Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Mitrovica Veriore-Publikohet marrëveshja

by

Marreveshja-muri-Ministria e Mjedisit dhe Planifikimit Hapësinor e Qeverisë së Kosovës publikon marrëveshjen për rrënimin e murit ilegal dhe Projektin për revitalizimin e sheshit në Mitrovicën Veriore/

 PRISHTINË, 7 Shkurt 2017-Gazeta DIELLI-B.Jashari/ Ministria e Mjedisit dhe Planifikimit Hapësinor e Qeverisë së Kosovës në një komunikatë sot bën të ditur se në Mitrovicën e Veriut ka nisur ndërtimi i projektit të ri të rivitalizimit të sheshit, ndërsa publikon marrveshjen që më parë rezultoi me rrënimin e murit ilegal.

“Ministri Ferat Shala nënshkroi marrëveshjen për rrënimin e murit ilegal në Mitrovicën veriore, si dhe Projektin për revitalizimin e sheshit”, thekson njoftimi i dërguar pak më parë, ku thuhet:

Më 4 shkurt 2017, me lehtësimin e Zyrës së BE-së si dhe të Ambasadës së SHBA-ve, Ministri i Mjedisit dhe Planifikimit Hapësinor z.Ferat Shala dhe kryetari i Mitrovicës së Veriut, Goran Rakiq, janë pajtuar që të zgjidhin çështjen e cila lidhet me rrënimin e murit ilegal në Mitrovicën Veriore, si dhe Projektin e Rivitalizimit të sheshit, duke i respektuar të gjitha procedurat ligjore të Republikës së Kosovës.

Palët e nënshkruese të kësaj Marrëveshje janë;

–          Ministri i Mjedisit dhe Planifikimit Hapësinor z.Ferat Shala

–          Kryetari i Mitrovicës së Veriut, z.Goran Rakiç

Palët garantuese të kësaj Marrëveshje janë;

–          Kryeministri i Republikës së Kosovës, z.Isa Mustafa

–          Zv.Kryeministri i Republikës së Kosovës, z.Branimir Stojanoviç

–          Shefja e Zyrës së BE-së në Kosovë, znj.Nataliya Apostolova

–          Ambasadori i SHBA-ve në Kosovë, z.Greg Delawie

Rrënimi i murit ilegal u realizua me sukses sipas Marrëveshjes, më dt 5 shkurt 2017, ndërsa ndërtimi i projektit të ri, Rivitalizimi i sheshit, ka filluar sot, më 7 shkurt 2017.

Kosovë, Shefi i Misionit të OSBE-së viziton qendrat e votimit në Mitrovicë të Veriut

by

Nga B.Jashari/.-Shefi i Misionit të OSBE-së në Kosovë, Ambasadori Jean-Claude Schlumberger, vizitoi sot qendrat e votimit në Mitrovicë të Veriut. Schlumberger do t’iu përgjigjet pyetjeve te gazetarëve në mesdite  për të vazhduar me pas me nje vizitë ne shkollën fillore “Aziz Sulejmani” në Suhodoll të Ulët, njoftoi  Misioni  i OSBE-së në Kosovë.

OSBE po i lehtëson zgjedhjet lokale në katër komunat në veri të Kosovës në perputhje me marrëveshjen e Brukselit.

Zgjedhjet lokale të Kosovës, të parat në gjithë territorin – në 38 komunat, përfshirë veriun, janë mbajtur në 3 nëntor dhe kanë vazhduar me balotazhin e 1 dhjetorit 2013 dhe me disa rivotime të pjesëshme.

Në Mitrovicën Veriore po votohet sot përsëri për kryetarin e komunës në zgjedhje të jashtëzakonshme, pasi fituesi, i komunitetit serb, refuzoi të japë betimin duke mos pranuar ligjet e Kosovës. Betimin e dhanë të gjithë të zgjedhurit tjerë në komuna në gjithë territorin e vendit.