Nga Enver Bytyci/

Ne Kosove dikush ka marre nje nisme per nenshkrimin e nje peticioni kunder ambasadorit amerikan. Ky dikushi na qenka gjermano-shqiptar, qenka dhe veteran i UCK-se si dhe po studioka ne Universitetin e Prishtines ne degen e juridikut me pretendimin per tu bere avokat. Eshte e drejta e tij te punoje, te studioje, te behet avokat e cfare te doje. Ai eshte nje person i lire te inicioje edhe peticione, nga kjo e sotmja e deri te ndonje peticion per mbrojtjen e mjedisit a ku e di une cfare. Por eshte e drejta e shqiptareve te reagojne sic ata dijne dhe e ndjejne. Te dy palet gjermano-kosovari dhe shqiptaret e Kosoves kane te drejten te reagojne. Une e di se ne Kosove qytetaret jane ne udhekryq. Ata nuk kane mundesi per momentin se ke e kujt t’i besojne: partive politike ne qeverisje, apo partive politike ne opozite!!! Mungesa e besimit te te dy palet e politikes qenka pozicioni me i veshtire per zgjedhesit dhe qytetaret e nje vendi. Fatkeqesisht shqiptaret ne Kosove jane ne kete pozicion shume te veshtire. Ne qeverisje gjendet nje grup manipulatoresh, te cilet duan qe shqiptareve dhe faktorit nderkombetar t’i japin mesazhin se pa ata “Kosova nuk mund te jete stabile, dmth nuk mund te ekzistoje”. Kjo eshte teper e rrezikshme, gjeja me e rrezikshme qe mund t’i kanoset lirise dhe demokracise se nje vendi. Ndersa ne krahun opozitar qendron ideja se “Vetem ata mund t’i ndryshojne gjerat”, por pa dhene asnje alternative bindese. Kjo perben ate rrethrrotullimin pa asnje dalje, ne te cilin vijne verdalle shqiptaret ne Kosove. Por brenda ketij rrethrrotullimi pa rruge daljeje nuk eshte e nuk mund te jete lidhja e Kosoves dhe e te gjithe shqiptareve ne Ballkan me Shtetet e Bashkuara te Amerikes. Nuk eshte me rendesi, kush, pse, cfare inicoi nje gjermano-kosovar. Me rendesi eshte qe shqiptaret ta dijne se partneri kryesor, miku me i madh, mbeshtetesi me i pakursyer i fatit te shqiptareve ne bote jane Shtetet e Bashkuara te Amerikes. Edhe nese dikush nga perfaqesuesit e ketij vendi ben nje gabim, kurre ne nuk mund te shfaqemi arrogante ne marredheniet me Uashingtonin. Eshte e duhet te jete keshtu per shume aresye teorike dhe praktike: 1. Rilindasit tane e kane themeluar orientimin tone perendimor euro-amerikan. Sa here kemi rreshqitur nga ky orientim ne historine tone mbi 100 vjecare e kemi pesuar e jemi sakatuar. 2. Ibrahim Rugova ishte arkitekt i lidhjeve reale te marredhenieve te ngushta miqesore e partneritetit me SHBA-te. Keshtu Kosova ka shansin qe te perkujtoje keto lidhje te ngushta me vendin mik te shqiptareve dhe te kuptoje praktikisht se liria dhe pavaresia e saj jane produkt i mbeshtetjes amerikane po aq sa i sakrificave te atyre qe dhane jeten per vendin. 3. Nese Kosova dhe shqiptaret nuk do te kene mbeshtetjen amerikane ne te ardhmen, atehere per gjermano-kosovarin student te Universitetit te Prishtines Rusia do te vije e do te ulet kembkryq ne mes te Prishtines, dmth Serbia e rusizuar. Dhe e ardhmja e Kosoves dhe e shqiptareve do te percaktohen nga interesat gjeopolitike te Moskes. Ne shqiptaret, ashtu si popujt e tjere te vegjel, nuk jemi te afte te mbijetojme pa miq. Kush drejton gishtin kunder amerikaneve, dashur apo padashur i ben sherbimin e keq vendit te tij, ndihmon njekohesisht prezencen ruse e serbe ne Kosove. Une nuk besoj se dikush do te kete argumente te tjere kunder ketij aresyetimi, te cilin ne shqiptaret do te duhet ta shnderrojme ne principin e sjelljeve tona.