Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SOT- Kosova voton, ditë e mirë ecje në zhvillim demokratik

by

-Ambasadori Amerikan në Prishtinë, Greg Delawie, ka vizituar Demokracinë në Veprim, e cila për këtë ditë të zgjedhjeve lokale ka rekrutuar mbi 2 500 vëzhgues në të gjitha komunat dhe vendvotimet në Kosovë/

1 ambasadori amerikan

 Ne Foto:Ambasadori Amerikan Greg Delawie, ka vizituar Demokracinë në Veprim/

1 Behluli ok

SPECIALE-Gazeta DIELLI nga korrespondenti në Kosovë Behlul JASHARI, i akreditur nga Komisioni Qendror i Zgjedhjeve/

1 ok zgjedhje

 PRISHTINË, 22 Tetor 2017/ Atmosferë e një dite të mirë zgjedhjesh lokale dhe e ecjes në zhvillimin demokratik të Kosovës është sot në votimet për kryetarët dhe asamblesitët e komunave.Nga ora 7:00 deri në 19:00, në gjithë Kosovën do të jenë të hapura 899 qendra votimi me 2.505 vendvotime, ndërsa numri i votuesve të regjistruar është 1.890.952.1 plaku voton

Në këto zgjedhje lokale, të gjashtat në liri e të tretat në pavarësi, garojnë 91 subjekte politike, prej tyre 35 parti, 30 iniciativa qytetare, 25 kandidatë të pavarur dhe 1  koalicion.2 Kosove zgjedhje

“Sot është dita e fjalës tuaj, prandaj, shfrytëzojeni duke votuar për komunën tuaj”, është mesazhi drejtuar qytetarëve i Komisionit Qendror të Zgjedhjeve në Kosovë, i cili thekson se  janë ndërmarrë të gjitha masat për një proces fer, demokratik dhe për të shprehur lirshëm vullnetin.

1 Kosova zgjedhje“Për komunën tënde. Voto” është sllogani i Zgjedhjeve Lokale 2017 në Kosovë, të cilat po monitorohen nga mëse 33.200 vëzhgues të akredituar, rreth 100 të misionit të dërguar nga Bashkimi Evropian.Ambasadori Amerikan në Prishtinë, Greg Delawie, ka vizituar Demokracinë në Veprim, e cila për këtë ditë të zgjedhjeve lokale ka rekrutuar mbi 2 500 vëzhgues në të gjitha komunat dhe vendvotimet në Kosovë.Votohet në të gjitha 38 komunat e Kosovës, prej të cilave 27 janë me shumicë shqiptare, e  në 11 komunitetat pakicë e bëjnë shumicën – në 10 serbët e në 1 turqit.Misioni i OSBE-së në Kosovë ka dërguar 220 përfaqësues në komunat veriore me shumicë serbe, të cilët u ofrojnë këshilla teknike komisioneve komunale të zgjedhjeve lokale.KQZ ka hapur zyrtarisht Qendrën Mediale, e cila është një hapësirë e veçantë për mediat e akredituara në Ditën e Zgjedhjeve Lokale të 22 tetorit dhe pas saj, e ku do mbahen edhe konferenca për shtyp, nga të cilat dhe për zhvillimet e rezultatet e zgjedhjeve do raportojë Gazeta DIELLI, organ i Federatës Panshqiptare të Amerikës VATRA, me korrespondentin në Kosovë.