Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

13 QERSHOR 1912, VATRA U NJOH NGA SHTETI AMERIKAN I MASSACHUSETTS

by

Vatra feston 111 vjetorin e njohjes së themelimit si Federatë. Më 13 Qershor 1912 Federata Pan-Shqiptare e Amerikës VATRA njihet zyrtarisht prej shtetit të Massachusetts. Vatra, pas njohjes zyrtare shtetërore mori diplomën e saj (Charter), të shënuar prej z.Albert P.Langtry, asokohe sekretar i Shtetit të Massachusetts. Në aplikim të njohjes zyrtare shtetërore ishin të shënuar emrat e Faik Be Konitza, Lambi Chikozi, Fan S. Noli, Kristo Floqi, Elia Tromara, Naum Cere dhe Kosta Kota.

Prej 111 vitesh Federata Vatra vazhdon me dinjitet, krenari e nder përçimin e vlerave më të larta të kombit tonë, ruajtjen dhe ekzistencën e trashëgimisë kulturore, patriotike, sociale, ekonomike dhe historike të shqiptarëve në Amerikë. Prej 111 vitesh Vatra vazhdon fuqishëm punën, përpjekjet e përkushtimin kolosal ndaj komunitetit shqiptar në Shtetet e Bashkuara e çështjes kombëtare në mërgatën e Amerikës.

Vatra e ngrohtë shqiptare, zjarri i pa shuar i atdhedashurisë mban gjallë dhe sot e 111 vite shpirtin patriotik shqiptar përtej Atlantikut. Vatra është historia, krenaria dhe identiteti i shqiptarëve të Amerikës.

VATRA DËNON SKENARËT SERBO-RUSË NË VERI TË KOSOVËS

by

New York, 30 Maj 2023 – Federata Panshqiptare e Amerikës VATRA ndjek me shqetësim të shtuar dhe vëmendje të posaçme situatën e tensionuar në veri të Kosovës ku me skenar të Serbisë dhe Rusisë po organizohen protesta të dhunshme në Komunat Leposaviq, Zubin Potok dhe Zveçan.

Federata VATRA dënon me ashpërsi çdo skenar serbo-rusë që ka synin sulmin ndaj institucioneve kushtetuese të Republikës së Kosovës, sigurisë publike të shtetasve të Kosovës, paqes e sigurisë në Rajon.
Federata Vatra mbështet fuqishëm shtetin e Kosovës, Institucionet demokratike dhe ligjzbatuese, integritetin territorial, sovranitetin e paprekshëm, rendin, sigurinë publike dhe të mirën e qytetarëve të Kosovës.

Federata Vatra dënon sulmin ndaj përfaqësuesve të KFOR, Policisë së Kosovës e gazetarëve shqiptarë e të huaj në Kosovë.

Federata Vatra i bën thirrje vendeve të Bashkimit Europian dhe Shteteve të Bashkuara të Amerikës që të bëjnë gjithçka që të vazhdohet dialogu Kosovë-Serbi, të quhet qetësia, stabiliteti e paqja për më shumë siguri në Rajon e Ballkan.

Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm.

Me shqetësim dhe pranë Kosovës

Kryetari i VATRËS

Elmi BERISHA

VATRA PËRSHËNDET APLIKIMIN E KOSOVËS PËR ANËTARËSIM NË BASHKIMIN EUROPIAN

by

New York, 15 Dhjetor 2022 – Federata Pan-Shqiptare e Amerikës VATRA përshëndet dhe mbështet aplikimin e shtetit të Kosovës për anëtarësim në Bashkimin Europian. Ky është një akt historik për Republikën e Kosovës dhe qytetarët e saj.

E ardhmja e shtetit të Kosovës është pa dyshim familja e madhe europiane, BE dhe Organizata e Traktatit të Atlantikut të Veriut, NATO. Kosova përfaqëson më së miri vlerat dhe aspiratat evropiane.

Kosova ka bërë progres të jashtëzakonshëm vitet e fundit në konsolidimin e institucioneve, forcimin e demokracisë, respektimin e shtetit ligjor, luftën ndaj korrupsionit, respektimin e lirive e të drejtave themelore të njeriut, transformimin rrënjësor të shtetit në standarde për ta sjellë sa më afër Bashkimit Evropian.

Pranimi sa më parë i Kosovës në BE dhe NATO rrit sigurinë, paqen, stabilitetin, zhvillimin dhe bashkëpunimin në Ballkan e më gjërë.

VATRA dhe shqiptaro-amerikanët do të bëjnë gjithçka për të ndihmuar shtetin e Kosovës në në rrugën e saj drejt BE-së dhe integrimit europian.

Për Federatën Pan-Shqiptare të Amerikës VATRA
Kryetari
Elmi Berisha

VATRA URON TË GJITHË SHQIPTARËT GEZUAR FESTËN E FLAMURIT KOMBËTAR DHE 110 VJETORIN E PAVARËSISË SË SHQIPËRISË

by

Në emër të Federatës Panshqiptare e Amerikës VATRA, të familjes sime, të të gjithë vatranëve dhe shqiptaro-amerikanëve ju uroj nga zemra: Gëzuar 28 Nëntorin – festën Kombëtare të Pavarësisë së Shqipërisë dhe Flamurit tonë Kombëtar.

Kjo ditë është e shenjtë për të gjithë ne. Është një ditë lavdie, krenarie, gëzimi dhe reflektimi të thellë se çfarë mund të bëjmë më shumë për Atdheun tonë. Solemnisht, sot më më shumë se kurrë, përkujtojmë e nderojmë aktin e lartë patriotik të themelimit të shtetit shqiptar, mëvetësinë që plaku i urtë i Vlorës, Ismail Qemali, Luigj Gurakuqi, Dom Nikoll Kaçorri, Hasan Prishtina, Isa Boletini, Mid’hat Frashëri, Lef Nosi, Iljaz Vrioni, Pandeli Cale, Isa Boletini e shumë personalitet të kombit tonë si firmëtarë të Pavarsisë, e bënë shtetin shqiptar të lirë, të pavarur dhe sovran. Shpallja e pavarësisë së Shqipërisë është moment kulminant i daljes nga robëria osmane pesë shekullore. Sot më lejoni të shpreh nderimet e mia më të thella dhe mirënjohje të veçantë patriotëve të shquar, luftëtarëve të lirisë, dëshmorëve të Atdheut dhe çdo shqiptari që nuk iu dhimbs asgjë në mënyrë që Atdheu të gëzojë lirinë dhe pavarësinë e tij.

Në këtë ditë të nderimi dhe mirënjohje ftoj të gjithë shqiptarët që të jemi më të bashkuar, më solidarë, më të dashur, më bashkëpunues me njëri-tjetrin që ta çojmë përpara drejtë përparimit, progresit, zhvillimit dhe lulëzimit atdheun tonë të bukur e të shtrenjtë. Mesazhet e Vatrës në këtë festë Pavarësie janë kombëtare, vëllazërore dhe të përjetshme në shërbim të kombit e çështjes sonë kombëtare.

Zoti e bekoftë Shqipërinë, Kosovën, Amerikën dhe miqtë e kombit shqiptarë.

Gëzuar përjetë e mot festa e Pavarësisë së Shqipërisë dhe Flamurit Kombëtar.

Me respek e gëzim

Kryetari i VATRËS

Elmi BERISHA

TE VATRA MË 27 NËNTOR: SIMPOZIUM SHKENCOR: “110 VJETORI I PAVARËSISË SË SHQIPËRISË DHE PROCESI I NDËRTIMIT TË SHTETIT KOMBËTAR”

by

Më 27 Nëntor 2022, Ora 2:00 PM

Adresa: 2437 Southern Blvd Bronx, NY 10467

(Selia Qendrore “Vatra” New York)

Federata Pan-Shqiptare e Amerikës “Vatra” me rastin e 110-vjetorit të Pavarësisë së Shqipërisë

Organizon SIMPOZIUM SHKENCOR Me temë: “110 VJETORI I PAVARËSISË SË SHQIPËRISË DHE PROCESI I NDËRTIMIT TË SHTETIT KOMBËTAR”

C:\Users\Dori\Downloads\IMG_5346.JPG

27 nëntor 2022, Ora 2:00 PM

Adresa: 2437 Southern Blvd Bronx, NY 10467

(Selia Qendrore “Vatra” New York)

Pjesëmarrja juaj na nderon.

PROGRAMI 

Regjistrimi i pjesëmarrësve 

Ora 1:30-2:00  PM

Fjalë përshëndetëse 

Ora 2:00-2:15 PM

Z. Elmi Berisha, Kryetar i Federatës Pan-Shqiptare të Amerikës “Vatra”

Z. Alfons Grishaj, Nënkryetar i Federatës Pan-Shqiptare të Amerikës “Vatra”

Shkëlqesia e Saj Znj. Floreta Luli-Faber, Ambasadore e Republikës së Shqipërisë në Uashington DC 

Z. Agim Rexhaj, President Nderi i Federatës Pan-Shqiptare të Amerikës “Vatra”

SIMPOZIUM  SHKENCOR

Ora 2:15 PM 

Fjala e hapjes Paulin Marku

Drejtojnë aktivitetin shkencor: 

Paulin Marku, Idriz Lamaj, Fran Shkreli, Marjana Zeneli Bulku, Pashko Camaj, Sokol Paja 

Referojnë: 

  1. Beqir Meta, Pavarësia e Shqipërisë dhe hapat e parë të qenësishëm drejt konsolidimit të saj dhe shtetit shqiptar
  2.  Bernard Zotaj, Parësia dhe Ismail Qemali
  3. Muharrem Dezhgiu, Roli i bektashinjve në sendërtimin e Shtetit Kombëtar (vitet 20-të, Shek. XX) 
  4. Idriz Lamaj, Pavarësia e Shqipërisë në këndvështrimin historiografik të Rexhep Krasniqit.
  5. Fran Shkreli, Kreshniku kombëtar Ded Gjo’ Luli “Malësori që mujti”.
  6. Paulin Marku, Qëndrimi i deputetëve shqiptar në parlamentin e Stambollit për çështjen shqiptare dhe sfidat për Pavarësinë e Shqipërisë   
  7. Marjana Bulku, Rilindja Kombëtare dhe Kongresi i Manastirit, roli dhe kontributi historiko-kulturor në ruajtjen dhe konsolidimin e unitetit dhe identitetit kombëtar
  8. Rafael Floqi, 1913 – Farsa e “Trashëgimtarëve” të fronit të Shqipërisë
  9. Besim Muhadri & Bedri Muhadri, Roli dhe kontributi i Kristo Floqit në Pavarësinë e Shqipërisë dhe në ndërtimin e institucioneve të Shtetit Shqiptar
  10. Majlinda Lacaj, Rilindësit kombëtar shqiptar, roli dhe kontributi i tyre historik dhe kulturor në funksion të unitetit dhe mbijetesës së kombit shqiptar
  11. Zef Ujkaj, Planet e aleatëve ballkanik dhe ideja e Pavarësisë së Shqipërisë
  12. Sokol Paja, 20-vjetori i Pavarësisë së Shqipërisë, pasqyrim në gazetën “Dielli”

Koha për kumtim 10 minuta

Diskutime 4:15-4:30 PM 

Bordi organizativ i simpoziumit shkencor:

  • Paulin Marku (kryetar) 
  • Idriz Lamaj (anëtar)
  • Fran Shkreli         (anëtar) 
  • Marjana Zeneli Bulku (anëtare) 
  • Pashko Camaj (anëtar)
  • Sokol Paja (anëtar)