-Sokol Çikalleshi me 2 golshin kundër Bjellorusisë arrinë në kuotën e 10 goalve me Kombëtaren, ndërsa kuq e zinjtë me 3 golat e sotshëm arrijnë kuotën e 8 golave në grupin C të Ligës së Kombeve….

Përgatiti: Albano KOLONJARI-Per me shume foto shih ne Facebook- Gazeta Dielli…

Shqipëria e mbylli me fitoren 3-2 ndeshjet e Ligës së Kombeve., përballë Bjellorusisë.  Kuqezinjtë zunë vendin e parë në grupin e 4-tërt të Ligës C me 11 pikë dhe sezonin e ardhshëm të këtij eventimenti do të luajë në Ligën B, ku skuadrat janë më të forta dhe shumë herë më cilësore se grupi në të cilën bënim pjesë. 

          Shqipëria mbylli me sukses një sezon me luhatje. Tetë gola në tetë ndeshje e fundit me Kombëtaren për sulmuesin Sokol Çikallesh, që këtë takim shënoi një dy golësh.

 “Jam në një moment të mirë si te Kombëtarja por dhe në Turqi. Po punoj fort të mbaj këtë rritëm.Ky grup ka qenë me ekipe poshtë nivelit tonë dhe vetëm Bjellorusia është ekip që duhet të vlerësohej maksimalisht” u shpreh Sokol Çikallesh pas ndeshjes për TVSH. Me këtë dy golësh Çikalleshi arriti në koutën e 10-të golave me kombëtaren kuqezi. Golashënuesi më i mirë është Erion Bogdani me 18-të gola. Rreth këtij fakti, Çikalleshi thotë:”është një objektiv për të ardhmen, por jam akoma larg. Respekt maksimal për Erjonin që është një nga sulmuesit më të mirët të Kombëtares kuqezi në vite”.

Por vetë Erion Bogdani çfarë mendon për këtë takim?

“Rëndësi kishte fitorja. Më pëlqeu debutimi i Dokës. Gjimshiti është një shtyllë në mbrotje, gjithashtu edhe Gjasula. Meritën më të madhe e kanë sulmuesit.Çikalleshi ka luajtur shumë mirë, është një nga lojtarët kryesor dhe të shpresojmë të realizojë sa më shumë gola, për ta çuar nivelin e Kombëtares aty ku në të gjithë dëshirojmë”. 

Shumë i acaruar me analistët sportiv pas ndeshjes ishte tranjeri italian Edi Reja, që për një çast harroi që ishte direkt dhe që shumica e shqiptarëve dinë italisht. “Na çatë … Pse nuk përgëzoni lojtarët për fitoren. Ata (bjellorusët) ishin mostra. Pyesni lojtarët për furmulën 3-5-2 dhe si ndihen ata. Gjithmonë me të njëjtën histori pyetje. U bë e mërzitshme kjo. Futbolli luhet edhe me tre mbrojtësa. Doka luan në fazën ofensive. kemi shënuar 6 gola në dy ndeshjet e fundit. Në të kaluarën 1974-1975 mezi keni bërë 6 gola në ndeshjet miqësore. Sot qahemi për gola, por a është e drejtë kjo. Mbase analistët nuk dinë të shikojnë ndeshjet”.

Gjithsesi Reja edhe Kombëtraja kuqezi arritën të realizojë objektivin duke fituar vendin e parë në Grupin e 4-tër të Ligës C.  Për teknikun Reja nuk ishte e lehtë:”Djemtë treguan se duan kombëtaren, dhe duhet t’u japim meritat. Shpirti, agresiviteti që luftuan deri në fund. Memola ka një mual që s’luan, Ismajli dy muaj, Gjasula nuk luan. Dhe Veseli ka 3 ndeshje që luan vetëm me ne. Bjellorusia është e fortë fizikisht, ishte e vështirë t’i përmbanim. Luajnë fort dhe në lojën në ajër”.  Kjo u pa edhe në fushën e lojës. Kuqezinjtë kaluan të parët në avantazh. Çikalleshi kalon në avantazh Shqipërinë në të 19-tën minutë, pas një harkimi të Memollës nga e majta,  Çikalleshi me kokë tund rrjetën, 1-0. Në të 26-tën minutë, gjyqtari rumun pas sinjalit të marë nga gjyqtari anësor akordon penallti për Shqipërinë. Sulmuesi Rei Manaj,  pas një dueli me portierin rrëzohet në tokë.  Pamjet televizive tregojnë se gjyqtari është pak bujar me Shqipërinë. Çikalleshi tregohet i saktë nga pika e bardhë e penalltisë, duke dyfishuar shifrat 2-0. Ashtu si edhe në ndeshjen me Kazakistanin, Shqipëria gabon dhe kalon në “gjendje” frike. Skavish, përfiton nga një gabim në mbrojtje i Ismajlit, duke mposhtur Berishën 2-1. Bjellorusët kërkojnë të barazojnë. Në minutën e 44’ Rei Manaj. pas asistit të Gjasulës, insiston dhe  me një gjuajte potente, e dërgon topin në rrjetë. 3-1. Në pjesën e dytë tranjeri Reja, largon nga fusha fillimisht Çikalleshin dhe Memushajn dhe në vend të tyre Balaj dhe Selahi, për të freskuar mesfushën dhe sulmin, dhe pak minuta më vonë largon Manaj për Roshin. Shqipëria tenton por vuan dhe lodhja e kuqezinjëve ndihet në fushën e lojës. ” Ka shumë lojtarë që nuk luajnë as në klube. Ju e dini, nuk mund të pretendonim që në 3 ditë të ishin në formë të mirë fizike. Për sa kohë ishim mirë fizikisht, e kontrolluam ndeshje. E lëshuam për pak takimin. I komplimentoj shumë lojtarët se dhanë maksimumin. Nuk mund të bëjnë kritika”, shpreht Reja. Në 10-të minutat e fundit Shqipëria është në vështirësi. Bjellorusët shënojnë golin e dytë me anë të Ebogon. Miqtë kërkojnë të përfitojnë nga tronditja dhe një ditë jo e mirë e kuqezinjëve në mbrojtje. Gjithsesi në fund të 93 minutave Shqipëria fiton 3-2. “Djemtë treguan se duan kombëtaren, dhe duhet t’u japim meritat. Shpirti, agresiviteti që luftuan deri në fund”, thotë Reja. Mbrojtja me gabime? . “Mendoj se Memushaj shtrëngoi dhëmbët, mezi priste të dilte. Memolla çerek ore pas pjesës së dytë më tha se donte të dilte. I thashë ‘shtrëngo dhëmbët’ sepse skisha alternativa . Nëse keni parasysh, lojtarët që janë aktivizuar, ka shumë lojtarë që nuk luajnë as në klube. Ju e dini, nuk mund të pretendonim që në 3 ditë të ishin në formë të mirë fizike”. Shqipëria kishte shumë mungesa në këtë takim, duke përfshirë edhe Hysajn i cili 24 orë përpara doli pozitiv me Covid-19. Por çfarë fitoi Kombëtarja në këto ndeshje:”Momenti pozitiv ishin debutuesit Kallaku, Broja, Selahi, që nuk kanë eksperiencë, por u përgjigjën në mënyrë të shkëlqyer” shprehet Reja. 

Liga C

Grupi 4

Shqipëria 11

Bjellorusia 10

Lituania 8

Kazakistani 4