMISIONI I GARANCIVE TË KANUNORES SË VATRËS

by

3 KomisioniTë Shtunën e 21 tetorit 2017 në mjediset e selisë së Vatrës, nën drejtimin e juristit Bashkim Musabelliu, u mblodh Komisioni i Garancive të Kanunores pranë Federatës Panshqiptare Vatra.

Kryetari i këtij komisioni z. Bashkim Musabelliu, në mirëkuptim me Kryetarin e Vatrës z. Dritan Mishto, ka përzgjedhur dhe dy ndihmësit e tij: Z. Mehmet Kadria, i cili është jurist i diplomuar në Universitetin e Zagrebit, me përvojë dhe me kulturë të gjërë, si dhe z.Kujtim Porja, anëtar, që është jurist me eksperiencë të konsoliduar në fushën e së drejtës administrative dhe publike.Vetë z. Musabelliu është jurist me eksperiencë të gjatë në fushën e drejtësisë.
Kryetari i Vatrës z.Mishto i ka dhënë të gjithë mbështetjen e nevojshme komisionit dhe ka këshilluar  kryetarin Musabelliu, që Komisioni i Garancive të Kanunores të funksionojë tërësisht i pavarur nga çdo interes apo konjukturë, dhe ti përmbahet me korrektësi vetëm Kanunores së Vatrës, si një gur i shenjtë i ekzistencës dhe mbarëvatjes së punëve në Federatë.

Kryetari i komisionit z. Musabelliu pas takimit i tha gazetës Dielli se takimi i së shtunës ishte i pari pas krijimit. Ai komentoi se kjo ishte mledhja e pare e komisionit pas vendimit te kryesisë për krijimin dhe funksionimin e tij.

Pyetjes se cili do të jetë qëllimi dhe axhenda e këtij komisioni në të ardhmen, kryetari tha se komisionit, kryesia ia ka hapur dritën jeshile për të finalizuar Kanunoren, për perfundimin e punës me kanunoren dhe paraqitjen per aprovim në Kuvendin e ardhshëm.Z. Musabelliu, në mbledhjen e parë i ka njohur dy kolegët e tjerë të komisionit me projektin e ndryshimeve dhe shtesave të Kanunores në projekt-Kanunoren e vitit 2014, si dhe ndryshimet e mëvonshme që janë propozuar.

Kryetari Musabelliu i ka njohur bashkëpunëtorët e tij të komisionit edhe me procedurat që do ndiqet deri në aprovimin e projektit. Komisioni ka rënë dakord për fazat nëpër të cilat do kalojë veprimtaria e komisionit, duke e bashkërenduar punën me organet me te larta të Federatës Vatra e deri tek degët si dhe duke bashkëpunuar edhe  me individët me kapacitet intelektual në fushën e jurisprudencës, gjuhësisë dhe historisë.

Komisioni vendosi që takimet t’i bëjë të përmuajshme.