Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Presidenti Thaçi: Kosova drejt njohjeve të reja

by

-Presidenti Thaçi takoi krerë të shteteve që nuk e kanë njohur Kosovën/

1 Presidenti Thaci1

AMAN, 20 Maj 2017-Gazeta DIELLI/ Presidenti i Republikës së Kosovës, Hashim Thaçi, i cili po qëndron në Jordani me ftesë të Mbretit të Mbretërisë Hashemite të Jordanisë, Abdullah II bin Al-Hussein, mori pjesë në hapjen e Forumit Ekonomik Botëror për Lindje të Mesme dhe Afrikë të Veriut, që këtë vit organizohet nga Mbretëria Hashemite e Jordanisë.Në margjinat e këtij Forumi, presidenti Thaçi ka zhvilluar takime me shumë krerë të shteteve të ndryshime të botës, me të cilët ka biseduar për promovimin dhe konsolidimin e mëtutjeshëm të Kosovës.

2 ThaciPresidenti Thaçi ka takuar Mbretin e Spanjës, Felipe VI, me të cilin ka diskutuar për promovimin dhe konsolidimin ndërkombëtar të Kosovës si dhe mundësinë e bashkëpunimit ndërmjet dy vendeve.1 ok Thaci 1Presidenti Thaçi po ashtu ka falënderuar Mbretin Felipe VI për mbështetjen që Spanja i ka dhënë Kosovës në kuadër të KFOR-it, në sigurimin e paqes dhe zhvillimin e bashkëpunimit ndërmjet komuniteteve.Në një tjetër takim, presidenti Thaçi ka zhvilluar një bashkëbisedim edhe me presidentin e Qipros, Nicos Anastasiades. Presidenti Thaçi ka theksuar se shtetet e vogla duhet të bashkëpunojnë më shumë, sidomos në shkëmbim të përvojave në fushën e zhvillimit ekonomik dhe fusha tjera.Ai ka kërkuar nga presidenti Anastasiades që të fillojë një etapë e re në marrëdhëniet ndërmjet dy shteteve, të cilat do të ndikojnë në përshpejtimin e integrimit evropian të Kosovës.

Presidenti Thaçi ka takuar edhe presidentin e Irakut, Muhammad Fuad Masum, me të cilin ka biseduar për mundësinë e bashkëpunimit ndërmjet dy shteteve. Presidenti Thaçi në këto takime ka kërkuar nga krerët e këtyre shteteve që sa më parë të marrin vendimin e njohjen e pavarësisë së Kosovës.

Presidenti Thaçi ka zhvilluar një takim edhe presidentin e Republikës së Nigerit, Mahamadou Issoufou,  me presidentin e Autoritetit Kombëtar Palestinez, Mahmoud Abbas dhe me shumë krerë dhe përfaqësues tjerë të shteteve, pjesëmarrës në Forumin Ekonomik Botëror./b.j/

Kosova kërkon njohjen nga pesë vende të CARICOM-it

by

-Hoxhaj: Pavarësia e Kosovës tashmë është një fakt gjeopolitik dhe njohja diplomatike e saj është e pandalshme dhe me një gjeografi globale/

PRISHTINË, 7 Korrik 2016-B.Jashari/ Ministri i Punëve të Jashtme i Republikës së Kosovës, Enver Hoxhaj gjatë vizitës në Guyana, po e vazhdon lobimin për t’i sjellë njohje të reja Kosovës.

Hoxhaj gjatë qëndrimit në Gyana ka kërkuar nga përfaqësuesit e pesë vendet jo njohëse, anëtare të CARICOM-it që ta pranojnë pavarësinë e Kosovës.

 Njoftimi i dërguar thekson se, në takimet e ndara që ministri Hoxhaj ka zhvilluar me presidentin e Suriname, Dési Bouterse, me kryeministrin e St Vincent dhe Grenadines, Ralph Gonsalves, me kryeministrin e Jamaicas, Andreë Holness, me ministren e Punëve të Jashtme të Barbarosit, Maxime McClean dhe me homologun e Bahamas, Frederick Mitchel, ministri ka theksuar se njohja e pavarësisë së Kosovës do të ndihmonte në realizimin e projekteve të përbashkëta.

 “Njohja e Kosovës dhe vendosja e marrëdhënieve diplomatike me këto shtete do të hapte një kapitull të ri të bashkëpunimit, ku vendet tona do të mund të koordinoheshin dhe të promovonin tema të interesit të përbashkët në të gjitha fushat e jetës”, ka deklaruar ministri. 

Hoxhaj ka shtuar se pavarësia e Kosovës tashmë është një fakt gjeopolitik dhe njohja diplomatike e saj është e pandalshme dhe me një gjeografi globale.

“Kosova është zgjeruar në rrjetin e bashkëpunimit dypalësh meqë, në një botë të ndërvarur, shtetet e vogla duhet ta mbështesin njëra-tjetrën dhe njohja që do t’i bëhej Kosovës do të ishte mbështetje më e madhe në të drejtën e saj për shtetësi”.Ministri Hoxhaj vizitën në Guyana po e zhvillon në kuadër të angazhimit për të shtuar njohjet e Republikës së Kosovës shtet të pavarur nga vendet e tjera të botës.