MANHATTAN NYC : Kryetari i Dhomës së Tregëtisë në Manhattan Ken Biberaj së bashku me anëtarët e Komitetit Ekzekutivë, ka zhvilluar një takim të veçantë me zyrtaren e lartë të Administratës së Presidentit Obama, zonjën Valerie Jarrett, e cila është këshilltare e lartë në Shtëpinë e Bardhë dhe Asistente e Presidentit për Çështje Ndërqeveritare dhe angazhimit publik.

Me këtë rast siç njofton Dhoma e Tregëtisë në Manhattan – New York, pos një serë çështjesh ata kan diskutuar edhe kandidaturën e Presidentit Obama për emrimin e ri në Gjykatën e Lartë, në SHBA, dhe Reformën në Drejtësin Penale dhe një mori temash të tjera të rëndësishme për komunitetin e biznesit.

                        Fjala hyrëse në këtë takim, simbas njoftimit është mbajtur nga Charles Phillips, CEO – Infor, ndërkohë, që pas tij ka folur Këshilltarja e lartë, e administratës Obama, për Çështje Ndërqeveritare dhe angazhimit publik. Valerie B. Jarrett.

 “Kjo, ngjarje ka qenë e veçantë për anëtarët MCC, dhe partnerët tanë, për të mësuar më shumë për mundësitë e partneritetit”, shkruan në faqen e saj të internetit Dhoma e Tregëtisë në Manhattan.

   Kurse, në statusin e tij privat në Facebook, Biberaj, ka postuar fotografitë e takimit, ndërsa shkruan se ai “ka mbetur me të vërtetë i kënaqur duke pritur, dje në New York, në Odën Ekonomike të Manhattan, për një bisedë në lidhje emërimin e Presidentit, Scotus, dhe reformën e drejtësisë penale dhe çështje të tjera të rëndësishme”.

Ndërkohë, më 1 Dhjetor 2014, ka qenë Komiteti Ekzekutiv i Dhomës së Tregëtisë në Manhattan i cili kishte votuar në mënyrë unanime, për të zgjedhur shqiptaro-amerikanin Ken Biberaj si Kryetar të Bordit të Drejtorëve në një njoftim të dhënë nga kryetarja e Komitetit, Nancy Ploeger, e cila e ka lavdëruar Biberajn si një zgjedhje simbas saj ideale për këtë post.

Mbasi, thuhet se ka qenë pikërisht veprimtaria e tij, në ndihmë të bizneseve të vogla të zonës që e nxorri në pah Ken Biberajn edhe në kuadrin e Dhomës së Tregëtisë në Manhattan. Zgjedhja e Ken Biberajt, në këtë post prestigjoz në Tregëti, është përshëndetur e duartrokitur nga avokatë të njohur të çështjes së bizneseve të vogla si Kathryn Wylde, Presidente dhe CEO e “Partnership for New York City” si dhe Rosin Rubin, CFO e “Attitude New York”.

Ken Biberaj, Kryetari i Bordit të Drejtorëve të Dhomës së Tregtisë në Manhattan – NY, është dhe zv/ President në biznesin e famshëm restorantin Russian Tea Room .