Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

BIZNESMENI I SUKSESSHËM ELTION SEFERI U ANËTARËSUA NË VATËR

by

Ne radhet e organizates me te vjeter te Shqiptareve ne Bote, para dhe pas festimeve te 100 vjetorit te themelimit te Federates Panshqiptare te Amerikes VATRA, jane anetaresuar qindra bashkatdhetare, madje numri i degeve te Vatres sa vjen e rritet. Po atehere perse po e vecojme anetaresimin e nje anetari te vetem? Vete jeta e tij,jeta e nje emigranti qe iku femije nga Shqiperia, pa perkujdesjen e te rritureve, suksesi i tij ne Amerike si biznesmen, por edhe mesazhi i tij per brezin e ri,-perbejne motivet perse po e vecojme nga te tjeret. Bashkëatdhetari Eltion Seferi, me origjinë nga Peshkopia,i biri i Dalip dhe Fatmire Seferi, është vetëm 28 vjecar, por nga biznesmenët më të sukseshëm në sektorin e ndërtimtarisë. Me kompaninë e tij” LT Construction,LLC, ai është bërë shumë i kërkuar në zonën ku veprom. E nisi me një punëtor, por sot ka shumë, ndërkohë që numri i kontraktorëve vjen në rritje, ndërsa ai klientëve, i kalon të 360-ët. Eltioni tha për Diellin se pasioni për ndërtimtarinë e ka shoqëruar që në fëmijëri. Që 15 vjec ai është marrë me ndërtimtari duke ndihmuar më të rriturit. Nuk ka dibran që të mos i jetë i pasionuar pas ndërtimtarisë, tha ai për Diellin. Emigrimi në kushte të vështira drejt Italisë, kur nuk i kishte mbushur 17 vjecët, punët dhe jeta e vështirë e emigrantit, nuk e penguan që të kryente shkollimin bazë në Venezia, ku qe vendosur.
Në SHBA emigroi për një jetë më të mirë. U vendos fillimisht tek i vëllai në Brooklyn në New York, ku punoi në ndërtim, kryesisht në riparim catishë , por edhe rinovime e ndërtime të mirfillta. Një punë ndërtimtarie në New London-CT, e lidhi me këtë qytezë dhe u vendos atje. Krijoi kompaninë e tij në fillim me një punëtor, më pas erdhi rritja. Kompania e tij prej kohësh është “kompanai e muajit” e shpallur nga Home depot rajonale.
Të mërkurën me 18 Qershor Eltion Seferi, i shoqëruar nga zv/kryetari i Vatrës, z. Agim Rexhaj, vizitoi Shtëpinë e Vatrës. Mbresat e shkëlqyera, emocionet që përjetoi, i përcolli përmes një interviste për Gazetën Dielli.
Eltioni u anëtarësua në Vatër me motivin se në Vatër ruhet atdhetaria dhe se ajo shërben edhe si urëlidhëse SHBA- trojet kombëtare.
Eltion Seferi dha një intervistë për Telvizionin Kultura Shqiptare me pronar Adem Belliu, dhe u intervistua edhe për Gazetën Dielli.(Te plote lexojeni ne Gazeten Dielli te printuar)

Gjashtë libra të shkrimtarit Salih Zogiani nga Kosova,në bibliotekën e Vatrës në New York

by

Të hënën me 29 korrik bëri një vizitë në Shtëpinë e Vatrës, z. Shaban Mehmeti, kryetar i Shoqatës shqiptaro-Amerikanë “Kosova Lindore- Preshevë –Bujanov- Medvegjë”. Pasi vizitoi mjediset e Shtëpisë së Vatrës, arkivin e saj, Ekspozitën”100 vitet e Vatrës”, dhe la shënim ën librin e vizitorëve, ai dorëzoi në bibliotekën e Federatës Vatra edhe gjashtë libra, dhuratë nga Kosova prej vetë autorit, Salih Zogiani, i cili është mjaft i njohur në fushën e mbledhjes së anekdotave shqiptare.

Z. Salih Zogiani lindi në vitin 1942 në fshatin Harilac, të Fushë-Kosovës. Studimet i kreu në Fakultetin Filozofik, Dega e Gjeografisë, në Prishtinë, të cilat i përfundoi në vitin 1968. Ka punuar mësimdhënës në Gjimnazin”Skënderbeu” të Drenasit, në Gjimnazin”Sami Frashëri” të Prsihtinës, në BVI-në dhe në Departamentin për Kulturë të Kosovës. Me mbledhjen e anekdotave merret që nga viti 1965. Ka botuar pesë vëllime në gjuhën shqipe dhe  një vëllim në gjuhën angleze.

Ka marrë pjesë në hartimin e Planit Afatmesëm për zhvillimin e kulturës, në përkthimin e Astronomisë, në hartimin dhe publikimin e shumë materialeve nga lëmi i mbrojtjes së trashëgimisë kulturore.

 Studiuesit e tij librave të tij,  kanë vënë re se z. Zogiani është familjarizuar dhe i njësuar me anekdotat. Duke dëgjuar në vazhdimësi rrëfimin lakonik të andekdotës ai ka hyrë thellë në botën e një filozofie aktuale. Prof. Ramiz Kelmendi konstaton se :Anekdotat e Salih Zogianit sjellin mesazhe, porosi me një humor të shëndoshë dhe të këndshëm, përshkruar me nota të mprehta satirike, para të cilave, nuk mund të mbetesh indifferent.Pas Anton Cetës, Salih Zogiani është mbledhësi më i mirë i anekdotave shqiptare.

Federata Vatra e falenderon autorin, që pati mirësinë dhe i dërgoi për bibliotekën e saj librat e tij. Për të interesuarit, librat ndodhen në bibilotekë dhe mund të shfrytëzohen për t’i lexuar.