Ish-sekretarja e shtetit amerikan, Madeleine Albright ka uruar Hashim Thaçin, presidentin e sapozgjedhur të Kosovës.Përmes llogarisë së saj në Twitter, Thaçi ka konfirmuar se ka pranuar një letër urimi nga ish-sekretarja Albright. Në këtë postim, Thaçi ka falënderuar atë për urimin.
“E nderuara zonja sekretare Madeleine Albright, faleminderit për mesazhet e urimit. Demokracia e gjallë e Kosovës është edhe meritë e angazhimit tuaj”, ka shkruar Thaçi në llogarinë e tij në Twitter.Në kohën e luftës, Albright ishte ndër politikanet më këmbëngulëse për të realizuar intervenimin e NATO-s në Kosovë, që ishte përcaktues për çlirimit dhe më vonë pavarësinë e Kosovës./B.S/