Kuadro të Institucioneve tona Detare trajnohen për njohjen dhe zbatimin e kërkesave të Konventës MARPOL,{Meritime Pollution}, Konventa Ndërkombëtare për parandalimin e ndotjeve nga anijet në det./
Nga Shefqet Kërcelli/
Në zbatim të një projekti të Bashkimit Evropian, Dega e Asisitencës Teknike në Ministrinë e Transportit dhe Insfrastrukurës, nga data 26 deri më datën 26 shkurt organizoi në sallën e mbledhjeve të Drejtorisë së Administratës Detare trajnimin për parandalimin e ndotjeve nga anijet në det, sipas konventës MARPOL. Në seminar morën pjesë kuadro dhe specialistë të institucioneve tona detare, nga Drejtoria e Administratës Detare dhe kapiteneritë Sarandë, Vlorë, Shëngjin e Durrës, specialistë të mjedisit nga Autoriteti Portual Durrës, nga Ministria e Mjedisit, Qendra Operacionale Detare, Komanda e Forcës Detare, etj. Gjatë këtij trajnimi katër ditor, drejtuesi i seminarit, zoti Efthimios Liberopoulos, Ekspert iTrajnimeve Detare, trajtoi cështje që kanë të bëjnë me njohjen dhe zbatimin e kësaj Konvente të rëndësishme për sigurinë e mjedisit detar si, njohuri të përgjithëshme për Konventën MARPOL, masat parandaluese për ndotjen e ambientit detar nga anijet, reagimi ndaj sipërfaqeve ose zonave të ndotura detare, sistemet e antindotjes dhe eficensa e tyre, kontrolli dhe menaxhimi i ujërave të balastave dhe sedimenteve të anijeve, cështje të vecanta në zbatim të këtyre konventave dhe marrëveshjeve, certifikatat përkatëse të sigurisë detare në këto raste, etj. Trajtimi i thjeshtë e i detajuar i kësaj teme të rëndësishme detare, solli që dhe përvetsimi i cështjeve të këtij seminari nga pjesmarrësit të jetë i kënaqshëm, gjë që u reflektua në ditën e fundit të tij, ku pati pyetje dhe diskutime interesante, vecanërisht nga specialistët e mjedisit të AP Durrës. Zoti Elson Thana, specialist në Degën e Asistencës Teknike të MTI, thotë se projekti i BE për trajnimin e specialistëve të instititucioneve tona Detare është shtrirë për gjithë vitin. Seminari i parë u zhvillua në fund të janarit të këtij viti, ndërsa i fundit do jetë në nëntor. Kuptohet që tematika është e ndryshme nga muaji në muaj, ndërkohë që do shikohet dhe përbërja e pjemarrësve, në mënyrë që ceshtjet që trajtohen të përfarohen me detyrën funksionale që kryen secili në institucionet detare. Zoti Liberopoulos shprehet për agjencinë “Dyrrah”, se jam entuziast për zhvillimin e këtij projekti, shoh që ka seriozitet e përgjegjsi si nga dikasteri i MTI, nga organizatorët në Drejtorinë e Administratës Detare por dhe nga kuadrot apo specialistët në seminar. Ka interes, diskutohet e nxirren konkluzione nga pjesmarrësit, gjë që e bën atë efektiv në qëllimin që ka. Në fund të fundit është gjë e mirë që dhjetra specialistë shqiptarë, detyra e të cilëve lidhet me veprimtarinë në det, do trajnohen gjatë këtij viti për cështje të rëndësishme të legjislacionit detar ndërkombëtar. Kjo situatë dhe mikpritja shqiptare më vendos para përgjegjsisë morale dhe akademike, që dhe unë si lektor të ris nivelin nga seminari në seminar. Ndërkohë që po më kërkon gruaja në telefon me zor pres kthimin tim në fund të marsit, tha eksperti grek. Në fund të seminarit pjesmarrësve ju dhanë certifikatat përkatëse nga zotërinjtë Hamdi Domi, Shef Departamenti i Rregjistrimit të Mjeteve Detare në Drejtorinë e Administratës Detare dhe zoti Efthimios Liberopoulos.