thirrje per pjesmarrje – Dielli

THIRRJE PER DEMONSTARTË/

Shoqatat shqiptare me origjinë nga trojet tona etnike nën Mal të Zi, me veprimtari në SHBA-së,të bashkuar si asnjëherë tjetër më pare,ju bëjnë thirrje që të merrni pjese në demonstratën,që do të organizohet në Washington DC me datën 8 Prill 2014, me rastin e vizitës të kryeministrit malazias Gjukanoviq në Washington DC. Demonstrata do të mbahet para Shtëpisë së Bardhë dhe Ambasadës së Malit te Zi .

1.   Shoqata “ Ana e Malit “ – New York
2. Shoqata “ Dedë Gjon Luli “ – New York
3.   Fondacioni “ Dom Simon Filipaj “ – New York
4.   Fondacioni “ Plavë-Guci “ – Nmew York
5. Fondi Humanitar “ Malësia “ – New York
6. Shoqata Atdhetare “ Malësia e madhe “ – Detroit
7.   Shoqata Atdhetare “ Kraja “ – New York
8.   Shoqata “ Ulqini “ – Chikago
9. Rrënjët Shqiptare (Albanian Roots) – New York

10. VATRA – New York

11. Shoqata Rugova – New York

12. Shoqata Kosova Lindore – New York

13. Albanian American Foundation – New York

I bëjmë thirrje komunitetit shqiptar në SHBA-së,Ligës Qytetare Shqiptaro-Amerikane, Këshillit Shqiptaro Amerikan dhe gjithë shoqatave me origjinë nga trojet tona shqiptare me veprimtari në SHBA-së, që ta përkrahin këtë demonstratë, të marrin pjesë masive dhe të solidarizohen me vëllëzërit tanë që gjinden nën Malin e Zi ! Kjo demonstratë organizohet për të ngritur zërin e protestës kundër politikës diskriminuese të cilën, aparati shtetëror malazias ushtron vazhdimisht kundër bashkëkombasve tanë në vendlindje. Është koha që të parandalojmë integrimet e Malit të Zi në botën demokratike, është koha që ne shqiptarët autoktonë nën Mal të Zi të kërkojmë me forcën e arsyes, që t’i gëzojmë të gjitha të drejtat, sipas konventave të botës demokratike. Është koha kur shtetit të Malit të Zi t’i thuhet “ STOP “ aplikimit të politikave të dyfishta ndaj shqiptarëve. Nisja behet ne mënyrë te organizuar me autobus , ne Bronx, Arthur avenue para lokalit te Gjergj Dedvukaj “Giovanni” dhe ne Brooklyn kryqezimin Church dhe McDonald, ditën e Merkure me daten 8 Prill 2014, ne ora 4:30AM. Apelojmë tek te gjithë te interesuarit qe ti bëjnë rezervimet për udhëtime me autobus sa me shpejt. New York – Për rezervimin e vendeve ne autobus ju lutem telefononi: per Bronx, Agim Rugova 917 291 0138 dhe Fahredin Kukaj 201 304 1113, Brooklyn, Mustaf Ahmetaj 917 548 6273. Detroit- Nisja behet ne mënyrë te organizuar me autobus, nga oborri i Kishës së Shën Palit në Rochester Hills, ditën e Hënë, me 7 Prill, 2014, në ora 8 të mbrëmjes. Për rezervimin e vendeve ju lutemi telefononi: 586-530-0373 dhe 586-929-9062.

Ju faleminderit per mir kuptim,

Mustaf Ahmetaj

Kryetari i Vatrës Dr. Gjon Buçaj, permes gazetes Dielli online, u ka bërë thirje të gjithë vatranëve të marrin pjesë në protestën e dibranëve që mbahet nesër para Kombeve të Bashkuara në New York/

NEW YORK : Kryetari i Vatrës Dr. Gjon Buçaj, permes gazetes Dielli online, u ka bërë thirje të gjithë vatranëve të marrin pjesë në protestën e dibranëve që mbahet nesër para Kombeve të Bashkuara në New York. Në mesazhin e Vatrës thuhet se Shoqata Atdhetare Dibra lajmëron komunitetin shqiptar se këtë të premte më 20 dhjetor 2013, në orën 12 të ditës, do të organizohet një tubim proteste në sheshin e njohur Dag Hamarskjold Plaza para ndërtesës së OKB-së, kundra vendimit të Qeverisë Maqedonase për të ndrruar rrjedhjën e lumit historik të Radikës me ndërtimin e nji hidrocentrali. Uji i Radikës do të derdhej në Vardar drejt detit Egje, në vend të rrjedhjes natyrore drejt perëndimit sipas vendimit të Qeverisë së Nikolla Gruevskit..

Në thirrje thuhet se ky veprim do të shkaktonte dëmtime të mëdha ekonomike dhe ekologjike e tjera, për popullatën e Dibrës së Madhe.

Me këtë rast Shoqata Atdhetare Dibra i është drejtuar Federatës Patriotike Vatra, shoqatës më të vjetër në komunitet, Vatrës që luajti rolin e shtetit në vitet e pavarësisë së Shqipërisë, dhe asaj që dha një kontribut të paçmuar në çështjen kombëtare në Amerikë, që të thërrasë anëtarët e vet për t’a mbështetë sa më shumë këtë proteste me pjesemarrjen e tyre, për ta bërë sa më masive.

Në thirrjen e Vatrës, theksohet se protesta është shumë e nevojshme, prandaj jeni të thirrun për pjesëmarrje sa ma të gjanë në këtë tubim me vlerë e domethanje kombëtare thotë Kryetari i Vatres dr. Gjon Bucaj.

Thirrjes për protestë nesër në sheshin e njohur Dag Hamarskjold Plaza para ndërtesës së OKB-së, i janë përgjigjur për pjesmarrje edhe Shoqata Palvë e Gusi, Shoqata Ana e Malit, Partia Lëvizja e Legalitetit, Balli Kombëtar, organizata Rrënjët Shqiptare, Komuniteti i Artistëve Shqiptaro Amerikan, Këshilli Kombëtar Shqiptaro – Amerikan, Liga Qytetare Shqiptaro Amerikane, Fondi i Përbashkët i Patersonit, Këshilli Shqiptaro Amerikan, shoqata Shoqëria Shqiptaro Amerikane, e të tjera./korrespondenti/

ORGANIZATORET E DEMONSTRATES NE WASHINGTON, THIRRJE PER PJESMARRJE MASIVE

VATRA,thirrje për pjesmarrje masive në protestën e Dibraneve para Kombeve të Bashkuara