te Vatres – Dielli

KONSULLATA E KOSOVES URON PRESIDENTIN E VATRES

June 12, 2017 by dgreca

KONSULLATA E PËRGJITHSHME E KOSOVËS URON KRYETARIN E RI TË VATRËS, Z. DRITAN MISHTO/

Komuniteti Shqiptar në SHBA e ka mirëpritur zgjedhjen e z. Dritan Mishto në krye të Federatës Panshqiptare të Amerikës. Organizata dhe individë nga komuniteti shqiptar i kanë dërguar z. Mishto urime të ngrohta duke shprehur besimin se Vatra, Organizata historike 105 vjecare e shqiptarëve të Amerikës, ashtu si për më shumë se një shekull do t’i shërbejë me përkushtim cështjes Kombëtare dhe do t’i prijë komunitetit shqiptar të Amerikës.

Gjatë ditës së djeshme kryetari i sapozgjedhur, z.Dritan Mishto, mori urime nga Konsullata e përgjithshme e Republikës së Kosovës në Nju Jork.

Po e sjellim të plotë urimin zyrtar të dërguar nga zonja Teuta Sahatcija, Konsulle e përgjithshme:

REPUBLIKA E KOSOVËS

KONSULLATA E PËRGJITHSHME NË NJU JORK

REPUBLIC OF KOSOVO

CONSULATE GENERAL IN NEW YORK

NJU JORK, 12 QERSHOR 2017

I nderuar z. Dritan Mishto,

Më lejoni fillimisht të shpreh mirënjohjen time për Ftesën bujare për të marrë pjesë në punimet e Kuvendit të Federatës Panshqiptare të Amerikës “VATRA”. Do të ishte një nder dhe kënaqësi e madhe që t’Ju bashkohesha në këtë datë historike të 10 Qershorit, jo vetëm për faktin e përvjetorit të Lidhjes Shqiptare të Prizrenit, por 10 Qershori shënon edhe një ndër ngjarjet më të rëndësishme të historisë së re të Kosovës, atë të tërheqjes së trupave okupatore dhe fundin e pushtimit të Serbisë mbi Kosovën.

Unë me kënaqësi mora lajmin për ardhjen Tuaj në krye të Federatës Panshqiptare të Amerikës”VATRA”. Përfitoj nga ky rast, i dashur Dritan,t’ju përgëzoj përzemërsisht dhe t’ju uroj sukses në kryerjen e detyrave tuaja të reja. Dua gjithashtu të rikonfirmoj gatishmërinë time për të bashkëpunuar me Vatrën në dobi të interest të përgjithshëm.

Kujtojmë se Kosova është Republikë e pavarur, e njohur nga shumica e shteteve anëtare të Kombeve të Bashkuara, në proces të integrimit në struktura euro-atlantike dhe pjesë e organizmave të shumta ndërkombëtare politike, ekonomike e sportive. Qytetarët e Kosovës, janë më të vendosur se kurrë, që në partneritet me SHBA-të dhe vendet e BE-së, ta bëjmë Kosovën shtet të denjë të familjes Europiane, pjesë të NATO-s dhe të zhvilluar ekonomikisht.

Duke dëshiruar t’ju shoh së shpejti tek vizitoni Misionin Diplomatik të Republikës së Kosovës në Nju Jork, Ju përshëndes me Konisderatat e mia më të larta!

Teuta Sahatcija

Ambasadore

Nju Jork, 12 Qershor 2017

30 ABETARE DHE 30 FLETORE PUNE PËR SHKOLLAT SHQIPE TË VATRËS

April 13, 2017 by dgreca

Të Enjten me 13 Prill 2017, në mesditë, Kryetari i Vatrës dr. Gjon Buçaj, së bashku me anëtarët e Kryesisë Marjan Cubi dhe Dalip Greca-Editor i Diellit, pritën mësuesin nga Shqipëria, Dhimitër Vata, i cili aktualisht është mësues historie në Shkollën 9 vjeçare”Ibrahim Basha” në Kamëz-Tiranë. Mysafiri shoqërhej nga Skënder Meta, Luan Vata dhe Paris Cara. Mysafiri është në përfiundim të një vizite në SHBA.

17814646_1622213087807626_2646624906748474509_o 17758505_1622213251140943_9045481905738566236_o 17966212_1622214491140819_6319678044705133262_o 17966354_1622213787807556_4989273857710436312_o 17814675_1622214981140770_3233839729474030603_o

Kryetari Buçaj i uroi mirëseardhjen mysafirëve dhe i informoi për veprimtaritë dhe qëndrimet e Vatrës për zhvillimet në shtetet shqiptare dhe trojet etnike, veçanërisht për krizën në Shqipëri. Duke folur për Vatrën, Kryetari Buçaj, tha se Vatra është në prag të 105 vjetorit të themelimit të saj dhe të Kuvendit vjetor, ku do të bëhen edhe zgjedhjet e reja, pasi të përfundojnë ato të degëve nëpër Shtetet e Amerikës së Veriut dhe Kanada,të cilat zgjedhin delegatët e Kuvendit.

Në emër të mysafirëve z. Dhimitër Vata falenderoi kryetarin Buçaj me bashkëpunëtorë për pritjen e ngrohtë në Vatër. Skënder Meta, tha se tek Vatra, ne ish të persekutuarit e Shqipërisë, gjatë diktaturës komuniste, kishim varë shpresat për përmbysjen e sistemit.

Editori i Diellit i njohu mysafirët me veprimtaritë historike dhe Kombëtare të Vatrës, duke u ndalur në pikat kulmore të fushatave Kombëtare të Vatrës.Po ashtu ai i njohu mysafirët edhe me historinë 109 vjeçare të Gazetës “Dielli”, të cilën e editon që prej 8 vitesh.

Më pas mysafirët kanë vizituar arkivin e Vatrës dhe Bibliotekën e saj. Z Dhimiter Vata shkroi në librin e vizitorëve këto mbresa:”Sot, 13 prill 2017, më në fund u realizua një dëshirë e kahershme për të vizituar selinë e Federatës Panshqiptare të Amerikës “Vatra”, krijesë e kolosëve Fan S Noli, Faik Konica me bashkëpunëtorët e tyre. U ndjeva veçanërisht mirë kur preka historinë dhe gjurmët kombëtare të Vatrës Shqiptare. Biseda e ngrohtë me Kryetarin Gjon Buçaj, anëtarin e Kryesisë Marjan Cubi dhe Kryeredaktorin e Diellit Dalip Greca ma bënë më emocionuese këtë vizitë.

Shumë respekt për Vatrën dhe vatranët. Një punë titanike Kombëtare prej më shumë se një shekull në shërbim të Kombit, na bën të gjithë ne shqiptarëve që ta nderojmë Vatrën dhe vatranët. Shqiptarët duhet ta dinë se këtu në SHBA është një Vatër, që e ka jetëgjatësinë më të hershme se vetë shteti i pavarur shqiptar dhe se në vitet kritike të mosegzistencës së Shtetit shqiptar të vdekur, ajo ka luajtë rolin e vetë shtetit. Nderim Vatrës dhe Vatranëve!

Në fund të takimit z. Dhimitër Vata i dorëzoi Kryetarit të Vatërs 30 Abetare dhe Fletore Pune për shkollat shqipe të Vatrës, të cilat ai i kishte blerë me shpenzimet e veta. Në njërën nga Abetaret, dhuruesi shkroi për nxënësin që do ta përdorë librin:” Dhuratë për ty, o bir/ bijë Shqiptari! Mësoje dhe besoje këtë gjuhë të të parëve të tu se kjo është gjuhë e shkruar dhe e ruajtur me gjakun e brezave”!

Dhimitër Vata, Nju Jork, 13 Prill 2017

Kryetari i vatrës dr. Gjon Bucaj, e falenderoi për këto dhurata të cmuara, të cilat do dërgohen shumë shpejt drejt shkollave shqipe në Florida nga vetë ai dhe Marjan Cubi, që do të vizitojnë degët ne fund të prillit.

Presidenti i Nderit, Agim Karagjozi, mori pjesë në Mbledhjen e Këshillit të VATRËS

July 14, 2015 by dgreca

Të dielën me 12 Korrik në mesditë u mblodh Këshilli i ri i Vatrës, për të parën herë pas Kuvendit vjetor që i zhvilloi punimet e Jecksonville me 31 Maj 2015. Me duartrokitje u prit hyrja e Presidentit të Nderit të Vatrës, inxhinier Agim Karagjozi në sallën e mbledhjeve. Z. Karagjozi, që nga viti 2010, kur dha dorëheqjen, për shkak të shëndetit, nuk ka mundur që të jetë pjesë e veprimtarive të Vatrës, por kryesia e Vatrës, miqtë tij, nuk janë ndarë prej tij,kanë rujatë lidhjet, kanë shkuar dhe e kanë takuar në Shtëpi.
Duke i përshëndetur anëtarët e Këshillit dhe kryesinë, z. Karagjozi, që shoqërohej nga i biri Zyhdi Karagjozi,(anëtar i Këshillit të Vatrës), tha se ndjehej shumë i emocionuar që gjendej sërish mes tyre pas shumë kohësh. Gjithësesi, tha ai, nuk i kam shkëputur marrdhëniet me Vatrën përmes shokëve, kryesisë së Vatrës, përmes Gazetës Dielli, gazetës Illyria, i kam ndjekur me shumë interes zhvillimet në Vatër, veprimtaritë e saj, shtimin e anëtarësisë, krijimin e degëve të reja nëpër shtete të ndyshme të Amerikës, fushatave që keni bërë, dhe për të gjitha këto keni përgëzimet e mia.
Z. Karagjozi, që e drejtoi Vatrën për dy dekada, nuk ka kursyer asgjë për Vatrën. Ai shquhet jo vetëm për kontributet financiare, por edhe për frymën patriotike rilandase, që e ka karakterizuar. Në përkrahje të fushatës së Vatrës për ngritjen e arkivit historik të saj, sistemimit të bibliotekës, z. Karagjozi, dhuroi 300 dollarë, ndërsa i biri, z. Zyhdi Karagjozi,( që në vitin 1995, bëri Vatrën me Shtëpinë e saj, duke mos marrë asnjë përfitim për zyrën e tij), dhuroi 700 dollarë. Gjithësesi Vatra e ka Shtëpinë e saj trikatëshe sot sepse z. Agim Karagjozi, që drejtonte Komisionin e Fondit të Vatrës, i grumbulloi dhe i ruajti me fanatizëm fondet e Shtëpisë për dy dekada e më shumë.
Z. Agim Karagjozi mbanë tituj”Qytetar Nderi i Gjirokastrës”, Urdhërin e Artë të Shqiponjës, si dhe “Nderi i Kombit”. Ai vjen nga një familje nacionalsite, babai i tij ishte me Ballin Kombëtar dhe vetë z. Agim Karagjozi ishte i ri aktiv në radhët e Ballit, madje mori pjesë edhe në luftimet në Kosovë. Në fund të Luftës së Dytë Botërore bashkë me babanë u arratsiën në Itali, që andej në Turqi. Në Stamboll i riu Agim Karagjozi studioi në Robert College , duke u diplomuar për inxhinier. Në fund të viteve ’50, ai erdhi në SHBA dhe që në fillim u përfshi në gjirin e Vatrës, nga e cila nuk është ndarë as sot.(Fotografite i shihni ne Facebook.Më gjërësisht për mbledhjen e Këshillit do të lexoni në Diellin e Printuar)

SHENIM RRETH DEKLARATES TE KESHILLIT TE FEDERATES PAN-SHQIPTARE TE AMERIKES “VATRA”

April 5, 2015 by dgreca

D E K L A R A T E/
E Keshillit Qendror te Federates Panshqiptare te Amerikes “VATRA”/
***************
(Shenim.- Ne vitin 1949, Patrikana Greke e Stambollit dergoj ne Shtetet e Bashkuara nji “peshkop” grek “shqipfoles” i quejtun Mark Lipa, me qellim te marre ne dore Kryepeshkopaten Orthodokse Autoqefale Shqiptare, (KOASH) te themelueme dhe te mirembajtun nga i ndjeri Imzot Fan S. Noli. Ardhja e “Peshkop Lipes” shkaktoi nji ndamje te forte ne mesin e popullsise orthodokse ketu ne Amerike, dhe rrezikoi perfundimin e Kishes (K.O.A.SH) ne nji dege te Kishes Greke te Amerikes. Ne mes te veprimeve anmiqsore te nji grupi te shqiptareve orthopdoks te Bostonit, ka qene edhe nji fushate shpifje e organizueme dhe e drejtueme kunder te ndjerit Imzot Fan S.Noli, kryetar i KOASH-it. Ne numrin e saj 2350,date 13-19 mars 2015, gazeta Illyria e New Yorku-t botoi nji pergenjeshrim te plote te progandes pro-greke te grupit “Peshkop Lipa” shkrue nga mjeshtri i madh i pendes Imzot Fan S. Noli.
Me kete rast, edhe Federata Panshqiptare e Amerikes “VATRA” mori nji qendrim te preme kunder kesaj manovre tinzake, dhe ne nji Mbledhje Plenare te mbajtun ne New York City vendosi te leshoje nji Deklarate publike ku te sqarohej qendrimi i saj. Ma poshte do te lexoni Deklaraten ne gjuhen shqipe.
Me keqardhje duhet te pohojme se edhe disa ish emigrante politike antikomuniste, te zemruem nga qendrimi i Imzot Fan S. Nolit qe shikohej si pro-qeverise se Tiranes, nxituen dhe perkrahen “Peshkop Lipen” deri sa kuptuen gabimin e tyne. Kjo Deklarate botohet sot si shtese e shkrimit ne fletoren Illyria te New Yorkut mbi kete subjekt. Sami Repishti)
***
Boston, Mass.- Bashkesia Shqiptare ne Shtetet e Bashkuara te Amerikes ka mesuar me nje keqardhje tronditese- megjithese nuk eshte habitur- veprimtarine e koheve te fundit te ndermarrur nga Peshkop Mark Lipa kunder Diocezes Shqiptare Orthodokse ne Amerike , si dhe nje tentative tjeter ne perpjekjet e tia per te shkaterruar ose te marre ne dore kete Dioçeze.
Keshili Qendror i Federates VATRA, ne mbledhjen e tij Plenare, te mbajtur ne Sheraton Atlantic Hotel, New York City, i ndergjegjshem per pergjegjesine qe mban ne ruajtjen e interesave te bashkesise shqiptare ne Shtetet e Bashkuara, i kushtoi nje vemendje te veçante ketij rreziku te ri qe vjen nga jashte, dhe pas nje studimi te imte te gjendjes se krijuar, vendosi te adaptoje, si parim drejtonjes te qendrimit te tij kundrejt Peshkop Mark Lipes, deklaraten (e botuar ne Illyria,SR) e bere nga i ndjeri Metropolit Fan S. Noli, ish Kryetar Nderi i Federates VATRA, dhe ish Kryetar i Kishes Shqiptare Orthodokse ne Amerike. Deklarata thote sa vijon:
“Patrikana Greke e Stambollit nuk eshte ne lufte vetem me Kishen ne Shqiperi. Ajo eshte ne lufte gjithashtu edhe me Kishen Shqiptare ne Amerike. Per kete qellim, Patrikana dergoi Mark Lipen, Peshkop Titullar i Lefki-t ne Shtetet e Bashkuara me 1949. Misioni i tij eshte qe te shkaterroj Kishen Shqiptare Orthodokse ne Amerike dhe te marre Kishet ne dorezim. Pretendimi i tij se eshte nga raca shqiotare nuk ndryshon aspak situaten. Ketu nuk eshte fjala per prejardhje kombetare. Ketu ka rendesi autoriteti kishetar qe ai sherben dhe natyra e misionit te tij. Ne te gjithe e dijme se ai sherben Patrikanen Greke te Stambollit, dhe misioni i tij eshte qe te vere Shqiptaret Orthodokes te Amerikes nen juridiksionin e asaj agjensie Greke dhe armike. Per kete arsye ai eshte vetem nji Peshkop grek, pavaresisht nga origjina e tij. Ska asnji dyshim se perpjekja e tij eshte Don Kishoteske dhe e pa shprese. Ai nuk mund te kthej prapa rroten e historise”.
Keshilli Qendror i Federates VATRA muar ne shqyrtim gjithashtu faktin se nje propagande e çthurur ka mepire ndjenjat e detyres morale te disa bashkeadhetareve tane.
Eshte nje krim te ushqesh ne mendjet e bashkesise shqiptare ne Shtetet e Bashkuara iluzionin se zgjidhja e vetme e problemit te krijuar artificialisht ne Kishen tone Shqiptare Orthodokse eshte te pranosh nji peshkop te paligjeshem dhe qe ka bere veten Kryetar te Kishes. Nuk ka dyshim se eshte shume me e ndereshme te deklarosh haptas –ashtu siç vepron VATRA- se nje grup njerezish preferon sundimin e individit me shume se sundimin e ligjit, dhe se ky grup njerezish deshiron te imponoje vullnetin e tij kunder frymes dhe shkrimit te Kushtetutes. Duke manovruar me permbajtjen e errte te nje letre, ata kane hedhur poshte ligjin themeltar te Diocezes sone qe eshte formuluar, shkruar dhe aprovuar nga i njejti leader, kujtimin e te cilit ata pretendojne te nderojne sot. Pas nje perdeje te mjegullte fjalesh, qellimi i vertete i tyre duket akoma i qarte: ata po perpiqen te krijojne nje precedent ne shkeljen e Kushtetutes sot qe emocionet kane arrijte kulmin, me qellim qe te jene te lire te perserisin akoma me vone, sipas kapriceve te nje grupi ambicioz, me pikesynimin e fundit te nenshtrojne plotesisht Diocezen tone interesave te ketij grupi. Eshte pikerisht ky qendrim i gabuar qe perben rrezikun e vertete per Kishen Shqiptare Orthodokse ne Amerike.
Prandaj, VATRA ka marre persiper detyren qe te veje ne dijeni te gjithe Shqiptaret e Amerikes per faktin se ligji themeltar i njerit nga institucionet tona, d.m.th. i Kishes Shqiptare orthodokse te Amerikes po shkelet vazhdimisht. VATRA ve ne dukje faktin se eshte e para here qe bashkesia Shqiptare ketu ne Shtetet e Bashkuara po perballon nje rrezik te tille, i cili po te mos ndalohet mund te behet vdekje-prures per Diocezen Shqiptare Orthodokse ne Amerike. VATRA i drejtohet te gjithe bashkesise Shqiptare ne Shtetet e Bashkuara pa dallim feje dhe bindje politike te bashkohen ne nje perpjekje te sinqerte per te zhvilluar akoma me shume frymen e lire dhe demokracine mbrenda institucioneve tona, duke krijuar keshtu nje shembull te shkelqyer per brezenite e sotme dhe te ardhme.
Ne duhet te veprojme ne kete drejtim per arsyen e thjeshte dhe themelore se eshte e vetmja menyre e drejte me veprue.
Me ne fund, Keshilli Qendror I Federates VATRA perkrahu unanimisht deklaraten e bere ng Presidenti i saj, me te cilen ai premton ndihme morale dhe materiale te pa kursyer per Diocezen Shqiptare Orthodokse ne Amerike ne luften e saj kunder nderhyrjes se huaj, dhe ne perpjekjet e saj per te jetuar si nje institucion fetar dhe shqiptar I lire.
Nga KESHILLI QENDROR I FEDERATES PAN-SHQIPTARE TE AMERIKES “VATRA”
12 qershor 1966
Sheraton Atlantic Hotel-New York City
******************
(Shenim 2: Per kete sherbim modest timin per VATRA-n, nji grup te gabuaresh nga Bostoni, te kryesuar nga i ndjeri Peter Minari akuzuan VATRA-n se sherbehet nga “turqit”. Natyrisht kjo influence greke qe njeh vetem orthodoks (greke) dhe
“mysliman” (turq) eshte perdorue shume per mashtrime edhe ketu ne Amerike.SR)
(Marre nga gazeta DIELLI (The Sun), vol.56, Nr. 20, data 22 qershor 1966, f.1)

AKADEMIA E SHKENCAVE E REPUBLIKES SE SHQIPERISE PROPOZON DEKORIMIN E BANDES MUZIKORE TE VATRES

February 12, 2015 by dgreca

ESHTE PROPOZUAR EDHE DEKORIMI I PROF> THOMA NASSI(PAS VDEKJES)/
Në një mesazh që editori i Gazetës Dielli mori këto ditë nga kompozitori dhe etnomuzikologu i njohur Prof. Dr. Vasil L Tole, mësoi se Akademia e Shkencave të Republikës së Shqipërisë i ka propozuar Presidentit të Repubikës, dekorimin e Bandës Muzikore të Vatrës, e cila luajti një rol të jashtzakonshëm jo vetëm ndër shqiptarët e Amerikës, por edhe në Shqipëri, kur u kthye në shkurt të vitit 1920 me mission kombëtar.
… Është rasti që të ndjekim gjurmët e Bandës së Vatrës nga Worcester-i, Massachusetts në Shqipëri.
Banda”Vatra” kishte për themeluesThoma Nassi. Ajo lindi në Worcester, Massachusetts, më 1917. Kjo e dhënë vjen nga themeluesi i saj Thoma Nassi, por në një shkrim të botuar në Dielli në prill 2012, Frederik Stamati dhe Ariola Prifti, japin datën 17 dhjetor 1916, ndërkohë që po aty konfirmohet se në vulën mbi instrument është stampuar data 11 dhe jo 17. Në kujtimet që ka lënë Nassi e përshkruan bandën Vatra si një krijesë që e kërkoi koha. Ajo përbëhej nga emigrantë të zakonshëm që nuk kishin as përvojë dhe as dije muzikore. Natyrisht që kishte edhe njerëz të dijshëm në të, sic ishte dhe kompozitori i Hymnit të Vatrës, Ajdin Asllani, i diplomuar në Bukuresht. Por pjesa më e madhe ishin punëtorë që punonin tërë ditën në fabrika, por me vullnet dhe dëshirë arritën që brenda një viti të mësonin dhe të përballonin me sukses koncerte të shumta në Boston, Worcester, New Bedford, Massachusetts, në Camp Devens, në Portland, Biddeford, në Maine, dhe në qytete dhe qyteza të tjera, koncerte të cilët u dhanë për llogari të Kryqit të Kuq Amerikan dhe organizatave të tjera të bamirësisë. Ndërkohë ekzistonte në SHBA dhe një bandë tjetër muzikore e djemëve shqiptar të Amerikës, në Jamestown në New York, e cila drejtohej nga korçari tjetër, Thoma Vishnja.Kjo quhej banda “Sofia” për nder të Mbretëreshës Sofia, e shoqja e Princ Wiedit dhe ishte krijuar që më 1915.
Banda e Vatrës luajti një rol të vecantë edhe gjatë fushatës së madhe të Vatrës”Të shpëtojmë Shqipërinë” fushatë që nisi me 3 Qershor 1917. Banda me koncertetet e saj I dha hov fushatës duke nxitur bujarinë e shqiptarëve të Amerikës. Në ditën e parë të nisjes së fushatës edhe anëtarët e Bandës nuk e mënjanuan veten, por i shkundën xhepat dhe iu bashkuan thirrjes që vinte nga vargjet e Nolit” Nëno mos ki frikë/ Se ke djemtë në Amerikë, poezi qe u krijua pikerisht ne ato dite te nxehta kur Vatra ksihte hapur fushaten per Shpetimin e Shqiperise, duke mbledhur per te mbrjte Shqiperine ne Konferencen e Paqes plot 150 mije dollare.…/. Të gjithë anëtarët e Bandës ishin dhurues bujare dhe mesatarja e dhurimit te Bandes se Vatres I afrohej mesatares së degëve. Të mos harrojmë vlerën që kishte dollari në atë kohë, kur punëtori mund të siguronte me shumë mund 7-8 dollarë në jave. Rekoredt e Vatrës nga data 3 qershor 1917 përcillet ky informacion nga fushata për anetarët e Bandës: Profesor Thoma Natssi dhuroi 10 dollarë, Kosta Pano $15, Vangjel Sotir $15, Zissi Morcka $10, Sotir Terptasi 10, Zissi Stavre $10, Petraq Th Peci $10, Vasil Kristo $10, Petro Ndina $5, Petro Themistokli $ 5, Sami Isuf $10, Rauf Grapshi $ 15, Dhimitri Kristo $5, Kosta Shoqo $5, Lambi M. Qirko $10, Stavre Z. Boboshtica $10, Kristaq Vasil $10,Lazo Shagla $10,Bajram Konispoli $10.
Ky rekord na jep dhe një informacion te plote për emrat e pjestarëve të Bandës. Bëmat kombëtare të Bandës muzikore të Vatrës janë të njohura.
Në pranverën e vitit 1920 ishte hedhur idea e dërgimit të një grupimi të konsiderueshëm emigrantësh në Shqipëri për të ndihmuar çështjen kombëtare. Prej kohësh nën drejtim e Aqif Përmetit kishin nisur përgatitjet për stërvitjen e trupave vullnetare dhe rreth 120 ushtarë ishin të gatshëm për t’u nisur drejt Shqipërisë. Bashkë me ta ishte hedhur ideja që të nisej edhe banda muzikore e Vatrës, si dhe disa atdhetarë të dijshëm, që me kontributin e tyre do t’i ndihnin çështjes kombëtare.
Problemi qëndronte se kush do ta drejtonte bandën muzikore të Vatrës? Thoma Nassi ishte i vetmi që kishte përvojën e duhur dhe njohuri profesionale. Ai asokohe sapo qe liruar nga ushtria amerikane, ku kishte shërbyer si drejtues i një orkestre. Nassi e kishte një arsye njerëzore që të hezitonte për t’u nisur, pas lirimit nga shërbimi ushtarak ishte martuar. Në shënimet e lëna në formë kujtimesh ai e pohon se “nusja e re ishte një arsye hezitimi”, por për shkak se banda nuk mund të shkonte pa drejtuesin e saj dhe se ai ishte i vetmi që mund ta kryente atë detyrë, i dha fund mëdyshjes dhe u nis së bashku me grupin muzikor.
Udhëtimi u realizua me një anije italiane, por italianët u nxorën shumë pengesa gjatë kalimit në Itali, siç u nxorën edhe në Shqipëri, ku i shpallën ”persona non grata”. Pas një qëndrimi të shkurtër në Brindizi, anija u lejua që të nisej drejt portit të Durrësit. Populli i priti me brohoritje në port, edhe pse italianët që atë kohë mbanin të pushtuar Durrësin, e shtuan përshëprimën dyshuese për misionin e tyre. Duke qenë se përveç Durrësit, italianët mbanin të pushtuar edhe Vlorën, Tepelenën, Sarandën e Gjirokastrën, i shihnin dhe i trajtonin si persona të dyshmtë bijtë e shqiptarëve të Amerikës. Pas një qëndrimi disaditorë në Durrës u nisën me kamionë drejt Tiranës, ku populli, qeveria e përkohshme dhe klerikët i pritën me brohoritje, lule dhe bujari. Qeveria e kishte kuptuar vlerën e një turneu të bandës së Vatrës për të rritur moralin e popullatës dhe për ta bërë atë më koshiente për çështjen kombëtare, që ishte e kërcënuar….
Banda e Vatrës sipas kujtimeve të Prof. Thoma Nasit arriti deri në frontin e Luftës së Vlorës.
Me 1929, Faik Konica, qe ishte ne Shqiperi per nje vizite te gjate pune, para se te kthehej ne Amerike, shtroi nje darke per Banden e Vatres, e cila tashme ishte kthyer zyrtarisht ne Bande Kombetare e Shtetit Shqiptar. Konitza u tha djemve dhe professor Nasit, fjale shume levduse.
Më shumë mund të lexoni në Gazetën Diellin e printuar, shkruar nga editori.