Shefqet Kercelli – Page 13 – Dielli

SHBA DHE POLITIKA PER BALLKANIN PERENDIMOR

August 2, 2017 by dgreca

Politika e Shteteve të Bashkuara të Amerikës për Ballkanin Perëndimor nuk ndryshon dhe mbështetja për secilin shtet do të vijojë./

2 pence 2 A76988BE-218A-4F0A-89CE-FBDD85E7DCA1_w650_r1_s

Këtë e konfirmoi zv.presidenti i SHBA-ve, Mike Pence, gjatë Samitit të Kartës së Adriatikut, që po mbahet sot në Podgoricë.“Me presidentin Donald Trump, Shtetet e Bashkuara të Amerikës do të vijojnë të mbështesin secilin nga ju, në mënyrë që të shkojmë drejt së ardhmes bashkë”, është shprehur numri 2 i Shtëpisë së Bardhë.Kjo ishte garancia që zv/presidenti Mike Pence i dha kryeministrave të rajonit, në një fjalim që mbajti në Malin e Zi në Samitin e Kartës së Adriatikut.Mike Pence: Presidenti i SHBA më dërgoi këtu si një shenjë treguese e angazhimit maskimal të SHBA për Ballkanin. Është hera e parë e parë që një zv/president amerikan viziton Malin e Zi. Mal i Zi ëshë në zemër të Europës dhe kjo mund të thuhet edhe për vendet e tjera të Ballkanit.SHBA do të vazhdojë të mbështesë të gjitha vendet e Ballkanit dhe do të përpiqet për një të ardhme më të mirë. Ky samit është tregues i angazhimit të SHBA për Ballkanin. Kjo tregon vizionin e qëndrimit tonë që ju të jeni të lirë dhe të pavarur.Karta e Adriatikut është e vendosur që të sjellë Ballkanin më afër NATO. 8 vite më parë Shqipëria dhe Kroacia iu bashkuan aleancës dhe vetëm dy muaj iu bashkua edhe Mali i Zi.Anëtarësimit i Malit të Zi tregon se NATO i mban dyert e hapura. Më lejoni tju siguroj se nën presidencën e Trump ne do të jem me ju, ndërsa ndiqni rrugën europiane së bashku.

SHBA ju mbështesin edhe në rrugën drejt BE pasi një Europë e fortë është bekim për vendet perëndimore, por edhe për botën. Nën presidencën Trump politikat e SHBA do të fikusohen tek siguria e Amerikës. Veprimet e Trump kanë treguar se Amerika e Para nuk do të thotë se Amerika është e vetme, mbështetja juaj dhe Aleanca Strategjike na bën më të fortë.Z. Pence i adresoi edhe një mesazh Rusisë.
“Rusia vazhdon përpjeket për të ndryshuar kufijtë ndërkombëtarë me forcë dhe këtu në Ballkanin Perëndimor ka punuar për të destabilizuar rajonin, dëmtuar demokracinë dhe për t’iu ndarë juve nga njëri-tjetri dhe nga pjesa tjetër e Europës. Presidenti Trump ia ka bërë të qartë Rusisë që të heqë dorë nga destabilizimi dhe unë mund t’iu siguroj se Shtetet e Bashkuara të Amerikës përjashtojnë çdo tentativë për të përdorur forcë, kërcënime apo intimidime në këtë rajon apo edhe përtej. Vendet e Ballkanit Perëndimor kanë të drejtë të zgjedhin të ardhmen e tyre dhe kjo është vetëm e drejta juaj”, ka thënë Mike Pence.
Për zv.presidentin amerikan, siguria globale kundër kërcënimit të ISIS-it është nga çështjet më kryesore. E për këtë, ai rikujtoi edhe njëherë kërkesën e presidentit Trump për rritjen e investimeve për mbrojtjen. Por, në të njëjtën kohë, Pence falënderoi vendet e Ballkanit për angazhimin e tyre në këtë betejë.
“Më pak se një vit më parë, disa prej vendeve tuaja ndërprenë planet e ISIS-it për sulme të koordinuara në Shqipëri, Kosovë e Maqedoni. Shtetet e Bashkuara iu janë mirënjohës. Mirënjohës për kontributin tuaj në fushatën globale për të mposhtur ISIS-in”, tha Pence.
E në fund, zv.presidenti amerikan u drejtoi edhe një mesazh 7 udhëheqësve të pranishëm.
“Merreni këtë mundësi nëpërmjet veprimeve tuaja, që të afroheni edhe më shumë mes vendeve tuaja dhe me Perëndimin. Mbyllini çështjet e papërfunduara në Ballkanin Perëndimor dhe përfundoni udhëtimin që ne nisëm bashkë shumë vite më parë”, deklaroi zv.Presidenti Mike Pence. {SH.K]

Vizitë historike e Zv.Presidenti Mike Pence në Evropë e Ballkan

July 31, 2017 by dgreca

Vizitë 3-ditore në Estoni, Gjeorgji dhe Mal të Zi e zotit Pence/

2.Mike Pence 3.Mike Pence Nga Shefqet Kërcelli/Zëvendëspresidenti amerikan Mike Pence, ka mbërritur në Tallin, të dielën, date 30 korrik, duke filluar kështu një vizitë tre ditore në Estoni, Mal të Zi dhe Gjeorgji.Zoti Pence ka në axhendë takime me kryeministrin estonez dhe zyrtarë të tjerë, me të cilët do të diskutojë çështjet dypalëshe. Ai do të ketë edhe një takim të ndarë me të tre liderët e vendeve të Balltikut, presidentin e Estonisë, atë të Letonisë dhe të Lituanisë.
Më pas, në ndalesën në Gjeorgji, Zvëndëspresidenti amerikan do takohet me presidentin dhe kryeministrin e këtij vendi dhe në vijim do shtrëngojë duart me presidentin malazez Filip Vujanovic dhe kryeministrin Dushko Markovic, ku do ndalet në Podgoricë të mërkurën, data 2 gusht.

Deklaratë për shtyp e Zv.Presidentit Pence, sot 31 korrik 2017
Nën drejtimin e Presidentit Donald, Shtetet e Bashkuara të Amerikës kundërshtojnë çdo përpjekje për të përdorur forcën, kërcënimet, ose nderhyrjen në shtetet baltike ose kundër ndonjë aleati te traktatit te NATO-s. SHBA qëndrojne krenare me ju, ndërsa keni punuar nën pushtimin komunist. Për disa dekada, ne nuk pranuam të njohim shtetet Baltike si pjesë e Bashkimit Sovjetik. Ndërkohë që shpresojmë për ditë më të mira dhe marrëdhënie më të mira me Rusinë, Veprimi diplomatik i fundit i ndërmarrë nga Moska nuk do të pengojë angazhimin e SHBA ndaj sigurisë sonë, sigurinë e popujve që duan lirinë anembanë botës.

Under President Donald Trump, the United States of America rejects any attempt to use force, threats, intimidation, or malign influence in the Baltic states or against any of our treaty allies. The USA proudly stood with you as you labored under communist occupation. Through all the decades, we refused to recognize the Baltic states as part of the Soviet Union.

While we hope for better days, and better relations with Russia, recent diplomatic action taken by Moscow will not deter the commitment of the USA to our security, the security of freedom-loving nations around the world.

Njoftim per median i keshilltarit per median, Ambasada Amerikane Podgorice.

2 gusht 2017 – Podgoricë, Mali i Zi

Samiti i Katërt.

Afati për Kredidhenie të Medias: E enjte, 27 korrik, në orën 2:00, ora lokale.

Mali i Zi dhe Republika e Maqedonisë do të bashkëpresin Samitin e Kartës Adriatike më 2 gusht 2017, në Podgoricë të Malit të Zi. Përveç Zëvendëspresidentit të Shteteve të Bashkuara, në Samit do të marrin pjesë edhe Kryetaret e qeverive dhe shteteve nga Shqipëria, Bosnja dhe Hercegovina, Kroacia, Kosova, Maqedonia, Mali i Zi, Serbia dhe Sllovenia, gjatë së cilës udhëheqësit do të diskutojnë për përparimin e euros – aspiratat amerikane të vendeve në rajon, avancimi i reformave, promovimi i pajtimit rajonal dhe kontributi i përbashkët në stabilitetin rajonal dhe global. Samiti do të mbahet në Podgoricë të Malit të Zi. Detajet rreth vendndodhjeve të vendit do të shpallen në media të akredituara.

Për të hyrë në çdo ngjarje të samitit, të gjitha mediave u kërkohet një kredenciale e lëshuar nga samiti, pa marrë parasysh identifikimin ekzistues federal ose zyrtar. Për shkak të kufizimeve të kapaciteteve, shumica e ndjekjes së programit do jenë në një vend, do ketë dhe mbivendosje, në varësi të përcaktimit të pjesëmarrjes në delegacione. Miratimi i akreditimit të medias, do të lejojë hyrjen në mjediset e shtypit në vendin e samitit, por nuk garanton aksesin në ngjarje specifike.Detajet shtesë lidhur me sigurinë, marrjen e kredencialeve, logjistikën e ardhjes dhe aranzhimet e paracaktuara do të lëshohen në mënyrë elektronike në median e akredituar. Akreditimi dhe Qasja

Të gjithë përfaqësuesit e medias që dëshirojnë të mbulojnë Konferencën duhet të aplikojnë për një kredenciale të medias jo më vonë se të enjten, më 27 korrik në orën 2:00. Ora e Evropës Qendrore Evropiane.

Formulari i Aplikimit për Akreditim mund të arrihet duke klikuar këtu.

Aprovimet do të lëshohen në aplikacionet e rendit që pranohen. Asnjë kërkesë e vonuar ose e minutës së fundit nuk mund të vendoset.

Orari dhe mundësitë e mbulimit

Lajmet e shtypit në Samitin e Kartës së Adriatikut do të përmbajnë cështje kryesore dhe një seancë plenare që do të zhvillohet në mes 12: 30-2: 00 p.m. Koha lokale. Një program përfundimtar do t’i dorëzohet përfaqësuesve të medias pas akreditimit.

Për këtë event, Shtetet e Bashkuara nuk presin ose parashikojnë informata të rëndësishme për anën ose mundësitë e intervistimit.

Karta e Adriatikut, histori

Vendet e Ballkanit Perëndimor: Shqipëria, Kroacia dhe Maqedonia, si vende anëtare të partneritetit për paqe (PfP) dhe të Këshillit Euroatlantik të Partneritetit (EAPC), pas Samitit të Pragës të vitit 2002, vendosën të ndiqnin të njëjtën rrugë që ndoqën në mënyrë të suksesshme vendet Baltike, të quajtura “Grupi i Vilnusit”. Bashkëpunimi ndërmjet tre vendeve aspirantë për t’u anëtarësuar në NATO, së bashku me SHBA si pjesë e Kartës së A-3, kishte një synim të vetëm: futjen e vendeve aspirantë në NATO. Krijimi i grupit të A-3, është pjesë e vizionit për të integruar gjithë rajonin në Aleancën e NATO, pasi të ishin plotësuar të gjitha kushtet e kërkuara. Në procesin e pranimit të vendeve të A-3 në Aleancë, SHBA si një partner strategjik dhe vende të tjera anëtare të NATO si këshillues specialë, realizuan një mbështetje të rëndësishme për të promovuar këtë formë të re të bashkëpunimit midis vendeve.

Ministritë e Punëve të Jashtme të Shqipërisë, Maqedonisë, Kroacisë dhe SHBA, nënshkruan në Tiranë, më 2 maj 2003, “Kartën e Adriatikut”. Bashkëpunimi brenda Kartës së A-3 do të promovonte dhe fuqizonte në radhë të parë bashkëpunimin rajonal dhe sigurinë, por edhe do rriste ndërveprimin dhe adoptimin e standardeve, nëpërmjet stërvitjeve të përbashkëta dhe aktiviteteve të bashkëpunimit të njësive respektive.
‘Karta e Adriatikut’ dhe anëtarësimi në NATO, kërkonte jo vetëm stimulimin e reformave të nisura në Forcat e Armatosura e tre vendet anëtare, por edhe reformave demokratike, respektimin e të drejtave të njeriut, të minoriteteve, impenjim në luftën kundër terrorizmit, trafikut ndërkufitar, armëve të shkatërrimit në masë, etj.
Karta e Adriatikut nuk vendosi detyrime të veçanta për të tri vendet, por vetëm kushte të përgjithshme, të vlefshme për të gjitha vendet anëtare të NATO. Përpos kësaj, siç është theksuar edhe në përmbledhjen hyrëse të Kartës, progresi i të tre vendeve do të vlerësohej bazuar në arritjet e tyre individuale.

Në mënyrë që të forcohej bashkëpunimi ndërmjet vendeve të A-3 dhe SHBA, nën drejtimin e niveleve të larta adekuate (ministër, zëvendësministër i Punëve të Jashtme), u formua një komision partneriteti. Komisioni mblidhej dy herë në vit ose më shpesh, sipas nevojave, në një nga qytetet e vendeve nënshkruese të Kartës. Synimi kryesor ishte marrja në konsideratë e realizimit të aktiviteteve dhe planëzimit të aktiviteteve të ardhshme.
Duke synuar implementimin cilësor të detyrimeve që rridhnin nga ‘Karta e Adriatikut’, u vendos që drejtimi i iniciativës së përbashkët të realizohej nëpërmjet një sistemi rotacioni gjashtë mujor. Bashkëpunimi ndërmjet vendeve aspirante u zhvillua në nivele dhe fusha të ndryshme brenda A-3. Ishin të shumta institucionet që u përfshinë në këtë proces, ku mund të përmendim: Presidentët e Shteteve, Ministritë e Mbrojtjes, Ministritë e Punëve të Jashtme, Shefat e Shtabeve, Komanda, Drejtori, etj. Krahas institucioneve shtetërore, shumë OJF u angazhuan dhe u përfshinë në këtë proces, me detyrë sigurimin e mbështetjes publike për integrimin e rajonit në Aleancën Euroatlantike.
Gjatë takimit të ministrave të Jashtëm të OSBE zhvilluar në Helsinki, Finlandë, në datë 4 dhjetor 2008, Mali i Zi dhe Bosnje-Hercegovina (BiH) iu bashkuan zyrtarisht ‘Kartës së Adriatikut’, duke shndërruar në iniciativën A-5.

Urojmë që kësaj Karte ti bashkohet zyrtarisht dhe Republika e Kosovës.

Anglia dëboi 42 mijë shqiptarë në 8 vjet

July 30, 2017 by dgreca

Një numër i lartë shqiptarësh janë dëbuar nga Britania e Madhe për shkak të dokumenteve të parregullta. Eurostat, autoriteti i statistikave të Bashkimit Europian, ka publikuar shifrat e emigrantëve të dëbuar nga shteti ishullor.

Sipas shifrave, janë rreth 500 mijë emigrantë nga vendet jo anëtare të Bashkimit Europian, që u dëbuan në harkun kohor të 8 viteve. Në vend të parë renditen shqiptarët, të cilët janë rreth 42 mijë që janë dëbuar nga Anglia, duke u ndjekur nga 23 mijë ukrainas, 17 mijë irakenë, 13 mijë shqiptarë nga Kosova dhe 13 mijë serbë.

Në total janë gjetur 60 mijë emigrantë të paligjshëm në Britani të Madhe nga të gjitha shtetet. Nga këta, 36.500 janë dëbuar duke u kthyer në vendet e tyre të origjinës.

Pritet me nderime kontigjenti i 4-të pjesmarrës në operacionin “Sea Guardian”

July 27, 2017 by dgreca

Zhvillohet ceremonia për pritjen e kontigjentit të 4-të, pjesmarrës në operacionin “Sea Guardian”/

Nga Shefqet Kërcelli/Paraditen e datës 27 korrik 2017, në Komandën e Forcës Detare, Plepa, u zhvillua ceremonia për pritjen e personelit të kontigjentit të 4-të, pjesmarrës në operacionin “Sea Guardian”.Aktiviteti u zhvillua për të vlerësuar kontributin e personelit të Forcës Detare në kuadër të këtij operacioni të rëndësishëm të NATO-s në Detin Egje.

Në ceremoni morrën pjesë Zv.Ministri i Mbrojtjes, zoti Petro Koci, Zv/Shefi i Shtabit të Përgjithshëm të FA, Gjeneral brigade Dedë Prenga, Prefekti i Durrësit, Emiljano Jani, Drejtori i QNOD, Komandantë të Forcave, Drejtorë të Drejtorive në MM dhe SHP, kuadro dhe detarë të Forcës Detare e Reparteve vartëse, personeli i kontigjentit të 4-të dhe familjarë të tyre, etj.

Mbas ekzekutimit të Hymnit Kombëtar, të pranishmit i përshëndeti Komandanti i Forcës Detare, Gjeneral major Ylber Dogjani, i cili i uroi mirëseardhjen kontigjentit të 4-të të operacionit të përbashkët në Detin Egje. “ Ndjehem krenar për faktin se, kontigjenti i katërt ka realizuar me sukses misionin e ngarkuar, tha zoti Dogjani, duke justifikuat plotësisht besimin e Ministrit të Mbrojtjes, Shtabit të Përgjithshëm, Komandatit të Forcës Detare dhe familjeve tuaja”. Në vijim Gjeneral Dogjani shtoi se, me përkushtimin dhe profesionalizmin tuaj, pavarësisht kushteve të vështira të motit e detit, ju zbatuat në kohë të gjitha detyrat e ngarkuara, duke dëshmuar se jeni të denjë e barabartë përkrah detarëve të vendeve aleate”.

Më pas përshëndeti Zv. Ministri i Mbrojtjes, zoti Petro Koci, i cili tha se, së pari ju me këtë mision keni rritur me prova profesionalizmin tuaj, duke bashkëpunur, bashkërenduar, duke qenë në Komandën e Përbashkët të NATOs, në një operacion të përbashkët të saj. FD ka marrë një certifikatë që është e zonja të kryejë jo vetëm misione të tilla, por edhe me të vështira. Ndaj ju falenderoj për këtë provë të treguar, jo vetëm para nesh por dhe para ndërkombëtarëve.

Së dyti, ne mburremi para taksapaguesve se, paratë e tyre nuk shkuan dëm, paratë e tyre nuk shkuan kot. Ato janë kthyer në mision, në shërbim të paqes, të sigurisë. Ne përfaqsojmë atë pjesë të shtetit që i shërbejnë misionit, kushtetutës.Dhe ky mision ndërkombëtar tregoi se i shërben popullit, aleancës, shërbim ndaj popujve të tjerë, kundër migracionit të paligjshëm që sjell rreziqe të mëdha për stabilitetin social…Ndaj ne e meritojmë plotësisht vlerësimin e partnerëve tanë të SHBA e vende të tjera të NATOs.

Ju shpreh mirënjohjen për këtë shërbim që i bëtë vendit, kushtetutës, NATO-s, falenderoj familjet tuaja që ju ndoqën me dhëmshuri cdo ditë në misionin tuaj në Detin Egje. Ju jemi mirënjohës për atë që bëni…. Në fund zoti Koci uroi dhe kontigjentin e 5-të që aktualisht është angazhuar në operacionin “Sea Guardian”.

Ceremonia vijoi me dhënien e medaljes për “Pjesmarrje në operacione humanitare”, akorduar Flotiljes Detare të Pashalimanit, nga Zv.Shefi i Shtabit të Përgjithshëm të FA, Dedë Prenga. Medalja u vendos në Flamurin Luftarak të Flotiljes Detare Pashaliman.

Në fund të ceremonisë pjesmarrësit bënë një foto të përbashkët.

Po sot, në Komandën e Forcës Detare u zhvillua ceremonia për dhënien e gradave të reja, për një pjesë kuadrosh oficerë dhe nënoficerë të Forcës Detare.

Të rinjtë Kosovarë vizitojnë Komandën e Forcës Detare/

July 21, 2017 by dgreca

Një grup anëtarësh të Shoqatës së Atlantikut në Kosovë vizitojnë Komandën e Forcës Detare/
Nga Shefqet Kërcelli/Më datën 20 korrik 2017, një grup anëtarësh të Shoqatës Rinore të Atlantikut nga Kosova {KYATA, Kosovo Youth Atlantic Treaty Association, Shoqata e Paktit Atlantik të Rinisë së Kosovës}, zhvilluan një vizitë në Komandën e Forcës Detare. Në pritjen e miqve nga Kosova morën pjesë Komandanti i Forcës Detare, Gjeneralmajor Ylber Dogjani dhe kuadro të shtabit të Forcës Detare. Mbasi i uroi mirëseardhjen, Gjeneral Dogjani i njohu shkurtimisht vizitorët nga Kosova me misionin e Forcës Detare, përpjekjet për reformimin dhe transformimin e kësaj force sipas standarteve të aleancës, operacionet e kryera në hapësirën tonë detare dhe pjesmarrja në operacionin “Sea Guardian”. Zoti Dogjani i uroi suksese anëtarëve të shoqatës atlantike të Kosovës në misionin e tyre për promovimin e vlerave të NATO-s në shoqërinë kosovare, që ndikon pozitivisht dhe në synimin e shtetit të Kosovës për anëtarësimin në këtë aleancë. Në vijim Kapiten i Rangut të III-të, Blerim Hoxha, i shpjegoi gjerësisht përfaqsuesve të KYATA, disa tregues kryesorë të Forcave Detare që lidhen me dislokimin dhe organizmin e kësaj Force, misionin, {pse një forcë dy misione?}, strukturat përbërëse, mjetet në përdorim, vendbazimet, personelin, infrastrukturën dhe planet e modernizimit. Gjithashtu kapiten Hoxha i njohu pjesmarrësit e këtij takimi me Sistemin e Vëzhgimit të Hapësirës Detare, QNOD dhe institucionet e saj përbërës, bashkëpunimi rajonal, operacionet në kuadër të NATO-s, etj. Anëtarët e KYATA, ndoqën me vëmendje cështjet e trajtuara për Forcën tona Detare dhe bënë pyetje të ndryshme që lidhen me monitorimin e hapësirës sonë detare. Në fund të takimit ata falenderuan Komandantin e Forcës Detare për pritjen e bërë dhe shfaqën dëshirën për të bashkëpunuar në të ardhmen me aktivitete të tjera të përbashkëta. Në ditët e qëndrimit në Shqipëri përfaqsuesit e KYATA, zhvilluan takime dhe seminare në Komandën e Doktrinave dhe Stërvitjes dhe institucione të tjera të Ministrisë së Mbrojtjes. I kontaktuar nga ana jonë, zoti Besim Salihu, Kryetar i Shoqatës KYATA, na njohu shkurtimisht me veprimtarinë e kësaj shoqate në Kosovë dhe më gjerë. E themeluar që në vitin 2010, Shoqata e Paktit Atlantik të të Rinjve të Kosovës, ka për qëllim kryesor të promovojë vlerat Euroatlantike të Aleancës së NATO-s, jo vetëm tek rinia, por tek gjithë shoqëria kosovare. Këtij qëllimi i kanë shërbyer rreth 17 aktivitete të ndryshme të organizuara nga kjo shoqatë gjatë këtyre viteve, si seminare, konferenca, tubime, etj. ku janë trajtuar tema për sigurinë, rrugët dhe mënyrat e integrimit euroatlantik dhe NATO, për diplomacinë, funksionimin e shtetit ligjor, mardhëniet civilo-ushtarake në një shtet demokratik, lufta kundër terrorizmit, mardhëniet ndërkombëtare, etj. Këto tema janë trajtuar dhe në aktivitetet e zhvilluara në vendin tonë, që përbën dhe edicionin e 7-të të aktiviteteve të KYATA. Duhet theksuar se anëtarësia e kësaj shoqate përfshin jo vetëm të rinj nga Kosova, por dhe nga Shqipëria, SHBA, Maqedonia, Kroacia, Spanja, Anglia, Suedia, Holanda, Franca, Mali i Zi, etj. Shoqata funksionon mbi baza vullnetare dhe gëzon mbështetjen e opinionit dhe mjaft institucioneve në Kosovë. Le ti urojmë suksese në udhëtimin e nisur Shoqatës së të Rinjve Atlantikas në Kosovë!