Letër nga SHBA për Kryeministrin e vendit tim zotit Edi Rama/
Nga Muharrem Xhydollari ( Hudenisht)/
Zoti Kryeministër, /
Kur juve së bashku me të ndjerin Ardian Klosi, muarët nisjen për tu futur në polititkë, tek një pjesë e mirë e popullit u ngjall pak shpresë, sepse juve jo vetë se ishit të rinjë (pa komplekse) vinit nga familje me biblioteka dhe do të vinte në ndërgjegjen tuaj që Shqipëria duhej të dekomunistizohej por jo teorikisht sic po bëni juve sot, por me një praktikë që mbarë populli shqiptar ta kuptonte dhe ta shihte mirë se po largohej e keqja që i kishte skllavëruar për gjysëm shekulli dhe përfundimisht do ti shkëputej këtij konfuzioni politik të tranzicionit post diktatorial. Rruga që muarët për ta përshkruar të la vetëm. Këtë nuk e deshëm, por ajo ndodhi.
Zoti Kryeministër, ju bashkangjitëm slloganit “bashkëvuajtes e bashkëfajtor”. Kjo do të ishte e papranueshme mbasi edhe vet ju duhet ta dinit se i hipur në dy kuaj lumi nuk kalohet. Vuajtësit nuk u muarën nga fajtorët që sëbashku ti bënin vendimet sesi duhej të ndertohej demokracia apo si do të vendosej drejtësia. Qeveria nën drejtimin tuaj për ti treguar botës perëndimore se do të ishte kundra asaj diktature cnjerëzore, Atit të Shenjtë do ti ekspozonit portretet e viktimave të komunizmit në horizontin e kryeqendrës Shqiptare. Këto veprime perëndimi ti quajti marifete dhe kërkoi prej jush që Shqipërinë, këtë vend të shumëvjuatur, ta dekomunistizoje. Me reforma të guximshme do të shkëputeshe përgjithmonë nga e kaluara masakruese dhe do ta shëroje popullin tënd nga sëmundja e kolerës komuniste.
Tani e besojmë përse nuk e bëre, që sot të vendosje në horizontin e sipërshënuar portretet e vrasësëve të viktimave ndërkohë edhe njëherë e faktove vetë përse Evropa të kishte përbuzur dhe ti dipllomacisë së perëndimit i the se për inat të vjerrës shkove të flije me mullixhiun.
Për të crrënjosur komunizmin, merrje modelin gjerman dhe do të kuptoje sesi u shkul nazizmi edhe shumë më shpejt komunizmi, diktatura këto që botës I shkaktuan ato plagë që do të duhet shumë kohë për shërim. Duhet të mendojmë se ishte ajo Gjermania që juve e rreshtuat me humbësit kur ajo doli më e fituara. Këtë ajo, Gjermania e arriti si rezultat i atyre reformave trimërore dhe të domosdoshme për kombin e tyre. Këtë praktikë të Gjermanisë juve nuk e bëtë por mendohet dhe as mund ta bënit dot sepse akoma keni inxhinierët dhe specialistët që ndërtuan muret e ferrit dhe ata nuk mund të projektojnë dhe të ndërtojnë parajsën. Ata, komunistët nuk dalin dot nga ferri ku i ka futur mizoria që vet e kanë ndërtuar. Dekriminalizimin ju mund ta eliminoni me dekomunistizimin mbasi ky i fundit është burimi i së parës. Atëherë, do të sillje atë që kërkon Brukseli me Washingtonin, atë pra Drejtësinë. Atë që ju vet e nëpërkëmbni, mbasi e dini shumë mirë pasi të vendsoni drejtësi do humbisni pushtetin.
Zoti Kryeministër, humbe pushtetin, por vetëm vendos drejtësinë se vetëm atëherë do të zesh vend në histori. Ndryshe nuk do të kesh ndryshim prej pararendësve të tu. Ka ardhur koha të “zbrazësh thesarin e mendjes” (f.k) natyrisht po e pate. Pozicionohu me të moralshmen dhe jo me të kundërtën sic ndodhesh sot. Edhe kur të “qartësohen ujrat, atëherë mat thellësinë” (m.k).
Përshëndetje,
Muharrem Xhydollari ( Hudenisht)
6.11.2019