• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Në memorje të Dr. Selahedin Velaj

December 15, 2017 by dgreca

Ne memorje te Dr. Selahedin Velaj(Dhjetor 1922- 30 Janar2015)/

1 Selahedin-Velaj1Nga Albana LIFSCHIN/ Doktor Selahedin Velaj -një nga baballarët e komunitetit shqiptar të Nju Jorkut Jetojmë në një kohë të çuditshme kur sheh rreth e rotull njerëz që kujdesen shumë për ‘imazhin” e tyre’ publik, vetëlëvdohen, vetëkurorëzohen, u bien borive që t’i dëgjojnë të tjerët, i japin vetes të drejtën e ‘udhëheqësit’, intelektualit të “shquar” , e shkelin tokën duke bërë zhurmë. Në anën krahun tjetër qëndron një pakicë njerëzish të heshtur,modestë,fisnikë, që jetojnë me pulsin dhe hallet e komunitetit, janë të vëmendshëm ndaj tij dhe kontribuojnë shpirtërisht e madje edhe materialisht kur e do puna, pa lëshuar fishekzjarre në qiell. Në ballë të këtyre personaliteteve të respektuara për kontributin dhe modestinë e tyre , do të dalloja Dr. Selahedin Velaj. Dr. Selahedinin e kam njohur nëpërmjet gazetës së komunitetit, “Iliria”, ku botoj tashmë prej më shumë se 20 vjetësh . Më ka ndodhur disa herë që pas ndonjë shkrimi , të kem marrë letër prej Dr. Selahedinit. Më bënte përshtypje ky fakt,pasi personalisht, nuk kisha patur rast të njihesha më parë, me të. Por nuk do të kisha vlerësuar më shumë komplimentet e një miku apo mikeshe për shkrimet e mia, se sa korespondencën me Z. Selahedin. Nga letrat e tij mësova që ai jo vetëm e ndiqte krijimtarinë time,( do nënkuptoja këtu edhe të kolegëve të mi të penës) por letrat në vetvete ishin shkëmbim mendimesh për një temë të caktuar, apo për një problem të caktuar, ishin shprehje direkte e interesimit të tij intelektual dhe patriotik në disa sfera. Letrat e Dr. Selahedinit më kanë përcjellë imazhin e një intelektuali të interesuar realisht për komunitetin shqiptar të Nju Jorkut, në përgjithësi, dhe për emigrantët e rinj që hynin në këtë komunitet, në veçanti. Por jo vetem kaq. Edhe pse mbi 60 vjet i larguar nga mëmëdheu, ai mendon e merakoset për të. Në një nga letrat e tij, shprehte shqetësimin për pastërtinë e gjuhës shqipe në kohën e sotme, kujdesit që duhet të bëjë kushdo që shkruan për evitimin e fjalëve të huaja që kanë ‘sulmuar’shqipen, duke e pretenduar përdorimin e tyre si ‘kulturë’. Vitin që shkoi , kur u ktheva nga pushimet në atdhe, gjeta një letër të Dr.Velajt, e cila merrte shkas nga një shkrim i imi tek ILIRIA për një konceptim të drejtë të Kanunit të Lek Dukagjinit në përgjithësi, dhe për gjakmarrjen në veçanti , shkrim të cilin ja pata dërguar gazetës që nga Tirana.Në atë letër të gjatë, Z.Selahedin ndante pikpamjet e tij të përbashkëta mbi këtë temë , dhe përmendte veprën e Yamamotos,’si libri më i mirë që ka dalë në diasporë ,këto 20 vitet e fundit’, përkthyer nga vetë ai në shqip. Për dekada të tëra jete në komunitetin shqiptar të Nju Jorkut, me gjithë kontributin e tij të madh e të vazhdueshëm, puna e Z. Velaj nuk rresht. Edhe pas goditjes më të rëndë që mund të pësojë zemra e një prind,sic është humbja e fëmijës,Dr. Selahedin Velaj vazhdon të qëndrojë po ai sy i vëmendshëm, e po ajo zemër bujare, si një nga baballarët e komunitetit. Angazhimi intelektual, si autor, studiues e përkthyes, ndërthuret me atë prindëror, gjë do ta theksonin edhe më mirë veçanërisht ata emigrantë që kanë ndjerë nga afër ngrohtësinë shpirtërore, madje edhe atë materiale të Dr.Selahedinit për t’i ndihmuar e aftësuar ata për të nisur një jetë të pavarur në Amerikë. (Shkruar para vdekjes së Dr. Selahedinit, perfshire ne librin e Pandeli Simsisë “Legjenda vlonjate në Amerikë”. Pergezime edhe një herë autorit që përjetsoi figurën e këtij patrioti të rallë.

 

Filed Under: Komente Tagged With: Albana Lifschin, Memorie, Selahedin Velaj

VATRA NGUSHËLLOI FAMILJEN E TË NDJERIT SELAHEDIN VELAJ

February 7, 2015 by dgreca

Federata Panshqiptare e Amerikës Vatra, të premten me 6 Shkurt 2015, ngushëlloi familjen e të ndjerit Selahedin Velaj që ndërroi jetë me mbrëmjen e 31 Janarit 2015. Arkivoli me trupin e të ndjerit ishte vendosur mes lulesh dhe fotografish në një nga sallat e Gallagher Funeral Home
që ndodhet në 31 Arch Street,Greenich, CT. Të kryesuar nga kryetari dr. Gjon Bucaj, vatranët u shprehën ngushëllimet zonjës Velaj, djalit, dhe të gjithë familjes. Për të ngushëlluar familjen Velaj kishte ardhë edhe famullitari i Kishës Katolike Shqiptare don Pjetër Popaj, i biri i Imam Isa Hoxhës, Avdulla Hoxha, familje vatranësh, si zonja Lumto Uruci me të birin dr. Edëard Uruci(anëtar i degës së Vatrës Queens), Lumo Tsungu, Zyhdi Karagjozi(anëtar i këshillit të Vatrës) e të tjerë.
Nga Vatra ngsuhëlluan, Kryetari Bucaj më zonjën Nikoleta, zv/ kryetari Asllan Bushati, arkëtari Marjan Cubi, anëtari i këshillit të Vatrës Idriz Lama e Zef Përnoca dhe editori i Diellit Dalip Greca. Po ashtu njëherësh me Vatrën ngushëlluan Mhill Velaj me bashkshorten, Pier Pandeli Simsia, Astrit Tota, Ermira Muja e shumë të tjerë. (Foto-arkiv: Dr. Selahedin Velaj(djathtas) gjatë festimeve të 60 Vjetorit të Diellit,nëntor 1969 në Nju Jork, kur Vatra bashkoi shqiptarët e Amerikës me arëbëreshët e Italisë.)

Filed Under: Vatra Tagged With: FAMILJEN E TË NDJERIT, Selahedin Velaj, VATRA NGUSHËLLOI

Artikujt e fundit

  • Kosova’s 15th Anniversary of Independence Celebration
  • PAL ËNGJËLLI, KRYEIPESHKËV I DURRËSIT I SHKRUAN GJERGJ KASTRIOTIT SKENDERBEUT – PRINCIT TË EPIROTËVE PËR FILLIMIN E LUFTËS KUNDËR SULLTANIT OSMAN – MEHMETIT TË II-TË
  • In Memoriam Presidenti Woodrow Wilson
  • Thirrje !!! Ka kohe qe makina e jetes po “jep shpirt” !
  • “Fijet”, kur shteti gjunjëzohet përballë krimit
  • Qëndrimi i Kryeministrit Kurti dhe Qeverisë së Kosovës: Gjashtë kushte për Asociacionin…
  • Mirënjohje përjetë Senatorit Bob Dole
  • How Prosecutors Say a Top F.B.I. Agent Sold His Services Overseas
  • HISTORIA E HIDHUR E “KROIT TË LOTIT”
  • Ç’PO NDODH ME ALEATËT PERËNDIMORË – KOSOVA
  • BUKËPJEKËSI ME ZEMËR TË MADHE
  • Një shënim mbi librin “Esencat e mendimit letrar”, të Dr. Besim Muhadri
  • Shoqata Shqiptaro Amerikane e Punonjësve të Policisë për gjithë Amerikën organizoi aktivitetin e saj vjetor
  • Libër me vlera të veçanta në ndriçimin e figurës atdhetare, politike dhe shkencore të profesor Rexhep Krasniqit
  • Kalendar – Kosova drejt Pavarësisë: Para 16 viteve Propozimi i Ahtisaarit, SHBA e falënderonin 

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT