Vatra – Page 2 – Dielli

Shqipëria totalitare, roli i opozitës dhe qëndrimi i Vatrës

October 8, 2020 by dgreca

Nga Sokol PAJA-

Shqipëria po rrëshket drejtë një autoritarizmi ekstrem. Ndryshimet e njëanshme kushtetuese, votimi i njëanshëm në kundërshtim me frymën ligjore, kushtetuese, politike, faktorin ndërkombëtar dhe marrëveshjen e 5 qershorit të Kodit Zgjedhor, ka minuar çdo progres të arritur me ndërmjetësimin e SHBA dhe faktorit politik e diplomatik europian. Përbindëshi politik në ikje, Edi Rama, kryeministri më i keq në historinë e Shqipërisë në tranzicion, së fundmi ka shkatërruar një progres të brishtë politik të arritur mes pushtetit absolut totalitar Ramist dhe opozitës reale jashtë institucioneve. Shqipëria varfërohet çdo ditë politikisht, intelektualisht, ekonomikisht e kulturalisht. Largimi i Edi Ramës nevojë emergjente kombëtarë dhe detyrë e shenjtë patriotike. Shërbimi më fantastik që u bëjmë brezave tanë. Rama dhe sekti i betonit dhunoi institucionet e trashëgimisë kulturore. Rama në dy mandate u shfaq në infinit si dhunues i Kushtetutës dhe ligjeve. Rama dhe rilindja janë pushtues barbar i të gjitha institucioneve të varura e të pavarura. Rama ka vrarë shpresën dhe bindjen se Shqipëria bëhet.

Rama është shkaktar kryesor e shpopullimit të Shqipërisë. Keqqeverisja e Ramës ishte një genocid ekonomik mbi të varfrit në Shqipëri. Rama është fajtor direkt për mjerimin dhe varfërimin e popullit shqiptar. Rama në dy mandate u shfaq brutal në qeverisje, dhunues në menaxhim, shkatërrimtar i të ardhmes se brezave të tërë. Edhe pse KLSH ka denoncuar miliarda lek abuzime prej pushtetit rilindas, sekti qeveris i qetë. Rama me çuna problematikë vjedh zgjedhje, fonde publike, institucione, dekrete, vjedh ëndrrat dhe shpresat e shqiptarëve. Sekti Ramarilindja i ngjan një përbindshi gjigand që dhunon, kafshon e shkatërron gjithçka që i del përpara. Shqipërinë në këto dy mandate e drejtuan funksionarë të lartë publik të lidhur me krimin e trafiqet, me nxjerrjen e sekreteve hetimore, me dhunimin e shkeljen e të drejtave të njeriut dhe qasja diktatoriale e shkallmuese në raport me ligjin, dominoi për dy mandate. Në përballje me katastrofën politike Ramarilindja, Opozita duhet të ketë frymë të fuqishme, ekip përfaqësues, skuadër të bashkuar. Opozita duhet të ngjallë shpresë dhe besim te qytetarët. Opozita duhet të hapet, të promovojë vlera, personalitete, jo individë politik ngatërrestarë që skanë çi japin më publikut. Opozitës i duhet rigjenerim, forca të reja, energji e re, motiv i ri, frymëzim i ri. Opozitës i duhet një program real i prekshëm gjithë përfaqësues. Federata Panshqiptare Vatra duhet të luajë rolin e saj shekullor, patriotik e atdhetar duke dhënë kontribut real për të ardhmen e zhvillimin e Shqipërisë, Kosovës e viseve të tjera shqiptare në Ballkan. Për specifikat sinjifikative, aspektin historik, ndjeshmëritë e komunitetit Vatranë, takimi i lidershipit të Vatrës me ministrin e diktaturës Ruçi ishte një shëmti e pakuptimtë. Një autogol fatal. Takim me Ruçin do të thotë takim me komunizmin. Takim me diktaturën. Takim me një kriminel përgjegjës direkt për vrasjet e studentëve të dhjetorit 90 në Shkodër dhe vrasjet e të rinjve shqiptarë në kufi teksa arratiseshin prej ferrit komunist. Nëse Amerika sot e lufton me çdo mjet komunizmin, nuk mundet Vatra kurrësesi të shkojë në Shqipëri dhe të nderojë komunistët Ruçi dhe eskortën e tij. Vatra nuk duhet kurrë të kërkojë bashkëpunimin e komunistëve por të shqiptarëve patriot që duan atdheun e tyre mbi gjithçka. Sa herë Atdheu ka qenë në rrezik, Vatra e ka sakrifikuar gjënë e jetën në shërbim të kombit. Sot më shumë se kurrë Vatra ka nevojë për një axhendë afatgjatë patriotike. Vatra asesi nuk mund të bëhet dekor i një qeverie komuniste në ikje por faktor dhe kontribuese reale e një Shqipërie që lulëzon e përparon. Sot Shqipëria më shumë se kurrë ka nevojë për çdo shqiptar që të bashkohet kundër frontit të së keqes me emrin Rilindje. Një Shqipëri pa Edi Ramën dhe sektin e tij rilindas është bekimi më i madh për Shqipërinë e viteve që vijnë.

VATRA NDEROI ME “MIRËNJOHJEN E ARTË” HEROIN KOMBËTAR ADEM JASHARI DHE FAMILJEN HARADINAJ

September 30, 2020 by dgreca

Gjatë vizitës së tij në Kosovë, me 30 Shtator 2020, Kryetari i VATRËS z. Elmi Berisha ka nderuar me Mirënjohjen e Artë Heroin Kombëtar, Legjendën e Kosovës, Adem Jashari.

Mirënjohja iu dorëzuar prej kryetarit Berisha, zotit Bekim Hamëz Jashari, Kryetar i Skenderajt. Në tekstin e Mirënjohjes shkruhej: Federata Panshqiptare e Amerikës ”VATRA” nderon me Mirënjohjen e Artë Komandantin Legjendar të luftës për çlirimin e Kosovës, Heroin e Kombit, Adem Jashari (pas vdekjes).

Vatra vlerëson figurën legjendare të Adem Jasharit si arkitekt dhe komandant i Lëvizjes popullore për çlirimin e Kosovës, i cili me vizionin dhe heroizmin e tij, me qëndresën dhe sakrificat sublime të familjes, frymëzoi popullin e Kosovës në betejën finale për Liri!

Adem Jashari me heroizmin dhe sakrificat sublime të tij dhe të familjarëve, mbetet simbol i qendresës në mbrojtjen e trojeve të Arbërit ndaj spastrimit etnik të pushtuesit serb; mbetet simbol i lirisë dhe Paqes!

Duke nderuar figurën legjendare të Adem Jasharit Vatra nderon Familjen JASHARI dhe të gjithë luftëtarët e Lirisë.

Në statusin e tij në facebook kryetari i Skenderajt, nipi i heroit, Bekim Hamëz Jashari shkroi: Në një takim miqësor prita Kryetarin e Federatës Panshqiptare- Vatra, Elmi Berisha, së bashku me bashkëpunëtorë, me të cilët biseduam rreth bashkëpunimit në realizimin e projekteve të përbashkëta. Pata nderin që në emër të familjes sime të pranoj një mirënjoje nga “Vatra” për kontributin e Komandantit Legjendar Adem Jashari dhe familjes Jashari në çlirimin e vendit.

E falënderova Kryetarin Berisha për angazhimin e tij dhe lobit shqiptar në SHBA në përkrahje të shtetit tonë.Ishte konkluzion i përbashkët që shteti ynë nuk ka krijuar kushte të favorshme për investime nderkombëtare dhe për më tepër pengesat burokratike po pengojnë zhvillimin ekonomik të shtetit tonë.

Kryetari i Vatrës shoqërohej nga Vatranët Gjok Deçkaj dhe Naim Dedushaj.

MIRËNJOHJE E ARTË EDHE PËR FAMILJEN HARADINAJ

Po me 30 Shtator 2020 Kryetari i Vatrës nderoi me “Mirënjohjen e Artë” familjen Haradinaj, duke vlerësuar kontributin e kësaj familje që i dha luftës së Kosovës komandant dhe dëshmorë.

Mirënjohja iu dorëzuar z. Ramush Haradinaj i cili falenderoi Vatrën edhe përmes një statusi në facebook.Në tekstin e Mirënjohjes shkruhej: Federata Panshqiptare e Amerikës “VATRA” nderon me Mirënjohjen e Artë familjen Haradinaj për sakrificat dhe kontributin e dhënë në luftën për çlirimin dhe pavarësinë e Kosovës.

Vatra vlerëson heroizmin dhe sakrificat e familjes Haradinaj, e cila nuk kurseu as jetët e bijëve të saj për Lirinë dhe Pavarësinë e Kosovës. Ajo i dha Kosovës dëshmorë e heronj.

E gjithë familja Haradinaj ishte pjesë dhe kontribuse e luftës për liri dhe frymëzuese në betejën kundër pushtuesit serb.

Vatra nderon birin e familjes, z. Ramush Haradinaj,i cili tregoi akte heroizmi në krye të UÇK-së për zonën e Dukagjinit.

Edhe pas lufte familja Haradinaj ishte kontributore për ndërtimin e shtetit dhe demokracisë në Kosovë. Ramush Haradinaj me trimëri e zgjuarsi përballoi akuzat për krime lufte të ngritura nga Tibunali i Hagës, duke mbrojtur jo vetëm veten dhe familjen, por edhe Ushtrinë Çlirimtare të Kosovës.

BISEDIMET KOSOVE-SERBI- O’BRIEN:ËSHTË DUKE U ARRITUR PROGRES…

September 3, 2020 by dgreca

–– Fedrata Panshqiptare e Amerikës “VATRA” , ashtu si gjatë të gjithë historisë së saj 108 Vjecare, është aty ku vendosen fatet e Kombit. Një ekip i Vatrës po i ndjek nga afër bisedimet: Kryetari Elmi Berisha dhe Presidenti i Nderit Agim Rexhaj me bashkëpunëtorët e tyre në Washington janë në kontakt të vazhdueshëm me delegacionin negociues të Qeverisë së Kosovës-

Këshilltari për Siguri Kombëtare i Shtëpisë së Bardhë, Robert O’Brien, ka deklaruar të enjten se është arritur progres në ndërmjet dy liderëve, të Kosovës, Avdullah Hoti, dhe atij të Serbisë, Aleksandar Vuçiq. Takimi Hoti- Vuçiq është duke u mbajtur në Shtëpinë e Bardhë, në Uashington,raporton Evropa e Lire.

“Liderët e Serbisë dhe të Kosovës tash janë duke arritur progres. Diskutimet tona këtë mëngjes janë fokusuar në përforcim të lidhjeve ekonomike dhe në normalizim ekonomik. Në pritje për diskutime të mëtejshme këtë pasdite”, tha O’Brien në një postim në Twitter.

Ndërkaq, i dërguari i Posaçëm i presidentit amerikan për bisedimet Kosovë-Serbi, Richard Grenell, e ka përgënjeshtruar një medium, i cili ka raportuar se ai i ka paraqitur presidentit serb, Aleksandar Vuçiq, një dokument për nënshkrimin e njohjes së pavarësisë së Kosovës.

“E pavërtetë”, ka shkruar Grenell në profilin e tij në Twitter.

Më herët, ministri i Financave i Qeverisë së Serbisë, Sinisha Malli, i cili është pjesë e delegacionit të Serbisë në Uashington, u ka thënë gazetarëve që Serbia, gjatë bisedimeve, “po lufton për çdo fjali dhe për çdo fjalë”.

“Temat ekonomike, është e dukshme që nuk janë përparësi, ashtu siç kemi pritur. Pika e dhjetë e listës që na është prezantuar, flet për njohjen e ndërsjellë, ndërkaq të 16 pikat janë politike dhe jo ekonomike, të cilat i kemi pritur”, tha Malli.

Ai vlerësoi që presioni ndaj delegacionit serb është “i madh”.

“Deri më tash, ky është propozimi më i keq që e kemi parë në historinë e bisedimeve tona me shqiptarët. Por, nuk do të sprapsemi dhe do të luftojmë”, theksoi Malli gjatë një deklarate për gazetarë para Shtëpisë së Bardhë.

Në pyetjen se a mund të pritet që takimet të vazhdojnë edhe nesër, Malli ka theksuar që lidhur me këtë nuk dëshiron të spekulojë.

Përfundon pjesa e parë e takimit

Në Shtëpinë e Bardhë në Uashington është duke u zhvilluar takimi ndërmjet kryeministrit të Kosovës dhe presidentit të Serbisë, Avdullah Hoti dhe Aleksandar Vuçiq, lidhur me bashkëpunimin ekonomik mes dy vendeve.

Këshilltari amerikan për Siguri Kombëtare i Shtëpisë së Bardhë, Robert O’Brien, si dhe i dërguari i Posaçëm i presidentit amerikan për bisedimet Kosovë-Serbi, Richard Grenell, janë nikoqirë të takimit.

Arritja e liderëve, të Kosovës dhe atij të Serbisë, ishte konfirmuar përmes një postimi në rrjetin social Twitter, nga Këshilli për Siguri Kombëtare i SHBA-së.

Para fillimit të bisedimeve të enjten, Grenell ka thënë se populli i Kosovës dhe ai i Serbisë meritojnë normalizimin ekonomik dhe mundësinë për të krijuar një ekonomi gjallëruese.

“Sot jam i përqendruar te të rinjtë që duan një karrierë, një punë të mirë dhe një lidhje me Perëndimin”, ka thënë Grenell përmes një postimi në rrjetin social Twitter.

Kryeministri i Kosovës, Avdullah Hoti, para takimit në Shtëpinë e Bardhë të enjten, ka deklaruar se asnjë diskutim tjetër nuk bëhet me Serbinë, përveç se për njohje reciproke.

“Unë besoj që marrëveshja e sotme që mund të arrihet për bashkëpunim ekonomik, është një hap më afër normalizimit përfundimtar mes dy vendeve që është vetëm njohja reciproke”, ka deklaruar Hoti.

“Sot fillojmë me shumë pozitivitet takimin në Shtëpinë e Bardhë bashkë me delegacionin për të diskutuar projektet e zhvillimit ekonomik në mes të dy vendeve. Pritjet i kemi jashtëzakonisht pozitive me komunikimet që kemi pasur deri më tash. Unë ju falënderoj për interesimin, do të keni informata sapo ta kryejmë raundin e parë të takimeve”, ka shtuar ai.

Ndërsa presidenti i Serbisë, Aleksandar Vuçiq, ka thënë se pala serbe do të bëjë çmos për të arritur një kompromis për çështje të rëndësishme ekonomike.

“Ne duam paqe, duam stabilitet, duam përparimin e Beogradit, Prishtinës dhe të gjithë rajonit tonë, dhe mbi të gjitha do të duhet të kujdesemi për njerëzit tanë në Kosovë”, ka thënë Vuçiq.

Ai i ka quajtur si arrogante deklaratat e zyrtarëve të Kosovës në lidhje me njohjen e Kosovës.

“Mesazhi im për të gjithë në Serbi është: Dorëzimi asnjëherë nuk ka qenë opsion”, ka thënë Vuçiq.

Të mërkurën O’Brien ka thënë se diskutimet në Shtëpinë e Bardhë, mes përfaqësuesve të Kosovës dhe Serbisë, do të çojnë përpara paqen përmes bashkëpunimit ekonomik.

Paraprakisht ishte bërë e ditur se diskutimet mes këtyre dy shteteve do të zhvilloheshin më 4 shtator në Shtëpinë e Bardhë. Për tash, nuk është e sigurt se bisedat do të vazhdojnë edhe pas 4 shtatorit.

“Do të kemi një diskutim të enjten, do të shohim se çfarë do të ndodhë. Nëse palët janë të interesuara të bien dakord mbi zhvillimin ekonomik, Shtetet e Bashkuara e dinë se si ta bëjnë këtë dhe ne jemi të gatshëm të ndihmojmë”, ka deklaruar, në kushte anonimiteti, një këshilltar i lartë i presidentit amerikan, gjatë një bisede me gazetarë të martën.

Është paralajmëruar se projektet infrastrukturore do të jenë temat e takimit të liderëve, të Kosovës dhe Serbisë, në Shtëpinë e Bardhë. Në kuadër të kësaj, pritet finalizimi i marrëveshjeve për transportin ajror, rrugor dhe hekurudhor mes Kosovës dhe Serbisë, çështjet mbi të cilat Kosova dhe Serbia në fillim të këtij viti kanë arritur pajtim me qëllim të normalizimit të transportit, me ndërmjetësimin e Grenellit.

“Ne jemi të përqendruar kryesisht në zbatimin e marrëveshjeve, për të cilat kemi rënë dakord tashmë – për linjën ajrore, hekurudhën dhe autostradën. Këto marrëveshje do të na lejojnë të ndërtojmë zhvillimin ekonomik “, ka thënë një zyrtar i administratës amerikane, duke shtuar se këto marrëveshje, të cilat nuk janë zbatuar ende, do të diskutohen këtë javë. Megjithatë, sipas tij, bisedimet do të zhvillohen për “çdo çështje” për të cilën palët bien dakord.

“Ne do të testojmë nëse ekziston dëshira nga ana e palëve për të folur në lidhje me këto çështje. Mendoj se do të paraqesim pothuajse çdo çështje, por do të varet nga ata nëse duan të shkojnë më tej”, tha ai.

Presidenti i Kosovës, Hashim Thaçi, ka thënë se ka mirëpritur ftesën e Shtëpisë së Bardhë për takimin e ndërmjet përfaqësuesve të Kosovës dhe atyre të Serbisë ditën e enjte, “në kërkim të një marrëveshjeje për paqe”.

“E inkurajoj delegacionin e Kosovës për të bërë hapa të guximshëm drejt paqes, pajtimit dhe prosperitetit ekonomik”, ka shkruar Thaçi në Twitter.

Fedrata Panshqiptare e Amerikës “VATRA” po i ndjek nga afër bisedimet KOSOVË-SERBI-

– – Fedrata Panshqiptare e Amerikës “VATRA” , ashtu si gjatë të gjithë historisë së saj 108 Vjecare, është aty ku vendosen fatet e Kombit. Një ekip i Vatrës po i ndjek nga afër bisedimet: Kryetari Elmi Berisha dhe Presidenti i Nderit Agim Rexhaj me bashkëpunëtorët e tyre në Washington janë në kontakt të vazhdueshëm me delegacionin negociues të Qeverisë së Kosovës-

Federeata Panshiptare e Amerikës VATRA është duke i ndjekur nga afër bisedimet Kosovë –Serbi. Kryetari i Vatrës z. Elmi Berisha, I kontaktuar nga kryeredaktori I Diellit, tha nga Ëashingtoni se VATRA ka qenë afër delegacionit të Kosovës dhe ka pasë kontakte edhe para bisedimeve edhe përgjatë bisedimeve.Sot dhe nesër ekipi i Vatrës do të vazhdojë të qëndrojë në Washington.

Gjatë ditës së bisedimeve në Washington janë të pranishëm Kryetari Elmi Berisha, Presidenti i nderit Agim Rexhaj,nënkryetari Besim Malota, arkëtari Marjan Cubi, anëtari i këshillit të Vatrës Mehmet Kadrija e të tjerë. Ndërkohë ekipi i Vatrës ka pasë takime me miq amerikanë të interesuar për Kosovën. Në mbrëmje, vatranët me kryetarin e tyre Berisha e Presidentin e Nderit Rexhaj,do të jenë në një darkë pune me kryeministrin dhe delegacionin negociator.

SHQIPTARËT NË SHBA NË NDIHMË TË BASHKATDHETARËVE NË MAL TË ZI PËR TË RRITË VETËDIJEN KOMBËTARE

August 25, 2020 by dgreca

Kryetari i Vatrës Elmi Berisha dhe nënkryetari Dr. Pashko Camaj dhuruan të dy nga 1 mijë dollarë secili, ndërsa z. Jim Xhema, që shoqërohej nga Kryetari i Vatrës, dhuroi 10 mijë dollarë.
Shqiptarët e Amerikës, veçanërisht ata që janë pjesë e organizatave me anëtarësi nga trevat etnike shqiptare nga Mali i Zi, prej kohësh janë bashkuar dhe kanë krijuar frontin e përbashkët shqiptaro-amerikan, që i shërben rritjes së vetëdijes kombëtare të partive politike shqiptare në Mal të Zi, në prag të zgjedhjeve Parlamentare të 30 Gushtit 2020.

Federata Panshqiptare e Amerkës”VATRA” ka dhënë përkrahjen e saj duke u bërë pjesë të këtij fronti. Nënkryetari i Vatrës, biri i Malësisë Dr. Pashko Camaj, ka përfaqësuar Vatrën në të gjitha takimet.

Në vijim të pergatitjes per zgjedhjet parlamentare ne Mal te Zi, organiztat shqiptare me qender ne SHBA,por Jo vetëm, organizuan të enjten me 20 gusht një darkë për të mbledhur fonde per ta mbeshtetur këtë fushatë dhe për të ngritur në një shkallë më të lartë vetëdijen dhe për të rritur angazhimet e komunitetit shqiptaro-amerikan, qe se bashku te kërkohet drejtësi politike dhe vetndërgjegjësim i qytetarëve shqiptarë në Republikën e Malit të Zi, në mënyrë që përmes përbashkimit të luftojnë për të siguruar të drejtat që ruajnë identitetin dhe plotësojnë kërkesat kombëtare.

Darka e 20 gushtit kishte për organizator anëtarin e Këshillit të Bashkisë së Neë York-ut Mark Gjonaj. Kjo veprimtari u organizua ne restoarnin”Ciao” në Eastchester, NY.Vatra u përfaqësua me Kryetarin e saj Z. Elmi Berisha dhe me nënkryetarin Dr. Pashko Camaj.Kryetari Berisha dhe nënkryetari Camaj dhuruan të dy nga 1.000 doollarë, ndërsa z. Jim Xhema, që shoqërohej nga Kryetari i Vatrës, dhuroi 10 mijë dollarë.

Siç është bërë e njohur,organizatat Shqiptare në Shtetet e Bashkuara të Amerikës me origjinë nga Mali i Zi, së bashku me ato dhe Vatra, kanë qenë te angazhuara dhe kanë kerkuar nga subjekti politik shqiptare, qe në zgjedhje e 30 Gushtiti 2020, subjektet shqiptare të dalin se bashku në NJË liste të vetme. Një gjë e tillë nuk ndodhi.Megjithate, fushata e shqiptaro-amerikanëve ne perkrahjen e vlearve kombetare nuk do të ndalojë. Ata sërish u bëjnë thirrje votueseve shqiptare ne Mal te Zi, qe të ndërgjegjësohen dhe të Votojnë SHQIP, duke i çuar Votat në nëjrën nga Dy Listat Shqiptare.(DIELLI)

“PËR LIRINË NUK MJAFTOJNË KATËR STINË”

August 19, 2020 by dgreca

“PËR LIRINË NUK MJAFTOJNË KATËR STINË”-

Frashërliu Themistokli Pollo anëtar i Federatës Vatra-

Babai akademikut Stefanq Pollo, Themistokli Pollo kishte shkuar në Shtetet e Bashkuara të Amerikës, ishte emigrant dhe së bashku me Faik Konicën morën pjesë në themelimin e Federatës “Vatra”(Vatra Pan-Shqiptare ) duke u bërë mbështeteje e Fan Nolit , i cili ishte bërë lider i njohur i komunitetit ortodoks shqiptar dhe ishte një shkrimtar dhe gazetar i lëvizjes nacionaliste shqiptare. Themistokli Pollo ishte anëtar i shoqatës “Vatra “ .

Federata “Vatra “, Themistokli Pollon e kishte mbështetje të fuqishme të Lëvizjes Kombëtare Shqiptare për Shpalljen e Pavarësisë së Shqipërisë dhe e dërgon përfaqësues në Shqipëri, me një grup atdhetarësh. Themistokli Pollo, me flamurin Shqiptar të Skënderbeut në gji , kishte shkuar në atdhe për të kontribuar në kryengritjen e përgjithshme të vitit 1912. deri në shpalljen e Pavarësisë. Në mars 1913 Themistokli Pollo mori pjesë Kongresin Shqiptar të Triestes që u organizua nga Faik bej Konica. Në gusht të 1914 së bashku me Nolin shkoi në Vjenë për një kohë të shkurtër, sepse filloi Lufta e Parë Botërore dhe u kthye në maj 1915 në Boston. Themistoki Pollo ishte me delegatët shqiptaro-amerikan, të cilët u dërguan në Paris, Londër dhe Uashington për të nxitur njohjen ndërkombëtare të Pavarësisë së Shqipërisë. . Më 24 mars 1918, Themistokli Pollo shoqëron Fan Nolin, i cili ishte emëruar administrator i Kishës Ortodokse Shqiptare në Shtetet e Bashkuara dhe në fillim të korrikut të atij viti morën pjesë në një konferencë për popujt e shtypur në Mount Vernon, Virxhinia, ku u takuan me Presidentin Wilson (1856-1924), që ishte kampioni i të drejtave të pakicave në Evropë

Themistokli Pollo kishte lidhje miqësie nga gjyshi tij.me prindërit e Fan Nolit, i cili ka drejtuar cermoninë e pagëzimit të Stefanaq Pollos . Kjo lidhje miqësore vazhdoi midis Fan Nolit dhe Themistoki Pollos. në veprimtariinë atdhetare të shoqatës “ Vatra”. Familja Pollo ishte Noliste dhe përkrahse aktive e lindjes së parlamentit të parë pluralist të 21 prillit 1921, dhe dha kontribut në proceset e demokratizimit të shtetit shqiptar në vitet 1920 – 1924, dhe zhvilloi aktivitetin tregtar duke krijuar të parën angjensi turistike në jugun e vendit.

Ishte ky bazament atdhetarie që ndikoi në formimin dhe edukimin Nolist të Stefanaq Pollos, i cili në veprën “Në gjurmë të Historisë Shqiptare vëllimi 2, me rastin e 100 vjetorit të lindjes së Fan S. Nolit shkruan: “ F.S.Noli me mendimin e veprimtarinë e tij politike, shoqërore e kulturore në shërbim të atdheut zuri një vend nderi në plejadën e rilindësve e të demokratëve të shquar shqiptarë. Noli u bë një mendimtar e një veprimtar i shquar, një ideolog e një organizator i palodhur i Rilindjes sonë Kombëtare. Liria e atdheut kishte për të një vlerë supreme që lidhej me fatin e popullit të tij, me të tashmen e me të ardhmen e tij. Prandaj, luftës për ta fituar atë, Noli i nënshtroi cdo gjë tjetër.

Mësimi i parë i patriotizmit, që do ta udhëhiqte në luftën për clirimin kombëtar , që do të përcaktonte qëndrimet e tij përballë problemeve që shtronte koha, ishte shembëlltyra e Skënderbeut. Ai i bënte pyetjen që i mësoi i ungji : “Si do të vepronte Skënderbeu në një rast të tillë ? “ Dhe kjo shembëlltyrë e frymëzoi jo vetëm në vendimet që duhet të merrte për të mirën e Shqipërisë, por edhe për trimërinë e për guximin që duhej të kishte për të mos marrë parasysh vështirësi e pengesa, për të mos u ndalur para asgjëje “ dhe në vdektë, – thoshte ai për veten e vet, – do t’i vdesë më parë trupi dhe pastaj kurajua “ .

Patrioti Themistokli Pollo , anëtar i Federatës “Vatra “ përshkruan në kujtimet e tij krijimin e Federatës “ Vatra “ , midis të tjerave thotë : “

“ Unë zura vend dhe punë në qytetin Sant-Lui. Këtu në fillim u bëra ndihmës kamarier në një restorant të madh të këij qyteti, por duke mos duruar dot lodhjen e madhe vendosa të zë një punë tjetër . Në atë kohë shqiptarët në Shtetet e Bashkuara për të bërë kursime rronin nëpër konake. Edhe unë u bëra shok konaku me nja tri katër punëtorë shqiptarë. Mbrëmanet në konak bisedonim gjithnjë për atdheun, për nevojën e organizimit të luftës së armatosur për çlirimin e vendit, si dhe për nevojën e organizimit të shqiptarëve të atij qyteti. Vendosëm kështu të krijojmë një shoqëri kombëtare.

Një ditë të bukur pushimi u mblodhëm në konak, zgjodhëm dy a tri veta, të cilët do të përkujdeseshin të gjenin një avokat për të përpiluar një statut për shoqërinë që do të ngrinim së shpejti; aty pë aty u vendos që shoqërisë ti vihej emri “ Lidhja” , emër kuptimplotë, se për të çliruar atdheun duhej që të gjithë shqiptarët të ishin të lidhur, gegë e toskë, të krishterë e myslimanë, shqiptarët e Shqipërisë dhe shqiptarët që rronin në krurbet. Statuti u bë gati. Ai u lexua në një mbledhje të veçantë dhe u aprovua me brohoritje. Pastaj u bënë zgjedhjet për udhëheqjen e shoqërisë së re.

Antarët e shoqërisë, me plot entuziasëm, morën përsipër të punonin me vendosmëri për çlirimin e atdheut nga robëria turke. Për të popullarizuar këtë qëllim, të gjithë vendosëm atë ditë, që shoqëria të kishte organin e saj. Por për botimin e gazetës hasëm qysh në fillim vështirësi. Pothuajse të gjithë antarët e shoqërisë ishin punëtorë, punonin gjithë ditën për të fituar bukën e gojës dhe nuk ishin në gjendje të përballonin shpenzimet e mëdha për nxjerrjen e gazetës.”

Në ditët e errëta kur Shqipëria ishte e pushtuar, kur flitej sheshit për copëtimin e vendit- Frashërlliu Themistokli Pollo , i Federatës “Vatra”, i shtyrë nga atdhedashuria dhe i inkurajuar nga zëri i kryengritjeve shqiptare për çlirim e bashkim kombëtarë të Atdheut , krijon grupin e “Vullnetarëve të Lirisë” të Federatës “Vatra”, për të marrë pjesë aktive në çetat kryengritëse që po organizoheshin në krahinën e Malësisë së Madhe .

Me guxim e vendosmëri , me idealet e rilindësve , duke kapërxyer çdo vështirësi

Frashërlliu Themistokli Pollo me flaumrin shqiptar në gji , u nis sa më parë drejt Malësisë së Madhe. Kishte misionin historik që ta dorëzonte flamurin tek kryetrimi Ded Gjo Luli. Frashërlliu Themistokli Pollo i gëzuar i dorëzon Flamurin Ded Gjo Lulit. Biseduan sy më sy e zemër me zemër. Sytë e zemrat tyre komunikonin me gjuhën e nënës, me gjuhën shqipe, sepse “Gegëri e Toskëri “ është Shqipëri .

Kryengritja e Malësisë së madhe, pati një shtrirje gjithëpërfshirëse si në anët veriore që përfshiu viset e Hotit, Grudës, Kelmendit, Shkodrës dhe Vermoshit, ashtu edhe në verilindje atë të Shalës, Kastratit dhe Kuçit, kështu edhe në jugperëndim, kryengritja u shtri deri tek qafa e Pejës me rrethinë Kryengritja e Malësisë së Madhe e vitit 1911, tronditi përfundimisht themelet e dhunshme të Perandorisë Otomane pesë shekullore, që po jepte gërhimat e fundit, pikërisht nga goditjet e pa ndërprera të kryengritjeve shqiptare. Vet Shefqet Pasha ishte detyruar të pohonte, me anë të një shkrese para padronëve të tij se: “Edhe përkundër ashpërsisë sonë të vazhdueshme, në mënyrën më të vrazhdët, për të mbytur zërin e kryengritësve shqiptar, ata i kanë dalë zot çdo shtëpie e çdo shkëmbi. Ata, po na habisin për ditë e më shumë me gatishmërinë e tyre për të rënë kurban për lirinë e vatanit të tyre!”.

“ Vullnetari i lirisë “ Themistokli Pollo , në kujtimet e tij përshkruan qartë e me vërtetësi ngjarjet heroike të Malësisë së Madhe dhe midis të tjersh thotë :”

“ PËR LIRINË NUK MJAFTOJNË KATËR STINË”

C:\Users\HP\Pictures\vullnetaret e lirisie.jpg

Themistokli Pollo me Vullnetarët për kryengritjen e armatosur të vitit 1911

“Viti 1910 ka qenë viti i një veprimtarie të dendur politike e kulturale në radhët e shqiptarëve të Amerikës. Bëheshin konferenca mbi Shqipërinë, mbi luftën e popullit shqiptar kundër xhonturqëve. Edhe ne e shtuam agjitacionin në radhët e bashkëatdhetarëve tanë. Një ndihmë të madhe na jepte shtypi kombëtar, e cila, në lajmet që botonte mbi luftën çlirimtare në Shqipëri, i entuziasmonte shqiptarët e mërguar në SHBA. Janë mbi lëvizjen kombëtare shqiptare jepnin edhe gazetat e tjera. Njëra prej tyre ishte edhe gazeta me emrin”Atllantik” që botohej në gjuhën greke. Ne që dinim greqisht e lexonim me interes gazetën”Atlantia” që në atë kohë fliste mirë për luftën e popullit shqiptar kundër Turqisë.

Kur në malësinë e madhe shpërtheu kryengritja e vitit 1911 “Atlantia” filloi të botonte lajme të hollësishme për zhvillimin e kryengritjes kundër turqëve. Në një artikull me titull “Amazona shqiptare” gazeta vinte ne dukje trimërinë e kryengritësve dhe të grave Amazona shqiptare që luftonin përkrah burrave e vëllezërve të tyre. Mua më bëri një përshtypje të madhe ky artikull. Ja lexova edhe shokut tim të konakut Gore Dindit. U entuziasmua pa masë.

“ Vëllezërit tanë po bëjnë çudira në Shqipëri” i thashë shokut tim. “ A nuk është turp për ne të rrimë këtu në kurbet, kur atdheu kërkon ndihmën tonë”. Dhe i propozova Gores të shkonim vullentarë e të bashkoheshim me kryengritësit. Gorja pranoi menjëherë. Të nesërmen e lamë punën dhe shkuam në Boston për ta njoftuar Fan Nolin mbi vendimin tonë dhe për të biseduar mbi masat që duheshin marrë për tu hedhur në Shqipëri. Por lajmet mbi kryengritjen e malësorëve shqiptarë kishin çuar peshë edhe patriotët e tjerë të kolonisë. Një pjesë e tyre kishin lënë punën dhe kishin vendosur ashtu si ne të shkonin vullnetarë në Shqipëri. Edhe këta kishin ardhur në Boston.

Ishte fillimi i vitit 1911. Te shqiptarët e Bostonit vihej re një agjitacion i përgjithshëm. Kudo flitej për kryengritjen e malësorëve dhe për nevojën urgjente të dërgimit të vullnetarëve. Atëhere Fan Noli thirri një mbledhje me vullnetarët që donin të të niseshin për në Shqipëri, Në këtë mbledhje ai foli gjerë e gjatë mbi kryengritjen shqiptare mbi heroizmin e kryengritësve duke ngritur njëkohësisht lart inisiativën e vullnetarëve të kolonive Në mbledhje e muarën fjalën edhe vullnetarë , kryesisht korçarët.

Këtu kërkuan me këmbëngulje që kryengritja të kishte karakter të përgjithshëm që ajo të shpallej sa më parë edhe në Shqipërinë e jugut. . Fan Noli u përpoq të tregonte rëndësinë që kishte vajtja e vullnetarëve toskë në Malësinë e Madhe, në mënyrë që aty të përfaqësoheshin të gjitha krahinat e vendit e që kryengritjes t’i jepej karakter panshqiptar. Duke u mbështetur në autoritetin e Fan Nolit, u përpoqëm edhe ne të tjerët t’u mbushnim mendjen vullnetarëve korçarë që të vinin me ne në Malsinë e Madhe, ku kishin shkuar vullnetarë nga kolonitë e tjera shqiptare.. Gori Dindi dhe unë dëgjuam këshillën e Fan Nolit, i cili para se të niseshim, na porositi të takoheshim në Londër me Ismail Qemalin dhe në Podgoricë të Malit të Zi me Edith Durhamin. Ai më dorëzoi mua një letër për të dy dhe më tha : “Atyre do t’u flisni mbi lëvizjen patriotike të shqiptarëve të Amerikës e udhëzimet për punën tuaj të rëndesishme do t’i merrni nga Ismail Qemali dhe nga udhëheqësit e tjerë të kryengritjes në Podgorocë. Zoti ju ndihmoftë !”

Në skelë na përcollën shumë patriotë. Korrespodenti i një gazete amerikane, emri i së cilës nuk më kujtohet, më nxorri në fotografi dhe të nesërmen në gazetë, përveç fotografisë, u botua edhe një artikull mbi kryengritjen shqiptare. Ishin me të vërtet prekëse çastet e përcjelljes. Neve nuk na e mbante dheu sa të mbërrnim në vendin tonë të dashur …. (Vazhdon )

*Fragment nga libri botuar “Frashërliu akademik Stefanaq Pollo”

Qatip Mara

Nju Jork 16.08.2020